Lesbók Morgunblaðsins - 07.06.1942, Blaðsíða 5

LESBÓK MORGUNBLAÐSINS
181
hafa komið og farið, og vafalaust
heir oltið á ýmsu um bjartsýni
manna og áhuga um fjelagsstörf-
in, en Hallgrímur hefir verið
samur og jafn, altaf jafn reiðu-
búinn t:l starfs fyrir fjelagið,
hal'da uppi vörnum fyrir það og
gæta hagsmuna þess og heiðurs
og telja dug í þá, sem deigir hafa
verið í framkvæmdum. Það er
ekki ofmælt og á angan hallaö,
þótt sagt sje, að án hins fórn-
fúsa staffs og þrautseigju Hall-
gríms Valdemarssonar hefði fje-
lagið tæplega komist á þennan
aldur og framhjá öllum örðug-
leikum byrjunaráranna. Þótt Hall-
grímur sje nú tekinn að reskj-
ast, er hann sem fyr jafnskelegg-
ur um öll þau mál, er Leikfje-
lagið snertir. Hefir hann þó enga
opinbera viðurkenningu hlotið fyr
ir starf sitt, og væri hann þess þó
mörgum manni maklegri. Væri
maklegt að hann hlyti viðurkenn-
ingu af fje því? sem úthlutað
er til listamanna, þótt ekki hafi
hann sjálfur staðið á leiksviðinu.
Af öðrum stjórnendum, sem lengi
hafa starfað og vel má nefna þá
Gísla R. Magnússon, Sigtrygg
Þorsteinsson oj* Ingimar Bydal
og auk þeirra leikstjórana, sem
áður var getið, er flestir hafa
setið í stjórn fjelagsins.
Stjórnina skipa þeir nú Gunnar
Magnússon formaður, Björn Sig-
mundsson gjaldkeri og Hólmgeir
Pálmason ritari, en meðstjórn-
endur eru 'G'uðmundur Gunnars-
son og Stefán Reykjalín. Hafa
þeir Gunnar og Björn verið í
stjórninni um nokkurra ára
skeið.
Niðurlaæ.
Hjer hefir þá verið stiklað á
stærstu steinunum í sögu Leik-
fjelags Akureyrar um aldarfjórð-
ungs skeið. Margt er þó ósagt,
sem vert væri að geta, en hjer
verður staðar numið, því að rúm
er takmarkað.
Leikfjelagið hefir átt við margt
að berjast á liðnum árum. Eins
og þegar hef:r verið drepið á,
hefir fjárskortur staðið því mjög
fyrir þrifum, og orðið til þess.
að slá hefir orðið af kröfum um
listrænt val sjónleika. Þess skal
Haraldur Björnsson.
þó getið, að það hefir notið
nokkurra opinberra styrkja frá
bæ og ríki. Styrkurinn frá Akur-
eyrarbæ var fyrst kr. 500,00, en
hefir nú um hríð verið kr. 1000,00,
en ríkisstyrkurinn hefir verið kr.
1000,00 síðan 1925. Styrkur þessi
hefir bætt úr brýnustu þröfum
fjelagsins en meira ekki.
Annað vandræðamál er húsnæð-
ið. Þótt miklu muni frá því, er
frumherjar leiklistar á Akureyri
sýndu sjónleiki í vöruskemmum,
þá skörtir samt mjög á, að gott
megi kallast leiksvið og áhorf-
endarúm. Leiksviðið og. búnings-
herbergi leikenda eru altof þröng
og þægindalítil. Hafa leiksviðs-
ráðsmenn sýnt mikla hugkvæmni
í því, hversu þeir hafa komið
fyrir umfangsmiklum tjöldum og
öðrum búnaði á hið þrönga svið.
Þá er og aðbúnaður leikhúsgesta
vondur, og áreiðanlega til þess
fremur að fæla menn frá leikhús-
inu en laða þá þangað. En ef til
vill er þó þessa verst, hversu
mjög húsið hefir hin síðari árin
verið tekið upp til annara hluta,
svo að Leikfjelagið hefir naum-
lega komist þar að, eftir því sem
þarfir þess kröfðu.
Leikfjelagið hefir yfirleitt átt,
vinsældum að fagna í bænum.
Blöðin hafa ætíð verið því vin-
veitt, og dómar þeirra um leiki
lofsamlegir, og það stundum raun
ar um of. Því að skortur hefir
verið þar á heilbrigðri gagnrýni,
sem getað hefði orð'ð leikendum
og fjelaginu til lærdóms og eft
irbreytni, og vcrið því hollari og
meira til örfunar en óslitnar lof-
ræður.
Því verður vitanlega ekki neit-
að, að þrátt fyrir ágætan vilja og
marga góða hæfileikamenn, eem
að starfi hafa verið, þá hefir
mörgxi verið áfátt. Enda verður
ekki hjá slíku komist, þar sem
öll störf í þágu leiksýninganna
eru unnin í hjáverkum. Þau eru
tómstundastörf áhugamanna, sem
allan daginn verða að vinna sín
aðalstörf, hvort sem þau eru
handiðnir, verslunarstörf, skrif-
stofuvinna, heimilisstörf eða eyr-
arvinna. Þeir hafa einungis getað
helgað leikstarfseminni kveld-
stundir sínar, er þeir komu þreytt
ir frá öðrum störfum. Fæstir
þeirra hafa og átt þess kost að
kynnast leiklist annarsstaðar. Þá
bætist það einnig við, að hvergi
mun erfiðara að stunda leiklist
en í smábæjum, þar sem allir
þekkjast, og mynd leikandans í
daglega lífinu er fastmótuð í hug
hvers einasta leikhússgests að
kalla má. Þegar alls þessa er
gætt, gegnir það furðu, hversu
góður árangur hefir náðst, og hve
mikið listrænt starf fjelagið hefir
af hendi leyst.
Leikfjelag Akureyrar hefir á
þessum fyrsta aldarfjórðungi æfi
sinnar unnið merkilegt menning-
arstarf, og væri þar opið skarð
og ófult í bæjarlífinu, ef það hefði
ekki að verki verið. Og þótt við
bæjarbúar, sem utan fjelagsins
stöndum, sjeum sífeldlega eitthvað
að nöldra um það, sem okkur þyk-
ir miður fara í leikhússýningum
þess, þá myndum við samt sakna
þess, svo um munaði, ef Leik-
fjelagið hætti störfum. Sjónleikir
Framh. á bls. 184.