Alþýðublaðið - 23.01.1985, Síða 4

alþýðu-
u mim
Þriöjudagur 22. janúar 1985
Útgefandi: Blað h.f.
Stjórnmálaritstjóri og ábm.: Guðmundur Árni Stefánsson.
Ritstjórn: Friðrik Þór Guðmundsson og Sigurður Á. Friðþjófsson.
Skrifstofa: Helgi Gunnlaugsson og Halldóra Jónsdóttir.
Auglýsingar: Eva Guðmundsdóttir.
Ritstjórn og auglýsingar eru að Áimúla 38, Rvík, 3. hæð.
Sími:81866.
Setning og umbrot: Aiprent h.f., Ármúla 38.
Prentun: Blaðaprent, Síðumúla 12.
Áskriftarsíminn
er 81866
Hungurvofan grúfir yfir Afríku
Astandið slæmt í
Súdan og Mósambik
Það er ekki bara i Eþíópiu, sem
þurrkarnir hafa tekið sinn toll. Nu
berast fréttir af milljónutn Súdana,
sem hafa þurft að yfirgefa heimili
sín. Er áætlað að um 3 milljónir
manna í Súdan hafi þannig flosnað
upp af jörðum sínum á sl. ári. Að
sögn kunnugra er ekki langt í að
ástandið verði jafn alvarlegt og í
Eþíópíu.
í sl.viku sagði heilbrigðismála-
ráðherra landsins, Abdel-Salem
Saleh Isa í viðtali, að 2,8 milljónir
manna í norðurhéröðum landsins,
Darfur og Kordofan héröðunum og
meðfram ströndum Rauðahafsins,
hafi flúið þurrkana og búi nú í
flóttamannabúðum. Sagði hann að
vandamál þessa fólks yrði jafn al-
varlegt og fórnarlamba hungursins
í Eþíópiu, innan fjögurra mánaða,
ef ekki færi að rigna. Ástandið er
mjög alvarlegt fyrir alla hirðingja-
þjóðflokkana, sem búa við strend-
ur Rauðahafsins.
Mjög stórar flóttamannabúðir
hafa risið í úthverfi borgarinnar
Omdurman á sl. tveim mánuðum.
Þar hafast við flóttamenn frá Dafur
og Kordofan.
Isa staðfesti þá sögu að daglega
sendi rikisstjórnin vörubíla hlaðna
af fólki, aftur til átthaganna, um
2-300 manns daglega. Þar hefðu
verið reistar flóttamannabúðir og
taldi hann betra að fólkið hefðist
við þar, en í þessum risabúðum.
En fréttir af slæmu ástandi berast
víðar að úr Afríku. í Mosambik er
nú mjög alvarleg kornvöntun vegna
þurrkanna. Er álitið að um 2 mill-
jónir manna líði nú fyrir þurrkana Til að fæða íbúana fyrstu fjóra um 90þúsund tonn svo tryggt sé að
þar. Þar hafa nú um 200.000 manns mánuði ársins þarf 339 þúsund íbúarnir verði ekki hungrinu að
látið lífið vegna þeirra. tonn erlendis frá. Enn vantar því bráð.
Magnús Marísson skrifar;_
Hugleiðingar um efnahagsmál
Við erum skuldug þjóð, islenska
þjóðin nú í byrjun nýs árs.
Erlendar skuldir okkar eru nú
hærri á hvern íbúa en í nokkru öðru
landi. Einnig er hlutfall erlendra
skulda af þjóðarframleiðslu hærra
en nokkru sinni fyrr.
Öllum ábyrgum mönnum ætti að
vera Ijós hættan af þessu. Með
sama áframhaldi lítur ekki út fyrir
annað en að yfirstjórn peninga-
mála hér lendi í höndum Álþjóða-
bankans.
En samt heldur hinn pólitíski
farsi áfram eins og ekkert hafi í
skorist.
Alla tíð frá upphafi fimmta ára-
tugarins höfum við búið við stór-
kostleg áhrif frá erlendu fjármagni
í mynd setuliðsviðskipta, varnar-
liðsviðskipta ásamt gífurlegum er-
Iendum styrkjum (Marshall fé) og
að ógleymdu öllu erlenda Iánsfénu
sem nú er farið að ógna okkar efna-
hagslega sjálfstæði vegna óvarlegr-
ar notkunar þess.
