Alþýðublaðið - 08.02.1991, Blaðsíða 3

Föstudagur 8. febrúar 1991
INNLENBAR FRETTIR
3
FRÉTTIR
Í HNOTSKURN
ÞAU BÍÐA EFTIR ÚRSKURÐI: Forseti íslands mun af-
henda íslensku bókmenntaverðlaunin við hátiðlega at-
höfn í Listasafni íslands á mánudaginn kl. 17. Fimmtán
bækur voru tilnefndar til verðlaunanna, 8 úr flokki fagur-
bókmennta og 7 úr flokki handbóka, fræðirita og frásagna.
Á myndinni eru 13 úr hópi hinna tilnefndu.
Að sjálfsögðu bíður þetta fólk úrskurðar dómnefndar-
innar í ofvæni, enda mikill heiður að vinna til verðlaun-
anna.
HUGBÚmUR TIL
ÚTFLIJTNINGS: ís-
lenskur hugbúnaður fyrir
tölvur getur verið vænleg
útflutningsvara. Fyrirtækið
Hugbúnaöur hf. í Kópa-
vogi hefur gert samning
við þýskan dreifingaraðila
um sölu á hugbúnaði frá
fyrirtækinu. Unnið er að
samningum við kaupendur
í Bandaríkjunum, Ástralíu,
Portúgal og víðar. Hugbúnaður þeirra í Kópavoginum heit-
ir HBX PAD, sem auðveldar samskipti System 6000 tölv-
anna frá IBM við aðrar tölvur og tölvunet. Páll Hjaltason
hjá Hugbúnaði hf. segir að hugbúnaðurinn kosti um 2000
dollara og að útlit sé nú þegar fyrir sölu á um 300 eintökum
til þýskra stórfyrirtækja. Hér getur því orðið um að ræða
tugmilljóna króna útflutning.
Myndin er af Páli Hjaltasyni í Hugbúnaði hf.
LEIÐRETT NAFN: Ranglega var farið með nafn í blað-
inu í gær. Starfandi sendiherra Þýskalands, sem tók við ál-
pönnu nr. 1.000.000 frá Alpan á Eyrarbakka, heitir Bern-
hard Brasack. Hins vegar er það rétt að Hans Hermann
Haferkamp er skipaður sendiherra landsins hér, en hann
er um þessar mundir í fríi. Biðjumst við velvirðingar á
þessari yfirsjón.
Ritstjórn Viskubrunnsins skoðar arangurinn við tölvuna i
gær. Við tölvuna situr Arnbjörn Arnarson. þaulvanur blaða-
mennsku, María Gísladóttir forstöðumaður, Filippía Krist-
jánsdóttir, (Hugrún) þekktur rithöfundur, og Rannveig Kára-
dóttir. Á myndina vantar Ragnheiði Baldursdóttur.
ALDRAÐIR GEFA ÚT EIGIÐ BLAÐ: Biaðið visku-
brunnurinn hefur komið út á undanförnum árum hjá íbú-
um Seljahlíðar. íbúarnir sjálfir, meðalaldur þeirra er 84 ár,
hafa sjálfir lagt til megnið af efninu í blaðið. Þar gerast því
margir blaðamenn á efri árum, og fara létt með það! í
Seljahlíð stendur nú námsstefna með fjölbreyttri fræðslu
fyrir eldri borgarana. Forstöðumaður Seljahlíðar er María
Gísladóttir, hjúkrunarfræðingur.
HEILSURÆKT í HÓTEL ÖRK: Sparidagar í miðri viku
heita sérstakar heilsu- og félagsvikur í Hótel Örk í Hvera-
gerði. Þessir dagar hafa notið mikilla vinsælda, enda er
verðið sanngjarnt og mikið innifalið í því, matur, gisting og
fjölbreytt dagskrá og líkamsrækt.
RARIK TEKUR VIÐ HITAVEITU: Á dögunum var
undirritaður samningur milli bæjaryfirvalda í Höfn í
Hornafirði og Rafmagnsveitna ríkisins. RARIK kaupir
dreifikerfi Hitaveitu Hafnar fyrir 108,5 milljónir króna og
tekur við rekstrinum. Hitaveitan hefur keypt heita vatnið
frá kyndistöð RARIK til þessa, en annast um dreifingu og
sölu. Viðskiptavinir njóta sömu kjara og fyrr, í það minnsta
næstu tvö árin. Ennfremur njóta þeir 25% lækkunar á
heimæðagjöldum frá því sem verið hefur.
Kvartað yfir
tónaflóðinu
— borgin
œtlar aö
leysa
vandann
Hér sjáum við skóla FÍH við Rauðagerði og einbýlishús fjölskyIdunnar sem kvartar yfir tónaflóð-
inu. Einn kennara skólans, Ásgeir Hermann Steingrímsson, þenur tvo trompeta.
A-mynd: E.ÓI.
RÚV bannar auglýsingar PRESSUNNAR:
ilhæfulaus
ritskodun
— segir markadsstjórinn, útvarpsstjóri sammála starfsfólki auglýsingadeildar.
Tónlistarskóli Félags ís-
lenskra hljómlistarmanna
og tónleikahald í húsi fé-
lagsins við Rauðagerði,
hefur orðið tilefni um-
kvörtunar næsta ná-
granna, Ingimundar Gísla-
sonar augnlæknis. Kvart-
að er undan hávaða til
borgaryfirvalda. Skipu-
lagsnefnd hefur afgreitt
málið til borgarráðs, og
þaðan var málinu vísað til
meðferðar byggingafull-
trúa sem á að finna réttu
lausnina.
