Morgunblaðið - 27.03.2001, Blaðsíða 13

KÖRFUKNATTLEIKUR
MORGUNBLAÐIÐ ÞRIÐJUDAGUR 27. MARS 2001 B 13
KARL Bang Erlingsson sigraði í –81
kg. flokki á laugardaginn og var það í
ellefta sinn, sem hann hampar gulli á
Íslandsmóti í júdó. Karl, eða Járn-
karlinn eins og félagar hans kölluðu
hann, hóf keppni í fullorðinsflokkum
í júdó 1981 með því að vinna brons í
–66 kg. flokki en ári síðar tók hann
gullið. Eftir það varð ekki aftur snú-
ið, Járnkarlinn gaf hvergi eftir og
ýmist vann í sínum flokki eða var í
úrslitum næstu níu árin en 1991 féll
hann af pallinum. Á þessum tíma
þyngdist hann því 1981 hóf hann
keppni í –66 kílóa flokki en um
helgina í –81. Karl verður seint
þekktur fyrir að gefast upp og tók
sig til ári síðar og endurheimti stöðu
sína á efsta sæti á verðlaunapallin-
um. Þess á milli tók hann einnig gull
á Smáþjóðaleikunum 1985, 1987 og
1989. Kappinn, sem fæddur er 1962,
sýndi svo um helgina að bið verður á
að aðrir komist að. „Ég hef hugsað
mér að keppa fram til 2003 því ég
fékk minn fyrsta verðlaunapening
1973, fyrir þrjátíu árum,“ sagði Karl
á meðan hann tók við kumpánaleg-
um kveðjum frá júdómönnum úr öll-
um félögum. Þeir sögðu Karl svo
þrautseigan að hefði tekist á við að
minnsta kosti tvo ættliði í beinan
karllegg.
Morgunblaðið/Árni Sæberg
Karl Bang Erlingsson hefur
marga hildi háð á júdóvell-
inum og um helgina vann
hann sitt 11. gull.
Járnkarl-
inn gefur
ekkert eftir
Mörg verk-
efni fram-
undan
„VIÐ eigum marga unga
og efnilega júdómenn,
sem ég sé að eiga eftir að
taka við af gömlu körl-
unum,“ sagði Sævar Sig-
ursteinsson, nýráðinn
landsliðsþjálfari karla,
sem fylgdist með mótinu.
„Annars get ég ekki sagt
að nein úrslit hafi komið á
óvart en samt má sjá að
tæknin er betri ef miðað
er við mótið í fyrra,“
bætti Sævar við en hann
hefur undanfarna tvo vet-
ur verið aðstoðarlands-
liðsþjálfari og því vel
hnútum kunnugur. Valið
er í landsliðið eftir ár-
angri á mótum hérlendis
og erlendis ásamt
frammistöðu í æfinga-
búðum.
Átta júdómenn eru nú í
hópnum en fjölgað verður
síðar því það er nóg á döf-
inni. „Framundan er opna
breska meistaramótið og
síðan fara líklega þrír á
Evrópumótið í maí. Það
verður síðan stærri hóp-
urinn, sem tekur þá í
Norðurlandamótinu og á
Smáþjóðaleikunum. Há-
punkturinn verður þó
heimsmeistaramótið í
júlí,“ bætti Sævar við.
Við brutum ísinn að þessu sinnimeð góðum sigri á liðinu sem
hefur sigraði okkur í síðustu fimm
skipti. Þrátt fyrir að
það sé gaman að
vinna verðum við
fljótir að gleyma
þessum sigri og
verðum tilbúnir fyrir næsta leik á
þriðjudag (í kvöld). Útileikurinn
gegn KR gæti verið vendipunktur
fyrir okkur ef við vinnum þann leik.
Það er markmiðið að vinna hvern leik
og takist það gegn KR á þeirra
heimavelli værum við komnir í óska-
stöðu. Það hefur loðað við okkur að
geta ekki fylgt góðri byrjun eftir líkt
og gerðist í dag gegn KR en við átt-
um þessi 18 stig uppi í erminni þegar
við áttum á brattan að sækja í 3. leik-
hluta,“ sagði Logi Gunnarsson, leik-
maður Njarðvíkur.
Erum á áætlun
þrátt fyrir tapið
„Byrjunin hjá okkur er óafsakan-
leg. Hvað sem veldur því er ekki gott
að segja en liðið sýndi kjark þegar
við náðum að komast fimm stigum yf-
ir í fjórða leikhluta. En eftir það tókst
okkur ekki að koma skoti á körfuna í
fimm sóknum á lokakafla leiksins og
þá var þetta búið. Við þurfum að
vinna heimaleikina og „stela“ einum
sigri á útivelli til að komast í úrslit og
þrátt fyrir tap í fyrsta leiknum erum
við enn á áætlun,“ sagði Ingi Þór
Steinþórsson, þjálfari KR.