Tímabilinu frá upphafi fimmta
áratugarins fylgir svo eins og
skugginn verðbólga, miklar gengis-
fellingar, ásamt því að búseta í
landinu raskaðist meira og minna
og hagstærðir allar gengu úr skorð-
um. Þetta leiddi síðan til þess
ástands sem nú ríkir.
Auðvitað spiluðu fleiri þættir inn
í, svo sem sveiflur í sjávarútvegi og
aflabrestir sent illa gekk að jafna
ásamt fleiri uppákomum.
Að sjálfsögðu voru margir góðir
hlutir gerðir á þessu tímabili, að því
búum við nú þegar harðnar á daln-
um.
Hóflegt erlent fjármagn sem slíkt
er alls ekki slæmt, heldur er það
slæmt þegar ekki tekst að stýra því
til bráðnauðsynlegra og arðbærra
framkvæmda en i stað þess látið
fara í óþarfa og þenslu.
Við sjáum nú þessa dagana
hvernig röng notkun á erlendu fjár-
magni sem skapaði þenslu hefur
Ieitt til þess að sá árangur sem þjóð-
in var að ná í baráttunni gegn verð-
bólgunni glataðist vegna hins
þensluskapandi erlenda fjármagns
sem dælt var inn í landið af litilli
fyrirhyggju.
Tíminn líður, veislunni er lokið
og við dyrnar standa kröfuhafarnir,
þeir munu ekki láta eftir sinn hlut.
Ekki er ástæða til að harma það að
veislunni er lokið. Hún var nefni-
lega kostuð af þeim sem ekki voru
boðnir en eru látnir greiða veislu-
kostnaðinn.
Farsinn er að snúast upp í harm-
leik. Harmleik þjóðar sem er að
dragast aftur úr öðrum sambæri-
legum þjóðfélögum. Allt vegna
þess að þeir sem áttu að rækta garð-
inn létu það ógert en fóru I stað þess
að byggja loftkastala.
Við eigum engra kosta völ, okkur
er nauðugur einn kostur og sá er að
lifa í jöfnuði og sátt af því sem
skynsamleg nýting landkosta leyfir.
Sama hvað reiknimeistarar reikna
og reikna verður því ekki breytt.
Samhliða þessu verðum við að
grynnka á okkar gífurlegu erlendu
skuldum og sjá til þess að til slíkra
verði ekki stofnað framar.
Óteljandi verkefni bíða þeirra
sem heiðarleika og djörfung hafa til
að taka á þeim vandamálum efna-
hagskerfisins sem nú hafa hrannast
upp.
Brýnust þessara vandamála eru:
Gera úttekt á peningamálastefnu
miðbankans ásamt bankastarfsemi
almennt og lagfæra augljósa van-
kanta. Allar breytingar þar verður
að gera af ýtrustu varkárni, starf-
semi æðakerfis peningamálanna er
svo viðkvæm og samvirkandi að
breytingar upp á brot úr prósenti
hafa feiknaáhrif. Hvað þá þegar
menn eru að tala um breytingar upp
Framhald á bls. 3
MOLAR
Hvað varð um
gömlu stjörnurnar?
Heldur dey ég en syng Satisfac-
tion þegar ég er orðinn 45 ára,
sagði Mick Jagger fyrir nokkrum
árum. Ekki er samt ýkja langt síð-
an hann söng þennan gamla smell
Steinanna við jafn góðar undir-
tektir áheyrenda og fyrir 20 árum.
En enn á hann nokkur ár í að
verða 45 ára, hann er bara rúm-
lega fertugur. Allir sem fylgjast
með rokktónlist vita hvað Jagger-
inn hefur haft fyrir stafni undan-
farin ár, en ætli ekki fleirum sé
líkt farið og molahöfundi, að
velta því fyrir sér hvað varð um
allar hinar stjörnurnar frá sjötta
áratugnum. Hvað skyldi Dave
Clark í Dave Clark five vera að
gera þessa stundina? Allir sem
komnir eru á fertugsaldurinn
muna eftir iaginu Glad all over
með þeim. Ykkur að segja þá situr
nú Dave karlinn umkringdur
vídeótækjum og að sögn er hann
enn í besta skapi, því myndbanda-
fyrirtækið sem hann rekur
blómstrar.
