Þjóðviljinn - 09.03.1991, Side 2

Alþýðubandalagið
og þingkosningarnar
S gærkvöldi hófst í Reykjavík kosningaráðstefna Al-
Iþýðubandalagsins sem fram er haldið í dag. Þar
hittast trúnaðar- og forystumenn flokksins og efstu
menn framboðslista hans í kjördæmunum, en þeir
munu einnig eiga með sér sérstakan frambjóðenda-
fund á sunnudaginn. Stefnt er að því að fullmóta
kosningastefnuskrá flokksins, sem mikil vinna hefur verið
lögð í að undirbúa.
Með þessum atburðum hefst kosningabarátta Alþýðu-
bandalagsins, sem að mörgu leyti verður nú háð við
óvenjulegar aðstæður. Flokkurinn getur ekki aðeins vísað til
ýmissa farsælla verka í ríkisstjórn, sem ætti að verða hon-
um til styrktar, heldur hafa ráðherrar hans líka legið undir
þungu ámæli ýmissa flokksmanna fyrir að hafa brugðist á
ýmsum mikilvægum vígstöðvum, hvað varðar menningar-
mál, byggðamál og í samskiptum við verkalýðshreyfinguna.
Sumt af þessum ummælum og árásum hefur verið svo af-
dráttarlaust og harkalegt, að það gæti hugsanlega skaðað
flokkinn og fylgi hans í komandi þingkosningum í apríl.
Það er augljóst, að margir flokksmenn og stuðnings-
menn Alþýðubandalagsins eru á tíðum afar kröfuharðir og
gagnrýnir á verk og málamiðlanir ráðherra flokksins í ríkis-
stjórninni. Við það er ekkert að athuga. Hins vegar hefur
sumt af aðfinnslunum við verk ráðherranna verið ósann-
gjarnt eða út í hött, nema hvort tveggja væri, og borið vott
um lítinn skilning á þeirri aðstöðu sem menn komast í við
að úrskurða um meiri hagsmuni eða minni í þröngri stöðu.
Þá hefur það líka gerst í aðdraganda þessa kosninga-
undirbúnings, sem veldur nokkrum tímamótum, að á merk-
um miðstjórnarfundi á Akureyri í október 1990 var stefnu-
skrá flokksins frá 1974 lögð til hliðar og engum dylst að
margt er nú með öðrum blæ en áður í stíl og starfsemi
hans. Stórfelldar pólitískar breytingar í Evrópu, nýir straum-
ar í efnahags- og menningarsamvinnu þjóða, ný viðhorf í
skipulagi efnahagsmála og ekki síst stöðugleiki þeirra, allt
veldur þetta því að Alþýðubandalagið gengur til kosninga
með lausnir og tillögur varðandi málaflokka, sem bera það
með sér hver alvara er að baki starfinu. Alþýðubandalagið
víkur sér hvorki undan ábyrgð né verkum, þegar vandasöm
og flókin úrlausnarefni krefjast framkvæmda.
Hver er þá vígstaða Alþýðubandalagsins í stjórnmálum
augnabliksins? Varðandi stuðning kjósenda er það í fyrsta
lagi að segja, að samkvæmt vísbendingum skoðanakann-
ana skortir talsvert á að flokkurinn nái jafn miklu fylgi í vor
og árið 1987. Þó er þess að gæta að Alþýðubandalagið
hefur að jafnaði fengið lakari útkomu í viðhorfskönnunum
en í kosningum. í öðru lagi er rétt að íhuga, að margir höfðu
í Ijósi framboðsmála fyrir síðustu sveitarstjórnarkosningar
og ágreinings ríkisstjórnar við samtök háskólamanna, spáð
Alþýðubandalaginu miklum hrakförum og jafnvel að það liði
undir lok.
Allt hafa þetta reynst falsspár. Alþýðubandalagið er ef til
vill í lægð, en það hefur í raun þolað ágjöfina vel, traustir
stuðningsmenn þess eru margir.
