Dagblaðið Vísir - DV - 18.07.2001, Blaðsíða 24

52
MIÐVIKUDAGUR 18. JÚLÍ 2001
Tilvera

llllð
Galdrarnir á
Ströndum
Á galdrasýningunni á Ströndum
gefst fólki kostur á að sjá fyrir
hvað fólk var dæmt á
galdraöldinni. Finna má þar
skræður og blöð, galdrastafi og
gripi. Þar má einnig sjá hvernig
galdrakúnstir lifðu í þjóðtrúnni
og hverju menn ímynduðu sér
að hægt væri að áorka með
aðstoð yfimáttúrlegra krafta.
Leikhús
■ UNGIR MENN A UPPLEIÐ Leikrit
Stúdentaleikhússins, Ungir menn á
uppleiö, verður sýnt klukkan 20 í
kvöld í Kaffileikhúsinu. Miðaverð er
1.500 krónur en 2.800 krónur með
mat. Uppselt.
Sýningar
i KAUPFELAGSSAFNIÐ A
HVOLSVELLI I Sögusetrinu á
Hvolsvelli er sýning um sögu
kaupfélagsverslunar á Suöurlandi.
Þar er leitast við að bregöa upp
svipmynd af verslunarháttum fyrrí
tíma a Suðurlandi og störfum þeirra
sem þar lögöu hönd á plóg.
■ TIKK TIKK TAKK TAKK I
borðstofu Hússins á Eyrarbakka er
sýning sem heitir Tikk tikk takk
takk - Frá Bakkaúrum til
Borgundarhólmsklukku. Eins og
nafnið ber með sér eru þar gömul úr
og klukkur af ýmsum gerðum. Húsiö
er auk þess hluti af byggðasafni
Arnesinga. Það er í hóþi elstu
bygginga á íslandi, var flutt tilsniðið
til landsins 1765.
■ RÁÐHERRASTOFA í LÖNGUBÚÐ
í Löngubúö á Djúpavogi er
Ráðherrastofa Eysteins Jónssonar.
Þar eru munum og myndum úr eigu
Eysteins Jónssonar smekklega fyrir
komið.
■ RÍKARÐSSAFN ÍLÓNGUBÚÐ
Safn Ríkarðs Jónssonar
myndhöggvara er einnig aö finna í
Lóngubuö. Það geymir áhöld og
persónulega muni Ríkarös, auk
listaverka hans af ýmsum gerðum.
■ KRAMBÚÐ í GÖMLU BÚD I
Gömlubúð á Höfn hefur nýlega verið
komið fyrir krambúö sem minnir
ótvírætt á upprunalegt gildi hússins.
Þar er líka byggðasafn meö hinum
ýmsu munum frá gamalli tíð.
■ SAIVIGÖNGUIVIINJASAFNH) Á
YSTAFELLI A feröinni í heila öld
heitir sýning í Samgönguminja-
safninu á Ystafelli í Köldukinn. Þar
eru gamlar bifreiöar og önnur
samgöngutæki í hávegum höfð.
■ TIL FEGURÐARAUKA I
ARBÆJARSAFNI I Arbæjarsafni
standa yfir margar sýningar. Sú
nýjasta er Til fegurðarauka, það er
sýning á útsaumi og hannyröum.
Hún er í húsinu að Suðurgötu 7. í
Lækjargötu 4 er sýningin Saga
Reykjavíkur - Frá býli til borgar. í
Kjöthúsi er sýningin Saga
byggingatækninnar. í Líkn er
sýningin Mlnningar úr húsi. I
Efstabæ má sjá hvernig tvær
fjölskyldur bjuggu í húsinu um 1930.
■ BLÓDUG VÍGAFERLI OG
GOTULIF VIKINGANNA I YORK I
HAFNARFIRÐI I Byggðasafni
Hafnarfjarðar standa yfir sýningarnar
Blóðug vígaferli og Götulíf
víkinganna í York.
