Dagblaðið Vísir - DV - 20.01.2003, Blaðsíða 16

30
MÁNUDAGUR 20. JANÚAR 2003
Sport
DV

1 Flat INUM i Loí JN€E |
1 JSaí LF€ )Rl D SUITES |
,mmmw j 1 ____
m\ , as I... Jim mÆ J
Manchester-klúbburinn á Islandi fær hinar óvenjulegustu beiðnir:
Hundurinn fékk
ekki inngöngu
- en að sögn formanns er fjölskyldufólk mest áberandi í starfi klúbbsins
„Manchester United-klúbburinn á
íslandi er nú á 11. ári. Hann var
stofnaður i Grindavík í október 1991
af funm heimamönnum og var Jón
Gauti Dagbjartsson ein aðaldrif-
fjöðrin í þeirri vinnu. í kjölfarið
kom síðan hópur manna sem vildu
stofna klúbb í Reykjavík. Opinberi
klúbburinn úti í Englandi neitaði
því einfaldlega og sagöi að það ætti
aðeins að vera einn starfandi klúbb-
ur. Klúbburinn i Grindavík varð
því að landsklúbbi," sagði Guðbjöm
Ævarsson, formaður Manchester-
klúbbsins á íslandi, þegar blaða-
maður DV-Sports bað hann um að
rifja upp hvemig klúbburinn varð
til.
Manchester United-klúbburinn er
næstelsti stuðningsmannaklúbbur-
inn af þeim sem eru starfandi í dag
og aðeins Arsenal-klúbburinn er
eldri. Á þessum ellefu árum hefur
ýmislegt fariö fram innan klúbbsins
og virðist ekkert vera að draga úr
því starfi sem þar er unnið þótt
meistaratitUlinn hafl gengið félag-
inu úr greipum í fyrra.
Mikið af fjölskyldum
„Það voru tæplega 1400 manns
sem borguöu félagsgjaldið í fyrra og
ekki er búist viö að þeir verði færri
í ár þó svo að þær tölur séu ekki al-
veg komnar á hreint.
Þetta er geysilega mikið af fjöl-
skyldufólki og mikið af krökkum,
enda þurfa þau að borga aðeins
háift verð. En það em heilu fjöl-
skyldumar í þessu, ailt frá ársgöml-
um bömum upp í áttræða kven-
menn. Einn reyndi meira að segja
að skrá hundinn sinn í fyrra en
varð að vonum ekki ágengt," segir
Guðbjöm og skellihlær að uppátæk-
inu.
„Klúbburinn stendur fyrir
tveimur til þremur ferðum til
útlanda á ári og fáum við miðana á
réttu verði. Þetta hafa verið um
100-150 manna ferðir og verða ein-
faldlega að vera svo margir til að
geta leigt flugvél og farið beint til
Manchester. Við höfum átt gott
samstarf við ferðaskrifstofuna Úr-
val-Útsýn í mörg ár hvað þetta varð-
ar og ég á ekki von á því að það
breytist."
Engin árshátíö
Flestir stuðningsmannaklúbbar á
íslandi reyna að hafa viðburði sem
tengjast ekki því að horfa saman á
leiki og ber þar mest á árshátíðinni
hjá flestum.
Manchester United-klúbburinn er
sér á báti hvað þetta varðar þar sem
hann hefur ekki haft það fyrir sið
að hafa árshátíð. Þess í stað reyna
stjómarmenn klúbbsins að standa
fyrir hinum og þessum uppákomum
sem mikið er varið í.
„Eins og menn muna kannski
fengum við meistarabikarinn heim
fyrir tveimur árum og í kringum
heimsókn hans vorum við með heil-
mikla veislu á Grand Hóteli þar sem
allir áhangendur Manchester
United á íslandi gátu komið og litið
gripinn augum.
Ánnars stefnum við á að breyta
aðeins til á þessu ári og halda árs-
hátið, eins og hinir klúbbamir
gera,“ segir Guðbjöm.
Fá liðiö til landsins?
ins segir Guðbjöm þau vera skýr.
„Markmið klúbbsins og stefna er
að reyna að fá liðið eða a.m.k. ein-
hverja úr liðinu hingað heim til ís-
lands. Það er stefnan, og við erum
ekkert að leyna því. Það gerðist ár-
ið 1983 og við höldum í vonina að
það gerist aftur. Hvort það svo tekst
getum við ekkert sagt til um. Það er
bara að halda í vonina, það er það
eina sem við getum gert.
