Dagblaðið Vísir - DV - 26.09.1995, Qupperneq 6

6
ÞRIÐJUDAGUR 26. SEPTEMBER 1995
Fréttir
Ekkert samráð haft um sóknarstýringu á Flæmska hattinn:
Sjávarútvegsnefnd
var ekki kynnt málið
- mun leita skýringa - segir Steingrímur J. Sigfusson, formaður nefndarinnar
„Þaö var enginn fundur haldinn
með sjávarútvegsnefnd og þaö var
ekki gengið frá málinu í samráöi við
hana. Það er því miður upp og ofan
hvernig slíku samráði er háttað,
bæði við utanríkismálanefnd og sjáv-
arútvegsnefnd, þegar þessi milli-
ríkjasamskipti á sviði sjávarútvegs
eiga í hlut,“ segir Steingrímur J. Sig-
fússon, formaður sjávarútvegs-
nefndar Alþingis, vegna samþykktar
þess eðlis á ársfundi NAFO, Norður-
Atlantshafsfiskveiðiráðsins, að
sóknarstýring verði tekin upp á
Flæmska hattinum og íslendingar
skuldbindi sig til að hafa ekki fleiri
en 18 skip við veiðar þar.
Samþykktin hefur sætt mikilli
gagnrýni og útgerðarmenn hafa sagt
samþykktina hið mesta klúður. Þá
hefur Snorri Snorrason, skipstjóri á
Dalvík, gagnrýnt að ráðuneytið sinni
ekki hagsmunum á þessu svæði á
sama hátt og í Smugunni og Síldar-
smugunni. Þetta sé svæði sem gefi
af sér allt að þremur milljörðum í
tekjur árlega og aöeins einn maður
sé sendur til fundar í stað stórra
sendinefnda þegar Smugurnar tvær
eigi í hlut. Steingrímur segir óhugs-
andi að samþykktir á borð við þessar
verði gerðar varðandi Smuguna eða
Síldarsmuguna án þess að leita áhts
sjávarútvegsnefndar.
„Það teldi ég mjög hæpið að yrði
gert. Það er að vísu þannig að þegar
milhríkjasamningar eru gerðir þá er
það utanríkismálanefnd sem er sam-
skiptavettvangur stjómvalda við
þingið. Sú venja hefur skapast að
þegar hrein sjávarútvegsmál eiga í
hlut er jafnframt haft samráð við
sjávarútvegsnefnd. Öðru hveiju hafa
verið haldnir sameiginlegir fundir
beggja nefndanna með stjómvöldum
til aö fylgjast með framgangi mála
varðandi Smuguna og Síldarsmug-
unnar,“ segir Steingrímur.
Hann segir það vera mjög úr takt
við gildandi venjur að gera sam-
þykktir á alþjóðavettvangi án þess
að viðhafa samráð. Þá segir hann að
svo virðist sem sjávarútvegsráðu-
neytið hafi brugöist að einhveiju
Svæðið gefur af sér allt að þremur milljörðum árlega. Gagnrýnt er að
aðeins einn maður sé sendur til fundar i stað stórra sendinefnda þegar
Smugurnar tvær eigi i hlut.
leyti í málinu.
„Mér virðist sem menn hafi pínulít-
ið verið teknir í bóhnu þarna því
undirbúningurinn í kringum þetta
og sú áhersla sem menn lögðu á þetta
benda til þess að þeir hafi ekki búist
við miklu á þessum fundi,“ segir
Steingrímur.
Hann segir að úthafsveiðinefnd
Alþingis, sem skipuð er hæði þing-
mönnum og hagsmunaaðilum, hafi
fundað í síðasta mánuði og þá hafi
væntanlegan fund NAFO borið á
góma. Þar hafi þó ekkert komið fram
sem bendi til að dragi til sérstakra
tíðinda.
