Alþýðublaðið - 26.04.1986, Blaðsíða 1

alþýðu
irihT'
mj
Laugardagur 26. apríl 1986
80. tbl. 67. árg.
Launamunurinn 60%
— í dagvinnu. Niðurstöður nefndar sem fjár-
málaráðherra skipaði í fyrra. Lífeyrisréttindi
ríkisstarfsmanna traustari
Verulegur tnunur er á dagvinnu-
tekjum háskólamenntaðra starfs-
manna ríkisins og þeirra sem vinna
hjá einkafyrirtækjum og hafa sam-
bærilega menntun. Þessi munur fer
í mörgum tilvikum upp í 50—60%
segir m.a. í niðurstöðum nefndar
sem fjármálaráðherra skipaði í
fyrra til að kanna þennan launa-
mun. Nefndin telur þó fremur erfitt
að gera sér nákvæma grein fyrir
mismun dagvinnulaunanna sjálfra.
Að því er fram kemur í niður-
stöðum nefndarinnar er mismunur
á heildartekjum mun minni, eða á
bilinu 10—25% í flestum tilvikum
og virðist trúlega að þetta stafi að
hluta af meiri yfirvinnu opinberra
starfsmanna, eneinniger vitað að
ýmsar aðferðir eru viðhafðar hjá
hinum ýmsu opinberu stofnunum
til að bæta mönnum ’ upp lága
launataxta, má þar nefna fasta, en
óunna yfirvinnu o.s.frv.
Nefndin telur opinbera starfs-
menn hins vegar njóta mun betri líf-
eyrisréttinda, en háskólamenntað
fólk á einkamarkaði og varð sam-
komulag í nefndinni um að meta
þessi lífeyrisréttindi á 9% í tekjum.
Þegar tekið hafði verið tillit til
þessa töldust laun ríkisstarfsmanna
farin að slaga hátt upp í laun á
einkamarkaði en þó í flestum tilvik-
um nokkru lægri.
í niðurstöðum nefndarinnar
kemur lika fram að um tveir af
hverjum þremur ríkisstarfsmönn-
um BHM vinna í starfsgreinum sem
ekki eiga sér neinar hliðstæður á
einkamarkaði og því ekki hægt að
finna neinar beinar viðmiðanir fyr-
ir þessa hópa að því er launakjör
varðar. Hér er um að ræða starfs-
fólk í mennta- og heilbrigðiskerf-
unum og starfsmenn kirkjunnar
svo og ýmissa fræðastofnana.
Kartöflulögin:
Skatturinn nemur
heilum milljarði
— og helsti rökstuðn-
ingurinn hrein ósann-
indi, segir í minnihluta
áliti Jóns Baldvins
Hannibalssonar
Undir lok þess þings sem lauk
störfum á síðasta vetrardag, var
samþykkt lagafrumvarp frá land-
búnaðarráðherra um allt að 200%
álögur á innfluttar kartöflur. Ýmsir
málsinetandi aðilar urðu til að mót-
mæla þessari lagasetningu all-
harkalega, m.a. frá neytendasam-
tökunum, sem töldu að lögin
myndu leiða til stórhækkaðs vöru-
verðs til neytenda, koma í veg fyrir
samkeppni og draga úr viðleitni
framleiðenda til að iaga sig að
markaðsaðstæðurn og beita hag-
kvæmni við framleiðsluna.
Að lokinni umfjöllun um máiið í
landbúnaðarnefnd, lagði Jón
Baldvin Hannibalsson, fram sér-
stakt minnihlutaálit, þar sem hann
vekur athygli á ýmsum ágöllum
frumvarpsins. í áliti Jóns Baldvins
segir m.a.:
1. Þetta frumvarp, ef að lögum
verður, getur falið í sér auknar
álögur á neytendur sem eru ekki
undir 1000 milljónum króna.
