Dagblaðið Vísir - DV - 20.08.2002, Síða 12

12
Útlönd
ÞRIÐJUDAGUR 20. ÁGÚST 2002
DV

Mórauð Dóná
Búdapest í Ungverjalandi slapp vel
þegar flóð náðu hápunkti þar í gær,
en nú taka eftirköstin við.
Sjúkdómahætta
samfara flóðum
Bæir í Norður-Þýskalandi bjuggu
sig í morgun undir að flóð sem rið-
ið hafa Mið-Evrópu að fullu kæmu
til þeirra með ánni Saxelfi. Yfir 100
þúsund manns hafa unniö við flóö-
vamir í borginni Magdeburg og
þykjast yfirvöld þar vera undirbúin
fyrir komu flóðanna.
Slæmur fenafnykur er nú ríkj-
andi á þeim svæðum í Austur-
Þýskalandi og Tékklandi þar sem
flóðin hafa farið yfir og hrifsað með
sér matvæli úr búðum og húsgögn
af heimilum. Vaxandi hætta er talin
á því að þessar aðstæður hafi i fór
með sér að smitsjúkdómar skjóti
upp kollinum, þar sem sumarhitinn
hraðar rotnun rusls og braks á víða-
vangi.
Milljónir manna
og dýra í hættu
Milljónir manna og dýra i Afríku
verða í mikilli hættu ef ráðamenn,
sem koma saman á umhverfisráð-
stefnu Sameinuðu þjóðanna í Jó-
hannesarborg í næstu viku, grípa
ekki til ráðstafana til að stemma
stigu við kolefnismengun, að þvi er
náttúruvemdarsamtökin WWF
sögðu í gær.
Samtökin hvöttu þjóðaleiðtogana
sem sækja fundinn til að beina sjón-
um sínum í auknum mæli að endur-
nýjanlegri orku sem mengar ekki,
eins og sólarorku.
Hvíta húsið staðfesti í gær að Ge-
orge W. Bush Bandaríkjaforseti
myndi ekki sækja ráðstefnuna en
þess í stað senda Colin Powell utan-
rikisráðherra.
Palestínumaður og ísraeli
Sjaldan hefur lognmolla ríkt í sam-
skiptum þjóðanna við botn Miöjarð-
arhafs. í dag var tekiö skref í áttina.
ísraelar yfirgáfu
Betlehem í dag
ísraelsmenn létu heimastjóm
Palestinu eftir stjóm yfir borginni
Betlehem í morgun og hefur herinn
yfirgefið borgina, samkvæmt ný-
gerðu samkomuiagi. Þetta er fyrsti
votturinn af árangri viðræðna milli
Palestínumanna og ísraela svo mán-
uðum skiptir.
Forsenda þess að ísraelsmenn yf-
irgefa fæðingarborg Jesú er sú að
Palestínumenn einbeiti sér að því
að koma í veg fyrir hryðjuverk. Það
vilja herskáir Palestínumenn hins
vegar ekki fallast á og ísraelskar
herdeildir liggja enn í kringum
borgina.
Löreglan í Soham fær meiri tíma til að yfirheyra grunaða:
Húsverði fannst
hann vera svikinn
Breska lögreglan hefur fengið við-
bótartíma til að yfirheyra parið sem
grunað er um að hafa rænt og síðan
myrt skólastúlkumar Jessicu
Chapman og Holly Wells.
Lögreglan getur nú yfirheyrt þau
Ian Huntley skólahúsvörð og unn-
ustu hans, skólaliðann Maxine
Carr, til klukkan fimm í fyrramálið.
Þá verður annaðhvort að ákæra þau
Huntley og Ccirr eða láta þau laus.
Framlengingin var veitt eftir að
fimm klukkustunda löng krufning á
líkum, sem talin eru vera af stúlk-
unum tveimur, leiddi ekki til niður-
stöðu um hvemig dauða þeirra bar
að höndum. Lögreglan sagði að það
gæti tekið meinafræðinga nokkrar
vikur enn aö komast að dauðaorsök-
inni.
Stúlkumar hurfu frá heimilum
sínum i smábænum Soham í
Cambridgeskíri sunnudaginn 4.
ágúst og var leitin að þeim hin um-
fangsmesta sinnar tegundar.
Bresk dagblöð beina nú sjónum
REUTtRSMYND
Á barmi taugaáfalls
lan Huntley var lengi að jafna sig eft-
ir aö eiginkona hans tók saman við
yngri bróöur hans og móðir hans fór
frá pabba hans og byrjaöi aö búa
með annarri konu.
sínum að þeim Huntley og Carr og
hefur ýmislegt komið í ljós.
Huntley var á barmi taugaáfalls
fyrir sjö árum eftir að eiginkona
hans yfirgaf hann og tók saman við
yngri bróður hans. Skömmu síðar
skildu foreldrar hans og móðir hans
lýsti því yfir að hún væri lesbísk.
Vinir Huntleys segja að honum hafi
fundist hann vera svikinn.
Maxine Carr hefur á hinn bóginn
verið lýst sem eins konar ungfrú
Jekyll og Hyde.
„Maxine var með margklofinn
persónuleika og maður vissi aldrei
á hverju maður mátti eiga von. Hún
var opin og krefjandi og villt eina
stundina en mjög hlédræg þá næstu.
Það var ómögulegt að átta sig á
henni og ég var eiginlega dálítið
hræddur við hana,“ segir Paul Sel-
by, fyrrum kærasti hennar.
Á meðan þau voru saman neitaði
Maxine að segja honum hvar hún
byggi og hann fékk aldrei leyfi til að
heimsækja hana.