Brutum
ísinn
LOGI Gunnarsson átti stóran
þátt í glæsilegri byrjun Njarð-
víkinga gegn KR á sunnudag og
skoraði Logi 13 af alls 21 stigi
sínum í leiknum í fyrsta leik-
hluta. Hinn ungi leikmaður var
einnig með stáltaugar þegar
hann skoraði þriggja stiga körfu
í fjórða leikhluta og jafnaði leik-
inn fyrir Njarðvíkinga eftir að KR
hafði náð fimm stiga forskoti.
Eftir
Sigurð Elvar
Þórólfsson
Heimamenn tóku frumkvæðiðstrax í byrjun og slökuðu ekki á
klónni fyrr en yfir lauk. Þó að gest-
unum tækist einu
sinni í miðjum fyrsta
leikhluta að jafna,
komust þeir aldrei
lengra og var sigur
heimamanna ótrúlega öruggur, þar
sem firnasterk vörn liðsins gaf
hvergi eftir og Keflvíkingar máttu
játa sig sigraða.
„Við lékum núna einn okkar besta
leik í vetur, menn gerðu ekki ráð fyr-
ir því að við myndum ná þetta langt
og flestir spáðu auðveldum sigri
Keflvíkinganna, en á okkur er engan
bilbug að finna. Við ætlum okkur
fyrst og fremst að hafa gaman af
þessu, og förum í hvern leik með því
hugarfari og ég er sannarlega stoltur
af strákunum,“ sagði Valur um leið
og hann gekk til búningsklefa.
Leikurinn hófst með miklum lát-
um og reyndu gestirnir strax að
keyra upp hraðann, en heimamenn
léku yfirvegað og gættu þess að
slaka hvergi á í vörninni og missa
ekki frumkvæðið yfir til Keflvíkinga.
Pomonis gaf tóninn þegar í upphafi
og lék við hvern sinn fingur um leið
og hann lék vörn gestanna oft veru-
lega grátt. Þegar staðan var 4:0 tók
Gunnar Einarsson til sinna ráða og
setti niður fallega þriggja stiga körfu
og lagaði stöðuna. Eftir þetta skipt-
ust liðin á að skora, en þegar staðan
var 12:9 skoraði Kristinn Friðriks-
son eina af sínum frábæru körfum
langt fyrir utan þriggja stiga línu, og
breytti stöðunni í 15:9. Guðjón Skúla-
son svaraði að bragði með annarri
álíka og nú var staðan 15:12, en veru-
legan hroll setti að heimamönnum á
áhorfendabekkjum þegar Guðjón
endurtók leikinn strax í næstu sókn
og jafnaði 15:15. En Kristinn Frið-
riksson hafði ekki sagt sitt síðasta
orð og hann gerði sér lítið fyrir og
kom heimamönnum aftur yfir með
annarri þriggja stiga körfu og ekki
síðri en hinni, og í stöðunni 24:21 lag-
aði Lárus Dagur stöðuna við lok leik-
hlutans með enn einni þriggja stiga
körfunni og staðan var 27:21.
Eftir þrettán mínútna leik fékk
Calvin Davis á sig þriðju villuna og
tók Sigurður Ingimundarson, þjálf-
ari Keflavíkur, hann þá út af og kom
hann lítið við sögu aftur fyrr en í lok
þriðja og svo í síðasta leikhluta, og
gerði þetta gestunum heldur örð-
ugra um vik.
Baráttan hélst út allan leikinn,
heimamenn höfðu alltaf frumkvæðið,
en gestirnir voru ekki langt undan.
Keflvíkingar létu mótlætið ergja sig,
áttu líka samkvæmt öllum spám að
vinna þennan leik, léku fast og mót-
mæltu dómum og uppskar þjálfarinn
tæknivíti fyrir athugasemdir um
dómgæsluna. Þetta varð til þess að á
síðustu mínútunum sigu heimamenn
fram úr og lönduðu rúmlega tuttugu
stiga sigri, sem sannarlega var verð-
skuldaður eftir frábæran leik.
Allt lið Tindastóls lék mjög vel,
Myers var að vanda yfirburðamaður,
en Lárus Dagur og Kristinn áttu
einnig frábæran leik og átti Kristinn
raunar fyrsta leikhluta alveg en hann
skoraði þá þrettán stig, en annar
leikhlutinn var Lárusar. Pomonis lék
nú einn sinn besta leik í vetur og
sömuleiðis átti Antropov ágætan
dag. Svavar og Ómar voru sívinnandi
og þurftu andstæðingarnir að hafa
verulega fyrir þeim.
Friðrik Hreinsson og Axel Kára-
son áttu skemmtilegar innkomur.
Í liði Keflavíkur voru bestu menn
Calvin Davis, Guðjón Skúlason og
Gunnar Einarsson, en leikmenn eins
og Falur Harðarson, Hjörtur Harð-
arson og Fannar Ólafsson voru langt
frá sínu besta.
