Lesbók Morgunblaðsins - 21.08.1999, Blaðsíða 4

NÝTT verk eftir Gunnlaug Briem verður
frumflutt á Menningarnótt og verður notað til
að kalla fólk saman fyrir flugeldasýninguna
við Reykjavíkurhöfn. Fimm trommuleikarar
og tveir slagverksleikarar taka þátt í flutn-
ingnum sem fer fram aftan á tengivagni sem
ekur frá Hljómskálagarðinum, út Lækjargöt-
una og að höfninni.
„Það má segja að þetta sé margþætt því
það þarf allt að hanga saman, veðrið, hitastig-
ið og stemmningin, til að verkið njóti sín til
fullnustu," segir höfundurinn, Gunnlaugur
Briem. „En ef það verður logn og stilla þá á
þetta að heyrast yfir allt höfuðborgarsvæðið.“
Það var fyrir tilstilli umboðsskrifstofunnar
1000 þjalir að þess var farið á leit við Gunn-
laug að hann semdi verk fyrir Menningarnótt.
Gunnlaugur er nú búsettur í Englandi og kom
því sérstaklega heim til að æfa og flytja verk-
ið. „Mér finnst heiður að því að vera beðinn
um að gera þetta og að fá að velja mér þá
hljóðfæraleikara og hljóðfæri sem ég vil nota.
Það er toppurinn að fá tækifæri til að skrifa
og flytja sína eigin tónlist."
Verkið er um 35 mínútur í flutningi og
reynir, að því er Gunnlaugur segir, mikið á þá
sem flytja það. „Þeýta er líkamlega krefjandi
og kallar á úthald. Ég er búinn að velja saman
hóp af mönnum sem hafa mikla reynslu. Sum-
ir þeirra eru úr klassíska geiranum og leika
með Sinfóníuhljómsveit Islands en svo taka
líka þátt í þessu tveir ungir menn sem mér
fínnst gaman að geta gefíð tækifæri til að
vera með.“
Gunnlaugur segist vera spenntur að sjá og
heyra hvernig til tekst en ekkert þessu líkt
hefur áður verið reynt á íslandi. Hann segir
að í verkinu renni saman sín reynsla og bak-
grunnur af klassískum slagverksleik sem og
hinar ýmsu tónlistarstefnur sem hann hefur
fengist við í gegnum tíðina. „Ég er að tvinna
saman klassískan slagverksleik og svo afrísk
og kúbönsk stef. Þannig má líka segja að
þetta sé svolítið fjölþjóðlegt stykki," útskýrir
Gunnlaugur og bætir við að krafturinn komi
þó frá Islandi.
„Þetta er eiginlega eins og íslensk kjöt-
kveðjuhátíð og við fögnum því að senn fer í
hönd sláturtíð. Við keyrum á gönguhraða og
þeir sem vilja heyra allt verkið verða að koma
með okkur.“
Trommað af list. Gunnlaugur Briem og félagar hafa æft stíft undanfarið.
Morgunblaðið/Sverrir
AFRÍSK-ÍSLENSK SIAGVERKSMESSA
NÝTT LÍF
í LÆKJAR-
GÖTU
ÚTIBÍÓ er nýjung í dagskrá menn-
ingarnætur. En Kvikmyndafélag Is-
lands, sem til að mynda hefur staðið
að Stuttmyndadögum^ætlar að bjóða
gestum í bíó utan á Islandsbanka í
Lækjargötu.
Viðburður fyrir alla
Hugmyndin er þekkt víða erlendis
og útibíó eru algeng á kvikmyndahá-
tíðum í þeim borgum í Evrópu sem
búa við hlýrra loftslag. „Eg hef séð
þetta erlendis," segir Júlíus Kemp
kvikmyndaleikstjóri sem hefur veg
og vanda af skipulagningu útibíósins.
„Síðan var ég náttúrulega í bænum á
menningarnótt í fyrra og sá að það
var fullt af litlum atburðum innan-
dyra, en lítið um stóra sjáanlega at-
burði sem margir gætu upplifað í
einu. Hann bætir við að í raun hafi
bara flugeldasýningin verið undir
þessum formerkjum og því hafi hug-
myndin að útibíói fæðst.
Sami búnaður og í Sevilla
Júlíus segir hugmyndina ekki hafa
verið erfiða í framkvæmd. En búnað-
urinn sem notaður verður er sá sami
og Islendingar notuðu á sýningarbás
sínum á heimssýningunni í Sevilla á
Spáni. „Þetta er eins og hvert annað
verkefni sem hrint er í framkvæmd
það er bara gert.“
Myndin sem valin hefur verið til
sýningar er gamanmynd Þráins Ber-
telssonar Nýtt líf. Fólk getur því
staldrað við og hlegið um stund eða
staðnæmst og horft á alla myndina.
