Morgunblaðið - 17.06.2001, Side 8
8 B SUNNUDAGUR 17. JÚNÍ 2001 MORGUNBLAÐIÐ
ferðalög
LEIKHÚSMENN í West End, leik-
húshverfinu í London í kringum
Shaftesbury Avenue og Covent Gar-
den, eru svo áhyggjufullir yfir
fréttaflutningi erlendis um að allt
Bretland og þá líka London sé lokað
land vegna gin- og klaufaveiki að
þeir hóuðu í erlenda blaðamenn ný-
lega til að minna þá á að leikhúsin í
London væru opin, þótt sumar
gönguslóðir uppi í sveit væru lok-
aðar.
Um leið gafst líka gott tækifæri
til að ræða miðasöluna og hvernig
erlendir gestir geti náð sér í miða á
sýningar, sem eru kannski uppseld-
ar langt fram í tímann.
Eins og fleiri útlendingar hafa
Bretar þá áráttu að skipuleggja lífið
fram í tímann í smáatriðum. Það
stendur ekkert í þeim að ákveða í
byrjun mars að 27. júlí ætli þeir að
fara að sjá My Fair Lady. Leikhúsin
hika því ekki við að taka við pönt-
unum 1–11⁄2 ár fram í tímann. Þess-
vegna getur verið erfitt fyrir gesti í
London að ná sér í miða á vinsælar
sýningar, en gleðifréttin er að það
er næstum alltaf hægt að ná í miða á
sýningar samdægurs, ef maður veit
hvert er best að snúa sér.
Hvar er best að leita upplýsinga?
Þegar til London er komið má
finna upplýsingar um leiksýningar í
upplýsingakálfum dagblaðanna um
helgar. En Time Out-blaðið, sem
kemur út vikulega, er kannski besta
uppspretta upplýsinga um lífið í
borginni, bæði leikhúslífið og annað.
Umsagnir í Time Out eru líka yf-
irleitt góðar og nokkuð tryggt að
sýningar, sem TO mælir með séu
góðar sýningar.
En það er líka óhætt fyrir venju-
legt leikhúsáhugafólk að fylgja eigin
tilfinningu og fara á þær sýningar,
sem hugurinn girnist. Auðvitað eru
sýningar í leikhúsunum í London
ekki allar jafnæðislegar, en þær eru
afar sjaldan þrællélegar.
Hvar eru miðarnir?
Hér eru möguleikarnir margvís-
legir. Þeir sem finna miða á Netinu
áður en farið er af stað geta hringt
og keypt miða út á greiðslukort. En
þeir sem ekki skipuleggja leikhús-
ferðir fram í tímann þurfa heldur
ekki að sitja auðum höndum á kvöld-
in. Ef þið sjáið auglýstar sýningar,
sem þið hafði áhuga á, er líka einfalt
mál að hringja og sjá til hvort ein-
hverjir miðar séu til og hafið þá
greiðslukortið við höndina ef þið
viljið kaupa miða um símann.
Úti um allt í West End er verið að
selja miða á vinsælar sýningar, ekki
síst söngleikina. Þeir sem selja vita
að margir kaupendanna eru ferða-
menn, svo sölumennirnir þurfa ekk-
ert að vera að spá í að byggja upp
langtíma traust. Þarna eru margir
misjafnir sauðir á ferðinni og fólki
er eindregið ráðlagt að versla ekki
við götusalana.
Á Leicester Square er eina við-
urkennda miðasalan, sem selur miða
á hálfvirði.
Ef maður er kominn þangað um
kl. 16.30–17 er næstum alltaf hægt
að fá einhverja miða á sýningar
þann dag, líka á söngleikina eftir-
sóttu. Það er einnig reynandi að
labba við í leikhúsunum sjálfum og
kanna málið. En miðar á hálfvirði
eru auðvitað frábær kaup, því miðar
á fullu verði eru ekki ódýrir.
Einn miði á mann
Óperan í Covent Garden setur
tæplega 80 miða í sölu á hverjum
sýningardegi, líka á uppseldar sýn-
ingar og til að ná í þá er hægt að
vera kominn í tæka tíð þegar miða-
salan er opnuð kl. 10. Gallinn er að
það er aðeins hægt að kaupa einn
miða á mann, svo ef fleiri ætla sam-
an þurfa jafnmargir að fara og
kaupa miða. Milli kl. 17 og 18 eru
líka oft miðar fáanlegir. Leikhúsin
hafa ekki fasta dagmiða, en það eru
oft fráteknir miðar, sem ekki eru
nýttir.
Um 30–60 mínútum fyrir sýning-
ar er líka oft fólk að selja miða, sem
það getur ekki nýtt og selur oft ekki
einu sinni á fullu verði. Þá er bara
að vera viss um að þetta séu ekki
götusalarnir illræmdu, en það er yf-
irleitt auðvelt að sjá hverjir eru
þarna á ferðinni.
Því miður tíðkast ekki ungmenna-
afsláttur á leikhúsmiðum í London,
en verð getur verið mismunandi.
