Alþýðublaðið - 21.11.1986, Blaðsíða 1

alþýðu-
□
Föstudagur 21. nóvember 1986 225 tbl. 67. árg.
Gjaldheimtan í Reykjavík:
„Hddur erfiðara
í ár en í fyrra“
— segir Guðmundur V Jósefsson, gjald-
heimtustjóri
„Við skiptum innheimtunni í
þrennt. Fyrst eru gjöld yfirstand-
andi árs með vöxtum og miðað er
við 31.10. 51,38% hafði verið inn-
heimt af gjöldum yfirstandandi árs
á móti 53,32% á sama tíma í fyrra.
Eftirstöðvar, þ.e. það sem ekki var
búið að innheimta af eldri gjöldum
og er í innheimtumeðferð, hefur nú
verið innheimt 39,40% en var á
sama tíma í fyrra 40,46%. Fast-
eignagjöld er búið að innheimta
núna 90,71% en var í fyrra 86,94%.
Innheimta fasteignagjalda er því
heldur betri en á sama tíma í fyrra“,
sagði Guðmundur Vignir Jósefs-
son, gjaldheimtustjóri í samtali við
blaðið.
„Þetta dæmi sýnir að það hefur
gengið heldur verr að innheimta
gjöldin í ár en í fyrra, ef undan eru
skilin fasteignagjöldin. En þessar
tölur segja þó ekki alla söguna, því
maður veit ekki hvað áætluð gjöld
spila inn í svona dæmi. Það er eins
og það sé óvenjulega mikið af þeim
núna og ennfremur er mikið af
kærum í gangi sem eftir er að af-
greiða. Við það að kærur afgreiðast
lækkar álagningarstofninn og
menn greiða ógjarna kærur sem eru
svo háar að mönnum er ofviða að
ráða við það. Það getur verið ein
skýringin á því að þetta er lélegra
núna. Það munar sem sagt u.þ.b.
tveimur prósentum hvað þetta er
lakara í ár“, sagði Guðmundur
Vignir að síðustu.
A Wyðuflokkurinn:
Fundur í Verka-
lýðsmálaráði
„Við ætlum að koma saman
stjórn og marka starfiö framund-
an. — Reyna að gera þetta að virku
apparati innan flokksins,“ sagði
Gylfi Ingvarsson formaður Verka-
lýðsmálaráðs Alþýðuflokksins í
samtali við Alþýðublaðið í gær, en
fyrsti fundur ráðsins verður hald-
inn á laugardaginn kl. 10 árdegis í
fundarsal Verkakvennafélagsins
Framsóknar að Skipholti 50A í
Reykjavík.
Verkalýðsmálaráð Alþýðu-
flokksins var stofnað á síðasta
flokksþingi og á flokksþinginu var
Gylfi Ingvarsson kosinn formaður
en verða nú aðrir kosnir með hon-
um í stjórn.
Á fundinum á Iaugardaginn
verða m.a. kjaramál rædd og fram-
sögu hefur Björn Björnsson hag-
fræðingur ASÍ.
„Ég hef mikinn hug á því að þessi
nýja nefnd starfi á þann hátt að hún
fylgist með því sem er að gerast inn-
an verkalýðshreyfingarinnarý sagði
Gylfi, „að stjórn verkalýðsmála-
ráðsins geti orðið umsagnaraðili
fyrir flokkinn um verkalýðs og
kjaramál. — Haldnir verði fundir
reglulega og ráðstefnur þannig að
samskipti og samáð verði sem bestí1
Framtíð Útvegsbankans:
„Hlutafjárbanki með
dreifðri eignaraðild“
„Leið Sjálfstæðisflokksins hins vegar ekki líkleg til að
ná settu marki“.
— segir Jón Baldvin Hannibalsson formaður Alþýðu-
flokksins.
„Við erum sammála því sjónar-
miði, að það þurfi að endurskipu-
leggja bankakerfið og höfum lengi
verið gagnrýnir á hið pólitískt
rekna ríkisbankakerfi, hlutverk
bankaráða, pólitískar embættis-
veitingar, pólitískar fyrirgreiðslur
fjármagns svo lengi mætti telja. Við
teljum því út af fyrir sig æskilegt að
upp rísi hlutafjárbanki með
dreifðri eignaraðild sem væri nægi-
lega öflugur til að veita alhliða
bankaþjónustu og veita ríkisbank-
anum, sem yrði einn, öfluga sam-
keppni“, sagði Jón Baldvin Hanni-
balsson formaður Alþýðuflokksins
í samtali við Alþýðublaðið í gær
þegar hann var spurður um leiðir
Alþýðuflokksins til framtíðar-
lausnar á vanda Útvegsbankans og
stefnu Alþýðuflokksins í þeim efn-
um.
