Lesbók Morgunblaðsins - 05.01.1941, Síða 8
8
LESBÓK MORGUNBLAÐSLVS
Frægasta flugvjelamóðurskipið
Breska flugvjelamóðurskipið „Ark Royal“ er vafalaust frægasta flugvjelamóðurskip heimsins.
Bæði Þjóðverjar og ítalir hafa hvað eftir annað haldið því fram, að þeir hafi sökt skipinu, en síðar
hefir jafnan komið á daginn að „Ark Royal“ er óskemt á siglingu um heimshöfin. — Myndin er
tekin af „Ark Royal“, þar sem skipið liggur í höfn.
........... . ---------- ■ i . . ...... ■- ....
Þegar Napóleon var fluttur heim
Framh. af bls. 2.
Það var þýskt og hjet „Stadt
Hamburg“. Spurðu þeir skipstjóra
frjetta, en hann mun hafa verið
lítill stjórnmálamaður, því hann
kunni frá litlu að segja um þetta
umspurða atriði. Hinu kvaðst
hann hafa heyrt fleygt, að tvö
herskip hafi verið send til að
sækja „bein“ Napoleons til St.
Helenu og virtist trúa þeirri sögu
svona mátulega. Eftir 43 daga
sjóferð frá St. Helenu komu leið-
angursmenn auga á strendur
Frakklands. Voru þá liðnir 151
dagur frá því þeir höfðu látið úr
höfn í þennan leiðangur frá borg-
inni Toulon í Frakklandi.
Hjer skal aðeins getið mjög
stuttlega þess helsta er gerðist í
París J5. desember 1840, en það
var fyrirskipaður sorgardagur. En
þó ríkti jafnframt mikill fögnuð-
ur hjá þjóðinni yfir því að hafa
endurheimt Napoleon. Hann virt-
ist enn lifa í hugum þjóðar sinn-
ar, því víða þar sem líkfylgdin
fór um heyrðust gömlu hrópin:
„Lifi keisarinn“. 011 Parísarborg
var blómum skreytt og tjölduð á
ýmsan hátt. Farið var með kist-
una undir Sigurbogann, blómum
skrýddan. En hornsteininn að sig-
urboganum hafði Napoleon lagt
árið 1810, til minningar um sigra
sína. Allar götur, sem líkfylgdin
fór um, voru þjettskipaðar fólki.
í nánd við stað þann, er sálu-
messan skyldi fara fram, voru
reistir pallar fyrir 30 þúsund á-
horfendur. Dagur þessi var með
þeim allra hátíðlegustu sem um
getur í sögu Frakklands.
S. Dahlmann.
Til Kjartans Ölaíssonar
au^nlæknis
(Eftir uppskurð).
Sælt er að halda húmi frá
og horfa í daginn bjartan,
allra blindra það er þrá —
þetta gefur Kjartan!
Læknishöndin lista há
lærdóm eftir nýjum;
sjónarhimni feykir frá
flóknum þokuskýjum.
Páll á Hjálmstöðum.
„Það gleður mig að heyra“,
sagði Jónatan, er hann frjetti að
vinur sinn væri kvæntur. En eftir
nokkra umhugsun bætti hann við:
„Og hví ætti það að gleðja migl
Hann hefir aldrei gert mjemeitt
ilt".