Alþýðublaðið - 20.02.1992, Blaðsíða 3
3
Fimmtudaqur 20. febrúar 1992
Borgarfulltrúar Nýs vettvangs, þær Ólina Þorvarðardóttir og Kristin Á. Ólafsdóttir, með forseta borgarstjórnar, Magnús
L. Sveinsson, á milli sín.
Annríki á Landspítala
En það hafa raunar allir spítalar
landsins gert fram til þessa — og
meira en góðu hófi gegnir. Fyrir vik-
ið er álagið á fæðingardeild Land-
spítalans mjög mikið, svo nálgast
færibandaþjónustu á stundum. Kon-
ur hafa legið þar á göngum — í hríð-
um sínum og eftir fæðingar — starfs-
fólk hefur vart haft undan að anna
álagi og jafnvel lýst því yfir að ör-
yggi fæðandi kvenna væri veruleg
hætta búin þegar verstu hroturnar
ganga yfir. Konur eru sendar heim á
þriðja degi eftir fæðingu og jafnvel
fyrr þegar verst gegnir, til þess að
losa legupláss.
í ljósi þessa er það nánast óskiljan-
legt hversu lítill áhugi virðist vera
fyrir því að varðveita þjónustusér-
stöðu Fæðingarheimilis Reykjavik-
ur, en eins og fram hefur komið
stendur rekstur heimilisins nú í járn-
um. Viðræður standa yfir við Land-
spítala um yfirtöku á rekstri Fæðing-
arheimilisins, sem vantar nokkurt
fjármagn ef tryggja á starfsemina út
þetta ár. Fleilbrigðisráðherra segir
það málefni Landspítala að úthluta
fjárveitingu milli deilda og hafnar
aukafjárveitingu. Landspítalinn hef-
ur því ákveðið að taka 11 milljónir
úr framkvæmdum við fæðingar-
deildina og verja í rekstur Fæðing-
arheimilisins á þessu ári. En þar
með er sagan ekki sögð.
Sameina hvað?
Sú sameining sem rædd hefur ver-
ið er einungis til umræðu þetta árið.
Óljóst er um framhaldið og engin
trygging fyrir þjónustusérstöðu
Fæðingarheimilisins eftir næstu
áramót. Og raunar ekki fram að
þeim tíma heldur, því framkvæmdir
sem hófust á síðasta ári og hefði
þurft að ljúka í sumar stöðvuðust í
haust vegna fjárskorts sem ekki hef-
ur verið bættur. Er þar um að ræða
rhálningu, viðgerðir á gluggum og
dúkum, uppsetning innréttinga þ.á
m. fataskápa fyrir sængurkonur,
böðunaraðstöðu fyrir ungbörn inni
á stofum, handlaugar o.fl. Eru þá
ónefndar leiðslur fyrir glaðloft í
veggi inn á fæðingarstofur. Má af
þessari upptalningu ráða, að veru-
lega skortir á að vel sé búið að Fæð-
ingarheimili Reykjavíkur, og hefur
svo verið um árabil.
En aftur að sameiningunni. Hvað
telja menn að vinnist með henni? Ef
ég ætti að svara fyrir mig yrði svar-
ið: Ekkert. Fæðingarheimili verður
aldrei lagt að jöfnu við spítala. Og
um það snýst þetta mál. Ef verður af
sameiningu Landspítala og Fæðing-
arheimilis til eins árs án skuidbind-
inga um framhaldið er ljóst að allar
tryggingar fyrir þjónustusérstöðu
heimilisins hafa hrokkið niður á
milli grinda.
Hvað vilja borgaryfirvöld?
Nú er rétt að taka fram að stjórn
Borgarspítalans og borgarstjórn
Reykjavíkur hafa samþykkt ein-
róma ályktun þar sem fram kemur
áhugi fyrir því að standa vörð um
sérstöðu Fæðingarheimilisins. í ljósi
þess sem fyrr segir er hins vegar fátt
sem bendir til þess að hún verði
varöveitt, hvað sem líður fyrrnefnd-
um viðræðum. Því hafa borgarfull-
trúar Nýs vettvangs nú beint form-
legri fyrirspurn til þeirra sem
stjórna þessari borg og standa í við-
ræðum, um stöðu og framtíðarhorf-
ur heimilisins. Meðal annars er
spurt hvort menn hafi í hyggju að
grípa inn í gang mála til að tryggja
áframhaldandi rekstur í samræmi
við þau vilyrði sem gefin hafa verið,
og ef svo er þá með hvaða hætti?
Það er kominn tími til að menn
hætti að þæfa þetta mál. Ef borgar-
yfirvöldum er einhver alvara með
því að styðja við bakið á Fæðingar-
heimili Reykjavíkur er tímabært að
þau grípi til sinna ráða, fyrr heldur
en seinna. Hér er ekki um að ræða
innanhússmál Landspítalans, held-
ur mannréttindi kvenna í barneign.
