Morgunblaðið - 15.05.2001, Page 23

VIÐSKIPTI
MORGUNBLAÐIÐ ÞRIÐJUDAGUR 15. MAÍ 2001 23
LANDSBANKINN og 3P fjárhús
hafa kynnt nýjan lokaðan fjárfesting-
arsjóð sem hefur hlotið nafnið Magma
og er ætlað að fjárfesta í sprota- og
vaxtarfyrirtækjum á sviði orkutækni,
einkum þeim sem tengjast fram-
leiðslu og dreifingu orku og þjónustu
á því sviði. Fjármögnun sjóðsins mun
vera langt komin en stefnt er að því að
hann hefji formlega starfsemi í byrj-
un júní.
Forsvarsmenn Magma telja að
mikilla breytinga sé að vænta í orku-
og umhverfismálum á næstu árum og
þessir þættir muni, með auknum
kröfum um umhverfisvænni orku-
gjafa, í vaxandi mæli tengjast. Fyr-
irtækjum sem framleiða og selja orku
eigi eftir að fjölga og eignarhald
þeirra verði fjölbreyttara en áður. Þá
sé markaðsvæðing orkugeirans fram-
undan og það skapi tækifæri fyrir
nýja aðila í greininni.
Aðeins 15% orkulinda nýtt
Megináhersla orkutæknisjóðsins
Magma verður lögð á fjárfestingar á
Íslandi en einnig verða skoðaðar fjár-
festingar í erlendum orkutæknifyrir-
tækjum. Markmiðið er að mynda net
fyrirtækja til útflutnings íslenskrar
þekkingar á orku- og umhverfis-
tækni.
Helgi Þór Ingason, framkvæmda-
stjóri Magma, sagði á kynningarfundi
um sjóðinn að tækifærin lægju víða
enda væri hér um að ræða margs kon-
ar orkugjafa s.s. vatnsafl, sólarafl,
vindafl og sjávarföll auk kjarnahvarfa
og jarðhita. Þá væri einnig um orku-
gjafa að ræða sem nýta mætti í stað
olíu á farartæki, t.a.m. vetni og raf-
magn. Hann sagði að nú væru ein-
ungis nýtt um 15% af nýtanlegum
orkulindum á Íslandi og Íslendingar
þyrftu að huga að því að byggja upp
net hagkvæmra orkufyrirtækja í
landinu. Líta mætti á orkuiðnað sem
þekkingariðnað þar sem tækifærin
fælust á fjölmörgum sviðum.
Sjö manna ráðgjafaráð
3P fjárhús, Landsbankinn-Fram-
tak, Landsbréf og Heritable Bank
hafa unnið að stofnun orkutækni-
sjóðsins á undanförnum mánuðum en
rekstur sjóðsins verður í höndum
rekstrarfélagsins Alterna ehf., sem
þegar hefur tekið til starfa. Þá hefur
verið skipað í fimm sæti af sjö í ráð-
gjafaráð Magma. Þar sitja dr. Baldur
Elíasson, forstöðumaður hjá ABB, dr.
Gerhard Fasol, forstjóri Euro
Technology í Japan, dr. Friðrik Már
Baldursson, rannsóknarprófessor í
orkuhagfræði við Hagfræðistofnun
Háskóla Íslands, Halldór J. Krist-
jánsson, bankastjóri Landsbanka Ís-
lands, og Tryggvi Sigurbjarnarson
raforkuverkfræðingur.
Eins og áður sagði er dr. Helgi Þór
Ingason framkvæmdastjóri sjóðsins.
Stjórn Alterna sitja Páll Kr. Pálsson
frá 3P fjárhúsum sem formaður, Ólaf-
ur Sörli Kristmundsson frá Lands-
bankanum-Framtaki og dr. Þorsteinn
I. Sigfússon. Stjórn Magma verður
kjörin á stofnfundi síðar í mánuðin-
um.
Morgunblaðið/Þorkell
Helgi Þór Ingason, framkvæmdastjóri Magma, segir Íslendinga þurfa að
huga að því að byggja upp net hagkvæmra orkufyrirtækja í landinu.
Nýr sjóður Landsbankans og 3P fjárhúsa sem fjárfestir í
orkutæknifyrirtækjum
Fjölmörg tækifæri
í orkuiðnaði
INNAN SAS-flugfélagsins er mikill
áhugi á því að kaupa lítið flugfélag í
einhverju af Eystrasaltslöndunum,
að því er fram kemur í samtali Fin-
ancial Times við Danann Jørgen
Lindegaard, nýráðinn forstjóra
SAS. Danska, norska og sænska rík-
ið eiga helmingshlut í SAS.
Lindegaard segir einnig að eftir
fimm ár verði SAS orðið 50% stærra
en það er nú. Hann sér ennfremur
fyrir sér að flugfélagið verði þá sjálf-
stæðara og auk þess mjög stór aðili
á flugmarkaði í Norður-Evrópu.
Lindegaard vísar frá getgátum
um hugsanlegan samruna við þýska
flugfélagið Lufthansa, en félögin
eiga nú þegar í samstarfi innan Star
Alliance samstarfsins sem fleiri flug-
félög eiga aðild að.
„Ég sé SAS fyrir mér sem sjálf-
stætt fyrirtæki sem kaupir smærri
félög á sínum heimamarkaði og vex
á þann hátt, segir Lindegaard.
Lindegaard skilgreinir heimamark-
að SAS sem Skandinavíu, Eystra-
saltslöndin, Norður-Þýskaland og
Pólland.
SAS hefur áhuga á
minni flugfélögum
Ósló. Morgunblaðið.