Morgunblaðið - 17.09.2003, Blaðsíða 2

2 B MIÐVIKUDAGUR 17. SEPTEMBER 2003 MORGUNBLAÐIÐ
bílar
Borgartún 26
sími 535 9000
Komdu í ljós
ÁKVEÐINS misskilnings hefur
gætt undanfarið í umfjöllun um V-
Power bensín, að sögn Margrétar
Guðmundsdóttur, framkvæmda-
stjóra Markaðsdeildar smásölu hjá
Skeljungi. Hún segir að meðal ann-
ars hafi V-Power sem selt er á Ís-
landi verið lagt að jöfnu við V-Pow-
er bensín sem selt er í Danmörku.
„Í Morgunblaðinu hinn 10. sept-
ember var borið saman verð á V-
Power í Danmörku og Íslandi eins
og um einsleita vöru sé að ræða.
Svo er ekki þar sem varan á ís-
lenska markaðinum er að lágmarki
99 oktana en V-Power í Danmörku
er 95 oktana bensín. Þess vegna er
eðlilegt að meiri verðmunur sé á V-
Power og 95 oktana bensíni á Ís-
landi en í Danmörku,“ segir Mar-
grét.
Hún segir V-Power vera samheiti
yfir sérframleitt bensín sem Shell
hafi þróað í samstarfi við Form-
úlu-1 lið Ferrari. Shell V-Power
geti verið með mismunandi oktan-
tölu eftir mörkuðum sem það er
framleitt fyrir og sú rannsókn á
eiginleikum V-Power sem vitnað
hefur verið til og Fé-
lag danskra bifreiða-
eigenda (FDM) gerði,
byggðist á einni tank-
fyllingu af V-Power í
hverju tilfelli. Í kjöl-
far þeirrar könnunar
dró FDM í efa að það
svaraði kostnaði að
nota V-Power um-
fram venjulegt bens-
ín. „Til að eiginleikar
V-Power bensíns skili
sér að fullu í bættum
aksturseiginleikum er
eðlilegt að gera ráð
fyrir að það geti þurft
3 til 5 tankfyllingar. Í
sumum tilvikum finna menn mun-
inn strax eftir eina fyllingu en al-
gengara er að oftar þurfi að fylla á
tankinn til að hreinsunareiginleiki
V-Power bensíns umfram venjulegt
bensín skili sér að fullu. Deilurnar
eru því öðrum þræði um það hversu
mikið af útfellingum má vera á
ventlum bílsins áður en afköst vél-
arinnar taka að skerðast,“ segir
Margrét.
Að sögn Margrétar á
Skeljungur tryggan
hóp viðskiptavina sem
alltaf ekur á V-Power
vegna þess að fólk finni
mun á V-Power og öðru
bensíni. „Þá höfum við
fjölmörg dæmi um að
bílar sem alltaf voru
með „bank í vélinni“
hættu því þegar þeim
var ekið á V-Power.
Gamlir kraftlitlir bílar
fengu aukinn kraft og
nefna má að V-Power
hefur verið afar vinsælt
meðal mótorhjólaeig-
enda og vélsleðamanna
sem margir telja V-Power henta
þessum tækjum mjög vel.“
Margrét segir að Shell í Dan-
mörku hafi látið alla bíla félagsins
aka á V-Power um skeið en þeir
eruað meðaltali 2 ára gamlir. Eftir
500.000 km hafði náðst sparnaður í
eldsneytisnotkun upp á 3,1%. „Við
stöndum við það að V-Power er
kraftmeira en annað bensín og hef-
ur einstæða hreinsunareiginleika.
Margrét Guðmundsdóttir, framkvæmdastjóri smásölusviðs hjá Skeljungi
Aukinn kraftur í V-Power
Margrét Guðmundsdóttir
NÝR Volkswagen Caddy verður frum-
sýndur á bílasýningu í Amsterdam í
næsta mánuði og er væntanlegur á
markað á vormánuðum 2004. Líkt og
forveri hans verður bíllinn í boði sem
sendibíll með kassa og sem skutbíll,
bæði með bensín- og dísilvélum. Nýi
bíllinn verður byggður á sama undir-
vagni og nýr Golf af 5. kynslóð og
Touran, sem var kynntur í vor. Meðal
nýjunga í þessum nýja Caddy eru
rennihurðir sem fáanlegar verða á
báðar hliðar, auk þess sem þetta verð-
ur fyrsti bíllinn í sínum flokki sem
verður fáanlegur 7 manna. Hægt er að
fella niður sæti í farþegarýminu að
hluta til eða öllu leyti.
