Dagblaðið Vísir - DV - 18.09.2002, Blaðsíða 19
I» l*l MIÐVIKUDAGUR 18. SEPTEMBER 2002
35
Svaf undir bílnum
- segir Svavar Cesar Kristmundsson flutningabílstjóri
Svavar segist vera lítið gefinn
fyrir viðtöl þegar blaðamaður DV
ber það undir hann hvort hann sé
ekki til í smá spjall. Hann keyrir
flutningabíl landshorna á milli og
er síður en svo orðinn þreyttur á
starfinu. Á endanum gefur hann
eftir og segir: „Ég er búinn að
keyra flötningabíl í töttugu og
femm ár,“ svarar Svavar Cesar
Kristmundsson, flámæltur eins
og leigubílstjórinn í Spaugstof-
unni, þegar ég spyr hann hvenær
hann hafi byrjað að keyra. „Ég
segi þetta við ungu mennina þeg-
ar við erum eitthvað að gantast á
stöðinni," segir Svavar en hann
byrjaði að keyra árið 1973, þá
tuttugu og sex ára gamall, fyrir
Kaupfélag Þingeyinga, búsettur í
Húsavík. Hann fór til sjós áður en
langt um leið og hóf ekki akstur
aftur fyrr en 1983 þegar hann
keypti sér Scaniu sem hann á enn
og kallar Gullmolann. Nú ekur
Svavar Cesar fyrir Alla Geira en
hefur aðstöðu hjá Flytjanda hf.
Hann segir að starfiö hafi
breyst mikið og segir skýringuna
vera þá að reglugerðir sunnan frá
Evrópu setji á þá hömlur hvað
varðar vinnutíma. „Ég man þá
daga þegar ég lagði af stað frá
Húsavík til Raufarhafnar klukk-
an sjö á morgnana. Ég var kom-
inn heim aftur um fjögurleytið ef
vel gekk og þá tók við níu tíma
akstur til Reykjavíkur. Svona lag-
að væri ekki liðið í dag og núna
megum við bara keyra í fjóra og
hálfan tíma og þá verðum við að
hvíla okkur. Ungu mennirnir eru
oft óánægðirt með þetta en ég
segi þeim að okkur veir ekkert af
hvíldinni. Það var ekkert sniðugt
fyrirkomulag á þessu héma áður
fyrr.“
Lífsglöð stétt
„Flutningabilstjórar eru lífs-
glöð stétt," segir Svavar Cesar og
minnist áranna þegar þeir gistu
margir á sama stað og skemmtu
sér fram á nótt. „Ég hef gist alls
staðar á landinu, í Borgamesi,
Staðarskála, á Hvammstanga, f
Varmahlíð og Fornahvammi. Þeg-
ar veðrið var gott þá svaf ég
stundum úti í móa og þegar
rigndi skreið ég undir bílinn og
lagði mig þar.“
Hann á von á nýjum bíl i haust
og hlakkar mikið til en það er
MAN 26513 FDLS (6x4) dráttarbíll
með flmm hundruð og tíu hest-
afla vél, þriggja öxla og á tveimur
drifum. Svavar Cesar segir að nýi
bíllinn muni gjörbreyta starfinu.
Meira pláss, meiri kraftur. -JKA
Gamli bíllinn hans Svavars á leiðinni yfir Kjöl þann tuttugasta og fjórða ágúst síðastliðinn.
„Þegar veðrið var gott þá svaf ég stundum úti í móa og þegar rigndi skreið
ég undir bílinn.“ DV-mynd Hari
n'i.
Bila- Borgarnesi S. 437-1200
fl Við seijum fólksbfla, jeppa, trukka, hjól, skóflur, gröfur, ýtur, hefla, vagna, kerrur, sendla, lyftara o.m.fl.
vélasala Gott útisvæði, mikil hreyfing, verðmat.