„Ráðherra og hans menn verða að
svara algjörlega fyrir það hvað gerð-
ist þarna. Þeir bera aha póhtíska
ábyrgð á því hvemig staðið var að
málum. Ég geri ráð fyrir því að bæði
úthafsveiðinefndin og sjávarútvegs-
nefndin óski eftir upplýsingum um
þetta mál og fari yfir þetta viö fyrsta
tækifæri," segir Steingrímur.
-rt
Til þurfandi þingmanna
Karl Hjelm i Neskaupstað er hér með innleggsseðil í hjálparsjóð Rauða
krossins en hann lagði 322,90 krónur inn í þennan sjóð. Peningunum var
safnað í saltfiskvinnslu Sildarvinnslunar og eiga þeir að ganga til þurfandi
alþingismanna, eins og Karl sagði í samtali við DV í blaðinu í gær. Þessi
framtakssemi þeirra í Neskaupstað hefur vakið athygli og munu fleiri vera
með sams konar hjálparstarf í huga. DV-mynd SÞ
íslensk skip á sóknarkvóta á Flæmska hattinum:
Fagna stef nubreytingu
sjávarútvegsráðuneytis
- segir Arthur Bogason, formaður smábátaeigenda
„Ég hlýt að fagna þessari stefnu-
breytingu sjávarútvegsráöuneytis-
ins. Þetta er sérstakt fagnaðarefni í
því ljósi að menn eru farnir að hafna
og henda kvótakerfinu,“ segir Art-
hur Bogason, formaður Landssam-
bands smábátaeigenda, um sam-
þykkt íslendinga innan NAFO sem
kveður á um að veiðum á Fiæmska
hattinum verði stjórnað meö fjölda-
takmörkunum á skipum en ekki
heildarkvóta.
Hann segir þetta mál ásamt frétt-
um DV þess efnis að Norðmenn hafi
gefið þorskkvóta báta frjálsan segja
sér að það sé að verða hugarfars-
breyting.
„Hugsunarhátturinn í löndunum í
kringum okkur íslendinga er að
breytast, sem betur fer. Ég get nefnt
sem dæmi að sjávarútvegsráðherra
Nova Scotia er nú að leggja til við
sjávarútvegsráðherra Kanada að
handfæraveiðar verði gefnar fijáls-
ar. I því felst að menn eru famir að
stýra veiðunum inn á veiðarfæri sem
hafa minni sóknargetu og betri um-
gengni. Hugsunarhátturinn er smátt
og smátt að breytast þannig að menn
fara að velta fyrir sér hvernig við
veiðum en ekki hve mikið. Við ís-
lendingar erum þó nokkrir eftirbátar
í þessum efnum en ég hlýt að vænta
þess að hugarfarsbreytingin nái
hingað,“segirArthur. -rt
Sóknarstýring á Flæmska hattinum:
Mun ríða einhverjum
útgerðum að fullu
- segir Snorri Snorrason útgerðarmaður
„Það eru engar þekktar forsendur
fyrir kvóta eða sóknarstýringu á
þessu svæði. Kanadamenn veiða
ekki þama sjálfir og það er vitað að
allar bolfisktegundir sem lifa á rækj-
unni eru nánast horfnar þama,“ seg-
ir Snorri Snorrason, útgerðarmaður
á Dalvík, sem gerir út frystiskipiö
Dalborg EA á Flæmska hattinn, um
samþykkt sjávarútvegsráðuneytis-
ins sem kveður á um sóknarstýringu
á svæðinu.
„Ég hafna því sem sjávarútvegs-
ráöherra segir að við útgerðarmenn
misskiljum þennan gjörning. Þetta
eru hefðbundin viðbrögð í stjórn-
kerfinu þegar menn eru teknir í ból-
inu. Þetta er ekkert nema klúður og
við munum krefjast þess að þessu
Frystiskipið Dalborg EA, áður Ottar Birting, sem er gert út á Flæmska hattinn.
verði mótmælt," segir hann. Þetta getur orðið til að ríða einhveij-
„Samþykktin þýðir það að 4 til 5 umútgerðumaðfullu,“segirSnorri.
skip geta verið þarna að staðaldri. -rt