Kvenna sem vilja fá að liggja í rúm-
um en ekki á hjólaborðum á meðan
stálminn þyngir brjóst þeirra (á 2. og
3. degi); og tíma til að kynnast barn-
inu og læra á hegðunar- og svefn-
mynstur þess áður en haldið er
heim.
Því er tímabært að borgaryfirvöld
standi við stóru orðin og sýni vilja
sinn í verki: Að þau tryggi fæðandi
konum þann þjónustuvalkost sem
Fæðingarheimilið hefur hingað til
haft að bjóða. Boltinn er hjá lýð-
kjörnum fulltrúum í borgarstjórn
Reykjavíkur.
Gjöftil Borgarspítalans
Litprentarí fyrir gamma-myndavél
Stjórn Landssambands hjarta-
sjúklinga afhenti nýlega lyf-
lækningadeild Borgarspítalans
að gjöf litprentara sem tengdur
er gammamyndavél spítalans.
Rannsóknartæki þessi nýtast til
greiningar á kransæðasjaíkdóm-
um í hjarta. Litprentarinn getur
prentað út litmynd af hjarta sem
verið er að rannsaka.
Það var Vilhjálmur Þ. Vilhjálms-
son, Vciraformaður stjórnar Borgar-
spítalans, sem færði Landssamtök-
um hjartasjúklinga þakkir fyrir
þessa gjöf, en samtökin hafa áður
fært spítlanum verulegar gjafir. Á
myndinni má sjá þegar stjórnar-
menn í Landssamtökum hjartasjúk-
linga afhentu gjöfina í viðurvist
lækna af lyflækninga- og röntgen-
deild.
RAÐAUGLÝSINGAR
SUNNLENDINGAR
Jón Sigurðsson, iðnaðar- og
viðskiptaráðherra, verður með
viðtalstíma fimmtudaginn 20.
febrúar á bæjarskrifstofunum á
Selfossi frá kl. 15 -17.
Þeir sem áhuga hafa á að panta
viðtalstíma við ráðherrann geta
látið skrá sig á skrifstofum Selfosskaupstaðar í
síma 21977.
Iðnaðarráðuneytið,
Viðskiptaráðuneytið,
12. febrúar 1992.
Aðalfundur
Félags frjálslyndra
jafnaðarmanna
verður haldinn þriðjudaginn 25. febrúar kl. 20,30 í
félagsmiðstöð jafnaðarmanna, Hverfisgötu 8-10.
Dagskrá:
Venjuleg aðalfundarstörf.
Lagabreytingar.
Stjómin
Jljj SUNNLENDINGAR
Alþýðuflokksfélögin á Árborgarsvæðinu halda
kvöldverðarfund á Hótel Selfossi, fimmtu-
daginn 20. febrúar kl. 19,00.
Gestur fundarins verður Jón
Sigurðsson, iðnaðar- og viðskipta-
ráðherra, sem mun flyija framsögu-
ræðu um stjórnmálaviðhorfið.
Nánari upplýsingar gefur Steingrímur
Ingvarsson á Selfossi í síma 98-21862.
ALÞÝÐUFLOKKSFÓLK AKUREYRI
Ákveðið hefur verið að fara í skemmtiferð til Húsavíkur
laugardaginn 22. febrúar n.k.
Á dagskrá er m.a. leikhúsferð kl. 15,00 þar sem
Gaukshreiðrið verður barið augum.
Síðan er frjáls tími til kl. 19,00, en þá hefst hátíðar-
kvöldverður þar sem boðið verður upp á þríréttaðan
leikhúsmatseðil og segja þeir sem reynt hafa að hér sé
um að ræða virkilega ertingu fyrir bragðlaukana.
Undir borðum verður sungið og spjallað eins og hver vill,
en veislustjóri verður Gunnar Salómonsson, formaður
Alþýðuflokksfélags Húsavíkur.
Fram eftir nóttu verður síðan skemmtun og dans á 4. hæð
Hótels Húsavíkur, sem endar með því að þátttakendum
frá Akureyri býðst þar gisting með eða án morgunverðar.
Kostnaðurinn er ótrúlega lítill, eða kr. 3.500,- ef fólk
mætir eingöngu í matinn og gistingu, en kr. 5.000,- fyrir
leiksýninguna, matarveisluna, skemmtunina, ballið,
gistinguna og morguverðinn.
Mjök mikilvægt er, til að ná svo hagstæðum verðum, að
góð þátttaka verði í þessari ferð.
Tilkynnið því þátttöku sem fyrst til Huldu í síma 24000,
eða heima 22424, eða til Sigurðar í síma 22800 og
heima í síma 22290.