Morgunblaðið - 14.07.2002, Blaðsíða 11
MORGUNBLAÐIÐ SUNNUDAGUR 14. JÚLÍ 2002 C 11
„EF ÞETTA gengur svona í gegn
þá er þetta hátt í 200 þúsund króna
kostnaðarauki hjá okkur í hverjum
mánuði og við stöndum ekki undir
því í þessum litla rekstri hjá okkur,
með þrjú ársverk,“ segir Bjarni
Harðarson, ritstjóri og útgefandi
Sunnlenska fréttablaðsins, um boð-
aða hækkun á póstburðargjöldum
blaða og tímarita. Sunnlenska
fréttablaðinu er dreift í þremur
sýslum á Suðurlandi, Árnessýslu,
Rangárvalla- og Vestur-Skaftafells-
sýslu.
Kostaði 2,50 kr. fyrir 4 árum
„Pósturinn rak menningarlega
stefnu hér áður með því að halda
niðri verði á dreifingu efnis sem
hafði textainnihald en nú hafa
menn snúið þessu við og auglýs-
ingapésar sem enginn hefur beðið
um kosta minna í dreifingu. Við
vinnum blaðið upp í hendurnar á
Póstinum, flokkum eftir póstnúm-
erum og skilum þessu inn á gólf hjá
þeim. Nú er gjaldið 24 krónur á
blað en var 21 króna fyrir hækkun.
Boðuð hækkun fer í áföngum upp í
58,50 krónur en fyrir fjórum árum
kostaði þessi þjónusta 2,50 krónur.
Ég segi hiklaust að Pósturinn er
bara að velta kostnaðinum af illa
reknu fyrirtæki yfir á landsbyggð-
ina. Þeir segja í bréfi til okkar að
við getum leitað annað en það er
bara hroki þess stóra við okkur.
Við getum ekki farið neitt annað
með þetta,“ segir Bjarni Harðar-
son, sem er mjög óhress með þessa
aðgerð Póstsins. Hann segist sjá
þann möguleika að kæra hækk-
unina til Samkeppnisstofnunar á
grundvelli þess að það sé verið að
velta halla af annarri starfsemi yfir
á kaupendur þessarar þjónustu.
Lágkúra að hafa enga stefnu
„Það er lágkúra okkar tíma að
hafa enga stefnu og það er eins og
enginn þori það. Það virðist þurfa
að trúa í blindni á einhver peninga-
sjónarmið. Þessar gömlu ríkisstofn-
anir eru verstar, núna eru það bara
nokkrir starfsmenn sem ráða ferð-
inni en þeir lúta engum fjármagns-
eigendum heldur ríkinu. Með því að
„háeffa“ þessi fyrirtæki hætta þau
að lúta lögmálum ríkisins eins og
áður var og fara að haga sér að vild
starfsmanna en auðvitað er þetta
fyrirtæki í eigu ríkisins og sem eig-
andi getur það ráðið ferðinni.
Starfsmenn Póstsins hafa sagt að
þetta komi ekki við almenning
heldur bara fyrirtæki. Mér finnst
helv... hart að okkar litla fyrirtæki
þurfi að verða fyrir þessu. Við eig-
um erfitt með að velta þessari
hækkun yfir á kaupendur blaðsins
en ef ég gerði það þá er hækkunin
komin á þennan svokallaða almenn-
ing,“ segir Bjarni Harðarson, rit-
stjóri og útgefandi Sunnlenska
fréttablaðsins.
Ritstjóri Sunnlenska óhress með hækkun póstburðargjalda
Þýðir stóraukinn
kostnað við útgáfuna
Morgunblaðið/Sig. Jónsson
Bjarni Harðarson ritstjóri framan við afgreiðslu Póstsins á Selfossi.
Selfoss
UM SÍÐUSTU helgi héldu Vest-
mannaeyingar upp á goslok
Heimaeyjargossins 1973. Það er
jafnan gert í kringum 4. júlí ár
hvert en nú eru liðin 29 ár frá gos-
lokum. Íbúar við Grænuhlíð, sem
fór öll undir hraun í gosinu, notuðu
tækifærið og hittust við rætur göt-
unnar og rifjuðu upp gamla daga.
