Alþýðublaðið - 08.03.1991, Blaðsíða 1

II
FOSTUDAGUR
8. MARS 1991
30 ÞÚSUND KRÓNA LÆKKUN Á ORKUREIKN-
INGI ; Nefnd um jöfnun orkuverðs hefur lagt til að í þrem-
ur áföngum verði hitunarkostnaður við meðalíbúðarhús
ekki hærri en 5 þúsund krónur á mánuði. Þetta þýðir allt
að 30 þúsund króna lækkun hjá þeim sem í dag greiða
mest fyrir húshitun. Eiður Guðnason, formaður nefndar-
innar, segir að rúmlega 60% þjóðarinnar búi við lægsta
orkuverð á Vesturlöndum, en fyrir þær fjölskyldur og fyr-
irtæki sem greiði miklu hærra gjald sé jöfnun orkukostn-
aðar mikil búbót.
6—800 MILLJÓNIR KR. í LOÐDÝR: Steingrímur
Sigfússon landbúnaðarráðherra upplýsti í umræðum á
Alþingi í gær að á síðastliðnum 16 mánuðum hefðu 6—800
milljónir króna runnið til loðdýrabænda í ýmsu formi.
Arni Gunnarsson sagði ófært að ríkisbankar legðu sér-
stakt gjald á nauðungarlán sem bændur fengju. Með því
hefðu skuldir þeirra vaxið um 10 milljónir. Hefur Árni lagt
til að gjaldið, sem er 1,8%, falli niður.
FJÖLBRAUTASKÓLA í GRAFARVOG: Ásgeir
Hannes Eiríksson (ofanbyggðar)þingmaður hefur lagt
fram þingsályktunartillögu um að menntamálaráðherra
verði falið ,,að búa sig undir að reisa þegar í stað nýjan fjöl-
brautaskóla í Grafarvogi í efri byggðum Reykjavíkur."
GOTT HITASTIG SJÁVAR: Svend-Aage Malmberg,
haffræðingur hjá Hafrannsóknastofnun var ánægður í gær
með niðurstöður sjórannsóknarleiðangurs Bjarna Sæ-
mundssonar sem stóð frá 19. febrúar til 3. mars. Niður-
stöður mælinga voru hagstæðar. Hlýsjór fyrir Suður og
Vesturlandi í meðallagi heitur og saltur, áhrifa hans gætti
á norðurmiðum í vetur. Hér hefur orðið breyting til batn-
aðar frá árunum 1988—90, en þá ríkti sval- og pólsjór á
miðunum. Ástand sjávar vekur vonir um bætt lífsskilyrði
í sjónum.
STÓRKAUPMENN FÚLIR: Félag stórkaupmanna set-
ur ofan í við stjórnvöld fyrir að breyta lögum sem heimila
frádrátt frá tekjum við kaup á hlutabréfum í ákveðnum
hlutafélögum. Telur félagið lögin „skaða fjárfestingar-
áform fjölda fyrirtækja". Stórkaupmenn segja að breyting-
ar sem gera þyrfti séu að breikka hóp hlutafélaga sem selt
geti hlutabréf á almennum markaði, þ.e. fyrirtæki með
undir 500 milljón króna veltu. „Framfarir og nýsköpun
verða oftast til í smærri fyrirtækjum," segja stórkaup-
menn.
ÍSKNATTLEIKUR í BLÍÐUNNI: Reykvíkingar og Ak-
ureyringar keppa í ísknattleik í hlýja marsveðrinu. Leikur-
inn er á skautasvellinu í Laugardag kl. 11 fyrir hádegi á
morgun, laugardag, en á sunnudag á sama tíma fer fram
hraðkeppni.
LEIDARINN I DAO
Alþýðublaðið fjallar í dag í leiðara um afgreidda fjár-
hagsáætlun Reykjavíkurborgar sem blaðið kallar óá-
byrga. „Meðan að borgarstjórnarmeirihlutinn huns-
ar gjörsamlega raunverulegar þarfir borgarbúa en
eys milljörðum til hægri og vinstri úr tekjustofnum
sínum í delluframkvæmdir, búa Reykvíkingar við af-
leita stjórnun," segir í leiðara Alþýðublaðsins.
SJÁ LEIÐARA Á BLS. 4: ÓÁBYRG FJÁRHAGS-
ÁÆTLUN REYKJAVÍKURBORGAR.
Faglegt stórslys
Það hefur farið hljótt — en í
sumar á að hefjast lagning
hraðbrautar yfir Laugardalinn
austanverðan frá Langholts-
vegi yfir á Suðurlandsbraut.
Fólki er ekki sama um þessa
framkvæmt og kallar hana
„faglegt stórslys".
Lægri húshitunar-
kostnaður
Islenskar fjölskyldur geta
margar hverjar átt von á lægri
orkureikning í framtíðinni. Á
næstu árum á að jafna kostnað
við húshitun hjá fólki í landinu.
Kolaportið
eldgildra
Starfsmenn Eldvarnaeftirlits
eru síður en svo ánægðir með
Kolaportið sem samkomustað
innkaupaglaðra Reykvíkinga
um helgar. Þeir telja staðinn
'hættulegan.
Stjórnartillagg í álmáli lögö fram í gœr
Pólitisk
niðurstaða
Jón Sigurðsson iðnað-
arráðherra lagði í gær
fram ríkisstjórnartil-
lögu sem gerir ráð fyrir
að samningaviðræðum
um álver verði haldið
áfram. Iðnaðarráðherra
segir að með því að til-
lagan sé nú komin fram í
nafni ríkisstjórnarinnar
sé endanlega um „pólit-
íska niðurstöðu" að
ræða.