En muniði eftir Spencer Davis
group. Það er vissulega kominn
einn og hálfur áratugur síðan hver
smellurinn á fætur öðrum kom
frá þeim, Keep on running og
Somebody help me, verða að telj-
ast til sígildra poppverka. Söngv-
arinn og organistinn Steve Win-
wood gerir það enn gott við tón-
listarsköpun sína, auk þess sem
hann hefur sett út fyrir fjölda
listamanna og nægir að nefna
Marianne Faitful, en sjálfur höf-
uðpaurinn Spencer Davis hefur
búið í Los Angeles sl. 14 ár og rek-
ur umboðsskrifstofu fyrir tónlist-
armenn þar. Peter Asher, sem var
annar meðlimurinn í söngdúettin-
um Peter og Gordon, flutti líka til
Ameríku. Þar pródúserar hann
hljómplötur og þykir vel liðtækur
við það, m.a. er honum þakkaður
árangur Lindu Ronstadt.
Enn ein stjarna sjöunda áratug-
a, ,, Peter Noone úr Herman
Hermits, þið munið eftir Missis
Brown you got a lovely daughter
og No milk to day og fl. lögum
með þeim, flutti líka til USA. Fyr-
ir nokkru sneri hann aftur til Eng-
Iands og tók þátt í uppfærslu á
söngleiknum Sjóræningjarnir frá
Penzance í London. Frammistaða
hans var að sögn þeirra sem sáu
hann, ekkert til að hrópa húrra
yfir, svo hann hefur horfið aftur
til Nýja-heimsins og er að vona að
honum vegni betur þar. Klaus
Voorman, sem var bassaleikari I
hljómsveit Manfred Manns og lék
með John Lennon í Plastic Ono
band, er nú framkvæmdastjóri
fyrir hljómplötufyrirtækið Poly-
gram í Hamborg. Mannfred
Mann sjálfur er enn á fullu í tón-
listinni og hefur sér til fulltingis
Jarðarband, en Paul Jones söngv-
ari hans frá sjöunda áratugnum er
með eigið Biúsband og hefur auk
þess getið sér gott orð á söng-
Ieikjasviðum í London, núna síð-
ast í ameríska söngleiknum Pump
boys and Dinettes.
Rollan á 2050
Ríkisskattstjóri hefur sent frá
sér auglýsingu um skattmat tekju-
árið 1984, þar sem meðal annars
kemur fram að búfé til eignar i
árslok síðasta árs er t. d. sem hér
segir: Mjólkurkýr er metin á
18.765 kr., en holdakýr á 7.175 kr.
Ær og sauðir eru metnir á 2.050
kr., en hestar á 5—13. vetri á
13.850 kr. Geltir eru metnir á
9.800 kr., en gyltur á 6.380 kr.
Kynjamisréttið er greinilegt hjá
sumum dýrum: Hestar eru dýrari
en hryssur, geltir dýrari en gyltur,
karldýrsminkar dýrari en kven-
dýrsminkar. Öfugt við þetta eru
naut yfirleitt metin minna en
kýr/kvígur . . .
•
Víðar reykingabann
Þeir Árni Johnsen og félagar í
tóbaksvarnarnefnd eiga sér
kollega í Moskvu. Framkvæmda-
nefnd Moskvuborgar hefur sem
sé afráðið að banna allar reyking-
ar á Rauða torginu og við grafreit
hins ókunna hermanns þar í borg.
Moskvubúar eru að sögn Moscow
news himinlifandi yfir þessu, en
fyrir hefur verið bannað að reykja
í kvikmyndahúsum, listasöfnum,
lestum og öðrum opinberum
stöðum. Við hér á Fróni erum sem
sé að taka upp siði Moskvubúa
Orka 2000
í jarðhitaspá Orkuspárnefndar
fram til ársins 2000 (nýttur varmi)
kemur fram að í gígawattsstund-
um talið er reiknað með því að
orkunotkun geti milli þre- og fjór-
faldast frá 1980 til 2000. í grunn-
spá er reyndar aðeins gert ráð fyr-
ir um tvöföldun, en þá er ekki
reiknað með mikilli uppbyggingu
í nýiðnaði ogfiskirækt.En efhins
vegar uppbyggingin veróur eins og
menn telja þörf sé á, er sem sagt
reiknað með því að árið 2000 geti
farið nánast jafnmikill jarðhiti i
nýiðnað og mun fara í húshitun.