Dagblaðið Vísir - DV - 27.12.1999, Blaðsíða 2
18
MÁNUDAGUR 27. DESEMBER 1999
Sport
DV
Jón Arnar Magnússon heima í stofu á Króknum ásamt sonum sínum, Krister Blæ og Tristan Frey.
DV-mynd Þórhallur Asmundsson
„Fer með mig eins
og postulínsdúkku"
- segir Jón Arnar Magnússon tugþrautarkappi sem þorir ekki að lofa
verðlaunasæti í Sydney en telur sig eiga jafngóða möguleika og keppinautarnir
„Maöur verður að nýta sér mót-
byrinn til að fá meðbyrinn síðar
meir,“ segir Jón Arnar Magnússon
tugþrautarkappi sem kveðst fjarri
því að vera hættur og eiga jafn-
mikla möguleika og keppinautarnir
á Ólympíuleikunum í Sydney næsta
haust.
„Ég held að miðað við það umtal
sem ég hef orðið var við núna, að ég
hafi verið hættur, þá verði það bara
til að efla mann. Maður hefur bara
verið spurður hvað maður sé að
gera, hvaða atvinnu ég stundi og
þegar ég segi að ég sé að æfa er
gjarnan spurt: „Nú, ertu ekki hætt-
ur?“ En þetta eflir mann bara hik-
laust og maður verður að nýta sér
mótbyrinn til að fá meðbyr síðar
meir,“ segir Jón Arnar Magnússon,
tugþrautarkappi' og íþróttamaður
ársins 1995 og 1996, en litlar fregnir
ÞÍN FRÍSTUND
-OKKAR FAG
INTER
SPORT
Bíldshöföa 20 • 112 Reykjavlk • 510 8020
• www.intersport.is
hafa farið af honum undanfarið,
enda árið fremur magurt sökum
þrátlátra meiðsla sem hann hlaut á
liðnum vetri.
„Já, það gekk nú bara ekki neitt á
árinu, nema þá á innanhússtímabil-
inu, sem var ágætt, en svo var það
bara búið. Þá var ég með Norður-
landamet og fimmta sæti á heims-
meistaramóti, bætti mig svo í
stangarstökki á mótinu þarna á Ak-
ureyri en það má segja að það hafi
verið byrjunin á þessu öllu saman
þegar stöngin brotnaði og laskaði á
mér hnéskelina. Ég var að súpa
seyðið af því allt þetta ár. Það var
ekki hægt að æfa af neinu viti eftir
þetta."
Fljótur aö gleymast þegar
illa gengur
Þegar ég fór í æfingabúðir og ætl-
aði að fara að taka á hlutunum var
alltaf verkur í hnénu en ég sagði
aldrei frá því, hélt bara að þetta
mundi líða hjá en það gerði það
ekki. Það endaöi svo með því að
maður gat eiginlega ekki neitt."
- Þannig að þetta hefur verið
þjáningarfullt ár fyrir þig, bæði
til líkama og sálar?
„Já, maður hafði aldrei lent í
neinu svona sem hefur alveg stopp-
að mann af þannig að þetta var al-
veg nýtt og að ýmsu leyti ný
reynsla. Þegar hlutirnir ganga ekki
sem skyldi þá er „pressan" fljót að
gleyma manni og kannski stuðn-
ingsaðilarnir haldi aö sér höndum,
þetta fann maður um leið.“
- Ertu þá að tala um að það
hafi þyngt undir fæti fjárhags-
lega gagnvart stuðningi við þig?
„Já, þegar svona gekk þá fóru að-
ilar að velta því fyrir sér hvort þeir
ættu að halda áfram enda er þetta
spurningin um næsta ár. En ég veit
ekki hvað skal segja, líklega er
ástæðan sú að þekkingin á íþrótt-
inni er ekki meiri en þetta. Tug-
þrautin er geysilega erfið íþrótt og
ef menn eru ekki hundrað prósent
heilbrigðir þá segir þaö fljótt til sín.
Gott dæmi um það er t.d. Tomas
Dovrak. hann var búinn að vera
meiddur síðastliðin tvö ár. Svo
núna er allt í lagi með hann, hann
kennir sér hvergi meins og það
gekk mjög vel hjá honum núna í ár.
Og Erki Nool hefur ekki gengið heill
til skógar, þetta hefur ekki verið
gott ár hjá honum þannig að menn
verða að vera í hundrað prósent
lagi ef þeir ætla að fara í gegnum
þetta.
- Hvernig er með hnéð og heils-
una í dag?
„Það er allt í lagi. Ég á sjálfsagt
eftir að finna fyrir þessu og vita af
því en það þolir álagið núna. Þetta
er alveg gróið og var einhver út-
vöxtur á hnéskelinni og meiðslin í
náranum eru farin. Svo lengi sem
ég fæ ekki bylmingshögg á hnéskel-
ina þá held ég að hún verði í lagi.
- Og nú er stórt ár fram undan?
„Já maður verður að fara með sig
eins og postulínsdúkku, maður
verður að passa sig á öllu og vera
ekki að glannast neitt og hlusta
bara á skrokkinn, um leið og hann
segir eitthvað, stoppa þá við. Maður
hefur ekki beinlínis sinnt þeim við-
vörunum hingað til.“
Hlutirnir hafa ekkert breyst
- En hverjir heldurðu að mögu-
leikar þínir séu á stóra mótinu,
Ólympíuleikunum í Sydney 2000?
„Ef maður er heill og allt gengur
vel þá á ég alveg eins mikla mögu-
leika og hinir. En kannski fólk hafi
minni trú á mér núna, eins og það
dæmdi mann í sumar. En hlutimir
hafa ekkert breyst. Það hefur geng-
ið mjög vel á æfingum núna og lítur
mjög vel út. Ég bætti mig t.d. í kúlu-
varpinu um daginn. Maður verður
að halda dampi í gegnum þetta
núna.“
- Er þetta mikið plan fyrir
næsta ár?
„Já, það má segja að sé búið að
plana árið alveg. Þetta verður eigin-
lega þrískipt, byrjar meö innan-
hússtímabilinu þar sem hápunktur-
inn verður Evrópumeistarmótið,
svo kemur æfingatímbil frá því og
fram að mótinu í Götsis í Austur-
ríki sem er í júníbyrjun. Þá verður
væntanlega stutt hlé og svo verður
þetta óslitið má segja fram að
ólympíuleikunum sem verða í lok
september. Þetta verður langt og
strangt tímabil."
Áramótaheitiö aö bæta sig
- Hvernig verður með jóla-
steikurnar núna í ár?
„Þær fara á sinn stað en verða
jafnfljótar út aftur, þær setjast ekki
á mig, það er engin hætta á því. Það
á jú að æfa nokkuð stíft yfir hátíð-
arnar og verða a.m.k. æfingar á að-
fangadag og gamlársdag."
- Hvert heldurðu að verði ára-
mótaheitið hjá þér í ár?
„Ég er nú ekki farinn að hugsa
svo langt ennþá en það verður sjálf-
sagt að koma sér í það ástand að
maður geti keppt aftur og halda sér
þannig. Það lítur allt út fyrir það
núna og ætli takmarkið á næsta ári
verði ekki að gera betur en maður
hefur verið að gera, bæði innanhúss
og utan. Ég þori t.d. ekki að lofa því
að komast á pall í Sydney. Já ég
held það sé ágætisáramótaheit, að
bæta sig,li sagði Jón Arnar að end-
ingu. -ÞÁ