Jón Baldvin sagði að spurningin
væri hins vegar sú hvernig þessum
markmiðum yrði náð með sem hag-
kvæmustum hætti og með sem
minnstum útgjöldum af almanna-
fé! „Það er t.d. spurt um tillögugerð
Seðlabankans. Seðlabankinn mæl-
ir ákveðið með einni lausn sem er sú
að fram fari sameining á Útvegs-
banka og tveimur einkabönkum,
Iðnaðar- og Verslunarbanka. Fyrir
liggur að Seðlabankinn heldur því
fram að þessi leið verði útgjalda-
minnst fyrir ríkissjóð, kosti jafnvel
ekki neitt. — Um þessa leið vil ég
segja í fyrsta lagi að það er blöff hjá
Seðlabankanum að hún muni ekki
kosta sína meðgjöf þó umdeilanlegt
sé hversu hátt það meðlag þurfi að
vera. í annan stað spyrjum við hvers
vegna Iðnaðarbanki og Verslunar-
banki? Hvers vegna ekki Sam-
vinnubanki sem okkur er tjáð að
hafi bréflega lýst áhuga sínum á að
eiga aðild að slíkum samruna og er
vissulega sambærilegur að styrk við
hina bankana? Og hvers vegna ekki
Alþýðubankinn ef ske kynni að
hann hefði áhuga? Afstaða Sjálf-
stæðisflokksins? Við spyrjum, hafa
þeir rígbundið sig við þessa leið af
pólitískum ástæðum? Það er að
segja með vísan til þess að þeir sem
ráðið hafa lögum og lofum í þess-
um tveimur litlu einkabönkum eru
jafnframt í innsta hring Sjálfstæð-
isflokksins. — Þetta er spurning en
ekki fullyrðing“, sagði Jón Baldvin.
„Lítum á aðra leið. Ef markmiðið
sem menn eru sammála um er þetta:
Myndum einn öflugan hlutafjár-
banka með dreifðri hlutafjáreign,
banka sem væri nægilega öflugur
til að veita ríkisbankanum sam-
keppni. Er þá ekki til önnur leið
betri?
Við viljum láta kanna hvort ekki
væri réttara, bæði út frá markmið-
Framh. á bls. 2
Prófkjör Aljpýðuflokksins í Reykjavík:
3 í framboði í 4. sæti
Framboösfrestur fyrir prófkjör
Alþýðuflokksins í Reykjavík sem
fram fer dagana 29.—30. nóvem-
ber, rann úr kl. 20.00 á miðviku-
dagskvöld. Prófkjörið stendur að-
eins um fjórða sæti listans, þar sem
frambjóðendur í þrjú efstu sætin
eru sjálfkjörnir, samkvæmt reglum
Björgvin Guðmundsson
flokksins þegar ekki er um nema
eitt framboð að ræða í sætið. Jón
Sigurðsson gaf einn kost á sér í
fyrsta sæti, Jóhanna Siguröardóttir
í annað og Jón Baldvin Hannibals-
son í þriðja. Þrjú gáfu hins vegar
kost á sér í fjórða sæti listans þau:
Björgvin Guðmundsson, Jón Bragi
Jón Bragi Bjarnason
Bjarnason og Lára V. Júlíusdóttir.
Opinn fundur verður haldinn
með frambjóðendum n.k. sunnu-
dag kl. 14. Fundurinn verður hald-
inn á Broadway. Frambjóðendur
halda stuttar framsöguræður og
svara fyrirspurnum að því loknu.