„Það verður gaman að sjá hvernig
þetta kemur út og hvernig fólk
bregst við, það er hvort það sest nið-
ur og horfir á myndina.“
TROLLA-
BÖRN VIÐ
TJÖRNINA
Tröllabörnin munu skemmta gestum í Iðnó með leikritinu Kraftar.
í IÐNÓ verður boðið upp á fjölskyldudagskrá
á Menningarnótt. Flutt verður leikritið Kraft-
ar, rithöfundar lesa úr verkum sínum og leikin
verður tónlist.
Dagskráin byrjar á heila tímanum og er um
40 mínútur að lengd. Fyrsti dagskrárhluti
hefst kl. 17.00 og sá síðasti kl. 21.00 og þannig
gert ráð fyrir að allir nái niður að höfn fyrir
flugeldasýningu. Hægt verður að kynna sér
tímasetningu viðburðanna í gluggum Iðnó.
Þetta er í fyrsta skipti sem boðið er upp á
fjölskyldudagskrá af þessari stærð á Menning-
arnótt. En Harpa Arnardóttir, leikkona og
einn skipuleggjenda, segir alla geta fundið þar
eitthvað við sitt hæfi. „Þetta er hugsað sem
barna- og fjölskyldudagskrá, þannig að þarna
geti fjölskyldufólk á öllum aldri fundið eitthvað
fyrir sig. Þótt dagskráin sé skipulögð með
börnin í huga eru barnabókmenntir ekki síður
fyrir fullorðna," segir Harpa og bætir við að
það séu jú þeir fullorðnu sem lesi bækurnar
fyrir bömin, sérstaklega þau yngstu. Með
þetta í huga var ákveðið að hafa lestur hvers
höfundar stuttan, þ.e. um fímm til sjö mínútur
að lengd.
Ný og gömul verk
Harpa segir viðbrögð við dagskránni í Iðnó
hafa verið mjög góð. „Það taka allir svo vel í
þetta og eru jákvæðir gagnvart Menning-
arnótt." En meðal þeirra rithöfunda sem taka
þátt eru Þórarinn Eldjárn, Andri Snær
Magnason, Illugi Jökulsson, Guðrún Helga-
dóttir og Kristín Helga Gunnarsdóttir. Rithöf-
undarnir lesa flestir úr eigin verkum, en einnig
úr þýðingum sínum og mun Vilborg Dagbjarts-
dóttir til að mynda lesa dæmisögu úr Biblíunni.
Að sögn Hörpu kannast áheyrendur við
mörg verkanna. Önnur eru þó það ný af nálinni
að þau hafa ekki ennþá komið út á prenti.
Andri Snær Magnason mun til dæmis lesa brot
úr óútkominni sögu, Sagan af bláa hnettinum.
Þá munu sumir rithöfundanna myndskreyta
sögur sínar með skyggnum.
Rithöfundar leika stórt hlutverk í þessari
fjölskyldudagskrá, en einnig verður sýnt leik-
ritið Kraftar og er það leikhópurinn Tröllabörn
sem sýnir, en verkið léku þau á alþjóðlegri
bamaleiklistarhátíð í Toulouse í Frakklandi við
góðar viðtökur. Leikendurnir eru 10-12 ára
krakkar úr leiksmiðju Kramhússins og fjallar
verkið um sköpun heimsins á ljóðrænan og
gamansaman hátt. Þeir tónlistarhópar sem
fram koma eru Piltar og stúlka og Berrössuð á
tánum sem notið hafa töluverðra vinsælda hjá
yngri kynslóðinni, en einnig kemur fram hóp-
urinn Hundur í óskilum sem mun m.a. rappa
Gunnarshólma. Þá mun Ása Ketilsdóttir flytja
barnagælur, en 90 barnagælur hafa verið
hljóðsettar eftir hana hjá Árnastofnun.
„Ég vænti þess að þarna geti verið smáfólk
og upp í unglinga, fullorðna og gamalt fólk,“
segir Harpa og bætir við að hún voni að fjöl-
skyldan geti setið þar saman. „Það er gaman
að fara með ung börn á svona viðburð, því það
fara allir saman á Menningarnótt og þetta er
hátíð fyrir börn ekki síður en fullorðna. Þetta
er líka afmæli og börn gleðjast meira yfír af-
mælisdögum en aðrir og eiga því greiðari að-
gang að afmæli borgarinnar, því þau skilja
virkilega út á hvað það gengur."
4 LESBÓK MORGUNBLAÐSINS/MENNINGARNÓTT 21. ÁGÚST 1999