Dagblaðið - 20.03.1979, Síða 3

DAGBLAÐIÐ. ÞRIÐJUDAGUR 20. MARZ 1979.
3
Hundleiðinlegt sjónvarp
sorgarmyndir og ræf larokkarar
Brcfrilari slingur upp á þvi að sjónvarpið laki til sýningar tónlislarþætti með
James Last.
Lesandi ó Norðurlandi skrifar:
ört versnandi smekkur sér-
fræðinga sjónvarpsins okkar í vali
kvikmynda og tónlistarþátta leynir
sér ekki. Við úti á landsbyggðinni og í
tilbreytingarleysinu hlökkum alltaf
til helgarinnar og þá er kannski okkar
stærsta tilbreyting fjörug mynd i
sjónvarpinu á föstudags- og laugar-
dagskvöldum. Nú 4-5 sl. helgar hefir
ekki gengið á öðru en sorgarmyndum
eða þá svo háfleygum að við alþýðan
skiljum þær ekki. Eitt ber þó að
viðurkenna. Síðan sá frægi atburður
er Kvikmyndahátíð nefnist heiðraði
höfuðborgina á sl. ári hefir ekki sézt
klám á skerminum og er það vel, en
við áhorfendur skiljum samt ekki alla
þessa sorg. Við greiðum okkar
sjónvarpsgjald til að fá útúr því gleði-
stundir en ekki grátköst.
Þá eru það tónlistarþættir. Þeir
hafa oft verið settir inn á laugardags-
dagskrána í 30 til 45 mínútur og gæti
það líka verið prýðilegt. En þar hefir
þó nokkrum sinnum brugðið fyrir
vægast sagt undarlegum smekk
á vali efnis, sem ég held að hljóti að
vera til kominn vegna mikils mis-
skilnings, en það var síendurtekið á
síðustu mánuðum sl. ár eða fyrri
hluta vetrar að sýna brjálaðar (popp)
lunglingahljómsveitir. Meðlimir
kannski berir niður að mitti með
hárlufsur í allar áttir, allir ráfandi um
sviðið með öll einkenni dópistans
hvar sem á þá er litið. Ég vildi
vinsamlegast benda dagskrárstjórri
sjónvarps á eftirfarandi: Sjónvarps-
áhorfendur á laugardögum eru ýmist
eldri en 25 ára eða yngri en 12 ára,
Þeir sem ánægju hafa af þess háttar
ræflarokkurum eru eldri en 12 ára og
yngri en 25 ára. Þessi hópur er ekki
heima á laugardögum. Ef ráðamenn
eru í vandræðum með heppilegt efni
vil ég benda þeim á að bæði Danir o&
Svíar eiga skemmtilega músikþætti í
tonnatali. Þjóðlagasöng með beztu.
söngvurum og hljómsveitum, létt:
klassísk verk sem bæði ungir og
gamlir kunna að meta allt frá
Rapsody No 2 eftir Lizt fært upp í
leikformi, jasstónleika með Elling-
ton, Basie eða blandaða tónlist meíi
James Last. Af nógu virðist þar vera
að taka. Alla vega þá vona ég að for-
ráðamenn sjónvarpsins fari að átta
sig á að það eru þeir sem eiga aíi
reyna að þóknast okkur, en ekki við
þeim.
ENN UM DRAGNOT
Trausti Guðmundsson sjómaður
skrifar:
Að undanförnu hafa fáeinir menn
látið Ijós sitt skína varðandi drag-
nótaveiðar í Faxaflóa. Það
eru eingöngu menn sem eru á móti
dragnót. Dragnót drap einu sinni
þorsk og ýsu. Þess vegna er hún stór-
hættulegt eyðingartæki að manni
skilst.
Rök manna
Maður nokkur gekk út með kíki
sinn suður í Garði. Brá hann
sjónaukanum á loft og horfði til hafs
og hvað sá maðurinn. Jú, hann sá
dragnótarbát og að líkindum við
veiðar, því nær var hann ferðlaus.
Þvílíkt. Einhver hefði nú verið
munurinn að vera bara á marglyttu-
veiðum.
Svo máttlaus geta rök manna verið
og svo fráleit að tæpast er hægt að
brosa að vitleysunni. Rök fiski-
fræðinga varðandi dragnótina eftir
aðjiafa rannsakað yfirferð hennar
um botninn og með stækkun möskva
í 170 mm hníga eindregið í þá veru að
nýta beri skarkola þann sem nóg er
talið af og hefur verið vannýttur.
Skynsamleg nýting fiskstofna innan
landhelginnar virðist eiga örðugt
uppdráttar. Skal hér minnzt á hið
gífurlega smásíldardráp hringnóta-
báta, seiðadráp rækjubáta og síðast
en ekki sízt ef dengja á loðnuflot-
anum í þorskanet eftir að hafa ausið
upp loðnunni langt umfram það
sem fiskifræðingar töldu ráðlegt. Hér
þarf víst ekki að setja kíkinn fyrir
blinda augað. Það væri vissulega at-
hugandi fyrir seglasaumara að láta
þetta ekki framhjá sér fara.
Málstaður
útgerðarmanna
Ólafur Björnsson útgerðarmaður í
Keflavík er einn þeirra örfáu suður
þar sem leitt hefur málstað útgerðar-
manna og sjómanna i ræðu og riti.
Manni finnast hálfrætnar og ræfils-
legar persónulegar árásir einstakra
manna á hann vegna þess að hann
hafði dug og þor til þess að bera fram
tillögu á alþingi þess efnis að nýta
,beri skarkolann með því að opna tak-
mörkuð svæði fyrir dragnót.
Nýta ber vannýtta
fiskstofna
Hér verður skynsemin að ráða
ferðinni. Nýta ber vannýtta fisk-
stofna svo sem unnt er og taka skal
meira tillit til vísindalegra athugana
og kannana fiskifræðinga en gert
hefur verið. Fóðlegt verður að sjá
skynsamleg
nýting
fiskstofna
virðist eiga
erfitt
uppdráttar
hvort hið háa alþingi metur meir, rök
fiskifræðinga eða hagsmunapotara
og rithandasafnara.
RAGNHEIÐUR
KRISTJÁNfeDÓtTI
Hringið
ísíma
27022
milli kl.
13 og 15,
eða skrifið
Spurning
i
Hvað ætlar þú að
gera í sumarfrfinu?
Helga Tómasdóttir, nemandi og
sendill: Ég ætla að vinna hjá
Tryggingastofnuninni.
Magdalena Gissurardóttir, sauma-
kona: Ég reikna ekki með að fara
neitt. Annars er ég ekkert farin að
hugsa um það ennþá.
Jón Hólmgeir Steingrímsson, nemi: Ég
er að hugsa um að vinna hjá Hörpu, ef
ég fæ vinnu þar hjáafa mínum.
Gréta Pálsdóttir, kennari: Ég er ekki
farin að hugsa um það. Ég fer náttúr-
lega i frí, en það er alveg óráðið hvert
þaðverður.
Sigurður Hálfdánarson, verzlunar-
maður: Það er ekkert ákveðið í þeim
málum, en það verður sennilega í ágúst
sem ég tek fríið. Undanfarin ár hef ég
ferðast svona jöfnum höndum utan-
lands og innan og ég er að hugsa um að
vera bara heima í ár.
Jónína Emilsdóttir, nemandi: Ég fer
sjálfsagt eitthvað vestur og skoða Vest-
firðina, til dæmis ísafjörð. Annars er
ég lítið farin að hugsa um þetta ennþá.