Dagblaðið Vísir - DV - 18.09.2003, Blaðsíða 6

6
Magasín
Fimmtudagur 11. september 2003
Útlit og heilsa Grasaiækningar
Náttúruleg lækning
GRASALÆKNIRINN: Jón segir grasalækningar tvímælalaust eiga erindi við okkur í
dag. Hann er alls eldd á móti hefðbundnum lælcningum en finnst nauðsynlegt að
bjóða þeim sem það kjósa upp á náttúrulega meðferð sem hafi litlar sem engar
aukaverkanir.
Doktor.is
Vil
harka-
legt
kynlíf
Eftir að ég varð ófrísk hefég
viljað mjög harkaiegt kynlif.
Því hefur fylgt það að mað-
urinn minn fær sáðlát of
fljótt. Hvað er hægt að gera
við þessu?
Svar: Ég geng nú ef til vill svo-
lítið langt í því að reyna að
svara þessu þar sem upplýsing-
arnar eru ekJd miklar. Ég leyfi
mér að ganga út frá því að þetta
bráðasáðlát hjá manninum
þínum sé nýlunda. Hafi ekki
verið vandamál áður og að
þessi spenningur þinn og
ágengni í kynlífi sé einnig
nýlunda.
Ef svo er giska ég á að þessi
ákefð þín setji manninn þinn úr
jafnvægi. Hann verði óöruggur
um hvað þú ert að fara fram á
og hvert þú stefnir með kynlíf-
inu. Gleymi að passa upp á
sjálfan sig.
Talaðu um ákefðina
Ég ráðlegg þér að ræða við
hann um þessa nýju ákefð þína
þannig að þú segir honum eftir
hverju þú ert að sækjast. Ég
myndi einnig ráðleggja þér að
láta í bili að minnsta kosti
stjómun kynlífsins í hendurnar
á honum þegar hann veit eftir
hverju þú ert að sækjast. Þrátt
fyrir ákefðina og ágengni þína
ráðlegg ég ykkur einnig að
leggja meiri áherslu á forleikinn
og lengja hann. Reyndu einnig
að halda aftur af ákafanum og
ágengninni og leggðu meiri
áherslu á nautn, sem lengst
framan af forleiknum. Líttu á
ákefðina og ágengnina sem
rúsínuna í pylsuendanum sem
þú ætlar að treina eins lengi og
þú getur.
Bráðasáðlát
Ekki er þó víst að þetta dugi.
Ef þetta bráðasáðlát er farið að
hrjá hann þannig að hann sé
farinn að hafa áhyggjur af því
og kvíða gagnvart því að það
gerist enn og aftur er kominn
vítahringur sem erfltt getur ver-
ið að brjótast út úr án aðstoðar.
Gangi ykkur vel
www.Doktor.is.
„Ef við ætlum að njóta þess að
vera full af lífi og orku verðum við
að borða fjölbreytta fæðu og
stunda einhverja hreyfingu sem
hentar okicur. Seinni hálfleikur í líf-
inu spilast eftir því hvernig fyrri
hálfleikur var spilaður. Það skiptir
því öllu máli að hugsa vel um lík-
amann strax frá byrjun," segir Jón
Einarsson, grasalæknir og nuddari.
Hluti af uppeldinu
Jón er grasalæknir í sjöunda ætt-
lið. Hann starfar sem slíkur í Sam-
túni 42 í Reykjavík ásamt systkin-
um sínum, Éinari og Ólöfu. Grasa-
lækningar lærðu þau systkinin af
móður sinni, Ástu Erlingsdóttur, en
hún tók við af föður sínum, Erlingi
Filippussyni, sem lærði aftur af
móður sinni.
„Að læra grasalækningar var í
raun bara hluti af uppeldi okkar.
Það varð ekkert komist hjá því að
læra þetta," segir Jón.
Streitusjúkdómar algengir
Þegar Erlingur, afi Jóns, starfaði
sem grasaiæknir voru það aðallega
fæðutengdir sjúkdómar sem hann
meðhöndlaði. í dag eru breyttir
tímar og nú eru streitusjúkdómar
mun algengari. Jón segir fólk aðal-
lega kvarta undan streitu, tengdri
vinnu, og hann mælir með því að
fólk reyni umfram allt að forðast
það að taka vinnuna með sér heim.
„Það getur verið gott að fara í
20-40 mínútna gönguferðir á
lcvöldin til að hreinsa hugann og ná
að slappa af. Það er æskilegt að vera
aðeins með hugann við eitt í einu.
Ef það tekst minnkar stressið til
muna.“
Læknar magakveisu bama
„Með grasalækningum er hægt
að meðhöndla flestalla sjúkdóma,"
segir Jón.
