Veðráttan

Árgangur

Veðráttan - 02.12.1949, Blaðsíða 1

Veðráttan - 02.12.1949, Blaðsíða 1
VEÐRÁTTAN 1949 ÁRSYFIRLIT SAMIÐ Á VEÐURSTOFUNNI Tíðarfarið var óhagstætt að haustmánuðunum undanskildum. Loftvægið á öllu landinu var 0.6 mb undir meðallagi. Meðalhiti ársins var 0.1° undir meðallagi. Sjávarhitinn var 0.2° undir meðallagi. Hlýjast var að tiltölu í sjó við austur- ströndina. Urkoman var í rúmu meðallagi um miðbik Suðurlands og á Vestfjörðum. Annars staðar á landinu var úrkoma minni en í meðalári. Urkoman á Hrauni á Skaga mældist 632.3 mm og á Seyðisfirði 1115.3 *nm. Mest ársúrkoma mældist í Vík 2526.2 mm eða a/5 umfram meðallag, en minnst á Grímsstöðum 304.3 mm. Veturinn 1948—1949 (des.—marz) var óhagstæður. Lengst af var snjóþungt og samgönguerfiðleikar yfirleitt miklir. Úrkoma mældist í meðallagi og hitinn 0.1° hærri en í meðallagi. Vorið (apríl—-maí) var mjög óhagstætt. Snjóþyngsli voru með afbrigðum mikil og víða horfði til vandræða vegna hagleysis og heyskorts. Hiti var 2.5° undir meðal- lagi, og hcfur ekkert vor það sem af er öldinni verið jafn kalt og þetta. Urkoman var rösklcga ^j^ umfram meðallag. Sumarið (júní—sept.) var fremur óhagstætt. Grasspretta var þó allgóð, nema þar sem kal var í túnum. Heyskapartíð var víða stirð og heyfengur varð í rýrara lagi bæði að vöxtum og nýtingu. Hiti var 0.8° yfir meðallagi á öllu landinu. Tiltölulega hlýjast var um norðaustanvert landið. Úrkoman var tæplega x/6 umfram meðallag og var hún tiltölulega meiri sunnan lands en norðan. Sólskinið í Reykjavík mældist 173.6 stundum skcmur en meðaltal 20 sumra. Á Akureyri mældist sólskin 47.6 stundum lengur en meðaltal 15—17 sumra. Haustið (okt.—nóv.) var lengst af hagstætt, en uppskera úr görðum var yfirleitt rýr. Hiti var 1.2° yfir meðallagi og úrkoma rösklega 3/5 af meðalúrkomu. Snjólag var um meðallag og hagar góðir. Jarðskjálftar. I Reykjavík mældust 44 jarðhræringar á árinu, en hugsanlegt cr, að 5—6 þessara hræringa hafi stafað af sprengingum. Af þessum jarðskjálftum áttu 19 upptök í minna en 50 km fjarlægð frá Reykjavík, 2 í um 300 km fjarlægð, 3 í 400—1500 km fjarlægð og 20 jarðskjálftar áttu upptök í mciri fjarlægð frá Reykjavík en 1500 km. Aðeins tvisvar á árinu er þess gctið, að jarðskjálftar hafi fundizt á landinu; í Reykjavík 15. descmber (styrkleiki II stig) og á Siglufirði og Siglunesi um kvöldið þann 15. dcsember og aðfaranótt 16. desember. Síðan 1924, er veðurstofan tók að birta heimildir um jarðskjálfta, hcfir þeirra aldrei orðið eins lítið vart á Islandi og árið 1949. Veðurstofan. 1 aprílmánuði lauk Páll Bergþórsson prófi í veðurfræði eftir tveggja ára nám hjá sænsku veðurstofunni og var hann ráðinn veðurfræðingur á veðurstofunni frá 1. maí. Eftirtaldir aðstoðarmenn voru ráðnir á árinu: Guðný Sigfúsdóttir (15. jan.), Jakob Jakobsson (27. jan.), Halldór Jóhannsson (2. ágúst) og Herdís Ásgeirsdóttir (14. okt.). Þessir aðstoðarmenn hættu á árinu: Ragnheiður Arnadóttir, (jan.), Helga Magnús- dóttir (28. febr.) og Margrét Ólafsdóttir (30. sept.). Borghild Edwald var ráðin (29. jan.) til að annast símagæzlu í staðinn fyrir Sigur- björgu Snorradóttur, sem hætti 28. febrúar. (49)

x

Veðráttan

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Veðráttan
https://timarit.is/publication/278

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.