Dagblaðið Vísir - DV - 15.05.2000, Síða 2

20
MÁNUDAGUR 15. MAÍ 2000
Sport
DV
Guöjón Valur Sigurösson í garöinum heima hjá sér á Seltjarnarnesinu. Aöeins tvítugur aö aldri var Guöjón Valur kosinn besti leikmaöur Nissandeildarinnar sl. vetur.
Besti handknattleiksmaður Nissandeildarinnar, Guðjón Valur Sigurðsson, KA:
Glataður í golfi
- stefnir á atvinnumennsku í framtíðinni í handboltanum en ætlar fyrst að verða enn betri
Guðjón Valur Sigurðsson, leikmaður KA á Akureyri, er besti
handknattleiksmaður landsins um þessar mundir. Þetta var
staðfest í kjöri á lokahófi handknattleiksmanna á dögunum.
Útnefning Guðjóns Vals kom þeim alls ekki á óvart sem
fylgdust með nýafstaðinni leiktið. Leikmaðurinn er gríðarlega
öflugur þráttfyrir að vera aðeins tvitugur að aldri. Hans bíða
gull og grœnir skógar. Félög erlendis hafa þegar komið auga
á pilt en hann bíður rólegur, vill þroskast enn frekar sem
leikmaður og ná að verða enn betri áður en hann freistar þess
að láta drauminn um atvinnumennsku verða að veruleika.
„Ég held að mér hafi farið
nokkuð mikið fram á síðustu
leiktíð. Ég æfði mjög vel og
var svo heppinn að fá að
spila mikið hjá KA og í
hinum ýmsu stöðum. Við
þessar aðstæður þroskast
maður sem leikmaður. Við
lentum í hreint ótrúlegum
meiðslum, nánast allir
leikmenn liðsins, og því var
ég mikið notaður annars
staðar en í minni stöðu í
horninu."
- KA-liðið virtist eflast
við hvert áfallið varðandi
meiðslin?
„Við þjöppuðum okkur
saman. Við vorum ungir
leikmennimir þama fyrir
utan og reyndum bara að
gera okkar besta og hafa
gaman af því sem við vorum
að gera. Útkoman var sú að
við komumst í undanúrslitin.
Auðvitað hefðum við vOjað
fara lengra en það gengur
bara betur næst.“
- Kom það þér á óvart að
vera kosinn besti leikmaður
Nissandeildarinnar á loka-
hófinu?
„Það kom mér ofsalega
mikið á óvart. Það að vera
kosinn besti leikmaðurinn
var ekki til í mínum villtustu
draumum. Ég bjóst ekki við
að svo ungur leikmaður sem
ég er myndi fá þessa viður-
kenningu. Þetta kom mér
líka á óvart í ljósi þess að
mjög reyndir leikmenn og
snjallir voru að
spila vel í þeim
liðum sem fóru
alla leið í úrslit-
in. Þar má nefna
leikmenn eins og
Sebastian Alex-
anderson, Petr
Baumruk og Hall-
dór Ingólfsson.
Ég átti von á að
einhver þessara
leikmanna yrði
fyrir valinu. Það
var mikill og skemmtilegiu-
heiður fyrir mig að fá þessa
miklu viðurkenningu."
- Náðir þú öllu því besta
út úr þér sem leikmanni sl.
vetur?
„Nei, það held ég ekki. Mér
finnst sjálfum að ég hafi ekki
verið að spila neina stjömu-
leiki en ég átti hins vegar
mjög jafna leiki og jafnt tíma-
bil. Þá var ég með heppnari
mönnum í liðinu með meiðsli
og missti aðeins úr einn leik
er ég meiddist á auga.“
- Þú telur þig þá eiga
mikið inni?
„Ég er að vona það. Von-
andi á ég eftir að þroskast
sem leikmaður næstu árin.
Ég vona að ég sé ekki orðinn
fullmótaður sem leikmaður."
- Hvenœr byrjaðir þú í
handbolta?
„Ég mætti á mína fyrstu
æfmgu hjá Gróttu þegar ég
var 7 eða 8 ára gamall. Síðan
byrjaði ég að æfa með KR
þegar ég var 10 ára og skipti
síðan aftur yfir í Gróttu þeg-
ar ég var 12 ára. Ég spilaði
með Gróttu þar til ég varð 18
ára og lék síðan eitt tímabil
með Gróttu/KR áður en ég
fór noröur til KA,“ segir Guð-
jón Valur sem á að baki 13
landsleiki
með A-lið-
inu og
30-35 leiki
með ung-
lingalands-
liöi.
- Hverjir
voru þín-
ar fyrirmyndir þegar þú
varst að byrja áfullu i bolt-
anum?
„Það voru leikmenn á borð
við Alfreð Gíslason, Kristján
Arason að ógleymdum
„gorminum" fyrir norðan,
Atla Hilmarssyni. Þetta voru
allt frábærir leikmenn. Eftir
að ég fór að spila nær ein-
göngu í hominu fór ég að
fylgjast vel með þeim Guð-
mundi Guðmundssyni og
Jakobi Sigurðssyni.
- Hvað með framtíðina?
Hve lengi œtlar þú aó leika
með KA?
„Það veit ég ekki. Það eina
sem er öruggt er að ég leik
með KA á næsta tímabili. Ég
hef ekki skrifað ennþá undir
samning en þetta er engu að
síöur ákveðið.“
- Hafa erlend félög verið
að narta i þig undanfariö?
„Ég hef fengið fyrirspurnir
en það er ekki á dagskránni
ennþá að fara til liðs erlend-
is. Ég ætla að geyma allar
slíkar bollaleggingar í nokk-
ur ár. Ég á ennþá eftir að
þroskast og bæta mig sem
leikmaður áður en ég get far-
ið að leika með erlendum lið-
um í atvinnumennsku.
Draumurinn er hins vegar sá
að geta haft aðaláhugamálið
að atvinnu. Það verður síðan
að koma í ljós hvort þessi
draumur rætist. Ég mun
leggja hart að mér og reyna
að komast utan.“
- Hver eru helstu áhuga-
mál þin þegar handboltan-
um sleppir?
„Ég held að fjölskyldan sé
númer eitt. Ég og unnusta
mín erum mjög mikið saman
ásamt dóttur okkar. Aðrar
íþróttagreinar eru ofarlega á
baugi. Ég fylgist með öllum
íþróttum og er nánast alæta á
iþróttaefni. Að
vera í góðra
vina hópi er
líka áhugamál
sem ég hef
gaman af. Ég
fór í golf í
fyrsta skipti í
fyrra og það er
stórkostleg íþrótt. Ég er að
vísu glataður golfari en mig
langar mjög mikið tU að læra
golf og verða betri en ég er.
Það eru nokkrir góðir
kylfingar fyrir norðan og ég
fæ stundum að flækjast aftan
í þeim og týna kúlurn," sagði
Guðjón Valur Sigurðsson.
-SK
„Þaö voru leikmenn á borö viö Alfreö
Gíslason, Kristján Arason aö
ógleymdum „gorminum" fyrir noröan,
Atla Hilmarssyni. Þetta voru allt frá-
bœrir leikmenn. “