Lesbók Morgunblaðsins - 25.02.1984, Síða 6

Nú eru næturnar mjúkar og vagga henni alla leið inn í birtu daganna.
Hún býr í fallegu húsi á Sólvallagötunni þessi blíða elska, rauðhærð og
sexí með eilífa spurn í augunum, brothætt eins og annarri góðri konu
hefur verið lýst, og getur skrifað meira og betur en áður því hún á sitt
fallega heimili og manninn sinn og syni og svarta hundinn Sókrates, og
er af öllum þessum hjartans eignum sæl og auðug og auðgi hennar þyrpist á hvít
blöð í herbergi niðri í kjallara á Sólvallagötunni eins og drífa.
Guðbrandur Gíslason
ræðir við
NÍNU BJÖRK
ÁRNADÓTTUR
sem nýlega hlaut
starfslaun Þjóðleik-
hússins á móti Sigurði
Pálssyni. Leikfélag
Akureyrar sýnir um
þessar mundir leikrit
hennar, Súkkulaði
handa Silju.
Það er gaman að heimsækja Nínu Björk
Árnadóttur og líka gott því hún býr á
vígðri jörð, hún og heimilisfólkið og hund-
urinn Sókrates, öll kaþólsk nema kannske
Sókrates sem er mjúkur eins og nóttin og
svartur líka en hefur ekki hátt í heyrenda
hljóði um hinstu rök. Að minnsta kosti
sagði hann ekki við mig að hann vildi held-
ur búa út á Seltjarnarnesi. Jörðin undir
húsinu og umhverfis það, spígsporuð, er
vígð því systurnar á Landakoti áttu hana
forðum daga en gáfu af örlæti sínu Matt-
híasi Einarssyni yfirlækni á Landa-
kotsspítalanum svo hann gæti reist sér þar
hús. Nína Björk segir mér þetta tvisvar, og
er glöð.
I eldhúsinu hangir á austurveggnum
brún korktafla og á henni miðar og úr-
klippur, skemmtilegt dót. Þar við hliðina á
glansandi ljósmynd af Jóhannesi Páli páfa
öðrum í voldugum agfa-litum hangir bevís
upp á heilsufar Braga Kristjónssonar, sem
er karlinn í þessu húsi og þar stendur:
Bragi Kristjónsson, heimili erfitt, óvinnu-
fær. Sjúklingurinn hefur fótavist og má
vera úti þó ekki eftirlitslaust og ekki eftir
sólsetur. Heldur ekki þegar fullt er tungl
(vampírismi). Svona gantast þeir vinir
Braga. Sem betur fer er ennþá til fólk, sem
gefur sér tíma til svona bellibragða. Um
Stínu Ekblað stendur þar undir í sænsku
blaði: Vár nyja Garbo. Succé för Stina i
Svensk TV.
— Það eru liðin níu ár síðan ég snérist
til kaþólskrar trúar, segir Nína Björk. —
Kaþólsk trú höfðaði mjög til mannsins
míns, og þegar ég fór að kynna mér hana
nánar fann ég hvaða gildi hún gæti haft
fyrir mig. Við lásum saman katekismann í
Danmörku en áður gaf séra Sigurður
Pálsson vígslubiskup okkur saman í Skál-
holtskirkju, sem auðvítað er kaþólsk
kirkja. Ég syng í kór Landakotskirkju mér
til mikillar ánægju og ég finn að messu-
gjörðin verður mér æ mikilvægari eftir því
Leikfélag Akureyrar: Súkkulaði handa Silju.
A myndinni eru Silja (Guðlaug María Bjarna-
dóítir) og Örn (Gunnar Rafn Guðmundsson).
í öðrum aðalhlutrerkum eru: Anna: Sunna
Borg. Dolly: Þórey Aðalsteinsdóttir. Hin kon-
an: Edda Guðmundsdóttir. Dúlla: Ragnheið-
ur Tryggradóttir, Jóhann: Theodór Júlíusson.
Siggi: Þráinn Karlsson. Maður á bar: Gestur
E. Jónasson. Leikstjóri er Haukur J. Gunn-
arsson, leikmynd er eftir Guðrúnu Sigríði
Haraldsdóttur, tónlist eftir Egil Ólafsson, en
lngimar Eydal og Inga Eydal sjá um tónlist-
arflutninginn.
sem árin líða. Ég hef lesið nokkuð um ka-
þólska trú, sérstaklega sögur dýrlinga. Jo-
hannes Jörgensen, rithöfundurinn danski
sem tók kaþólska trú skrifaði margar ævir
dýrlinga. Lestur þeirra opinberaði mér
hvað danskan er fallegt mál, og af ævisög-
unum lærði ég að ergja mig ekki yfir fá-
fengilegum hlutum.
— Nú er Stefán frá Hvítada)
ömmubróðir þinn. Varðstu ekki
fyrir áhrifum frá honum?
— Stefán lést nokkrum árum áður en ég
fæddist, svo ég átti þessi ekki kost að
kynnast honum nema í ljóðum hans. Víst
hafði hann áhrif á mig, og ekki síst sem
kaþólskt skáld. Hver gleymir hendingum
eins og:
„Ó, blíða móðir, veikra vörn,
er veginn þekkir upp og heim.“
úr þýðingu hans á Guðsmóðir, Salve Reg-
ina.
Annars hafði Steinn Steinar mikil áhrif
á mig eins og á alla mína kynslóð, og Davíð
dáði ég og kunni mörg kvæða hans utan-
bókar. Edith Södergram kenndi mér
margt, og Heinesen er magnaður eins og
Laxness. Laxness inspíreraði mig unga og
gerir alltaf þegar ég gríp eftir hann bók,
Vefarann til dæmis.
— Ætlaðir þú þér að verða
ljóðskáld strax á unga aldri?
— Ég ólst upp við ljóðalestur og söng,
við ortum vísur ég og fóstri minn, og víst
ætlaði ég mér alltaf að verða listamaður,
helst söngvari, og enn finnst mér tónlistin
vera það stórkostlegasta sem til er. Ég
skrifaði sem barn til þess að gefa hugsun-
um mínum form. Fyrsta bókin mín, Ung
ljóð, kom út hjá Helgafelli 1965.
— Ástin hefur verið þér óþrjót-
andi yrkisefni.
— Ástin er það sem skiptir mestu máli í
lífinu. Hún er eins og trúin, það er ekki
hægt að festa á henni hönd, það er ekki
hægt að ráða henni. Þess vegna er hún