Skóiinn er í húsnæði þar
sem bílaumboð Ingvars
Helgasonar voru áður. Skóla-
stjórinn, og jafnframt for-
maður FÍH, Björn Árnason,
sagði að umkvartanir þessar
kæmu frá einu fjölskyldunni í
hverfinu sem hefði allt á
hornum sér vegna skólans og
þeirrar starfsemi sem þarna
fer fram.
„Þetta hefur þegar kostað
okkur umtalsvert fé. Þrefalt
gler í glugga, þykkari veggi
og annað. Hér hefur hávaði
verið mældur utandyra þeg-
ar poppgrúppa lék á fullum
styrk, það reyndist allt innan
marká', sagði Björn og bætti
við að dynurinn frá umferð-
inni á Miklubraut léti mun
hærra í eyrum. Björn sagði
ennfremur að lokað væri kl.
10 á kvöldin og að reynt væri
eftir fremsta megni að virða
óskir nágrannanna. „Við telj-
um að skólinn sé mun betri
nágranni en bílaumboð, sem
augljóslega býður upp á
mikla bílaumferð um götuna,
sem meiri hætta stafar af en
börnum í tónlistarnámi".
En sem sagt, borgin mun
leysa vandann, annað hvort
með hljóðheldri girðingu eða
hljóðmön. Munu menn svo
vonandi sitja sáttir á eftir.
Auglýsingar Pressunnar
á Rás 2 voru stöðvaðar í
gærdag af auglýsingadeild
stofnunarinnar. Markads-
stjóri Pressunnar, Tómas
Hilmar Ragnarsson, mót-
mælti auglýsingabanninu
í gærmorgun vid Ingu
Rósu Þórðardóttur, for-
mann útvarpsráðs. Tómas
sagði í gærkvöldi að hann
áliti að hér væri um til-
hæfulausa ritskoðun _ að
ræða hjá starfsfólki RÚV.
Það sem auglýsingadeild
fetti fingur út í var orðið „full-
næging" og eins frétt um
Guðjón B. Olafsson, forstjóra
Sambandsins. Hún var talin
„hrein ósannindi". Tómas
Hilmar sagði fréttina engu að
síður hafa verið flutta á svip-
aðan hátt í hádegisfréttum
Rikisútvarpsins í gær. „Ann-
ars gátu starfsmenn auglýs-
ingadeildar lítið sagt, höfð-
uðu mest til eigin smekks og
túlkunar á reglum um flutn-
ing auglýsinga í fjölmiðli
þeirra", sagði Tómas.
Pressan svaraði þessu
banni á leikinni auglýsingu
með því að reyna að fá birtar
auglýsingar þar sem vakin
var athygli á þessu banni
RÚV. Einnig þessar auglýs-
ingar voru stöðvaðar, utan
ein. Aðrar útvarpsstöðvar
voru reiðubúnar að birta
leiknu auglýsinguna og
gerðu það í gær.
Útvarpsstjóri svaraði Press-
unni með bréfi í gær og vitn-
ar í ókjörin öll af reglugerð-
um stofnunarinnar, þar sem
fjallað er um „hlutdrægar
umsagnir, ádeilur, áróður,
árásir, skrum og hæpnar full-
yrðingar". Útvarpsstjóri tek-
ur undir með starfsfólki sínu
— hann hafnar auglýsing-
unni.
Sjálfstæöisflokkurinn í Hafnarfiröi:
Boðar engar tillögur
né breytingatillögur
Fulltrúar Sjálfstædis-
flokksins í Hafnarfirði
lögðu fram bókun þess
efni á bæjarráðsfundi í
gær að þeir myndu ekki
koma með neinar breyt-
ingartillögur við fjárhags-
áætlun meirihluta Alþýðu-
flokks sem lögö var fram í
síðasta mánuði. Síöari um-
ræða og afgreiðsla fjár-
hagáætlunar Hafnarfjarð-
arbæjar fyrir árið 1991 fer
fram í bæjarstjórn nk.
þriðjudag.
Á fundinum lögðu fulltrúar
Alþýðuflokksins fram lítils
háttar breytingartillögur við
fyrri tillögur sinar. Fulltrúi AI-
þýðubandalagsins boðaði að
hann myndi leggja breytinga-
tillögur við fjárhagsáætlun-
ina fyrir bæjarstjórnarfund-
inn. Sjálfstæðismenn lögðu
hins vegar fram eftirfarandi
bókun:
„Bæjarráðsmenn Sjálf-
stæðisflokksins óska bókað:
í framlögðu frumvarpi
meirihluta Alþýðuflokksins
að fjárhagsáætlun bæjarsjóðs
fyrir árið 1991, sem lagt var
fram 29. janúar sl„ er ótví-
rætt staðfest slæm fjárhags-
staða bæjarsjóðs. Það leiðir af
sér, að svigrúm til nýrra til-
lagna og/eða breytingatil-
lagna er minna en ekki neitt.
Bæjarfulltrúar Sjálfstæðis-
flokksins munu við síðari um-
ræðu á bæjarstjórnarfundi
12. febrúar nk. gera nánari
grein fyrir afstöðu sinn til
„svokallaðrar" fjárhagsáætl-
unar Alþýðuflokksins fyrir
Hafnarfjarðarbæ árið 1991."
Heldur mun fátítt að mönn-
um fallist hendur séu þeir
ekki ánægðir með tillögur
meirihluta hverju sinni að
fjárhagsáætlun í sveitar-
stjórnum. Hitt mun þó þekkt
að samstaða náist á milli
meirihluta og minnihluta í
sveitarstjórnum um fjárhags-
áætlanir.