Morgunblaðið - 05.05.2003, Blaðsíða 2
ÍÞRÓTTIR
2 B MÁNUDAGUR 5. MAÍ 2003 MORGUNBLAÐIÐ
ÁRSÞING Körfuknattleiks-
sambands Íslands, KKÍ, fór fram
um helgina í Stykkishólmi og var
þar fjallað um fjölmargar tillögur
sem lágu fyrir á þinginu. Þing-
fulltrúar felldu tillögu þess efnis
að fækka liðum úr 12 í 10 í úrvals-
deild karla frá og með næsta
keppnistímabili. Það verður því
óbreytt keppnisfyrirkomulag í úr-
valsdeild þar sem 12 lið leika tvö-
falda umferð, átta efstu komast í
úrslitakeppni og tvö neðstu liðin
falla í 1. deild.
Aftur á móti verður það að telj-
ast til stórtíðinda að samþykkt var
á þinginu að fella niður höft á
fjölda erlendra leikmanna. Hingað
til hafa lið aðeins mátt hafa einn
bandarískan leikmann í sínum röð-
um og eins marga leikmenn frá
Evrópulöndum og þurft hefur.
Með breytingunni geta íslensk lið
fengið til sín eins marga erlenda
leikmenn og þau telja sig hafa not
fyrir að því gefnu að kostnaðurinn
við tilkomu leikmannana falli und-
ir launaþak sem sett verður á í
sumar.
Stjórn KKÍ fékk það verkefni að
útfæra nánar reglugerð um fyr-
irkomulag launaþaksins, og við-
urlög við brot á launaþaksregl-
unni.
Það má því búast við því að
fjöldi bandarískra leikmanna verði
mun meiri á næstu leiktíð og svo-
kallaðir „Bosman-leikmenn“ verði
ekki eins margir og áður.
Fjölmargar aðrar en minnihátt-
ar reglugerðarbreytingar voru
samþykktar og má þar nefna að
unglingaflokkur verður ekki í 2.
deild og keppir því í sérstakri
deild. Hægt er að nálgast aðr-
arbreytingar á www.kki.is.
Ótakmarkaður fjöldi
erlendra leikmanna
GUÐJÓN Valur Sigurðsson átti
stórleik með Essen þegar liðið sigr-
aði Grosswallstadt á útivelli, 31:22,
í þýsku Bundesligunni í handknatt-
leik um helgina. Guðjón Valur skor-
aði 10 mörk í leiknum og var at-
kvæðamestur í liði Essen em
fyrirliðinn Patrekur Jóhannesson
skoraði 3 mörk.
Með sigrinum komst Essen upp
að hlið Magdeburg í þriðja sæti.
Bæði lið eru með 45 stig en Magde-
burg á leik til góða og mætir Wil-
helmshavener á miðvikudags-
kvöldið.
Róbert Sighvatsson og Róbert
Julian Duranona skoruðu eitt mark
hvor þegar Wetzlar beið lægri hlut
fyrir botnliði Willstätt/Schutter-
wald, 29:23.
Morgunblaðið/Golli
Guðjón Valur Sigurðsson
Guðjón Valur
í miklum ham
BJÖRGVIN Sigurbergsson úr
GK lék lokahringinn í Europro-
mótaröðinni í Wales á laugardag
á 77 höggum og endaði í 31. -
38. sæti á samtals 223 höggum,
eða 10 höggum yfir pari.
Þetta var fyrsta mót hans í
mótaröðinni á þessu keppn-
istímabili. Sigurvegari var
heimamaðurinn Bradley Dredge
sem lék á samtals 209 höggum,
eða 4 höggum undir pari.
Björgvin byrjaði lokahringinn
vel og fékk þrjá fugla á fyrri
níu og var á 37 höggum eftir
níu holur. Seinni níu lék hann á
40 höggum og lauk leik á 77
höggum. Hann fékk þrjá fugla á
hringnum, 9 pör, 3 skolla og 3
tvöfalda skolla. Fyrsta hringinn
lék hann á 74 höggum og annan
á 73 höggum og var í 23.-31.
sæti fyrir niðurskurðinn, en að-
eins 60 kylfingar komust áfram
í lokahringinn.
Veðrið var ekki eins og best
verður á kosið þar sem völl-
urinn var mjög blautur vegna
rigninga.
Bradley Dredge fékk um 1,3
milljónir íslenskra króna í verð-
laun en Björgvin fékk rúmar 35
þúsund krónur fyrir árangur
sinn.
Björgvin endaði í
31. sæti í Wales
Morgunblaðið/Golli
Björgvin Sigurbergsson atvinnukylfingur úr GK.