í stað þess sem margir hugðu, að Alþýðubandalagið
stæði fyrir þingkosningar 1991 frammi fyrir djúpstæðum
persónulegum og eða málefnalegum klofningi, hefur komið
í Ijós að heitar umræður, stórar yfirlýsingar og sviptingar
undanfarinna missera hafa aðeins leitt til hógværra hreppa-
flutninga örfárra persóna, en hreyfingin sjálf hefur farið með
sóma gegnum ákaft umræðutímabil. Sé hins vegar litið til
annarra flokka, sem minna hafa verið flenntir út í sjónvarps-
fréttatímum eða á öðrum vettvangi sem sýnishorn ólgunnar,
kemur í Ijós að þar hefur víða verið á ferðinni mun harm-
rænna heimilisböl.
Alþýðubandalagið hefur í kjarna sínum einfalda og auð-
skilda stefnu: Meiri jöfnuð. Sú róttæka jafnaðarstefna sem
þar er í fyrirrúmi er í augum hinna traustu fylgismanna of
mikilvæg til þess að tímabundinn ágreiningur um útfærslur
augnabliksins, hvað þá persónulegur hagur eða metnaður,
geti raskað þeim ásetningi að starfa með skoðanabræðrum
og systrum að framgangi meginmálsins: Meiri jöfnuði. Verk-
efni kosningaráðstefnunnar felst í þessum tveim orðum og
útfærslu þeirra.
ÓHT
ÞJÓDVIIJINN
Málgagn sóslalisma þjóðfrelsis og verkalýöshreyfingar
Síðumúla 37 — 108 Reykjavík
Sími: 681333
Símfax: 681935
Útgefandi: Útgáfufélagið Bjarki h.f..
Framkvæmdastjóri: Hallur Páll Jónsson.
Ritstjórar: Ámi Bergmann, Helgi Guðmundsson
Ólafur H. Torfason.
Fréttastjóri: Sigurður Á. Friðþjófsson.
Ritstjóm, skrifstofa, afgreiðsla, auglýsingar: Siðumúla 37, Rvík.
Auglýsingar: 681310, 681331.
Umbrot og setning: Prentsmiðja Þjóðviljans hf.
Prentun: Oddi hf.
Verð í lausasölu: 100 kr. Nýtt Helgarblað: 150 kr.
Áskriftarverð á mánuði: 1100 kr.
Starfsfólk Þjóðviljans Frá vinstri: Hallur Páll Jónsson framkvæmdastjóri, Jim Smart Ijósmynd-
ari, Helgi Guðmundsson ritstjóri, Erla Hafliðadóttir setiari, Arnar Guðmundsson útgáfustjóri
Bjarka h/f, Hildur Finnsdóttir prófarkalesari, Dagur Þorleifsson blaðamaður, Drífa Arnþórsdottir
prófarkalesari. Svanheiður Ingimundardóttir starfsm. á auglýsingadeild, Unnur Agústsdóttir
starfsm. á auglýsingadeild, Bára Sigurðardóttir afgr.m., Sigrún Gunnarsdóttir skrifstofustjóri, Sig-
ríður Sigurðardóttir, starfsm. á auglysinqadeild, Halldór Jónsson bílstjóri, Ólafur Pétursson hönn-
uður, Elías Mar prófarkalesari, Halla Pálsdóttir afgr.m., Kristinn Inqvarsson Ijósmyndari, Eiður
Bergmann framkvstj. Fjölviss, Hrefna Magnúsdóttír afgreiðslustj., Sævar Guðbjörnsson útlits-
teiknari, G.Pétur Matthiasson blaðamaður, Árni Bergmann ritstjóri, Jónína Sigurdórsdóttir bíl-
stjóri, Sigurður A. Friðþjófsson fréttastjórj, Þorgerður Sigurðardottir afgr.m., Guðrún Geirsdóttir
skrifstofum., Ottó Guðlaugsson prentari, Ólöf Sigurðardóttir matselja, Bergdís Ellertsdóttir blaða-
maður, Ólafur.H. Torfason ritstjóri, Ragnar Karlsson blaðamaður með dæíur sínar, Leifur Björns-
son prentari. A myndina vantar Steinar Harðarson auglýsingastjóra, Ólaf Björnsson prentsmiðju-
stjóra, Guðrúnu Karlsdóttur setjara, Ólaf Gíslason blaðamann, Garðar Guðjónsson blaðamann,
Guðmund Rúnar Heiðarsson blaðamann, Kristínu Pétursdóttur skrifst.m., Þórunni Aradóttur
skrifst.m. og Kristberg Pétursson útlitsteiknara.
