Veðráttan - 02.12.1933, Blaðsíða 6
Ársyfirlit
Veðráttan
1933
Veðurstofan.
Starfsfólk var hið sama á Veðurstofunni árið 1933 og undanfarið ár.
Haldið var áfram að gefa út mánaðarblaðið »Veðráttan«, en sú breyting var
gerð á útkomu blaðsins, að hlaupið var yfir 6 fyrstu mánuði ársins 1933, til
þess að hvert mánaðaryfirlit yfir veðráttuna kæmi út eigi síðar en 1 mánuði
eftir lok þess mánaðar, sem það fjallaði um. Með þessu móti var hægt að
láta »Veðráttuna« yfir júlí 1933 koma út þ. 1. sept. Þau blöð, sem hlaupið
var yfir, hafa síðan verið prentuð, er hentugleikar leyfðu, og með þessu árs-
yfirliti er fyllt í skarðið. Veðurskeytin að morgninum hafa verið fjölrituð og
send áskrifendum í Reykjavík og nokkrum erlendum veðurfræðistofnunum í
skiftum fyrir veðurkort þeirra. Ennfremur hafa verið fjölritaðar landskjálfta-
skýrslur á ensku og sendar erlendum vísindastofnunum, sem fást við land-
skjálftarannsóknir, í skiftum fyrir rit þeirra. Skýrslur um einstaka þætti veður-
lagsins á íslandi og kaflar úr veðurathugunum gerðum hér á landi hafa verið
látin í té nokkrum opinberum stofnunum innan lands og utan, svo og ein-
stökum vísindamönnum til notkunar við fræðistörf þeirra. Ennfremur voru
gefin út 11 vottorð um veðrið til upplýsingar í lögfræðilegum málum. Veður-
fregnum var útvarpað þrisvar á dag alla virka daga, en tvisvar á dag á helg-
um dögum frá útvarpsstöðinni, og auk þess frá loftskevtastöðinni einu sinni á
nóttu 9 mánuði ársins. Ekkert næturútvarp var 3 sumarmánuðina, júní, júlí og
ágúst. Veðurspám á ensku og þýzku var útvarpað tvisvar á dag, kvölds og
morgna, á eftir íslenzku veðurfregnunum. Veðurskeyti frá 5 íslenzkum athug-
unarstöðvum voru send eins og að undanförnu til Weather, London, þrisvar á
dag, en frá Lundúnum var þeim síðan dreift til annarra landa með loftskeytum.
I sambandi við aðrar rannsóknir í heimskautalöndunum héldu Danir og
Svisslendingar í sameiningu uppi veðurathugunarstöð við Snæfellsjökul fram til
ágústloka, ?n í Reykjavík rannsökuðu Hollendingar upploftin með flugvélum
fram til sama iíma. Rannsóknir þessar voru gerðar í samvinnu við Veðurstof-
una, svo sem getið er um í fyrra árs skýrslu.
í byrjun marz-mánaðar var byrjað að senda meðalloftvægi, meðalhita og
úrkomumagn í Reykjavík fyrir næsta mánuð á undan símleiðis til Forschungs-
stelle fiir langfristige Witterungsvorhersage, og var það gert mánaðarlega úr því.
Vegna flugleiðangurs ítala um ísland til Ameríku lét Veðurstofan þeim
í té sérstök veðurskeyti og þar á meðal veðurathuganir annanhvern tíma í 8
daga frá flestöllum veðurskeytastöðvum hér á landi. Einnig veitti hún flug-
mönnuium Charles Lindbergh, og síðar Grierson aðstoð með því að senda
þeim veðurskeyti og veðurspár.
(54)