Lesbók Morgunblaðsins - 17.02.1990, Blaðsíða 12

B w 1 L A R
Opel V ectra
Nýr bíll í millistærðarflokki fær góðar viðtökur í Evrópu
Mjúk form bílsins eru vel útfærð í
mælaborði - samt skortir eitthvað hér
til að hafa í fullu tré við sumum skæð-
ustu keppinautunum.
Þannig lítur Opel Vectra út að innan
þegar búið er að Ijarlægja hurðirnar.
Eins og sést á myndinni, eru sætin vel
formuð og styðja vel við ökumann og
farþega.
Sú var tíð, að Opel átti góðu
gengi að fagna hér á landi.
Fyrir um 30 árum var Opel
Record góður bíll á hag-
stæðu verði, en í áranna rás
fór þó svo, að hann hélt
ekki sínum hlut og sú stað-
reynd varð mjög áþreyfanleg
eftir að japanskir bílar fóru að flæða yfir
heiminn. Þýzkaland er almennt talið vera
kröfuharðasti bílamarkaður heimsins og þar
lenti Opel eins og nærri má geta í erfiðri
samkeppni við bíla í öllum verðflokkum, frá
Volkswagen Golf til Mercedes Benz. Þetta
útibú General Motors á meginlandi Evrópu
hefur þrátt fyrir allt staðið sig og þýzka
bílapressan hefur greint frá því nýlega, að
geysilega mikil nýsköpun sé að eiga sér
stað hjá Opel. Þar var nefndur til sögunnar
verkfræðingur, sem staðið hefur að endur-
bótum á vélum með þeim árangri, að nú
getur Opel boðið svo spræka útgáfu af
Omega, að hann fer síður en svo halloka
fyrir öðrum þýzkum gæðingumn á hrað-
brautunum. Þá er skammt til þess að komi
á markað sportbíllinn Opel Calibra, sem
hefur lítillega verið kynntur í Lesbók og
þykir verulega vel teiknaður. En hann er
eins og aðrir slíkir miðaður við þarfir, sem
varla eru fyrir hendi á íslandi og auk þess
verður hann nokkuð dýr.
Síðastliðið haust ók ég smábflnum Opel
Kadett í tvær vikur víðsvegar um Þýzkaland
og hlýt eftir það að gefa honum góða ein-
kunn. Satt að segja reyndist hann miklu
ánægjulegra farartæki en ég hafði búizt við
og í rauninni ekkert út á hann að setja
annað en það, að vélin er lítil og hann miss-
ir því fljótt aflið ef eitthvað er á fótinn.
Samt hefur lítið gengið að selja hann hér
á landi á móti japönskum keppinautum, sem
líklega stafar af því að álit á Opel hefur
dottið niður frá því sem var.
Nú hefur ný gerð, Opel Vectra, borizt til
landsins og verið tekin til reynsluaksturs.
Sé gert ráð fyrir því að millistærðarflokkur
sé almennt á lengdarbilinu 4.20m - 4,80m,
má segja að Vectra sé í miðjunni með 4.43m
lengd og 170 cm breidd. Sem sagt; dæmi-
gerður miðstærðarbfll hvað stærð áhrærir
og að því leyti sambærilegur við Ford Si-
erra (4.43m), Citroen BX (4.40m) og Peuge-
ot 405 4,41m).
Samanburðurinn á bílamarkaðnum snýst
þó ekki umfram allt um stærð, heldur verð.
Opel Vectra í ódýrustu útfærslu sem hér
fæst, með 1,6 lítra vél, fjögurra dyra og
fimm gíra beinskiptingu, kostar 1.290 þús-
und án ryðvarnar og skráningu. Nákvæm-
lega sambærilega búinn Citroen BX kostar
1.168 þús.,en þýzki Fordinn, Sierra með 1.6
lítra vél og að öllu leyti sambærilegur, er á
l.o95 þús. og alveg sambærilega búinn
Peugeot 405. er á 1.018 þús. kr. Ekki lítur
það vel út fyrir Vectruna og ekki lítur það
beinlínis vel út heldur, þegar skoðað er,
hvað fæst fyrir 1300 þúsund. Þar eru m.a.
bílar eins og Galant frá Mitsubishi og Honda
Accord, sem bæði eru stærri og íburðar-
meiri. Þessi samanburður virðist samt ekki
hafa háð Opel Vectra í löndum Vestur-
Evrópu, þar sem sala á honum hefur geng-
ið afar vel og má vera að fyrrnefnd verðhlut-
föll séu eitthvað öðruvísi þar. En eins og
Opel Vectra - Tölvur og vindgöng hafa átt sinn þátt í að móta útlitið og það hefur tekizt vel, nema hvað framendann
skortir ákveðnari einkenni. Ljósm. Lesbók/Árni Sæberg.
málin standa hér, verður ekki betur séð en
vinir okkar í SÍS verði að fara og tala við
Opel sjálfan og fá leiðréttingu.
Opel Vectra er að flestu leyti vel teiknað-
ur og nútímalegur miðlungs fjölskyldubíll.
Fyrir utan ódýrustu gerðina, sem hér er völ
um og ég reynsluók, fæst hann einnig með
samskonar vél og sömu útfærslu, nema
hvað hann er 5 dyra og kostar þá 1.345
þús. Einnig er fáanleg aflmeiri gerð með
tveggja h'tra, 115 hestafla vél og sjálfskipt-
ingu. Þá kostar Vectra 1.595 þúsund.
