Alþýðublaðið - 06.04.1983, Blaðsíða 1

alþýöu
blaðið
isíl
Miövikudagur 6. apríl 1983
i
48. tbl. 64. árg.
Kjartan Jóhannsson:
flokksmenn muni gera það sem í
'þeirra valdi stendur til að gera
okkar útkomu sem besta"
Hver finnst þér vera stærstu mál
kosninganna í hugum fólks á þeim
vinnustöðum, þar sem þið hafið
farið um í Reykjaneskjördæmi?
„Það sem mér finnst áberandi
núna á vinnustöðum, er ótti manna
við atvinnuleysi, óvissan og ó-
öryggið í atvinnumálum kemur
mikið fram hjá fólki. Svo finnum
við inn á mikla gremju fólks, sér-
staklega ungs fólks með það, hvern-
ig staðið hefur verið að húsnæðis-
málunum. Þar er nú svo komið, að
ungt fólk á sáralitla möguleika á
húsnæðismarkaðnum. Margt fólk
segist Iíka uppgefið á því að hugsa
um efnahagsóreiðuna, verðbólg-
una, dýrtíðina og við skiljum vel
„Finnum inn á mikla
gremju fólks með það
hvernig staðið hefur verið
að húsnæðismálunum“
Frambjóðendur Alþýðuflokks-
ins hafa verið ötulir á undanförn-
um dögum við að kynna stefnu Al-
þýðuflokksins í komandi kosning-
um. Við slógum á þráðinn til for-
manns Alþýðuflokksins í gær og
spurðum hann hvernig honum
þætti að koma á vinnustaði nú til að
kynna stefnumál Alþýðuflokksins.
„Mér finnst Ijómandi góðar
undirtektir við það sem við alþýðu-
flokksmenn höfum fram að færa í
þessari kosningabaráttu. Það er
mjög vaxandi skilningur á því lykil-
hlutverki, sem Alþýðuflokkurinn
mun gegna í þessum kosningum.
Annars vegar er um að ræða óbreytt
ástand þar sem efnahagslífið er lát-
ið ganga á bráðabirgðaráðstöfun-
um á nokkurra mánaða fresti eða
hvort gera eigi ráðstafanir til þess að
koma efnahagslífinu á réttan kjöl.
Mér finnst það góð vísbending og
uppörvandi að finna það að fólk er
nú opið fyrir málflutningi okkar.
Ég tel, að við alþýðuflokksmenn
munum sækja jafnt og þétt á í
kosningabaráttunni og vona að
það vonleysi sem grípur fólk eftir
þá efnahagsstjórn, sem hér hefur
ríkt undanfarin ár. Og fólk sér
náttúrlega í gegn um það þegar
þessir menn, sem hafa stjórnað hér
undanfarin ár, koma svo núna og
segjast geta bjargað málunum. Þá
spyrjum við. Hvað hafa þeir verið
að gera í nærfellt heilt kjörtímabil?
Húsnæóismálin virðast ætla að
verða heita málið að þessu sinni. Nú
hafa þeir sínar launsir á hreinu, þeir
alþýðubandalagsmenn og sjálf-
stæðismenn. Hvað vilt þú segja um
málflutning þeirra að undanförnu?
„Já, Svavar Gestsson hefur nú
uppgötvað húsnæðisvanda ungs
fólks eftir að hafa farið með ráðu-
neyti húsnæðismálanna undanfar-
in ár. Nú vill hann allt í einu byggja
fyrir unga fólkið, þegar það er á
götunni. Allir sjá að þetta er ekki
trúverðugur málflutningur. Um
málatilbúnað Sjálfstæðisflokksins
í þessum efnum er fátt hægt að
segja annað en það, að um augljós
yfirboð er að ræða. Það er einna
Framhald á 2. sfðu
Bráðabirgðalög ríkisstjórnarinnar:
Um 60 útgerðar- og fiskvinnslu-
fyrirtæki fá lánafyrirgreiðslu
upp 4 120 milljónir króna
Rikisstjórnin ákvað á fundi sín-
um í gær að gefa út bráðabirgða-
lög þess efnis að veita um 60 út-
gerðar- og fiskvinnslufyrirtækj-
um . lánafyrirgreiðslu vegna
erfiðrar stöðu þeirra. Alls munu
120 milljónir króna fara til þessa-
ra fyrirtækja í gegn um Fiskveiða-
sjóð. Peningana lánar Seðlabank-
inn.
