Morgunblaðið - 17.01.2003, Síða 3

ÍÞRÓTTIR
MORGUNBLAÐIÐ FÖSTUDAGUR 17. JANÚAR 2003 C 3

BRYNJAR Jóhannesson, fram-
kvæmdastjóri knattspyrnudeildar
Fram, stjórnar meistaraflokksliði fé-
lagsins í kvöld þegar það mætir
Fjölni í Reykjavíkurmótinu í Egils-
höll. Kristinn Rúnar Jónsson, þjálf-
ari Fram, er á þjálfararáðstefnu á
Kanaríeyjum og Jón Þ. Sveinsson
aðstoðarþjálfari er einnig erlendis.

ZORAN Daníel Ljubicic, fyrirliði
knattspyrnuliðs Keflavíkur, hefur
gert nýjan samning við félagið til
eins árs. Þórarinn Kristjánsson hef-
ur samið við Keflvíkinga til tveggja
ára og þessir tveir máttarstólpar úr
liðinu fara því hvergi þótt það hefði
fallið úr úrvalsdeildinni.

HAUKUR Ingi Guðnason, lands-
liðsmaður úr Keflavík, er á förum til
Austurríkis. Hann verður þar til
reynslu hjá úrvalsdeildarliðinu
Grazer AK.

STEFÁN Gíslason lék með Grazer
AK til skamms tíma, en hefur nú rift
samningi sínum við félagið og er
kominn heim til Íslands. Stefán kom
til Grazer AK í ársbyrjun 2002 en
lék aðeins 6 deildaleiki með félaginu.

KIM Andersson, síðasti maðurinn
sem Bengt Johansson valdi í sænska
landsliðshópinn í handknattleik fyrir
HM, gerði útslagið gegn Íslandi í
Landskrona í gærkvöld. Andersson,
sem er tvítugur, kom til leiks um
miðjan síðari hálfleik og skoraði 3
mörk, lagði upp þrjú önnur með góð-
um sendingum og krækti í vítakast.

BENGT Johansson, þjálfari Svía,
sagði við Expressen að Íslendingar
hefðu alls ekki verið svo slæmir í
leiknum! Hann kvaðst hafa grætt
heilmikið á viðureign þjóðanna og
fengið svör við ýmsum spurningum.

ROBBIE Fowler hætti í gær við að
ganga til liðs við enska knattspyrnu-
félagið Manchester City og leikur
því áfram með Leeds. Félögin höfðu
samið um kaupverð, um 900 milljónir
króna, Fowler hafði samið sjálfur við
City og staðist læknisrannsókn hjá
félaginu. Á síðustu stundu skipti
hann um skoðun og sagðist vilja vera
um kyrrt í Leeds.

PÁLMI Rafn Pálmason úr Völs-
ungi og Bjarni Hólm Aðalsteinsson
úr Fram fóru ekki til hollenska
knattspyrnufélagsins Groningen
fyrr í vikunni eins og til stóð. Vegna
slæmra vallarskilyrða í Hollandi var
för þeirra frestað til næstu mánaða-
móta. Það verður önnur ferð þeirra
til Groningen en þeir stóðu sig það
vel þegar þeir voru þar til reynslu
fyrr í vetur að Hollendingarnir vildu
fá að skoða þá nánar.