Róttl að norðan
21 Norður-Kóreumaður flúöi á fiskibáti til suöursins í gær. Strandgæsla sunnanmanna kom til móts við bát þeirra og
fylgdi þeim til hafnar. Kim Jong-il, leiðtogi Norður-Kóreu, er nú á lestarferð um Rússland, en hann er hræddur viö að
fljúga, rétt eins og forveri hans og faöir, Kim il-Sung.
Lofa bót og betrun eftir
klúður 11. september
Lögregla og slökkvilið í New
York heita því að gera endurbætur
á neyðarviðbrögðum í kjölfar
svartrar opinberrar skýrslu sem
gagnrýnir viðbrögð þeirra við
hryðjuverkaárásunum þann 11.
september á síðasta ári.
Skýrslan, sem gerð var í umboði
New York-borgar, leiddi í ljós aö
samskipti milli lögreglu og slökkvi-
liðs voru í molum í kjölfar hryðju-
verkaárásarinnar og stjómleysi
ríkjandi á viöbrögðum. Of margir
lögregluþjónar og slökkviliðsmenn
voru á vettvangi og höfðu sumir
þeirra komið að eigin frumkvæði,
án vitneskju yfirmanna þeirra.
Vegna lélegs samskiptakerfis
heyrðu slökkviliðsmenn ekki til-
skipun yfirmanna irni að yfirgefa
Tvíburatumana hálftíma áður en
þeir hrundu.
Um 400 neyðarstarfsmenn fómst í
Mlchael Bloomberg
Borgarstjóri New York fékk til sín
svarta skýrslu um 11. september.
árásunum og hafa slökkviliðsmenn
nánast komist í heilagra manna
tölu meðal Bandaríkjamanna í kjöl-
farið. Svarta skýrslan um agaleysi
og skipulagsleysi slökkviliðs og
lögreglu kemur því eins og köld
vatnsgusa framan í ibúa New York.
Ray Kelly lögreglustjóri og
Nicholas Scoppetta, slökkviliös-
stjóri í New York, segja aðgerðir
þegar komnar í gang til að bæta
samvinnu milli liðanna tveggja.
Yfirvofandi eru sérstakar
neyðaræfingar bæði fyrir
lögreglumenn og slökkviliösmenn.
Michael Bloomberg borgarstjóri
segir samkeppni milli lögreglu- og
slökkviliðs eðlilega en að hún megi
ekki skapa bresti í neyðarviðbrögð-
um á ögurstundu. „Það er enginn
vafi í huga mínum um aö við séum
að gera það sem hetjumar frá 11.
september hefðu viljað,“ segir hann.
Stuttar fréttir
Þokar í rétta átt í Kína
Mary Robinson,
mannréttindastjóri
Sameinuðu þjóð-
anna, sagði í Kína í
morgun að þar þok-
aðist hægt og síg-
andi í rétta átt í
mannréttindamál-
um. Kínverjar ættu
þó enn langt í land með að gera
ástandið viðunandi. Robinson er í
lokaheimsókn sinni sem mannrétt-
indastjóri SÞ þar sem hún lætur af
störfum innan skamms.
Fleiri bændur ákærðir
Yfirvöld í Simbabve ákærðu 38
hvita bændur í gær fyrir að hlýða
ekki skipunum um að yfirgefa jarð-
ir sínar og afhenda þær svörtum
landleysingjum.
Skotið á Kanana
Flugskeyti sem ókunnir menn
skutu lenti skammt frá búðum
bandarískra sérsveitarmanna í
Afganistan í gær.
Páfinn aftur til Rómar
Jóhannes Páll páfi kom aftur til
Rómar í gærkvöld úr fjögurra daga
velheppnaðri ferð til heimaslóða í
Krakow í Póllandi. Þar með batt
hann enda á vangaveltur um aö
hann yrði um kyrrt í Póllandi og
settist þar í helgan stein.
Skjálftar í S-Kyrrahafi
Fjjöldi stórra jarðskjálfta skóku
suðurhluta Kyrrahafsins í gær en
ekki er vitað um skemmdir. Stærsti
skjálftinn mældist 7,7 stig á Richter.
Powell til olíuríkja
Colin Powell, ut-
anríkisráðherra
Bandaríkjanna, mun
heimsækja tvær ol-
íuframleiðsluþjóðir,
Angóla og Gabon, á
meðan hann dvelur í
álfunni vegna um-
hverfisráðstefnu SÞ
í Jóhannesarborg, í Suður-Afríku.
Dauðsföll rannsökuð
Bandaríkjamenn þrýsta nú á
stjómvöld 1 Afganistan um að rann-
saka sannleiksgildi fregna um að
hundruð talibana hafi látist í norð-
urhluta landsins þar sem þeir voru
í haldi eftir að þeir gáfust upp.
Archer vinnur í leikhúsi
Breski metsölu-
höfundurinn og lá-
varðurinn Jeffrey
Archer, sem var
dæmdur í fjögurra
ára fangelsi í fyrra
fyrir ljúgvitni, fékk
leyfi til að yfirgefa
fangelsið í gær til
að vinna sem sviðsmaður í leikhúsi
í borginni Lincoln. Archer mætti of
seint, en var snyrtilega klæddur.
Dæmd til að vera grýtt
íslamskur dómstóll í norðan-
verðri Nígeríu úrskurðaði í gær aö
ung kona skyldi grýtt til bana, sam-
kvæmt íslömskum lögum, fyrir að
eignast bam utan hjónabands.
Slobo á afmæli í dag
Slobodan Milosevic, fyrrum
Júgóslavíuforseti, fær að halda upp
á 61 árs afmæli sitt í fangelsinu í
Haag í Hollandi með eiginkonu
sinni. Frúin mun koma færandi
hendi, að sögn lögmanns hans.