Reynslan er þó sú að það er yfirleitt
auðveldara að ná í dýra en ódýra
miða. Ódýrustu miðarnir kosta í
sumum tilfellum átta pund, en
spyrjist þá fyrir um hvort maður
sjái eitthvað úr þeim sætum. Það er
ekki alltaf. Í stærri leikhúsum er
miðaverðið á bilinu 15–40 pund.
Á flestum veitingahúsum í West
End er boðið upp á leikhúsmatseðla
á góðu verði fram til kl. 19 og ef tími
er til má nýta sér það. Ef hungrið
sækir að í leikhúsinu þá er hægt að
hlakka til hlésins, því þá er seldur
roknagóður ís í litlum bikurum í
flestum leikhúsanna.
Er alltaf hægt að fá
miða í leikhús í London?
Leikhúsin í London laða
að gesti hvaðanæva úr
heiminum og þótt sýn-
ingar séu oft uppseldar
vikur og mánuði fram í
tímann er oftast hægt að
ná í miða, segir Sigrún
Davíðsdóttir.
Morgunblaðið/Brynjar Gauti
Þeir sem selja miða vita að margir kaupendanna eru ferðamenn, svo sölumenn-
irnir þurfa ekkert að vera að spá í að byggja upp langtíma traust. Þarna eru
margir misjafnir sauðir á ferðinni og fólki er eindregið ráðlagt að versla ekki við
götusalana.
Allar upplýsingar um leik-
húsin í London er hægt að fá á
www.officiallondontheatre.co-
.uk, sem er frábær upplýs-
ingasíða um leikhúslífið í Lond-
on. Þeir sem hafa brennandi
áhuga á að fylgjast með geta
gerst áskrifendur að fréttabréfi
á þeirri síðu.
LANGANESIÐ er ósnortin
paradís ferðamannsins. Þar er
náttúran óspillt, fuglalífið
blómstrar, björgin ógnvænleg á
að líta og friðurinn og kyrrðin
heilla alla sem þangað koma.
Eyðibýlin eru mörg og standa
sum hver furðu vel og merki eru
enn um þá blómlegu byggð sem
var í útgerðarplássinu Skálum.
Þær minjar hafa mikla sögu að
segja þeim er það gamla sjávar-
þorp heimsækja.
Síðastliðið sumar var í fyrsta
sinn boðið upp á skipulagðar ferð-
ir út á Langanes og svo verður
einnig í sumar. Ferðirnar hefjast
nú um miðjan júní og verða fram í
miðjan ágúst.
Farkosturinn er ekki af verri
endanum; en það er vel búin
Hummer-bifreið sem tekur há-
mark átta farþega í hverri ferð.
Ef von er á stærri hópum bætast
fleiri vel búnir fjallajeppar í hóp-
inn því eins og margir vita er
Þórshöfn þekkt fyrir myndarleg-
an jeppaflota.
Farið verður á föstudögum og
laugardögum og hver ferð tekur
um 6–7 stundir. Í góðu veðri er
tilvalið að fara með föstudagsferð-
inni út á Langanes, tjalda eina
nótt og koma til baka með laug-
ardagsferðinni. Í ferðunum er
alltaf stoppað þegar komið er að
fuglabjörgunum og fólki gefinn
góður tími þar, síðan ekið að
Skoruvík og endastöðin er á Skál-
um. Á milli Skoruvíkur og Skála
eru rúmir 3 km þvert yfir nesið en
það er skemmtileg og létt göngu-
leið.
Á Þórshöfn er hótel og gisti-
heimili, einnig er ferðaþjónusta
bænda í nágrenninu svo gistirými
er samtals fyrir 70–80 manns.
Gott tjaldstæði er einnig á Þórs-
höfn.
Í íþróttamiðstöðinni eru ágætir
möguleikar til hvers konar heilsu-
ræktar, svo og sundlaug og ljósa-
bekkur. Á laugardögum er súpa
og salat þar á boðstólum en það
nýta margir sér eftir góðan sprett
í þreksal eða sundlaug.
Veitingastofan Hafnarbarinn
býður upp á mat og drykk og í
söluskála Essó eru einnig veiting-
ar á boðstólum og önnur þjónusta
sem tilheyrir benzínstöðvum.
Langanesið er vissulega nokk-
uð grýtt yfirferðar víðast hvar en
fegurð er líka falin í grjótinu.
Nokkur sannindi eru falin í svari
gamals Langnesings sem þótti
fullmikið gert úr því hve grýtt
þarna væri. Svarið var á þá leið
„að grjótið á Langanesinu væri
svo fallega grátt.“ Sólarlagið á
Langanesinu er líka nokkuð sem
vert er að upplifa á sumarnóttu.
Morgunblaðið/Líney Sigurðardóttir
„Stórikarl“ undir Skoruvíkurbjargi, nefndur „Kallinn“ í daglegu tali.
Skipulagðar ferð-
ir á Langanes