Lesbók Morgunblaðsins - 10.11.1990, Qupperneq 4

Ólafur Árni í hlutverki Don José í Carmen og Ruth-Maria Nicolay í hlutverki
Carmenar á óperusviðinu í Regensburg.
Að tjaldabaki eftir frumsýningu á Carmen i Regensburg. Olafur Arm (með
klæði um hálsinn) Þarna eru m.a. móðir hans, Alda Magnúsdóttir (með svartan
hatt) og Guðrún Tómasdóttir, kennari hans og tengdamóðir.
Ráðinn til tveggj a
ára í Regensburg
u
ngur íslenzkur tenórsöngvari, Ólafur Árni
Bjarnason, hefur fengið „fljúgandi start“ eins
og stundum er sagt, fyrir söng sinn í hlut-
verki Don José í Carmen á sviði Óperunnar
í Regensburg í Þýzkalandi. íslendingar hafa
lítið heyrt í þessum söngvara ennþá, því
hann er aðeins 28 ára og var nýkominn úr
námi, þegar hann var ráðinn í Regensburg.
Tvívegis hefur hann þó sungið opinberlega
á íslandi; í fyrra skiptið í Hlégarði 1989 og
í maí, síðastliðið vpr, kom hann fram á tón-
leikum í íslenzku Óperunni í boði styrktarfé-
lags íslenzku Óperunnar. Á efnisskranni hjá
honum þá voru sönglög eftir þqu íslenzk
tónskáld, Sigvalda Kaldalóns, Eyþór Stef-
ánsson og Pétur Sigurðsson og fimm erlend
tónskáld; þar á meðal Grieg, Sjöberg og
Caccini. Eftir hlé söng hann óperuaríur eft-
ir Mozart, Strauss, Verdi og Puccini.
Ólafur Árni Bjarnason
fær stórfenglegar
viðtökur fyrir
frammistöðu sína í
Carmen.
Ólafur Árni er Reykvíkingur að uppruna.
Foreldrar hans eru Bjarni Ólafsson, sem
rekur Ishöllina við Áðalstræti og Alda
Magnúsdóttfr. Magnús móðurafi Ólafs Árna
er sonur Steingríms í Fiskhöllinni, sem var
þekktur borgari í Reykjavík á sinni tíð. Eig-
inkona Ólafs Árna er Margrét Ponzi, sópran-
söngkona, dóttir Guðrúnar Tómasdóttur
söngkonu og Franks Ponzi, listfræðings í
Brennholti í Mosfellssveit.
Guðrún Tómasdóttir var einmitt fyrsti
söngkennari Ólafs Árna; hjá henni hóf hann
söngnám 1986. Hann stundaði nám við
Nýja Tónlistarskólann veturinn 1987-88 og
þar var Sigurður Demetz kennari hans. Að
því búnu fór hann í framhaldsnám til Banda-
ríkjanna og það var tónlistarháskólinn í
Bloomington í Indiana, sem varð-fyrir val-
inu. Aðalkennari hans þar var Clara Barlow.
Ólafur lauk námi í skólanum síðastliðinn
vetur.
Ólafur Árni réðist ekki á garðinn þar sem
hann var lægstur, en hélt beint til Miinchen
í Þýzkalandi snemma síðastliðið vor og söng
þar fyrir umboðsmenn, sem eru á höttunum
eftir ungum söngvurum. Allt gekk það eins
og í sögu; hann fékk góð tilboð um að koma
til liðs við óperurnar í Hamburg, Kaisers-
lautern og Regensburg. Að vel athuguðu
máli valdi hann Regensburg og þar fékk
hann undir eins tveggja ára samning. Óperu-
húsið þar er glæsileg bygging í gömlum
stíl með ijórar skeifulaga svalaraðir.
Fyrsta verkefni Ólafs Árna á óperusviðinu
í Regensburg og um leið frumraun hans,
var að syngja hlutverk Don José í þeirri
sívinsælu óperu, Carmen eftir Bizet. Er
skemmst frá því að segja, að frammistaða
hans varð mikill sigur fyrir þennan unga
söngvara; viðtökur voru á einn veg og gagn-
rýnin næstum því hástemmd. Með aðra eins
hefð og þarna er í óperufiutningi, þýðir þó
ekki að bjóða neina meðalmennsku.