Verði frumvarpið að lögum
Framh. á bls. 2
Blómaskálinn rifinn
Blómaskálinn íKópavogihefur um áratugaskeið komiðmikið viðsögu bœjarfélagsins, verið ein af þeim stofnun-
um, sem tengst hafa nafni Kópavogs og verið hluti af því. Þórður á Sœbóli var maður, sem allir þekktu og rak
Blómaskálann um langt árabil. En nú er hún Snorrabúð stekkur. Blómaskálinn var rifinn í vikunni og heyrir nú
sögunni til.
Litlu íbúðirnar
eru 40% dýrari
— Fasteignaverð í Reykjavík nú 20% lœgra,
reiknað á föstu verðlagi, en það var fyrir tveim-
ur arum.
A síðasta ársfjórðungi ársins
1985 þurfti að greiða allt að 40%
hærra verð fyrir hvern fermetra í
litlum íbúðum en hinum stærri.
Eins til tveggja herbergja íbúðir
kostuðu á þessu tímabili að meðal-
tali ríflega hálfa aðra milljón og
meðalverð á hvern fermetra var
rúmlega 29 þúsund. íbúðir sem
voru stærri en fjögurra herbergja
kostuðu hins vegar að meðaltali
tvær og hálfa milljón og þar voru
að meðaltali greiddar rúmlega 29
þúsund krónur fyrir hvern fer-
metra.
Þetta kemur m.a. fram í aprílút-
gáfu Markaðsfrétta, sem gefnar eru
út af Fasteignamati ríkisins. Þar
kemur einnig í ljós að söluverð
íbúða, reiknað á föstu verðlagi var í
árslok hið lægsta síðan í ársbyrjun
1984. Verð íbúða hafði lækkað um
ríflega 20% frá því í desember 1984.
að vísu hækkaði íbúðaverð, reiknað
á föstu verðlagi á árinu 1984 um ná-
lægt 10%, þannig að íbúðaverð í
lok síðasta árs var um 10% lægra en
fyrir tveimur árum.
Þessir útreikningar eru byggðir á
sölu ríflega 320 íbúða sem seldust í
Reykjavík á fjórða ársfjórðungi
1985. Þegar tölur þær sem birtar
eru í fréttabréfinu eru skoðaðar,
kemur í ljós að minnstu íbúðirnar,
1—2 herbergja, eru að meðaltali
54,2 fermetrar, þriggja herbergja
íbúðir sem seldar voru á tímabilinu
reyndust að meðaltali 75,3 fermetr-
ar, fjögurra herbergja íbúðir 99,8
fermetrar og stærri íbúðir voru að
meðaltali 120,9 fermetrar.
Söluverð íbúða breyttist mjög lít-
ið á því tímabili sem hér er um að
ræða. Hlutfall útborgunar af heild-
arverði íbúða hækkaði hins vegar
nokkuð á síðastliðnu ári og virðist
þvi viðleitni fasteignasala til að
stuðla að lækkun útborgunar ekki
hafa borið árangur, þrátt fyrir marg
ítrekaðar yfirlýsingar.
A-lista fundur
í Múlakaffi
í dag, laugardag, klukkan níu fyrir hádegi, heldur A-listinn í
Reykjavík fund í Múlakaffi við Hallarmúla. Þangað kemur Bryndís
Schram og ræðir við gesti í morgunkaffinu. Fundir af þessu tagi
verða haldnir víða um borgina á næstunni.
Umsögn Endurskoðunar hf um fjárhagsstöðu Arnarflugs:
Hlutafj áraukning og flugvélasala
réttir ekki af eignarfjárstöðuna
Miklar umrœður hafa orðið um Arnarflugsmálið að
undanförnu. Margt hefur verið sagt um stöðu fyrirtœk-
isins, skuldirþess og afkomumöguleika ínáinniframtíð.
Endurskoðunarfyrirtœkið Endurskoðun hf. tók saman
umsögn ífebrúar sl. um skýrslu stjórnar Arnarflugs hf.
dags. 18. febrúar varðandi fjárhagsstöðu félagsins.