Lánafyrirgreiðslur þessar
byggjast á víðtækri könnun sem
gerð hefur verið á stöðu útgerðar-
og fiskvinnslufyrirtækja. Gögn-
um var dreift til allra þeirra um
800 stórra og smárra fyrirtækja
sem starfandi eru í þessari at-
vinnugrein og þeim fyrirtækjum
sem hygðu á lánafyrirgreiðsiu gert
að skila inn ítarlegum upplýsing-
um.
Alls bárust svör frá um 100
fyrirtækjum', en aðeins 59 þeirra
voru fullnægjandi. Þessi 59 fyrir-
tæki eru hins vegar mörg meðal
hinna stærstu, þar eða þau fengu
um 30% allra heildartekna út-
gerðar- og fiskvinnslufyrirtækja
árið 1981. Það eru hins vegar ekki
öll þessi fyrirtæki sem fyrir-
greiðslu fá að þessu sinni, heldur
eru einnig í myndinni fyrirtæki
sem hafa orðið fyrir sérstökum
rekstrarerfiðleikum eftir að
könnunin átti sér stað.
Af þessum upplýsinum má
ráða, að það eru einkum stærri
fyrirtæki sem í erfiðleikum eiga,
en megin þorri útgerðar- og fisk-
vinnslufyrirtækja sá ekki ástæðu
til að senda inn gögn um stöðu
sina upp á mögulega lánafyrir-
greiðslu.
Jón Baldvin Hannibalsson skorar á Svavar Gestsson:
Verður einvígi þeirra
á fimmtudag?
Jón Baldvin Hannibalsson, efsti
maður A-listans í Reykjavík hefur
skorað á Svavar Gestsson, efsta
mann G-listans að mæta sér á kapp-
ræðufundi í Sigtúni við Suður-
landsbraut á fimmtudagskvöld.
Þetta boð yar sent Svavari í síðustu
viku og tók hann sér nokkurra daga
umhugsunarfrest, en hafnaði síðan
boðinu á þeirri forsendu, að hann
væri sjálfur upptekinn á þessum
tima.
Jón Baldvin Hannibalsson, sagði
í gær í samtali við Alþýðublaðið, að
Svavar Gestsson
hann hefði skorað á Svavar að
endurskoða þessa afstöðu sína eða
tilnefna annan mann í sinn stað.
Hann sagði, að alþýðuflokksmenn
væru staðráðnir í að halda þennan
fund, hvort sem það yrði Svavar
Gestsson eða einhver annar sem
tæki upp málsvörn þeirra Alþýðu-
bandalagsmanna. Einhver hinna 24
frambjóðenda Alþýðubandalags-
ins hlyti að geta séð af tíma sínum
þessa kvöldstund í Sigtúnj.
„Ég gaf Svavari Gestssyni kost á
því að tilnefna stund og stað, ef
hann gæti ekki mætt í Sigtún á
Jón Baldvin Hannibalsson
þeim tíma sem ég tilnefndi sjálfur.
Ég trúi því ekki fyrr en ég reyni þá
alþýðubandalagsmenn af því að
vilja ekki mæta til kappræðufund-
ar með okkur alþýðuflokksmönn-
um. Þess vegna vona ég, að formað-
ur Alþýðubandalagsins taki þessi
boði, þó seint sé“ sagði Jón Baldvin
Hannibalsson að lokum.
Svavar Gestsson um einvígiö:
„ASKORUNIN KOM
EINFALDLEGA OF SEINT“
„Askorunarbréfið kom ein-
faldlega of seint. Það var enginn
fyrirvari á þessu, dagskráin.fram
aö kosningum er mjög pökkuð,
m.a. eru fyrirhugaðir 11 sjón-
varps- og útvarpsþættir" sagði
Svavar Gestsson, félagsmálaráð-
herra í samtali við Alþýðublaðið,
aðspurður um hvers vegna hann
hefði ekki orðið við áskorun Jóns
Baldvins Hannibalssonar uih ein-
vigi þeirra tveggja á milli á
kosningafundi Alþýðuflokksins.
Svavar bætti því við að sjálfsagt
hefði verið að verða við þessari
áskorun ef hún hefði borist
tímanlega, en því miður hefði Jón
haft meiri áhuga á að ræða við
Albert Guðmundsson.
20% tannlæknakostnaður endurgreiddur eftir 1. júní: _
Svavar Gestsson ætlar hins vegar
nýrri ríkisstjórn fjármögnunina
„Það er verið að leggja síðustu
hönd á að útbúa endurgeiðslu-
formin og tilkynning um reglu-
gerðarbreytingu þessa efnis verður
gefin út bráðlega,“ sagði Svavar
Gestsson, félagsmálaráðherra í
samtali við Alþýðublaðið, aðspurð-
ur um hvenær hann ætlaði að
standa við þá yfirlýsingu sína að
koma 20% af kostnaði við almenn-
ar tannlækningar inn í trygginga-
kerfið.