En það er svo margt annað sem
flokkast undir dagleg störf klúbbs-
ins. Við hittumst á veitingastaðnum
Champions í Grafarvogi þegar leik-
ir em i beinni útsendingu og þá er
oft mikið líf og íjör; við reynum t.d.
oft að vera með getraunir í kringum
leikina hverju sinni til að skapa
stemmningu og fá fleira fólk til að
mæta.
Við gefum líka út félagsskirteini,
2-4 fréttabréf á ári, og margt fleira.
Félagsgjaldið fer allt i meðlimi, hver
einasta króna. Ef það er einhver af-
gangur sem má kalla þá fer það í
nælur og fleiri muni sem tengjast
United sem við gefum meðlimum í
klúbbnum.
Við erum einnig með glæsilega
heimasíðu starfrækta, www.manu-
td.is, sem hefur verið gríðarlega öfl-
ug siðustu 3 árin. Miklum tíma og
fjármunum hefur verið eytt í hana
og er hún mjög aðgengileg. Þar er
m.a. hægt að skrá sig í klúbbinn og
finna allar upplýsingar sem fólk tel-
ur sig þurfa á að halda,“ segir Guð-
björn.
Skiptir ekki um liö
Eins og áður segir virðist spila-
mennsku United hafa farið aftur og
í upphafi tímabilsins spilaði liðið
ekki vel. En svo náði það að vinna
átta leiki í röð og var þar með aftur
komið í bullandi meistarabaráttu.
Timabilið í fyrra var það fyrsta í
langan tíma þar sem félagið vinnur
ekki einn einasta titil. Þrátt fyrir
það segir Guðbjöm ekkert hik vera
á stjómarmönnum klúbbsins né
meðlimum.
„Þótt á móti blási virðist ekkert
vera að draga úr fólki sem borgar
ársgjaldið. Menn virðast geta skipt
um konur, föt, bila og hvaðeina en
maður skiptir ekki um lið i enska
boltanum, sama á hverju gengur.
Það er grundvallaratriði," sagði
Guðbjörn. -vig
í boltanum
Tinna Rós Steinsdóttir er 16
ára stuðningsmaður. Hún
vinnur í Ástund sem er hin óop-
inbera Manchester-búð á íslandi.
Áhrif frá pabba
„Herbergið mitt var mjög
rautt en það hefur minnkað að-
eins með aldrinum. Ég er 16 ára,
á 1. ári í Versló og vinn þama í
hlutastarfi. Ég byrjaði að halda
með United þegar ég var 9 ára og
var það aðallega vegna áhrifa
pabba sem er mikill aðdáandi.
Ég og tvær eldri systur mínar er-
um allar mikið í þessu og höfum
alltaf verið.”
Beckham i uppáhaldi
Stelpur á vissum aldri era oft-
ast meira fyrir Barbie-dúkkur
heldur en fótbolta. En Tinna hef-
ur ekkert lagt þær til hliðar?
„Nei, ég bjó bara til Barbie-
leiki í kringum boltann og það er
ótrúlega skemmtilegt. Ég hef
líka skrifað grein í Fréttablað
klúbbsins um Beckham sem er
uppáhaldsleikmaðurinn minn.
Ég veit nú eiginlega ekki af
hverju hann en hann hefur bara
alltaf verið það. Svo var það ekk-
ert verra þegar hann giftist Vict-
oriu.
Það er mjög misjafnt hvort ég
fer á pöbbinn eða er heima. Oft-
ast er ég heima þar sem pabbi er
og ég fer bara á pöbbinn þegar
hann fer. Oftast er það bara öll
fjölskyldan sem safnast saman í
kringum sjónvarpið."
Tvisvar á völlinn
„Ég hef tvisvar farið á völlinn,
1999 og 2000, og voru báðir leik-
imir sigurleikir. Þetta var æðis-
legt. í fyrra skiptið ákváðum við
að fara snemma á völlinn, ætluð-
um bara að versla í búðinni og
svona, en svo þegar við komum
voru leikmennimir að fara úr
rútunni inn á völlinn.
Við fengum fullt af áritunum
og myndum af okkur með
leikmönnunum þá. Síðan í
seinna skiptið gerðum við þetta
aftur svo að ég á nú áritanir og
myndir af mér með flestöllum
leikmönnunum," segir Tinna.
Um tilgang og markmið klúbbs-
Margir meölimir Manchester United-klúbbsins voru aö koma á Old Trafford í fyrsta sinn og fannst mikið til vallarins
koma, eins og sést á myndunum á síðunni. Myndir Eiríkur Jónsson