Vísbending - 10.05.1990, Blaðsíða 4
VÍSBENDING
KB:_____________________
Ráðstafanir til að tryggja
samkeppni í flugsamgöngum
Evrópubandalagið hefur af því
nokkrar áhyggjur að stærstu flugfélög-
in ryðji þeim smærri út af markaðinum
þegar samkeppnishömlur verða af-
numdar árið 1992. Þess vegna liggur
nú fyrir EB-þinginu frumvarp sem
ætlað er að draga úr þessari hættu.
Samkvæmt frumvarpinu getur EB
skorist samstundis í leikinn ef ætla má
að einstök flugfélög beiti samkeppnis-
hindrandi aðferðum í verðstefnu eða
á öðrum þjónustusviðum. Markmiðið
er að skapa sameiginlegan frjálsan
markað í flugsamgöngum þar sem
samkeppni er viðhaldið og neytandinn
hagnast.
Frumvarpið er lagt fram á sama tíma
og upp rísa deilur á milli tveggja
breskra flugfélaga um samkeppnishætti
í innanlandsfluginu. British Midland
Airways hefur sakað British Airways
um að lækka verðið á leiðinni Glas-
gow-London niður fyrir kostnaðar-
mörk í því skyni að koma samkeppnis-
aðilum á kné. Þá hefur British Midland
kvartað yfir því hversu BA ráði miklu
á Heathrow flugvelli og einnig yfir
fyrirætlunum BA um að kaupa 20%
hlutabréfa í Sabena World Airways.
BA hefur gert lítið úr þessu og segir
British Midland vera að leita verndar
hjá stjórnvöldum gegn samkeppni.
ÞÝSKALAND:___________________
Endanlegt samkomulag um
sameiginlega mynt þýsku
ríkjanna
2. júlí n.k. munu myntir þýsku ríkj-
anna sameinast svo sem búist hefur
verið við um nokkurt skeið. Miklar
umræður höfðu farið fram um hvaða
gengi ætti að ráða og var loksins sæst
á að tiltekin upphæð a.þýskra marka
fengist á genginu einn á móti einum og
afgangurinn á genginu tveir á móti
einum.
Til að byrja með buðu V.Þjóð-
verjar A.Þjóðverjum að hver einstakur
borgari fengi 4.000 mörk á genginu
einn á móti einum. Þetta þótti A.Þjóð-
verjum ekki nógu goll fyrir elli-
lífeyrisþega sem treysta mikið á
sparnað og varð þá úr, að þeir fengju
6.000 ntörk á genginu einn á móti
einum. í staðinn geta börn upp að 14
ára aldri aðeins fengið 2.000 mörk á
svo hagstæðu gengi. Aðrir fá 4.000
mörk á genginu einn á móti einum.
I þessu felast verulegir fjármagns-
FRÉnABROT
flutningar frá V.Þýskalandi til A.Þýska-
lands sem ekki er útséð hvernig staðið
verður undir.
EB:______________________________
Drög að samræmdum reglum
fyrir verðbréfafyrirtæki
Eftir mikla togstreytu hefur loksins
náðst bráðabirgðasamkomulag á milli
EB-ríkjanna um samræmdar reglur fyrir
verðbréfafyrirtæki. Reglurnar hafa ekki
verið samþykktar af stjórnvöldum
landanna, en fastlega er búist við að
þær verði í höfuðdráttum svipaðar
þeirn drögurn sem nú liggja fyrir.
Markmiðið er, að eftir 1992 geti
hvaða verðbréfafyrirtæki sem er
starfað í hvaða EB-landi sem er, ef
það uppfyllir þau almennu skilyrði sem
reglurnar kveða á um.
Erfiðast reyndist að ná samkomulagi
á milli Breta annars vegar og Þjóðverja
hins vegar. I Bretlandi gilda tiltölulega
frjálslegar reglur um verðbréfa-
fyrirtæki, en í Þýskalandi eru verð-
bréfafyrirtæki flest á vegum banka sem
iúta strangari reglum. Þjóðverjar
óttuðust að frjálslegar reglur til handa
verðbréfafyrirtækjum en gilda um
banka leiddu til lakari samkeppnis-
aðstöðu þýsku fyrirtækjanna. Bretar
óttuðust á hinn bóginn að hertar kröfur
yrðu mörgum verðbréfafyrirtækjum
um megn.