Þess má vœnta að skýrslan gefi nokkuð hlutlœga
mynd af stöðu félagsins, og birtist hún hér í heild. Þessi
skýrsla hefur ekki áður verið birt:
og rekstraráætlanir. Fyrirhugað er
að leggja skýrsluna fyrir hluthafa-
fund félagsins 25. þ.m.
í bréfi þessu munum við fjalla
um þá þætti skýrslunnar er varða
fjárhagslega stöðu félagsins, sbr.
27. gr. laga nr. 32/1978 um hlutafé-
lög.
1. Helstu forsendur stjórn-
ar um mat á fjárhagsstöðu
Ársreikningur félagsins fyrir árið
Stjórn Arnarflugs hf.,
18. febrúar 1986.
Lágmúla 7,
105 Reykjavík.
Efni: Umsögn endurskoöenda um
skýrslu stjórnar Arnarflugs hf.
dags. 18. febrúar 1986 varðandi
fjárhagsstöðu félagsins.
Skýrsla stjórnar félagsins sem
dagsett er í dag hefur að geyma
ýmsar upplýsingar um fjárhags-
stöðu félagsins, áform um fjárhags-
lega endurskipulagningu þess svo
1985 liggur ekki fyrir, en gert er ráð
fyrir að það verði síðari hluta mars-
mánaðar. Mat stjórnarinnar á fjár-
hagsstöðunni er meðal annars
byggt á reikningsskilum félagsins
miðað við 30. september 1985 og
áætlun um afkomuna til ársloka
1985.
Samkvæmt efnahagsreikningi
30. september sl. var eiginfjárstaða
félagsins neikvæð um 117,2 millj.
kr. Aætlað er að tap félagsins frá 1.
október til 31. desember 1985 hafi
numið um 31 millj. kr.
í skýrslu stjórnar er gerð grein
fyrir þeim atriðum sem að hennar
mati hafa áhrif til hækkunar á
áætlaðri bókfærðri eiginfjárstöðu
félagsins, en þau eru aðallega eftir-
farandi:
— Vöruflutningaflugvélin
TF—VLJ hefur að undanförnu
verið á söluskrá og er þaö mat
stjórnar að söluverð hennar
verði að lágmarki 53 millj. kr.
Bókfært verð vélarinnar nemur
um 27 millj. kr. og er því sölu-
hagnaður talinn nema að lág-
marki 26 millj. kr. sem bætir
bókfærða eiginfjárstöðu sem
því nemur.
— Félagið gerði í febrúar 1984
kaupleigusamning við erlendan
aðila um leigu á flugvélinni
TF—VLT scm er að gerðinni
Boeing 737—205C Verði öllum
skilyrðum samningsins full-
nægt hefur félagið rétt til kaupa
á flugvélinni á verði sem er veru-
lega lægra en markaðsverð
samskonar flugvéla í dag.
— Kostnaður við öflun viðskipta-
sambanda og annar sambæri-
legur stofnkostnaður er leiðir af
rekstri félagsins hefur ekki verið
eignfærður í efnahagsreikningi.
2. Umsögn
um fjárhagsstöðuna
Þegar litið er til reikningsskila fé-
lagsins 30. september sl. og áætlun-
ar um afkomu þess til ársloka 1985
má gera ráð fyrir að skuldir félags-
ins umfram eignir hafi numið um
160 millj. kr. í árslok 1985 og er þá
miðað við bókfært verð eigna.
Varðandi reikningsskilin 30.
september sl. og fjárhagsstöðu fé-
lagsins á þeim tíma þykir rétt að
undirstrika nokkur atriði:
— Heildarvelta félagsins á árinu
1985 hækkaði verulega frá ár-
inu áður, einkum vegna aukn-
ingar á erlendum leiguverkefn-
um. Þessi leiguverkefni voru í
hámarki á tímabilinu júní til
september sl. Við gerð reikn-
ingsskilanna var leitast við að
ná fram upplýsingum um til-
tekna gjaldaliði sem tengjast
rekstrarkostnaði leiguverkefna
sem endanleg gögn lágu ekki
fyrir um þegar reikningsskilin
Framh. á bls. 3