„Ég hef meðhöndlað með góðum
árangri frjósemisvandamál, frjó-
kornaofnæmi, gigt, brunasár,
stækkun og bólgur í blöðruháls-
kirtli, blöðrubólgu, asma og margt,
margt fleira. Mér finnst þó lang-
skemmtilegast að meðhöndla
magakveisu hjá börnum. Ungbörn
geta með engu móti sagt til um
hvað er að hrjá þau þegar þau finna
til og eina ráð þeirra er að gráta. Því
vekur það með mér alveg sérstakar
tilfinningar að geta linað verki
þeirra." '
„Ég hef meðhöndlað
með góðum árangri
gigt, brunasár, stækkun
og bólgur í
blöðruhálskirtli, blöðru-
bólgu, asma og margt,
margt fleira.“
Ferskt hráefni best
Jón mælir með því að ávallt sé
notað ferskt hráefni við elda-
mennsku. „Allt of margar unnar
kjötvörur innihalda efni sem sum
okkar þola ekki. Saltpétur er til
dæmis í sumum brauðostum,
reyktum mat, áleggi margs konar
og mörgu fleira. Saltpéturinn veld-
ur því til dæmis að exem og frunsur
verða þrálátt vandamál. Oft er hægt
að losna við exemið og frunsurnar
með því að taka unnar matvörur úr
fæðunni. Fólk ber þó á sig einhver
svakalega fín exem- eða frunsu-
krem en athugar ekki hver er rót
vandamálsins - einmitt unnar
matvörur."
Jón segir að í dag sé svo algengt
að afleiðingin sé meðhöndluð en
ekki orsökin. Annað dæmi um slíkt
séu til dæmis áhrifin sem bakflæði
hefur á asma. „Bakflæði getur
nefnilega framkallað asma og gætu
sumir dregið úr einkennum
asmanns og jafnvel læknað hann
með því að meðhöndla bakflæðið,"
segir hann.
Ýtt undir æðakölkun
Þótt vítamín séu bráðnauðsyn-
leg fyrir líkamann geta sum þeirra
þó verið óholl í of stórum skömmt-
um.
„Ef þú tekur lýsi en vilt einnig
taka fjölvítamín þá er nauðsynlegt
að taka fjölvítamfn sem heitir
Vítamínus, annars færðu of stóran
skammt af D-vítamíni og það getur
ýtt undir æðakölkun,“ segir Jón og
heldur áfram:
„Ekkert dýr drekkur mjólk eins
langt fram eftir ævinni og maður-
inn og sumir hafa mjólkuróþol án
þess að vita af því. Allir þeir sem ég
hef ráðlagt að hætta að drekka
mjólk, allt fólk sem komið var á
fullorðinsaldur, hættu að finna fyr-
ir þreytu sem þeir kvörtuðu áður
undan. Þreyta getur nefnilega verið
vísbending um ofnæmi. Ef þú
skemmir fyrir þér með röngum
lifnaðarháttum er svo margt sem
fylgir, svo sem lítið sjálfsmat og þol,
ónæmiskerfið er í ólagi og svo
mætti lengi telja.“
Ekki á móti hefðbundnum
lækningum.
Jón segir graslækningar tvímæla-
laust eiga erindi í dag. Hann tekur
það þó fram að hann sé alls ekki á
móti hefðbundnum lækningum,
sér finnist aðeins nauðsynlegt að
bjóða þeim sem það kjósa upp á
náttúrulega meðferð sem hefur litl-
ar sem engar aukaverkanir.
„Við grasalæknar sjáum þó ekki
um að sjúkdómsgreina fólk, við
viljum að fólk fái sjúkdómsgrein-
ingu hjá lækni, enda hafa þeir allt
sem þarf til þess. Hvort einstakling-
ar fái svo meðferð hjá lækni eða
leiti óhefðbundinna lækninga er
þeim þó algerlega í sjálfsvald sett. í
dag eru þeir þó æ fleiri sem leita
óhefðbundinna leiða til að ná
heilsu." tobba@dv.is
GÓÐURÁRANGUR: Myndimar sýna barn sem hlaut alvarleg brunasár. Jón notaði
þekldngu sína sem grasalæknir til að meðhöndla sár barnsins og er árangurinn al-
veg hreint ótrúlegur.
HÁRSNYRTIR: „Var rekinn heim og sagt að láta klippa mig,“ segir Villi Þór.
Klippir á Krókhálsinum
Sjá má ýmis svipmót í hártísku
um þessa mundir. Yngri kyn-
slóðin er hrifin af villtu hári. Hin-
ir ráðsettari vilja hins vegar vera
snöggklipptir.
Þetta er ekki ólíkt því sem hefur
alltaf einkennt tískuna. Sjálfur er ég
Bítlabarn og var sem strákur rekinn
heim úr skóla og sagt að láta klippa
mig,“ segir Villi Þór, hársnyrtimeist-
arinn góðkunni, sem sl. föstudag
opnaði stofu á nýjum stað að Krók-
hálsi 1 í Reykjavík. Síðustu ár hefur
hann rekið stofuna Hárlist.is við
Skólavörðustíg - en þar áður var
hann í 23 ár með stofu við Ármúla.
Hún hét Hársnyrting Villa Þórs - rétt
eins og nýja stofan á Krókhálsi.
í uppsveitum Reykjavíkur
En nú er Villi Þór kominn með
stofu í uppsveitum Reykjavíkur, eins
og hverfin ofan Elliðaáa eru stund-
um kölluð.
„Þegar ég opnaði stofu í Ármúlan-
um árið 1974 voru engar slíkar í
hverfinu enda ekkert nema iðnaðar-
starfsemi þar. í dag eru Ármúlinn
með öðrum svip. Ég reikna með að
innan ekki langs tíma verði flóra
allrar starfsemi hér uppi á Hálsum
orðin mun fjölbreyttari en hún er í
dag og fyrsta skrefið í þá vem er að
nú skuli hafa verið opnuð hársnyrti-
stofa í hverfinu." sigbogi<s>dv.is