„Við erum ekki
saddir af sigrum“
„VIÐ erum sannarlega ekki orðnir saddir af sigrum, það er nefni-
lega svo gaman að vinna,“ sagði Valur Ingimundarson, þjálfari
Tindastólsmanna, eftir leik Tindastóls og Keflavíkur þar sem
Tindastólsmenn unnu 110:87 í fyrstu viðureign liðanna í undan-
úrslitum úrvalsdeildar karla. Leikurinn fór fram nyrðra.
Björn
Björnsson
skrifar
Jón Arnór Stefánsson, leikmaðurKR, fékk sína fimmtu villu þeg-
ar um sex mínútur voru eftir af
leiknum í fjórða
leikhluta og við það
var allur vindur úr
sóknaraðgerðum
KR. Ólafur Jón
Ormsson var aðeins skugginn af
sjálfum sér vegna meiðsla á ökkla
og Ingi Þór Steinþórsson, þjálfari
KR, verður að finna út hvaða leik-
maður á að taka við hlutverki Ólafs
í sókninni. Reynslumiklir menn í
liði KR voru seinir í gang gegn
sprækum Njarðvíkingum. Kanada-
maðurinn Keith Vassel skoraði 13
af alls 22 stigum liðsins í fyrsta
fjórðungi og aðrir reynslumiklir
leikmenn í liði KR voru seinir í
gang og ekki tilbúnir að takast á við
verkefnið.
Njarðvíkingar náðu ekki að
fylgja góðri byrjun eftir og KR
minnkaði muninn jafnt og þétt fram
að leikhléi.
Það vakti athygli að landsliðsmið-
herjinn Friðrik Stefánsson var ekki
í byrjunarliði Njarðvíkinga og Hall-
dór R. Karlsson tók sæti hans í
byrjunarliðinu. Logi Gunnarsson,
Brenton Birmingham og danski
miðherjinn Jes V. Hansen skoruðu
rúmlega 70% af stigum Njarðvík-
inga og þremenningarnir tóku af
skarið þegar með þurfti. Villuvand-
ræði einstakra leikmanna sýna aug-
ljóslega hve mikilvægir hlekkir þeir
eru í liðum sínum. KR-ingar náðu
að jafna við Njarðvíkinga þegar Jes
fékk sína fjórðu villu í upphafi 3.
leikhluta. Á þeim tíma skoruðu mið-
og framherjar KR grimmt inn í
vítateig Njarðvíkinga og náðu að
jafna í lok 3. leikhluta með þriggja
stiga körfu.
Brenton Birmingham nýtti sér
vel að KR-ingurinn Arnar Kárason
fékk 4. villu sína í lok 3. leikhluta og
bakvörðurinn Birmingham sótti
hart að Arnari undir körfunni eftir
það. KR-ingar reyndu allt hvað þeir
gátu til að hjálpa Arnari en við það
losnaði um aðra leikmenn Njarðvík-
urliðsins.
Keith Vassel og Jónatan Bow
voru bestu leikmenn KR í gær. Bow
skoraði þrjár þriggja stiga körfur
og verði framhald á því hjá honum
skapast nýir möguleikar í sóknar-
leik KR. Jón Arnór átti í erfiðleik-
um með að komast framhjá Brent-
on Birmingham og tvö stig frá
honum í hverjum leikhluta er ekki
nóg á meðan Ólafur Jón er að leika
á „öðrum fætinum“.
Annar leikur liðanna fer fram á
heimavelli KR í kvöld. Möguleikar
KR felast í að byrja betur en þeir
gerðu í Njarðvík og Jón Arnór og
Hermann Hauksson þurfa að vera í
aðalhlutverki hjá liðinu.
Njarðvíkingar eru aftur á móti í
óskastöðu og nái þeir að leggja KR
að velli er ólíklegt að vesturbæj-
arliðið fái tækifæri til að verja Ís-
landsmeistaratitilinn þetta árið.
Óskabyrjun Njarðvíkinga sló
Íslandsmeistarana út af laginu
Morgunblaðið/Jim SmartFriðrik Ragnarsson, annar
þjálfari Njarðvíkinga, brun-
ar framhjá Jóni Arnóri Stef-
ánssyni, KR.
Þríeykið
lagði Vassel
LEIKMENN íklæddir grænum keppnisbúningum virtust vera tveim-
ur fleiri í upphafi leiks þegar Íslandsmeistaralið KR sótti Njarðvík-
inga heim í fyrsta leik liðanna í undanúrslitum Íslandsmóts karla-
liða á sunnudag. Eftir fjórar mínútur var staðan 18:0 fyrir
Njarðvíkinga og leikmenn liðsins voru í miklum ham og gerðu nán-
ast út um leikinn. Þegar mesti hrollurinn var farinn úr KR-ingum
söxuðu þeir á forskotið og í hálfleik var staðan 55:44 heimaliðinu í
vil. Í upphafi fjórða leikhluta var staðan jöfn, 71:71, en Njarðvík-
ingar náðu að skora sjö stig gegn þremur á lokakafla leiksins og
náðu að leggja KR að velli í fyrsta sinn á þessu keppnistímabili,
89:84.
Sigurður Elvar
Þórólfsson
skrifar
JÚDÓ