Niðurstaðan varð sú, að farið var
millibil beggja viðhorfa. Kröfur til
verðbréfafyrirtækja verða ekki eins
harðar og til stóð, og þegar bankar eiga
í hlut verða gerðar mismunandi kröfur
til banka- og verðbréfastarfsemi. Skv.
reglugerðardrögunum verða verð-
bréfafyrirtæki að leggja upp með
a.m.k. 500.000 ecu (u.þ.b. 36 milljónir
íslenskar) ef þau standa sjálf í fjár-
festingum, en 100.000 ecu ef þau eru
einungis milliliðir. Þá eru sérstakar
reglur um ráðstafanir vegna áhættu.
Verðbréfafyrirtækið verður skv. þeint
m.a. að eiga sjálft fjármagn til að
standa á bak við a.nt.k. 10% af nafn-
virði skráðra verðbréfa.
ASÍA:___________________________
Dregur úr vexti nýju
iðnríkjanna
Á árunum 1986-88 jókst hagvöxtur í
nýju iðnríkjunt Asíu (S.Kórea, Taiwan,
Hong Kong og Singapúr) um og yfir
10% á ári. 1 fyrra dró hins vegar heldur
úr hagvexti í flestum ríkjanna og áfram
er spáð minni hagvexti en áður á þessu
ári. Þessi breyting er mest áberandi í
Hong Kong, þar sem hagvöxtur hefur
hrapað úr 13,6% árið 1987 í 3,5-4%
árið 1989 og spáð er 1-2% hagvexti á
þessu ári. I S. Kóreu og Taiwan er
hagvöxtur ennþá mikill eða á bilinu 5-
7% en var um 12% árið 1987 í báðum
þessum löndum. Einungis Singapúr
heldur sínu striki, en þar var 9%
hagvöxtur í fyrra sem er svipað og árið
1987.
I tveimur þessara landa, Kóreu og
Hong Kong hefur verðbólgan hækkað
töluvert í kjölfarið. Hún hækkaði úr
5,4% árið 1987 í Hong Kong í 10,2% í
fyrra og í Kóreu hækkaði hún úr 3%
árið 1987 í 7,2% í fyrra. Verðbólgan
hefur einnig hækkað í Taiwan og
Singapúr en er ennþá mjög viðráðan-
leg. Hún var um 2% árið 1987 í
Singapúr og var komin í 3% árið 1989.
í Taiwan var hún 0,6% árið 1987 og
var komin í 4,4% í fyrra.
GENGI:____________
Er gengið “rétt” skráð
Tímaritið Economist hefur um
nokkurt skeið tekið árlega saman töllu
yfir gengi gjaldmiðla helstu iðn-
ríkjanna gagnvart dollar eins og^ það
væri ef kaupmáttarjöfnuður ríkti. Á því
gengi.kostar varan það sama í lönd-
unum. Ritið athugaði verð á hamborg-
urum í ýrnsum löndum og ályktaði að
gengi dollars væri of hátt gagnvart
gjaldmiðlum landa eins og Hong Kong,
Ástraiíu, Singapúr Júgóslavíu og
Kanada. Gengið væri hins vegar skráð
allt of lágt gagnvart gjaldmiðlum
Sovétríkjanna, Danmerkur, Svíþjóðar
og Frakklands.
Ritstj. og ábm.: Finnur Geirsson.
Útg.: Ráðgjöf Kaupþings hf., Kringlunni 5,
103 Reykjavík. Sími 689080.
Prentun: Prentsmiðjan Gutenberg hf.
Öll réttindi áskilin. Rit þetta má ekki afrita
með neinum hætti svo sem með Ijósritun
eða á annan hátt að hluta eða í heild sinni án
leyfis útgefanda.