Dagblaðið - 23.05.1979, Síða 17

DAGBLAÐIÐ. MIÐVIKUDAGUR 23. MAÍ 1979.
17
strákarnir
leika sér
og stelpan slær ígegn
Þó að Ellen Kristjánsdóttir hafi
fengizt við dægurlagasöng um
nokkurt skeið hefur hún
verið fremur lítið áberandi
hingað til. Á plötunni Brott-
för ki. átta má segja að
hún hafi fyrst slegið
almennilega í gegn.
DB-myndir Ragnar Th.
Svona fer þegar vinstri höndin gleymir að fylgjast með þvi hvað sú hægri gerir.
Magnús Kjartansson greiddi þó fljótlega úr flækjunni. Ballið á Hvoli var hið
síðasta sem hann tekur þátt í með Mannakorni að sinni þvi að hann tekur til
starfa með HLH-flokknum á föstudaginn.
Jón Kristinn Cortes lét engan bilbug
á sér finna þó að félagar hans í
hljómsveitinni sprelluðu eins og þeir
ættu lífið að leysa. Hann setti upp
pókerandlitið og brosti ekki einu
sinni við Ijósmyndaranum.
„Graði-Rauður var gæðingur, glæstur hálftaminn stóðhestur,” sungu Ellen og
Baldur Már Arngrimsson fullum rómi. Það var nokkuð óvenjulegt við leik
Mannakorns að bæði Jón Cortes og Pálmi Gunnarsson léku á bassa i sumum
lögum. Hér hefur Jón þó sleppt bassanum og lætur sér nægja að spila á tvær
tambúrínur.
Það kom ósjaldan i hlut Björns Björnssonar að byrja
lögin með drynjandi trumbuslætti þegar honum þóttu
félagar hans vera full svifaseinir að halda áfram spila-
mennskunnl.
Aðalmaðurinn, Magnús Eiríksson, hélt rósemi sinni á
laugardagskvöldið sem endranær.
Þegar gamlir strákar hittast og taka lagið saman, þá skiptir ekki öllu máli á
hvaða hljóðfæri hver leikur. Þannig þreif píanóleikarinn Magnús Kjartansson'
oft trompetinn og bassaleikarinn Páhni Gunnarsson lék jöfnum höndum á
tambúrínu, píanó og hvað sem fyrir hendi varð.
I ,, . . . Og þú varst af þessum gamla
] skóla, hörkutóla, sem hugsaðir mest
J um þitt . . .” Lífleg sviðsframkoma
■ einkenndi leik Mannakorns mjög á
V Hvoli.
Sigurður Karlsson trommuleikari kom óvænt fram með Mannakorni á Hvoli á laugardagskvöldið. Þar með voru liðs-
menn hljómsveitarinnar orðnir átta talsins. Sigurður barði alls kyns bumbur og ekki bar á öðru en hann tæki lagið með
Magnúsi Kjartanssyni þegar svo bar undir.