DAINIS Rusko, lettneski lands-
liðsmaðurinn í handknattleik hjá
Gróttu/KR, leikur líklega ekki meira
með liðinu í vetur. Rusko, sem missti
af nær öllu síðasta tímabili eftir að
hann sleit krossbönd í hné, meiddist
í leik með landsliði Lettlands fyrir
jólin.
FÓLK
Svíar byrjuðu mjög vel og komustí 3:0. Ísland jafnaði fljótlega,
5:5, og eftir það var leikurinn í járn-
um til leiksloka. Staðan í hálfleik var
14:12, Svíum í hag, en íslenska liðið
náði forystunni, 19:18, og aftur 22:21.
Svíar náðu að svara með góðum kafla
og komust í 25:23, og íslenska liðinu
tókst ekki að jafna metin eftir það.
Patrekur Jóhannesson skoraði síð-
asta mark leiksins um leið og loka-
flautið gall.
„Ég get ekki annað sagt en að
þetta hafi verið vel heppnaður loka-
leikur hjá íslenska liðinu og það virð-
ist vera tilbúið í slaginn í Portúgal,“
sagði Guðfinnur Kristmannsson,
fyrrum landsliðsmaður og núverandi
þjálfari og leikmaður Wasaiterna í
Svíþjóð, við Morgunblaðið en hann
fylgdist með leiknum í sænska sjón-
varpinu.
„Vörnin var mjög góð, svipuð og í
Evrópukeppninni í fyrra, og Guð-
mundur Hrafnkelsson, sem stóð í
markinu allan tímann, varði jafnt og
þétt fyrir aftan hana. Sóknarleikur-
inn var í lagi í heildina séð, mér
fannst hann fullhægur á köflum en
liðið lék mjög agað. Ólafur Stefáns-
son var áberandi besti maður Ís-
lands og átti stórleik, Sigfús Sigurðs-
son lék mjög vel en flestir aðrir eiga
meira inni, sérstaklega Patrekur Jó-
hannesson. Það kom mér nokkuð á
óvart að Guðmundur þjálfari gerði
nánast engar breytingar á liðinu all-
an tímann, hann keyrði á sömu
mönnunum rétt eins og í mótsleik. Á
meðan skiptu Svíarnir mikið og létu
alla spila. Þeir lögðu þó greinilega
áherslu á að ná Stefan Lövgren aftur
í gang og hann lék nánast hvíldar-
laust,“ sagði Guðfinnur.
Liðið sem Guðmundur Þ. Guð-
mundsson tefldi fram nær óbreyttu í
sókninni allan tímann var þannig
skipað að Guðmundur Hrafnkelsson
var í markinu, Guðjón Valur Sig-
urðsson og Einar Örn Jónsson í
hornunum, Sigfús Sigurðsson á lín-
unni og þeir Patrekur Jóhannesson,
Aron Kristjánsson og Ólafur Stef-
ánsson léku fyrir utan. Þeir Róbert
Sighvatsson, Sigurður Bjarnason og
Rúnar Sigtryggsson komu einnig við
sögu, sem og Roland Eradze sem
reyndi við eitt vítakast, en þeir Gúst-
af Bjarnason, Snorri Steinn Guð-
jónsson og Gunnar Berg Viktorsson
komu aldrei inná. Dagur Sigurðsson
hvíldi vegna meiðsla og Heiðmar
Felixson vegna veikinda en hann
hefur verið með flensu í tvo daga.
Batamerki á öllum sviðum
„Við vildum finna festu í uppstill-
ingunni og skiptum því ekki mikið að
þessu sinni. Þetta gekk í raun mjög
vel, liðið spilaði í heild ágætlega og
ég tel að við höfum tekið nokkur
skref í rétta átt með þessum leik.
Það voru batamerki á öllum sviðum,
sérstaklega á varnarleiknum, en
einnig náðum við ágætum hraðaupp-
hlaupum og sóknin var snarpari en í
síðustu leikjum. Það er auðvitað
svekkjandi að tapa svona naumlega
fyrir Svíum, við höfum ekki verið
svona nálægt þeim í langan tíma og
nýttum ekki góð færi á lokakafla
leiksins,“ sagði Einar Þorvarðarson,
aðstoðarþjálfari íslenska liðsins, við
Morgunblaðið.
Gott útlit með Dag
Þó Dagur Sigurðsson, fyrirliði,
væri ekki með sagði Einar að útlit
væri fyrir að hann væri búinn að ná
sér af nárameiðslunum. „Dagur er
orðinn verkjalaus og hefur verið með
á tveimur æfingum hér í Svíþjóð. Við
erum orðnir mjög bjartsýnir á að
hann verði tilbúinn í fyrsta leikinn á
HM á mánudaginn,“ sagði Einar
Þorvarðarson.
Íslenska liðið æfir í Landskrona í
dag en fer til Portúgals á morgun og
leikur sinn fyrsta leik í heimsmeist-
arakeppninni gegn Ástralíu síðdegis
á mánudaginn.
Naumt tap gegn Svíum, 27:26
Tilbúnir
í slaginn