Um kvöldið var haldið götugrill
þar sem 148 íbúar Grænuhlíðar og
afkomendur þeirra mættu. Það
sérstaka við þetta götugrill var
hvað íbúarnir fyrrverandi mættu
vel en götuna vantaði í partíið. Það
er eimitt þetta sem er svo sérstakt
við að hafa upplifað eldgos við bæj-
ardyrnar heima hjá sér og sjá svo á
eftir húsum sínum sem hver íbúi
hafði lagt alla sína sál og fjármuni
til, og unglingarnir misstu á svip-
stundu æskuslóðir sínar sem búa
svo ljóslifandi innra með öllum, en
gallinn er að ekki er hægt að fara
og skoða þær aftur og upplifa
gamlar minningar. Í byrjun hittust
íbúarnir í Ásgarði, félagsheimili
sjálfstæðismanna sem stendur í
jaðri Grænuhlíðar en var kaup-
félag og mjólkurbúð þegar íbú-
arnir áttu heima í Grænuhlíð. Þar
voru myndasýningar og fjöl-
skyldualbúmin gengu á milli borða
þar sem minningarnar voru kall-
aðar fram. Margir höfðu á orði eft-
irá hvað stemmingin var sérstök
og fólk fékk sérstaka tilfinningu
sem ekki hafði fundist eftir gos,
enda var samheldnin og ánægjan
yfir að hittast mikil og tilfinn-
ingarík, sumir eftir 29 ára að-
skilnað. Margir fengu lausnir á
gömlum leyndarmálum og enn aðr-
ir viðurkenndu svæsnustu prakk-
arastrik. Það upplifðu því margir
sannleikann við endurnýjuð kynni.
Þá var afhjúpað merki Grænuhlíð-
ar í hrauninu þar sem gatan liggur
á 20–30 m dýpi. Það var elsti íbú-
inn við Grænuhlíð sem var mættur
er afhjúpaði merkið, Anna Sigurð-
ardóttir frá Vatnsdal. Merkið er
gjöf skógræktarfélags Vest-
mannaeyja en það hefur látið út-
búa merki allra gatna í Eyjum sem
eru undir hrauni. Einnig gaf skóg-
ræktarfélagið eina trjáplöntu fyrir
hvert hús götunnar sem íbúarnir
gróðursettu á svæðinu. Um kvöldið
var svo sameiginlegt grill og að því
loknu fóru margir í Skvísusund en
þar er haldin samkoma ár hvert til
að minnast gosloka. Þar var spilað
og sungið í veiðarfærakróm fram
undir morgun og var gríðarlegt
fjölmenni í Skvísusundi enda veðr-
ið mjög gott. Í Grænuhlíð var búið
í 24 húsum þegar eldgosið hófst. Í
nokkrum húsum hafði einungis
verið búið í nokkra mánuði.
Það var árið 1954 sem Friðrik í
Skálholti hafði samband við Guð-
laug Gíslason, þáverandi bæj-
arstjóra, og vildi byggja hús á milli
Landagötu og Austurvegar og
hann fékk síðan tvo til viðbótar svo
að Guðlaugur gæti samþykkt að
gera nýja götu en þeir voru Gísli
Grímsson og Tryggvi Sigurðsson.
Fyrstu íbúarnir til að flytja í
Grænuhlíðina voru hjónin Arnar
Sighvatsson og Soffía Björns-
dóttir, í nóvember 1958.
Morgunblaðið/Sigurgeir
Íbúar Grænuhlíðar og afkomendur þeirra mættu til að rifja upp gömul og góð kynni.
Íbúar Grænuhlíðar minntust gosloka
Vestmannaeyjar
LOÐNUVERTÍÐIN er í fullum
gangi á Þórshöfn og nóg að gera
við löndunarkranann en fjögur
dönsk loðnuskip lönduðu sama dag-
inn nú í vikunni.
Koma dönsku loðnuskipanna er
árviss en það eru níu skip sem eru í
viðskiptasambandi við loðnuverk-
smiðjuna hjá Hraðfrystistöð Þórs-
hafnar hf.
Frá byrjun sumarvertíðar eru
tæp 10 þúsund tonn komin á land
en sú tala breytist ört þegar landað
er á hverjum degi. Loðnan veiðist í
grænlensku lögsögunni, um 10–12
mílur utan landhelgislínu.
Dýpkun stendur nú yfir í höfn-
inni og verður henni lokið næsta
haust en þessar hafnarbætur eru
löngu tímabærar því að mikil
skipaumferð er í höfninni á há-
vertíðinni.
Morgunblaðið/Líney Sigurðardóttir
Dönsku skipin komin í höfn; Strömfjord er í nótaþjónustu þegar
Strömsund siglir inn og tveir Danir til viðbótar á leiðinni í löndun.
Sumarloðnan
í bræðslu
Þórshöfn
ÍÞRÓTTIR