■ ÁSGEIR GUÐBJARTSSON í
SJOMINJASAFNINU I
Sjóminjasafni Hafnarfjaröar stendur
yfir handverkssýning Asgeirs
Guöbjartssonar.
Sjá nánar: Lífiö eftir vinnu á Vísi.is
Gerir upp gamlan eikarbát:
Ætlar að skreppa út
fyrir skerjagarðinn
Stokkseyri. Hásumar og sól.
Glampar á þaraklædd skerin
sem skaga vel upp úr á liggjand-
anum. Undir háum húsvegg,
upp af bryggjunni, er Ólafur
Auðunsson að hefla borðstokk-
inn á bátnum sínum. Hann á
orðið margt handtakið í þessum
bát. Kveðst hafa fengið hann i
skiptum fyrir „eitthvert
dótarí".
Sá eini sem eftir er
Báturinn er 4-5 tonn, um
þrjátíu ára gamall, smíðaður á
Hofsósi um 1960. „Þaö voru
smíðaðir sex svona. Ég held
þetta sé sá eini sem eftir er,“
segir Ólafur og telur hina hafa
logað vel á áramótabrennum.
„Það munaði nú minnstu að
þessi færi á bál líka þegar ég
áttaði mig á því hvað hann var
illa farinn,“ segir hann. Nú er
hann búinn að endurnýja tlest
böndin í bátnum og næsta verk-
efni er að smiða lítið hús á
hann. Aðspurður um nafnið á
fleytunni segir hann fánum
prýdda plötu með nafninu Auð-
björg hafa fylgt með en hann
megi ekki nota það því nafnið
sé í lögvemdaðri eigu annars.
„Ég finn eitthvert gott nafn,“
segir hann bjartsýnn.
Tómur leikaraskapur
Ólafur kveðst hafa verið skip-
stjóri hér á Stokkseyri á bátum
kaupfélagsins en ekki hafa ver-
ið á sjó hin síðari ár. Nú lítur
út fyrir að hann ætli á flot aft-
ur. „Þetta er auðvitaö tómur
leikararskapur," segir hann og
heldur áfram: „Það er erfitt að
vera á smábát hér fyrir opnu
hafi. Það er nokkuð öðruvísi
inni á flóum og fjörðum þar
sem sjórinn er orðinn eins og
heiðartjörn um leið og vind
lægir.“ Samt stefnir Ólafur á að
sjósetja með haustinu og athuga
hvort hann getur ekki skroppið
út fyrir skerjagarðinn og veitt
sér ýsu í soðið.
-Gun
Olafur Auöunsson
Munaöi minnstu aö báturinn færi á báiiö.
igaggi
Samkvæmisleikir og rann-
sóknarblaðamennska
Meg Ryan og Russell Crowe
Hvort ætli þaö sé Kidman eöa Ryan
sem nýtur ásta Russells?
Nóg að
gera
hjá
Russell
Það virðist gefa vel á bátinn í
kvennamálunum hjá Russell Crowe
þessa dagana ef eitthvað er að
marka alþjóðlegar gróur á leiti.
Fréttastofan Associated Press
skýrði frá því að Russell væri nú
staddur á Kyrrahafseyjunni Waka-
ya ásamt Nicole Kidman sem nú
stendur í erfiðum skilnaði við sinn
ekki-svo-ektamann, Tom Cruise. Yf-
irvöld vilja ekki kannast við sög-
urnar enda er staðurinn þekktur
fyrir þagmælsku sem stjörnunum
fellur vel.
Ef rétt reynist þá er Russell að
færast mikið í fang þessa dagana.
Breska blaðið The Sun greindi í vik-
unni frá því að skötuhjúin Meg
Ryan og Russell Crowe væru aftur
byrjuð saman. Russell og Meg sáust
mæta á hótel í New York eftir róm-
antískar samvistir í bænum. Hótel-
starfsmaður segir hafa verið aug-
ljóst að þau væru meira en bara vin-
ir.