ENN einu sinni höfðu Svíar betur gegn Íslendingum þegar þjóðirnar
mættust í lokaleik beggja fyrir heimsmeistarakeppnina í hand-
knattleik í Landskrona í gærkvöld. Oftar en ekki hafa þeir unnið
stóra sigra á íslenska liðinu, en að þessu sinni gat munurinn ekki
verið minni. Svíar sigruðu, 27:26, eftir að íslenska liðið hafði tvíveg-
is náð forystunni í síðari hálfleiknum. Ólafur Stefánsson átti stór-
leik og skoraði 11 mörk en seint í leiknum varði Peter Genzel frá
honum vítakast og það vó þungt þegar upp var staðið.
Græn-
lending-
ar tapa
GRÆNLENSKA landsliðið í hand-
knattleik tapað fyrir franska efstu
deildar liðinu Nimes, 21:20, í æfinga-
leik í Marseille í fyrrakvöld. Staðan var
14:9, franska liðinu í vil, í hálfleik, en
það er í 11. sæti af 14 liðum í frönsku
deildinni.
Grænlendingar eru í óða önn að búa
sig undir þátttöku í heimsmeistara-
mótinu í Portúgal sem hefst í næstu
viku, en þar eru Grænlendingar í riðli
með Íslendingum, Þjóðverjum, Portú-
gal, Katar og Ástralíu.
Grænlendingar áttu undir högg að
sækja allan tímann í leiknum við
Nimes, en þetta var síðasti æfinga-
leikur Grænlendinga fyrir HM. Mörk
Grænlendinga skoruðu Jakob Larsen,
5, Peter Sikemsen, 4, Rasmus Larsen,
3, Ingo Hansen, 3, Hans Peter Motz-
feldt, 2, Niels Poulsen, 1, Hans Knud-
sen, 1 og Carsten Olsen, 1.
Morgunblaðið/Árni Sæberginn í liði Grindavíkur, gnæfir yfir aðra
völdi. Grindvíkingar héldu áfram sig-
g eru jafnir KR-ingum á toppnum.
Reykjavíkurmótið
í knattspyrnu
A - riðill
21:00 KR - Leiknir R
B - riðill
19:00 Fram - Fjölnir
A - riðill
19:00 Þróttur R. - Léttir
B - riðill
21:00 Fylkir - ÍR
Fös. 17. jan. Egilshöll
Sun. 19. jan. Egilshöll
Sá leikmaður sem sýnir bestu
tilþrifin fær verðlaun frá Pepsi
Aðgangseyrir 500 kr. fyrir 16 ára og eldri.
ÁSTRALÍUMENN hafa tilkynnt
hverjir skipa landsliðshóp sinn á
heimsmeistaramótinu í handknatt-
leik í Portúgal, en íslenska landsliðið
mætir því ástralska í upphafsleik sín-
um í keppninni nk. mánudag. Aðeins
eru 14 leikmenn í hópnum sem gefinn
hefur verið út, en hvert landslið má
tefla fram 16 leikmönnum á mótinu.
Einn leikmanna ástralska liðsins,
Taip Ramadani, leikur í Noregi.
Hann spilar með hverfisliðinu Kjels-
ås í Ósló, sem er langt frá því að hafa
blandað sér í baráttu meðal fremstu
handknattleiksliða Noregs. Aðrir eru
á mála hjá félags- eða skólaliðum í
Ástralíu. Fjórir leikmenn spila með
Griffith University, þrír eru á mála
hjá Macquarie University, tveir eru
með Harbourside HC. Aðrir leika
með Kjelsås í Noregi, White City
Warriors, Hills HC, Canberra og
Sydney University. Elsti leikmaður-
inn er 35 ára en hinn yngsti er 21 árs.
Tveir nýliðar eru í hópnum en sá sem
er reyndastur á 50 landsleiki að baki.
Landsliðsþjálfari Ástrala er Drag-
an Marinkovic frá Júgóslavíu. Ástr-
alía tók þátt í heimsmeistaramótinu í
Egyptalandi árið 1999 og rak lestina
af 24 þjóðum en þá fékk landsliðið
sérstakt boð um að koma til mótsins
vegna undirbúnings síns fyrir hand-
knattleikskeppni Ólympíuleikanna í
Sydney árið eftir. Þá ráku heima-
menn einnig lestina og töpuðu öllum
leikjunum með allnokkrum mun.
Atkvæðamestu menn liðsins á HM
í Egyptalandi eru enn í liðinu en það
eru Milan Slavujevic, þrítugur miðju-
maður, rétthenti hornamaðurinn Lee
Schofield, rétthenta skyttan Sasa
Sestic og áðurnefndur Ramadani,
sem er línumaður.
HM í Portúgal er í fyrsta skipti
sem Eyjaálfa á rétt á að senda lið til
þátttöku á HM.
Heiner Brand, landsliðsþjálfari
Þýskalands, segist ekki óttast að
Ástralar veiti Þjóðverjum mikið við-
nám í viðureign þjóðanna á HM.
Ástralar segja það vera markmið sitt
að skora a.m.k. tíu mörk gegn sterkri
vörn Þjóðverja.
Einn Ástrali
leikur í Noregi