Þjóðviljinn
í nýjum búningi
að fer væntanlega
ekki fram hjá neinum
lesanda að í dag, laug-
ardaginn 9. mars
1991, kemur Þjóðvilj-
inn út í nýjum bún-
ingi. Að undirbúningi breyting-
anna hefur verið unnið frá því í
október og hafa allir starfsmenn
blaðsins komið við þá sögu.
Allt orkar tvímælis þá gert er,
ekki síst að breyta blöðum, því al-
kunna er að blaðalesendur eru fast-
heldnir á blöð sín, vilja geta geng-
ið að því efni sem þeir hafa áhuga
á að lesa á vísum stöðum. Þess
vegna fara útgefendur yfirleitt var-
lega í að breyta blöðum sínum og
útlit Þjóðviljans hefur ekki breyst
mikið undanfarin ár.
Hönnuður fékk þau fyrirmæli
að skapa Þjóðviljanum léttara yfir-
bragð án þess að slaka á þeirri al-
vöru sem jafnan hefur fylgt blað-
inu. Jafnframt var ákveðið að
stækka blaðið um fjórar síður dag-
lega. Ber að líta á stækkunina sem
skref á leiðinni til þess að Þjóðvilj-
inn nái aflur sinni fyrri stærð, þeg-
ar hann var aldrei minni en 20 síð-
ur daglega. Þó verður að taka fram
að fjárhagur blaðsins er enn mjög
þröngur og verður ekki hægt að
ráðast í frekari stækkun þess nema
því aðeins að það áskriftarátak,
sem hafíð verður á næstunni, skili
verulegum árangri.
Framsetning efnis er einnig
talsvert breytt, leiðari og Klippt og
skorið verður framvegis á síðu 2.
Á síðu 3 verður jafnan skopteikn-
ing og auk þess nýr þáttur, Á döf-
inni. Þar munu Ijölmargir ganga til
liðs við blaðið og skrifa greinar um
margvísleg málefni Iíðandi stundar.
Þá verður leitað álits fólks úr ýms-
um áttum og birt í stuttum eindálki
á sömu síðu.
Rými fyrir innlendar og erlend-
ar fréttír eykst. Fréttir verða jafnan
ýtarlegri en verið hefur og birting
mynda mun aukast. Af erlendum
vettvangi má nefna pistla frá út-
löndum, sem birtast á laugardög-
um, og munu Okkar menn í ýms-
um borgum sjá um þá. Á blaðsíðu
fimmtán verður siðan tekið upp
léttara hjal og víða leitað fanga.
Þrándur, sem hefur verið í orlofi að
undanfomu fer aflur á kreik tvisvar
í viku, en nú á bls. 13. Á móti hon-
um munu fleiri pennar mæta til
leiks aðra daga.
Þá mun þjónusta blaðsins við
Iesendur úti á landi verða aukin og
stefnt er að þvi að taka efni eins og
neytendamál og umhverfismál til
aukinnar umfjöllunar.
hágé.
Ólafur Pétursson auglýsingateiknari hannaði blað-
ið og segir þá stefnu sem valin var hafa verið tekna
upp á ýmsum erlendum blöðum að undaníomu.
„Ýmis önnur blöð hafa farið út á þá braut að
keppa við sjónvarpið með því að æpa á lesandann
bæði í fyrirsögnum og myndum. Okkar markmið var
hins vegar að skapa blað sem væri þægilegt aflestrar
og því fömm við allt aðra leið en þau blöð sem em að
keppa við sjónvarpið.
Það er mikill munur að vinna svona vinnu með
þeirri tækni sem Þjóðviljinn hefur yfir að ráða. Tölvu-
tæknin hefur alveg tekið völdin og er blaðið því sem
næst allt unnið á tölvur, setning, umbrot og mynd-
skreytingar.
Fyrirsagnaletrið sem við völdum heitir Goudy og
mér vitanlega hefur það ekki fyrr verið notað á ís-
lenskum blöðum. Letrið í hausnum og hausum inn í
blaðinu heitir Century Oldstyle en hefur verið breytt
lítillega í aðalhaus. Meginmálsletur er því sem næst
óbreytt.“
hágé.
Tölvutæknin
tekur völdin
ÞJÓÐVILJINN Laugardagur 9.mars 1991
Síða 2