Kolbrún
Bergþórsdóttir
skrifar.
Það var dapurlegt að fylgj-
ast með frammistöðu spyrla
i tslandi í dag síðastliðiö
fóstudagskvöld. Þar sat Árni
Johnsen fyrir svörum vegna
BYKO-málsins svokallaða.
Ámi komst upp með að tala
um málið eins og það væri
afsprengi gúrkutíðar I fjöl-
miðlum og þegar hann var
spurður hvenær væri tími
til að segja af sér lét hann
eins og hann skildi ekki
spurninguna. Maður er
ýmsu vanur frá stjórnmála-
mönnum þannig að það kom
manni svo sem ekki á óvart
að Ámi skyldi skella allri
skuld á fjölmiöla og saka þá
um upphlaup. Hitt kom
meira á óvart að Stöð 2
skyldi í byrjun afgreiða mál-
ið sem eins konar grín eða
dútl með því að setja í hlut-
verk spyrla fólk sem getur
ekki sýnt harða frétta-
mennsku. Andrea og Teitur
eru ágæt í samkvæmis-
spurningum en þær áttu
bara ekki við í þetta sinn.
„Medan Morgunblaðið svaf átti Þóra Kristín
Ásgeirsdóttir stórleik í útvarpinu. Það eru
ekki tnargir fjölmiðlamenn sem leggjast í
sjálfstœða rannsóknarvinnu við undirbún-
ingfrétta en það gerði hún og opinberaði
„kantsteinamálið“. Frábær og sjálfstœð
fréttakona. “
Orð eins og: „Hristirðu
þetta ekki bara af þér,
Árni?“ voru fyrir neðan all-
ar hellur. Andrea opinber-
aði svo enn á ný litinn
skilning sinn á málinu
nokkrum kvöldum seinna
þegar hún kallaði það
„sápuóperu". Stöð 2 á ágætt
fólk i sínum röðum en það
var ekki notað til að gefa
þessu máli vigt. Þess vegna
voru þær umræður sem þar
fóru fram um málið að
mestu gagnslausar.
Morgunblaðinu tókst að
fela þessa neyðarlegu frétt
um fyrrum blaðamann sinn
lengst inni í blaði. Það var
ekki fyrr en formaður Sjálf-
stæðisflokksins hafði tekið
á málum á röggsaman hátt
að Morgunblaðið sá ljósið.
Þá reis það úr dvala og
lagði hverja síðuna á fætur
annarri undir umtjöllun.
Meðan Morgunblaðið
svaf átti Þóra Kristín Ás-
geirsdóttir stórleik í útvarp-
inu. Það eru ekki margir
fjölmiðlamenn sem leggjast í sjálf-
stæða rannsóknarvinnu við undir-
búning frétta, en það gerði hún og
opinberaði „kantsteinamálið“. Frá-
bær og sjálfstæð fréttakona.
Svo kom Árni í útvarpið og sagði:
„Best að segja hlutina eins og þeir
eru...“ Og skrökvaði og skrökvaði
eins og skólastrákur sem telur sig
geta kjaftað sig út úr klípunni. Þeg-
ar hann er svo staðinn að lygi segist
hann ekki hafa beinlínis logið, bara
ekki hafa sagt alveg satt. Helst
koma upp í huga manns orð sem
Árni sagði fyrir fimm árum um
ákveðinn mann: „Hann hefur logið
sig áfram í þessu máli jafn rólega og
maðkurinn mjakast áfram í mold-
inni...“
Kemst Árni upp með þetta? Varla.
Þökk sé blaðamönnum á borð við
Þóru Kristínu og Reyni Traustason
sem hóf umfjöllun um mál sem
hefði átt að leggja undir sig forsíðu
DV en var þess í stað lítt áberandi
neðandálksfrétt sem benti á síðu
sex. Sem reyndist svo vera æði mik-
ilvæg síða.