Veðráttan - 02.12.1993, Blaðsíða 29

1993
Veðráttan
Ársyfirlit
Þyngdarmælar voru í Saurbæ í Holtum og við Búrfellsvirkjun.
Osonmælingar og mælingar á sólgeislun voru gerðar í Reykjavík.
✓
Utvarp veðurfregna
Veðurfregnum var útvarpað á Rás 1 Ríkisútvarpsins á eftirtöldum tímum: Kl. 0130, 0430, 0645 (bættist
við 1. janúar), 0730, 1045, 1245, 1630, 1930 og 2230. Kl. 0130, 0430, 0645 og 0730 (aðeins á sunnudögum)
voru veðurfregnir einnig lesnar á Rás 2. Kl. 0430 var einnig útvarpað um loftskeytastöðina í Reykjavík á 1650
kílóriðum.
í upphafi veðurfregna var lýst veðri á völdum veðurstöðvum á landi. Kl. 1045 var lýst veðri á flestöllum
veðurathugunarstöðvum, kl. 1630 voru einkum valdar stöðvar inn til landsins en á öðrum tímum voru valdar
stöðvar við ströndina. Þá var lesin veðurlýsing frá skipum í grennd við landið (þó ekki kl. 1245) og síðan
veðurspá fyrir einstök spásvæði á landi, miðum og djúpum. Veðurhorfum á öðrum, þriðja og fjórða degi var
útvarpað í lok veðurfregnatíma kl. 1045, 1245, 1630 og 1930.
Sérstökum horfum fyrir miðhálendið var útvarpað með morgunfréttum Rásar 1 í júlí og ágúst. Stuttar
veðurfregnir á ensku voru einnig lesnar með almennum fréttum fyrir ferðamenn sömu mánuði.
Ymsar útvarpsstöðvar fengu sendar veðurupplýsingar, svo sem stormviðvaranir, stuttar veðurspár fyrir
næsta sólarhring og veðurhorfur næstu daga, til að útvarpa með fréttum eða öðrum dagskrárliðum.
Veðurfregnir birtust reglulega í Ríkisútvarpi-Sjónvarpi. Drög að spákorti fyrir ísland voru gerð daglega
fyrir Stöð 2. Svipuð drög voru gerð reglulega fyrir tvö dagblöð, DV og Morgunblaðið.
Fram til 15. júlí var veðurfregnum útvarpað ffá strandarstöðvum Pósts og síma en sfðan var því hætt. Frá
hverri stöð var almennu yfirliti, stormviðvörunum og spám fyrir þau spásvæði, sem næst voru hverri stöð,
útvarpað sem hér segir: Að næturlagi var útvarpað frá ísafirði, Neskaupstað og Vestmannaeyjum kl. 0203 og
0503 en frá Siglufirði og Homafirði þremur mínútum síðar í báðum tilvikum. Að degi til var útvarpað frá
Neskaupstað kl. 1103 og 2203 og þremur mínútum síðar frá Siglufirði og Hornafirði. Útvarpað var á
aðalvinnutíðni stöðvanna að undangengnu tilkynningarkalli á 2182 kílóriðum.
Veðurspáfyrirmiðin varlesin áenskukl. 0533,1133,1733 og 2333 átíðni 1876kílóriðumað undangenginni
tilkynningu á 2182 kílóriðum. Henni var einnig útvarpað á NAVTEX (518 kílórið) kl. 0718, 1118, 1918 og
2318.
Veðursíminn, símatorg þar sem nýjustu veðurupplýsingar eru tiltækar allan sólarliringinn, var starfræktur
allt árið.
Útgáfustarfsemi
Veðráttan: Gefin voru út mánaðarblöð fyrir mánuðina janúar til desember 1992.
Hafísskýrslur voru ekki gefnar út á árinu.
Jarðskjálftaskýrslur: Yfirlit um jarðskjálfta mælda í SIL-kerfinu voru gefin út vikulega og send
Almannavörnum og nokkrum öðrum stofnunum. Preliminary Seismogram Readings var gefið út vikulega.
Útgáfu á mánaðaryfirlitum jarðskjálfta hefur verið hætt.
Þátttaka í ráðstefnum
Magnús Jónsson sótti ráðstefnu í Oxford dagana 27. september til 1. október um framtíðarskipan
veðurþjónustu.
Trausti Jónsson og Magnús Jónsson sóttu fund í vísinda- og tækninefnd ECSN (Eruopean Climate Support
Network) sem haldinn var í Toulouse 22.-26. mars.
Gunnlaugur Kristjánsson sótti DECUS ráðstefnu í Montreux í Sviss dagana 5.-10. september.
Magnús Már Magnússon sótti undirbúningsfund vegna samstarfsáætlunar ESB um snjóflóð í Grenoble 8.-
9. júlí.
(125)