Vísbending - 19.04.1990, Blaðsíða 4

VÍSBENDING
ÍTALÍA:___________________________
Síðustu leifar fjármagnshafta
hverfa um næstu mánaðamót
Samkvæmt samkomulagi EB ríkj-
anna eiga allar hömlur á fjármagns-
flutninga að vera horfnar í júlí á þessu
ári. (Grikkland írland og Portúgal fá þó
lengri frest). Löndin hafa smám saman
á undanförnum misserum verið að
aflétta þessum hömlum og nú er svo
komið að einungis Italía á eftir að
losa endanlega um hömlur. Og ítalir
ætla ekki að bíða til júlí með slíkt því
að þeir hafa nú ákveðið að gefa
fjármagnsflutninga að fullu frjálsa frá
og með næstu mánaðamótum. Þetta
þýðir að þá geta Italir lagt sparifé inn á
sparireikninga erlendis og átt erlenda
gjaldeyrisreikninga í bönkum á Italíu.
Menn hafa haft af því nokkrar
áhyggjur að fjármagn eigi eftir að
flytjast úr landinu þegar hömlum yrði
aflétt. Ráðamenn eru þó fremur
bjartsýnir um þessar mundir á að til
fjármagnsflótta í stórum stíl þurfi ekki
að koma. I því sambandi nefna þeir
sterka stöðu ítölsku lírunnar og háa
vexti innanlands. Raunar hefur átt sér
stað innstreymi fjármagns á þeim
tveimur árum sem dregið hefur verið
úr hömlum.
Ráðamenn eru engu að síður
sammála um að lækka verði skatta á
vexti til að draga úr hættu á fjármagns-
flótta eftir að hömlurn hefur verið
aflétt. Skattur á vexti sem vaxta-
greiðendur innheimta er nú 30% og
ítalski seðlabankinn vill lækka hann
niður í 20%. Menn telja þó ólíklegt að
skatturinn verði lækkaður svo mikið
þar sem ríkið hefur af honum verulegar
tekjur. Forráðamenn ríkissjóðs hafa lil
dæmis stungið upp á 25% skatti. Eftir
sem áður yrði þessi skattur með þeim
hærri í löndunt EB.
UNGVERJALAND:
Mikil aðsókn erlendra fjárfesta
Ahugi margra öflugra fyrirtækja á
Vesturlöndum beinist nú í vaxandi mæli
að fjárfestingartækifærum í löndum
Austur Evrópu. A.Evrópu-löndin eru í
óða önn að breyta lögum og
reglugerðum sem lúta að erlendum
fjárfestingum með það fyrir augum að
laða að erlcnt fjármagn, en eru
mislangt á vegi stödd. Af þessum
löndum er það Ungverjaland sem
lengst hefur gengið í því að breyta
lögum í frjálsræðisátt og þar er jafnvel
hlutabréfamarkaður kominn vel á legg.
Næstum öll stærstu ríkisfyrirtækin
ERLEND
FRETIABROT
leita nú að erlendum samstarfsaðilum
eða kaupendum. Og áhugi erlendra
fyrirtækja er svo mikill að nú er vöntun
á ungverskum fyrirtækjum sem hafa
burði til að taka á móti eins miklum
fjármunum og erlend fyrirtæki bjóða
fram. Fullyrt er að sérhvert ungverskt
fyrirtæki sem sýnir fram á sæmilega
fjárhagsstöðu geti orðið sér út urn
nægt fjármagn. Bestu fyrirtækin hafa
þegar fengið verulegt erlent fjármagn í
gegnum samstarfssamninga eða beint
með eignaraðild erlendra fyrirtækja.
Dæmi um erlend fyrirtæki sem hafa
keypt hlut í ungverskum fyrirtækjum
eru General Electrics, General Motors
Suzuki og Digital Equipment.