. Það var við umræður um frum-
varp Jóhönnu Sigurðardóttur og
fleiri um sams konar ráðstafanir að
Svavar gaf út þá yfirlýsingu að ein-
föld reglugerðarbreyting dygði til
að koma þessu í gang og að hann
myndi beita sér fyrir því að slík
breyting kæmist til framkvæmda
nú í sumar. í framhaldi af því var
frumvarp Jóhönnu fellt og greiddu
þá ýmsir ráðherrar atkvæði gegn
efni þess, sem var um leið sam-
hljóða þeirra eigin samþykkt.
Aðspurður sagði Svavar Gests-
son að stefnt væri að því að reglu-
gerðarbreytingin tæki gildi 1. júní.
Reyndar höfum við verið að velta
því fyrir okkur hvort ekki væri
hægt að tengja þetta almennri
stefnu í tannverndarmálum, en í
nokkrum löndum er það svo, að
þeir sem reglulega hafa farið til
tannlæknis fá svo og svo mikinn
afsláttí*
Það hefur verið dregið í efa að
ráðherra hafi heimild til að gera
þetta með einfaldri reglugerðar-
breytingu, m.a. vegna þess hversu
kostnaðarsamt þetta er?
„Við drögum ekki í efa að ráð-
herra hafi heimild til þessa og það
er samdóma álit embættismanna
ráðuneytisins."
Svavar sagði af fjármögnunin
muni koma úr ríkissjóði. Það liggur
því ljóst fyrir að þó Svavar hafi
tekið þessa ákvörðun ætlar hann
næstu ríkisstjórn það verkefni að
finna peningana.
Sigurður E. Guðmundsson:
Húsnæðisvandi ungs
fólks verði tekinn til
umræðu I borgarstjórn
Sigurður E. Guðmundsson, borg-
arfulltrúi Alþýðuflokksins hefur
farið þess á leit við forseta borgar-
stjórnar Reykjavíkur, að húsnæðis-
vandi ungs fólks verði tekinn til sér-
stakrar umræðu i borgarstjórninni
hinn 7. apríl n.k. Hann sagði í við-
tali við Alþýðublaðið í gær, að nú
virtist sem ungt fólk í borginni ætti
við mikla erfiðleika að etja i hús-
næðismálum og nauðsynlegt væri
fyrir borgarstjórn að ræða þessi
mál og finna þeim einhvern farveg.
Leggur hann m.a. til, að ítarleg
könnun farí fram á þessum málum
og borgarráð taki upp viðræður við
Fulltrúaráð verkalýðsfélaganna í
Reykjavík um samstarf þessara að-
ila til lausnar á húsnæðisvanda
unga fólksins. í greinargerð sem
fylgir tillögunum segir m.a.
„Oft hefur ungt fólk í Reykjavík
staðið frammi fyrir miklum erfið-
leikum í húsnæðismálum sínum.
Sjaldan hafa þeir þó virzt jafn ó-
kleifir eins og einmitt nú. Kemur
þar margt til, sem ekki er unnt að
rekja í stuttri greinargerð, en veldur
því, þegar allt kemur saman, að
ungt fólk stendur frammi fyrir nær
ókleifum vegg þegar það leitar eftir
húsnæði fyrir fjölskyldur sínar. í
ljósi þessa er því fyllsta ástæða til,
að Borgarstjórn Reykjavíkur taki
þennan mikla vanda til athugunar
og umfjöllunar. Því er þessi beiðni
lögð fram.
Þar sem Ijóst er að ungt fólk í
Reykjavík á við óvenjumikinn
vanda að fást í húsnæðismálum sín-
um er því lagt til að borgarstjórn
Sigurður E. Guðmundsson
hrindi í framkvæmd hið allra fyrsta
eftirtöldum aðgerðum:
• Stofnað verði til ítarlegrar könn-
unar á húsnæðisþörf ungs fólks
í borginni um þessar mundir,
þar sem fram komi m.a. hve
margra íbúða er þörf, hve stórar
þær þurfa að vera, hvort heldur
er óskað eftir eignaríbúðum eða
leiguíbúðum, í hvers konar hús--
gerðum o.s.frv.
• Borgarráð taki upp viðræður við
Fulltrúaráð verkalýðsfélaganna
i Reykjavík um samstarf þessara
Framhald á 2. síðu