Lára V. Júlíusdóttir
Þroskaþjálfar hyggjast
segja upp störfum
„Við verðum að gera eitthvað,“ sagði formaður Félags
þroskaþjálfa í samtali við Alþýðublaðið, „oft hefur
verið þörf en nú er nauðsyn.“
„Við höfum verið að gera könn-
un meðal félagsmanna um að fara
þessa leið og afstaða verður tekin
á miðvikudag í næstu viku. Mér
sýnist almennur vilji meðal fé-
Iagsmanna og verður þá sagt upp
frá og með 1. desember n.k“, sagði
Árni Már Björnsson formaður fé-
lags Þroskaþjálfa í samtali við Al-
þýðublaðið í gær en gerð var
könnun innan félagsins um af-
stöðu til hópuppsagna. Hefur enn
ein stéttin í heilbrigðiskerfinu
bæst við þann hóp sem sagt hefur
upp störfum. Árni sagði að ekki
færi á milli mála að megn
óánægja væri meðal þroskaþjálfa
um kjaramál og þessi leið hóp-
uppsagna væri vel igrunduð". Oft
hefur verið þörf en nú er nauðsyn
sagði Árni Már“. Við vitum að við
verðum að gera eitthvað.
„Það má I raun segja að við sé-
um óánægð með launakjörin al-
mennt“, sagði Árni. „Við viljum
þrýsta á samningsaðila til þess að
sýna fram á þá óánægju sem
komin er fram og hefur alllengi
verið til staðar“.
Byrjunarlaun þroskaþjálfa eru
nú 28.465, þá er um almennan
þroskaþjálfa að ræða með starfs-
reynslu og full réttindi.
„Nei, mér er ekki kunnugt um
neinar yfirborganir hjá ríkinu“,
sagði Árni Már aðspurður. Deild-
arþroskaþjálfi sem er ábyrgur fyr-
ir starfsemi deildar með 10—15
einstaklinga, tekur til lyf og sinnir
peningum og vaktaskýrslum
ásamt umsjón með öðru starfs-
fólki hefur 30.199 krónur í laun á
mánuði. Eftir 10 ára starf hefur sá
hinn sami 36.000 krónur í laun á
mánuði.
Árni Már sagðist sjálfur að-
spurður hafa 35.496 krónur í laun
á mánuði en hann er með 6 ára
starfsreynslu og er yfirþroska-
þjálfi á ákveðinni deild á Kópa-
vogshæli. „Ég ber ábyrgð á vinnu
20 starfsmanna og þar fyrir utan
eru 92 einstaklingar sem koma i
þjálfun eða vinnu á vinnustofurn-
ar. Þannig að ég er í raun ábyrgur
fyrir yfir 100 manna starfsliði“. —
Auk þess sér yfirþroskaþjálfinn
um að útvega verkefni og sinna
ýmsum samskiptum við fyrirtæki
út á við. En í þessu tilfelli er um að
ræða vinnustofu á Kópavogshæli.
„Nei, það er ekki offramboð á
þroskaþjálfum", sagði Árni.
„Það virðist alls staðar vanta
þroskaþjálfa til starfa".
Miðað við aðrar uppeldisstéttir
virðast þroskaþjálfar skila sér bet-
ur í störf að loknu námi. Árni vill
kalla þroskaþjálfa uppeldisstétt
vegna þess að störf þeirra séu
frekar uppeldisleg en annað.
Hann sagði að skynsamlegast
væri að þeirra málefni heyrðu
undir félagsmálaráðuneytið, „það
eru reyndar mismunandi skoðanir
um þetta innan stéttarinnar þó ég
treysti mér til að segja að Éestir
séu þeirrar skoðunar að skólinn
okkar ætti að heyra undir annað
ráðuneyti en heilbrigðisráðuneyt-
ið“. Árni sagði að tvisvar hefði
verið reynt að flytja skólann til í
kerfinu en ekki tekist.
Ef af uppsögnum verður mið-
ast þær sem áður sagði við 1. des.
n.k. en þrír mánuðir þurfa að líða
áður en þær taka gildi. Stjórnvöld
munu hins vegar hafa heimild til
að framlengja þeim til 1. júní
næsta sumar. Stjórnvöld hafa nýtt
sér þessa heimild varðandi aðrar
stéttir sem sagt hafa upp að und-
anförnu og er því að búast við að
sama verði um að ræða með upp-
sagnir þroskaþjálfa.
Búist er við að allt að 90%
starfandi þroskaþjálfa segi upp
störfum, en innan félagsins eru nú
150—160 starfandi þroskaþjálfar.