V. ÞÝSKALAND:
Útiloka skattahækkanir til að
fjármagna sameiningu þýsku
ríkjanna
V.þýski fjármálaráðherrann, Theo
Waigel, hefur nýlega lýst því yfir að
ekki komi til greina að hækka skatta til
að fjármagna sameiningu þýsku
ríkjanna; ekki aðeins á yfirstandandi
fjárlagaári heldur á næstu fjórum árum
a.m.k. Fjármálaráðherrann sagði enn-
fremur að búast mætti við auknum
hagvexti og þar með meiri skatttekjum
sem ættu að duga til að fjármagna
sameininguna. Hins vegar myndi
skattbyrðin ekki aukast. Helmut Kohl,
kanslari, hefur tekið undir þá skoðun
að skattar hækki ekki, en telur að
kostnaður við sameiningu verði
fjármagnaður með því að draga á móti
úr framlögum til varnarmála og
samgöngumála.
Hrun Berlínarmúrsins er þegar farið
að segja til sín í v.þýskum efnahag. A
þessu ári er nú búist við 4% hagvexti
sem er nokkru meira en áður var spáð.
Er aukningin aðallega til komin vegna
aukins útflutnings til A.Þýskalands.
Hagfræðingar hafa einnig endur-
skoðað spár til lengri tíma og komist
að þeirri niðurstöðu að hagvöxtur
verði 3,5% árið 1991 í stað 2,5%. Þeir
áætla einnig að verðbólga verði áfram
á bilinu 3 til 3,5%.
SJÖVELDIN:
Ráðleggja öllum löndum að
efla sparnað með tiltækum
ráðum
Fjármálaráðherrar og seðlabanka-
stjórar helstu iðnríkjanna hittast reglu-
lega og hittust nú síðast þann 7. apríl.
(Þessi ríki eru Bretland, Bandaríkin,
Japan, Kanada, Frakkland, Ítalía og
V.Þýskaland). A þessum fundum er
skipst á skoðunum um efnahagsmál í
heiminum almennt og hvernig bregðast
skuli við vandantálum sent til staðar
eru hverju sinni.
í sameiginlegri yfirlýsingu þátttak-
enda var undirstrikuð þörfin á nánu
samstarfi ríkjanna til að ná mark-
rniðunt um varanlegan hagvöxt, litla
verðbólgu og stöðugra gengi. I því
sambandi var sérstaklega tekið fram
að lönd sem byggju við halla á
ríkisbúskap og á viðskiptajöfnuði ættu
að draga úr ríkissjóðshalla og leita
leiða lil að efla sparnað. Allir
þátttakendur voru sammála urn að
hvetja ætti til sparnaðar í öllum löndum
með viðeigandi ráðstöfunum. Og þau
lönd sem hefðu afgang á viðskiptum
sínum við útlönd ættu að stuðla að
aukinni eftirspurn heima fyrir án þess
að slíkt leiddi til verðbólgu.
Fjármálaráðherrarnir og seðlabanka-
stjórarnir fögnuðu einnig þeirri þróun
sem átt hefur sér stað í A.Evrópu í átt
til ntarkaðsbúskapar. Þeir lýstu nt.a.
yfir vilja sínunt til að aðstoða þessi
lönd í viðlcitni þeirra til að afnema
hömlur á fjármagnsflutningum. Þeir
lýstu einnig yfir áhyggjum sínum af
lækkun japanska yensins gagnvart
öðrum helstu gjaldmiðlum og
undirstrikuðu skuldbindingu sína um
að vinna að meiri samræmingu á
efnahagsstefnu ríkjanna og þar á meðal
í gengismálum.
Ritstj. og ábm.: FinnurGeirsson.
Útg.: Kaupþing hf., Kringlunni 5,
103 Reykjavík. Sími 689080.
Prentun: Prentsmiðjan Gutenberg hf.
Öll réttindi áskilin. Rit þetta má ekki afrita
með neinum hætti svo sem með Ijósritun
eða á annan hátt að hluta eða í heild sinni án
leyfisútgefanda.