Nú er stefnt að því að ál-
ver hefji rekstur um áramót
1994/1995, en 6—10 mán-
aða dráttur verði á að afla
nægilegs fjármagns. Aflað
verður sérstakrar heimild-
ar í lánsfjárlögum fyrir
Landsvirkjun til að taka á
þessu ári 580 milljónir
króna að láni til að undir-
búa virkjanaframkvæmdir
og fyrir Vatnsleysustrand-
arhrepp þrjú hundruð millj-
óna króna heimildar til að
kaupa jarðnæði undir ál-
verið.
Jón Sigurðsson segir að
náðst hafi endanleg pólit-
ísk niðurstaða í álmálinu.
„Það er mjög mikilvægt að
jákvæður vilji ríkisstjórnar-
innar og Alþingis komi
fram,“ segir iðnaðarráð-
herra.
í gær féllst Alþýðubanda-
lagið á að þingsályktunar-
tillagan yrði lögð fram í
nafni ríkisstjórnarinnar eft-
ir að gerðar höfðu verið
smávægilegar breytingar á
upprunalegri tillögu iðnað-
arráðherra. Jón Sigurðsson
iðnaðarráðherra segir að
heppilegra hefði verið að
flytja sérstakt heimildar-
lagafrumvarp. „En ég fæst
ekki um það sem ekki
fékkst," sagði iðnaðarráð-
herra á blaðamannafundi í
gær. Kvaðst hann fyllilega
sáttur við þær sættir sem
tókust með Alþýðubanda-
lagi i gær.
I gær lagði iðnaðarráð-
herra fram sérstaka skýrslu
um álverið. Kemur þar m.a.
fram að um tvö þúsund árs-
verk munu bætast við þeg-
ar framkvæmdir verða í há-
marki við álverið og virkj-
anir.
Landsfundur Sjálfstœöisflokksins settur
Lýðræði ekki ein-
hliða tilskipanir
, ,Lýdræðisþjódfélag
byggist ekki á einhliða til-
skipunum þeirra sem til
forystu hafa verid valdir,"
sagði Þorsteinn Pálsson,
formaður sjálfstæðis-
flokksins, m.a. í setningar-
ræðu sinni á iandsfundi
Sjálfstæðisflokksins í
Laugardalshöllinni í gær.
Sjálfstæðisfólk af öllu land-
inu var saman komið í Laug-
ardalshöllinni í gær við setn-
ingu landsfundar Sjálfstæðis-
flokksins. Eftir að söngsveitin
„Blái hatturinn" hafði sungið
nokkur lög hélt Þorsteinn
setningarræðu sína. Menn
biðu spenntir eftir hvað hann
myndi segja um mótframboð
Davíðs Oddssonar til for-
manns Sjálfstæðisflokksins.
Þorsteinn sagði m.a: „Fyrir
átta árum sýndi landsfundur
mér það traust að kjósa mig
formann Sjálfstæðisfíokksins.
Ýmsir töldu mig bæði of ung-
an og reynslulítinn og höfðu
sitthvað til síns máls. En ég
hafði viljann til þess að vinna
verkið og þið veittuð mér
traust ykkar og trúnað. Eg
þarf ekki að rekja hér að það
hafa bæði skipst á skin og
skúrir."
Nokkru síðar sagði Þor-
steinn: „Það er mín trú og
sannfæring að á þessari
stundu sé núverandi skipan
forystuhlutverka líklegust til
að tryggja samstöðu og heyja
þá einu orustu sem okkur er
ætlað, að berjast við and-
stæðinganna."
Að vonum ríkti spenna um
hver yrði kosinn næsti for-
maður flokksins. Sýndist sitt
hverjum eða landsfundarfull-
trúar vildu ekkert gefa upp
um hug sinn. Flestir eru þó á
þeirri skoðun að það muni
ráðast af frammistöðu for-
mannsframbjóðendanna á
fundinum hvort Þorsteinn
eða Davíð verði kosinn for-
maður.
Lagaval „Bláa hattsins" var
athyglisvert. Eftir að hafa
trallað fyrsta lagið komu tvö
lög um undirmálsmenn.
Fyrst um afdankaðan íslend-
ing sem enginn vildi og þá
um landsbyggðarmanninn
sem hafði fengið nóg af stór-
borgarlífinu og vildi heim í
sveitina, Hrútafjörðinn. Þá
kom lagið um heimsmanninn
sem söng „ég er sjarmör" og
kórinn svaraði „hann er sjar-
mör“ og svo kom „við hliðina
á mér verður þú eins og af-
lóga garmur." Lokalagið var
svo „Hver á sér fegra föður-
land.“ Við hér á Alþýðublað-
inu látum djúpsálarfræðing-
um eftir að ráða í hvort ein-
hverjar duldar meiningar fel-
ist í lagavalinu.
Samherjar og keppinautar, Þorsteinn Pálsson, formaður Sjálf-
stæöisflokksins, og Davíð Oddsson, varaformaður Sjálfstæðis-
flokksins, takast í hendur á landsfundinum í gær. Mikill spenna
ríkir um hvor þeirra verði næsti formaður flokksins.
A-mynd/E.ÓI.
RITSTJÓRN © 625566 - 62553S • FAX 627019 . ÁSKRIFT OO AU6LÝSINOAR © 625566