Alþýðublaðið - 16.08.1991, Síða 1

Gæsaskyttur
sýni biðlund
Lögum samkvæmt mega
gæsaveiðar hefjast á
þriðjudaginn, þann 20. ág-
úst. Þess munu hins vegar
dæmi frá fyrri árum að
gæsaskyttur hafi verið
fulibráðlátar og farið að
munda vopnin fyrir leyfi-
legan veiðitíma.
Nú hefur umhverfisráðu-
neytið óskað eftir því við
dómsmálaráðuneytið að lög-
gæslumenn fylgist sérstak-
lega með því að gæsaveiðar
hefjist ekki fyrr en leyfilegt er
samkvæmt lögum um fugla-
veiðar og fuglafriðun. Dóms-
málaráðuneytið hefur ákveð-
ið að verða við þessum til-
mælum.
Þeir sem ætla að nota helg-
ina til að þjófstarta á gæsa-
veiðum mega því eiga von á
að armur laganna seilist til
þeirra og geri vopn þeirra
upptæk eins og heimilt er
lögum samkvæmt.
Atvinnuátak
á Akureyri
Aukin móttaka ferðamanna og
markvissari sala á erlenda
markaði það sem koma skal
Stofnuð verði söluskrif-
stofa um útflutning á bún-
aði vegna fiskveiða og
fiskvinnslu. Stofnuð verði
söluskrifstofa um útflutn-
ing á nokkrum tegundum
matvæla til Norðurlanda.
Stofnuð verði ferðaskrif-
stofa með megináherslu á
móttöku ferðamanna og
stofnað verði fyrirtæki um
rekstur heilsumiðstöðvar
í Kjarnalundi, segir í
skýrslu þar sem settar eru
fram fjórar megintillögur
varðandi atvinnueflingu á
Akureyri.
Atvinnumálanefnd Akur-
eyrar hefur nú til athugunar
tillögur sem sænskt ráðgjaf-
arfyrirtæki bendir á að gætu
orðið til að renna styrkari
stoðum undir atvinnulíf bæj-
arins. í skýrslunni eru gerðar
tillögur um tvær söluskrif-
stofur er tækju að sér mark-
aðsog sölustarf á erlendri
grundu á ýmiss konar fram-
leiðslu. í umræðum sem fylgt
hafa í kjölfarið hefur einkum
verið viðraður sá möguleiki
að koma á fót einni skrifstofu,
a.m.k. í byrjun. Þegar eru
hafnar könnunarviðræður af
hálfu atvinnumálanefndar og
Jóns Hjaltalíns Magnússonar,
sem er fulltrúi sænska fyrir-
tækisins, við aðila á Akureyri
um stofnun sjálfstæðrar sölu-
skrifstofu er tæki að sér að
markaðssetja og selja vörur á
erlendan markað gegn um-
boðslaunum.
Þá hefur atvinnumála-
nefnd borist fyrirspurn um
það hvort áhugi væri á þátt-
töku í hugsanlegu verkefni á
sviði fiskveiða og fiskvinnslu
í Oman við Persaflóa. Er nú
beðið eftir formlegu boði frá
þarlendum yfirvöldum þann-
ig að menn geti farið og
kynnt sér málið af eigin raun.
Sænska fyrirtækið leggur
til að Akureyringar reyni á
margvíslegan hátt að efla
ferðaþjónustu í bænum og
ber þar fram ýmsar tillögur.
Viðræður um eflingu mót-
tökuskrifstofu fyrir ferðafólk
voru þegar hafnar áður en
ráðist var í þessa úttekt og er
enn unnið að því máli.
97% vilja lenara
iæðingarorlof
56% foreldra telja 12 mánaða fœðingarorlof hœfilegt
í dag er fæðingarorlof
að öllu jöfnu 6 mánuðir en
97% þeirra sem tóku þátt í
könnuninni telja það of
stuttan tíma. I nýjasta hefti
tímaritsins Uppeidis, sem
gefið er út að tilstuðlan
foreldrasamtakanna, eru
birtar niðurstöður um við-
horf foreldra til lengingar
fæðingarorlofs.
Umsjón með rannsókninni
hafði Sif Friðriksdóttir, en at-
hugun þessi er hluti af námi
hennar í sálarfræði. Niður-
stöður rannsóknarinnar hafa
ekki verið birtar í heild en þó
eru ljós svör við nokkrum
spurningum. Gefum Sif orð-
ið: „Reynt var að ná til allra
foreldra í Reykjavík, sem
eignuðust börn í fyrra, ef það
var þeirra fyrsta barn eða ef
þeir áttu fyrir börn á grunn-
skólaaldri.
Foreldrarnir voru spurðir
hvort þeim þætti sex mánaða
fæðingarorlof nógu langt og
svöruðu 97% spurningunni
neitandi. Þá voru foreldrar
beðnir að tilgreina hversu
langt þeim þætti að fæðing-
arorlof þyrfti að vera og svör-
uðu flestir því að tólf mánuðir
væru heppilegur tími. Það
voru um 56% svarenda sem
tiltóku tólf mánuði, sem er af-
gerandi meirihluti."
Sif segir að hringt hafi verið
í foreldrana og náðst hafi í um
50% úrtaksins eða nákvæm-
lega 533 einstaklinga.
Nú liggur fyrir Alþingi
frumvarp frá Kvennalistan-
um um að fæðingarorlof
verði lengt í níu mánuði. Á
hinum Norðurlöndunum eru
ýmsar reglur í gangi varð-
andi fæðingarorlof. Þar gildir
t.d. víðast sú regla að konur
geti tekið tveggja ára fæðing-
arorlof og haldið starfi sínu.
RITSTJÓRN © 625566 - 625538 • FAX 627019 • ÁSKRIFT OG AUGLÝSINGAR © 625566