Rúnar lék allan tímann í vörnCiudad og brá sér af og til í
sóknina en honum tókst ekki að skora
mark í leiknum.
„Þetta er toppurinn á
mínum ferli sem
handboltamaður,“
sagði Rúnar í samtali
við Morgunblaðið í gær skömmu eftir
að hann og félagar hans höfðu verið
krýndir Evrópumeistarar.
„Þetta var aldrei í hættu hjá okkur.
Redbergslid náði að komast mest
tveimur mörkum yfir og þrátt fyrir að
dómararnir höfðu gert í því að henda
okkur útaf í síðari hálfleik þá héldum
við haus. Ég var bölvaður klaufi að ná
ekki að skora í leiknum. Ég fékk fullt
af færum en fór illa að ráði mínu. En
það sem mestu skiptir er að við unn-
um titillinn og það er búið að undirbúa
sigurhátið á torginu í Ciudad Real á
morgun,“ sagði Rúnar ennfremur.
Rúnar átti í miklum slag við
sænska landsliðsmanninn Magnus
Wislander, línumanninn frábæra, en
oftar en ekki hefur Wislander reynst
Íslendingum erfiður.
„Loksins tókst mér að hafa betur á
móti Wislander. Þegar við unnum
heimaleikinn var það í fyrsta sinn sem
ég er í sigurliði gegn honum og þú
getur rétt ímyndað þér hvað það var
sætt að leggja hann að velli. Við vor-
um í hörðum slag á línunni í báðum
leikjunum og mér tókst bara vel að
halda aftur að honum.“
Wislander skoraði 5 mörk í leikn-
um en markahæstir í liði Svíanna
voru þeir Martin Boquist og Fredrik
Lindahl með 7 mörk hver.
Rolando Urios var atkvæðamestur
í liði Ciudad Real með 8 mörk,
egypski landsliðsmaðurinn Zaki skor-
aði 7 og Alberto Entrerrios 5. Talant
Dushjabaev, sem af mörgum er talinn
einn besti handknattleiksmaður
heims, hafði frekar hægt um sig en
hann skoraði aðeins eitt mark.
Rúnar, sem er 31 árs gamall, gekk í
raðir Ciudad Real frá Haukum síðast-
liðið sumar og hann verður áfram í
herbúðum liðsins á næstu leiktíð en
liðið ætlar sér stóra hluti á komandi
árum. Liðið fær góðan liðsauka fyrir
næstu leiktíð en í sumar gengur Ólaf-
ur Stefánsson til liðs við félagið frá
Magdeburg í Þýskalandi þar sem
hann hefur leikið við góðan orðstír
undanfarin ár.
„Það verður mjög gaman og gott að
fá Óla í liðið. Allir vita hvað hann get-
ur gert og ég er viss um að hann á eft-
ir að gera góða hluti á Spáni. Við er-
um ekki búnir að afskrifa að ná
spænska meistaratitlinum í ár þó svo
að við séum þremur stigum á eftir
Barcelona. Börsungarnir eiga erfiðan
útileik í vikunni og ef þeir tapa honum
þá er allt opið í toppbaráttunni. Við
verðum alla vega með í Meistara-
deildinni á næsta tímabili og miðað
við hversu forráðamenn liðsins eru
búnir að vera duglegir við að styrkja
liðið fyrir sumarið þá held ég stefnan
verði tekin á að vinna Meistaradeild-
ina. Það er mikill metnaður hjá þeim
sem stjórna liðinu og þeir hafa næga
fjármuni til að spila úr. En núna tekur
fögnuður við og það verður gaman að
koma með Evrópubikarinn til Ciud-
ad,“ sagði Rúnar.
Rúnar Sigtryggsson fagnaði Evrópu
„Toppur-
inn á mín-
um ferli“
RÚNAR Sigtryggsson landsliðsmaður í handknattleik varð í gær
Evrópumeistari með liði sínu Ciudad Real frá Spáni þegar liðið
gerði jafntefli, 24:24, við sænska liðið Redbergslid frá Gautaborg í
síðari úrslitaleik félaganna í Evrópukeppni bikarhafa í Scandinav-
ium-höllinni að viðstöddum rúmlega 7.000 áhorfendum. Ciudad
Real hafði betur í fyrri leiknum, 33:27, á heimavelli sínum á Spáni
um síðustu helgi og liðið vann því samanlagt, 57:51, en Spánverj-
arnir áttu titil að verja í þessari keppni.
Guðmundur
Hilmarsson
skrifar