Gagnrýnandi tz (Tageszeitung) í Miin-
chen skrifaði svo 1. október: „Tvö hefði ég
helzt viljað hafa strax á brott með mér.
Carmen-aðdáendur í Mtinchen hafa árum
saman verið virtir að vettugi, en þeir sem
láta martröð Októberhátíðarinnar (bjórhá-
tíðin mikla) engu skipta og leggja leið sína
þess í stað til Regensburg, fá það ríkulega
launað. Þar býður Borgarleikhúsið uppá
stórmerkilega uppgötvun. Þar þreytir ung-
ur, íslenzkur tenór frumraun sína á eftir-
minnilegan hátt í hlutverki Don José.
Tvö hefði ég helzt viljað hafa strax á
brott með mér frá Regensburg til Munchen,
hinn unga, efnilega tenór og leikhússtjór-
ann, Marietheres List, sem hefur svo glöggt
auga fyrir því óvenjulega."
Gagnrýnandi DIE VOCHE segir svo 4.
okt.: „Ólafur Árni Bjarnason sem Don José!
Ætti þessi Lohengrinmanngerð með ljósa
passíuhárið ekki betur heima við Schelde
en Guadalquivir? Það gleymist þó fljótt að
útlitið minnir fremur á germanskan mála-
liða. Það sem ekki gleymist er röddin, blæ-
brigðin, innlifunin, stígandinn, samspil ástar
og vonbrigða, vonar og örvæntingar. Hinn
kornungi Islendingur, Bjarnason, hefur til
að bera dillandi mýkt án þess þó að verða
nokkurn tíma væminn eins og Suður-
landabúum hættir til, ásamt þeim eðalstyrk,
sem Wagner-hlutverkin krefjast. Það má'
með sanni segja, að hann minni á þá Björl-
ing og Roswaenge, en þó meira á Roswa-
enge. Hlustið bara á píanissimóið í lok
blómaaríunnar!"
DONAUKURIER, sem gefið er út í Ingol-
stadt, ræðir fyrst um söng Ruth-Maria Nic-
olay, sem fór með hlutverk Carmenar og
Ólafur Árni Bjarnason.
Wochenende, 877. Oktober 1990
m
■ Olaf Ami Bjarnason fur seinen Don
José in der Regensburger „Carmen"
■ Juri Ljubimow und sein Taganka-
Theater fiir „Boris Godunow" (Kammer-
spiele) -
„Rósin “ - viðurkenning, sem dagblaðið
tz í Miinchen veitir.
segir svo: „Mótsöngvari hennar var Ólafur
Árni Bjarnason, sem fleiri geta bundið bjart-
ar vonir við en Regensburgóperan. Af hon-
um stafar hetjuljóma og hann svíkur hvergi,
hvort sem er á sterkum eða veikum nótum.
I lokaþættinum við uppgjör þeirra Carmen
og hörmuleg endalok þess, skilaði hann hlut-
verki sínu af miklum glæsibrag og í öðrum
þætti vakti hann ekki hvað sízt athygli
vegna einlægrar túlkunar sinnar á blóma-
aríunni.“
Að lokum þetta úr gagnrýni DER NEUE
TAG, sem gefið er út í Weiden: „Ólafur
Árni Bjarnason skilaði hlutverki Don José
af miklum glæsibrag. Þótt ekki væri laust
við að nefhljóðs gætti í bjartri og þróttmik-
illi tenórrödd hans í upphafi frumsýningar
og hann gripi einstaka sinum til höfuðtóna,
hafði hann þegar á heildina er litið fullkom-
ið vald á þessu kreíjandi verkefni, bæði
hvað varðar ljóðræna og hetjudramatíska
stígandi. Persónusköpun hans er einnig
áhrifamikil, með túlkun sinni rekur hann
trúverðuga sögu þessa hægláta manns, sem
Carmen ruglar svo rækilega í ríminu, að
hann grípur loks til örþrifaráða.“
Dagblaðið tz í Miinchen veitir sérstaka
viðurkenningu, „Rósina“ fyrir framúrskar-
andi söng. Um helgina 6.-7. október sl.
veitti blaðið tveimur söngvurum rósina.
Annar var Juri Ljubimow, sem hafði sungið
„Boris Godunow“ og hinn var Ólafur Árni
Bjarnason fyrir hlutverk Don José í Carmen.
Gísli Sigurðsson tók saman.