í kynningu er lögð áherzla á, að. útlitið
á Vectra sé að öllu leyti skapað af tölvu,
sem eru auðvitað staðlausir stafir þar sem
tölvur gera ekki annað en það sem fyrir
þær er lagt. I stórum dráttum er óhætt að
segja, að fengist hafi listrænt og fallegt
útlit; einkum þykir mér það ganga fallega
upp, þégar horft er á bílinn frá öðru hvoru
afturhorninu. Hinsvegar skortir nokkuð
„andlit" eins og stundum er sagt. Á fram-
endanum eru fremur veik karaktereinkenni
og þau sýna engum langar leiðir, að hér
sé Opel á ferðinni. Hliðarlínan kemur fallega
upp aftast og þar mjókkar bfllinn lítið eitt.
En það er gamla sagan, að fagurfræðilegir
ávinningar straumlínunnar hafa smá ókostí
för með sér, svo sem að farangursrými í
skottinu minnkar við þetta og þegar þaklín-
an er dregin svo mjúklega aftur, vill verða
lágt undir loft í aftursætinu og svo er það
hér. Notagildi skottsins er aftur á móti
aukið með því að skottlokið opnast frá stuð-
ara og eins er hægt að leggja niður aftursæt-
isbökin og fá samfellt hleðslurými.
- Við formun mælaborðsins hefur notagild-
issjónarmiðið verið haft í fyrirrúmi; þar er
allt sem þarf nema snúningshraðamælir.
Hann er þó í dýrari gerðinni. Sú mýkt sem
einkennir ytra útlitið er fagurlega endurtek-
in í stýri og mælaborði og einnig í sætun-
um, sem eru kannski í minna lagi, en eru
mjög vel formuð og veita góðan stuðning.
Þetta er þýzkur fúnksjónalismi, eða nota-
gildisstefna, án þess þó að verða spartönsk
eða of fábrotin. Hinu er ekki að neita, að
í jafn dýrum bílum, sem áður eru nefndir
hér, tekst Japönum að útfæra þetta á íburð-
armeiri hátt.
Stjórntækin öll í Vectra vinna afar eðli-
lega; maður situr vel undir stýri og bíllinn
er ágætlega rásfastur, jafnvel í sterkum
hliðarvindi. Gírskiptingin er óaðfinnanleg
og mun betri en gírskiptingar í framdrifnum
Evrópubílum hafa oft verið, þar sem of
mikill lausagangur hefur verið á gírstöng-
inni og leiðinlegt blikkdósarhljóð þegar skipt
er. Ekkert af því angrar mann í Vectra.
Fljótt á litið mætti halda að 1,6 lítra, 82
hestafla vél væri full máttlítil í bíl sem veg-
ur rúmlega tonn. En svo er ekki. Það er
engin ástæða til að kvarta yfir máttleysi.
Þótt viðbragðið frá kyrrstöðu í 100 km hraða
taki 13,5 sek., sem er vitaskuld ekkert sérs-
takt, segir það ekki söguna nema hálfa.
Vectra er mjög skynsamlega gíraður og
hefur ágætt viðbragð, til dæmis uppí 40-60
km hraða, sem er raunverulega það sem á
A Opel Vectra eru engin
hvöss horn. Afturendinn
er mjög vel formaður.
reynir í bæjarumferð. Vegna hálku á öllum
vegum utan við malbikið á höfuðborgar-
svæðinu, gat ég ekki reynt Vectruna á
malarvegi og get því ekki sagt neitt um
fjöðrun við þær aðstæður. En í akstri eru
eiginleikarnir þannig, að þeir hvetja fremur
til hraðaksturs, ef mann hafa á annað borð
gaman af því að aka góðum bíl greitt. Það
sýnir að mikið vélarafl eitt út af fyrir sig
ræður ekki úrslitum um slíkt.
Samkvæmt uplýsingum verksmiðjunnar
er bensíneyðsla svo lítil fyrir bíl sem vegur
tonn, að það nálgast að vera ótrúlegt: 8,5
á hundraðið í borgarumferð, og 5 lítar mið-
að við stöðugan akstur á 90 km hraða. v
Yfirleitt ber að taka eyðslutölum frá verk-
smiðju með varúð; þær sýna hverju hægt
er að ná við mjög hagstæð skilyrði, en venju-
legir dauðlegir menn virðast ekki fara svo
varlega með bensínfótinn. En fylli maður
tankinn og fari eins mjúklega að bensíngjöf-
inni og framast má verða, ætti eftir þessu
að vera hægt að komast 1200 km á tankn-
um, sem svarar til þess að maður æki úr
Reykjavík norður i Mývatnssveit og til baka
aftur. Líklega hugsa erlendir kaupendur
meira um vitrænar lausnir en við íslending-
ar og þessi lofsverði orkusparnaður gæti
átt dijúgan þátt í velgengni Vectra. Þess
má geta að lokum, að væntanleg er á mark-
að aldrifsgerð, sem verður samkvæmt venj-
unni talsvert dýrari.
Gisli Sigurðsson
OPEL VECTRA - nokkrar
tölulegar staðreyndir:
Lengd: 4.43m
Breidd: 1.70m
Hæð: 1.40m.
Beygjuradíus: 10,15m.
Vél: 4ra strokka, 1,6 I., 82 hestöfl.
Hámarkshraði: 178 km á klst.
Viðbragð 0-100 km: 13,5 sek.
Farangursrými: 530 1.
Vindstuðuli: 0,30
Verð: 1.290 þús.- 1.595 þús.
Umboð: Bílvangur.
12