Flutningsrými Caddy eykst frá eldri
gerðinni um 300 lítra en heildarflutn-
ingsrýmið nemur 3,2 rúmmetrum.
Aðgengi að flutningsrýminu er um tví-
skipta afturhurð sem hægt er að opna
um 180 gráður. Hurð á hægri hlið er
staðalbúnaður en hægt verður að sér-
panta aukahurð á vinstri hlið og hafa
flutningskassann hurðarlausan. Gert
er ráð fyrir að nýr Caddy verði kynntur
hér á landi fyrir mitt næsta ár.
Nýr VW Caddy sem væntanlegur er á markað á næsta ári.
Nýr 7 manna VW Caddy
RENAULT Scénic II hlaut
fimm stjörnur í nýjustu örygg-
is- og árekstrarprófunum
NCAP í Evrópu og er fyrsti
bíllinn í sínum stærðarflokki
sem fær hæstu einkunn, en bíll-
inn fékk samtals 34 stig af 37
mögulegum. Scénic er þar með
fimmti bíllinn frá Renault sem
fær 5 stjörnur í árekstrarpróf-
unum NCAP, en Laguna fékk
þá einkunn í mars 2001, Még-
ane II og Vel Satis í nóvember
2002 og Escape IV í júní 2003.
NCAP endurbætti árekstar-
prófanir sínar í ársbyrjun og
segir Max Mosley, formaður
NCAP og forseti FIA, að nið-
urstöðurnar í prófunum á Scén-
ic séu sérlega mikilvægar þar
sem þær setji staðalinn fyrir
þessa tegund bíla. „Það sem
meira er, þetta fyrsti smábíll-
inn sem hlýtur 5 stjörnur í end-
urbættum og kröfuharðari
prófunum NCAP í Evrópu.“
Renault Scénic
Scénic II fær
5 stjörnur í
prófunum
NCAP
ÍSLANDSMEISTARAKEPPN-
IN í ökuleikni er framundan en á
þessu ári eru 25 ár liðin frá því að
Ökuleiknin var fyrst haldin. Að
þessu sinni verður keppnin hald-
in með breyttu sniði, en það er
Bindindisfélag ökumanna sem
stendur fyrir keppninni. Ekki var
haldin sérstök undankeppni, líkt
og undanfarin ár, heldur verður
öllum heimilt að taka þátt í
keppninni. Þó verður sett há-
mark á fjölda keppenda.
Mótinu verður skipt í tvennt að
þessu sinni, annars vegar akst-
urskeppni flutningabíla og hins
vegar aksturskeppni fólksbíla.
Fólksbílakeppnin
Fólksbílakeppnin verður hald-
in hinn 20. september nk. á plani
Sjóvár/Almennra við Kringluna í
Reykjavík. Öllum sem hafa öku-
leyfi er boðið að taka þátt í
keppninni án endurgjalds, en há-
marksfjöldi keppenda miðast við
50 ökumenn. Hægt að skrá sig til
keppni með því að senda tölvu-
póst á bfo@brautin.is eða til-
kynna þátttöku í síma 895-8012.
Íslandsmeistarakeppnin verð-
ur að því leyti frábrugðin und-
anförnum keppnum að keppt
verður á fjórum þrautaplönum og
munu allir keppendur aka öll
plönin. Hekla hf. mun leggja til
bíla í keppnina.
Að venju verða nokkrar
krossaspurningar lagðar fyrir
keppendur sem allir munu fá
verðlaunapening auk þess sem
Good Year á Íslandi mun verð-
launa sigurvegarana. Keppt
verður að venju í karla- og
kvennariðli og sigurvegarar
verða Íslandsmeistarar í öku-
leikni.
Trukkakeppnin
Laugardaginn 4. október verð-
ur Íslandsmeistarakeppnin í öku-
leikni á flutningabílum haldin við
nýtt húsnæði vörubíladeildar
Heklu við Klettagarða í Sunda-
höfn í Reykjavík, á sama degi og
nýtt húsnæði vörubíladeildar
Heklu verður tekið í notkun.
Trukkakeppnin hefst kl. 13 og
er eina skilyrðið fyrir þátttöku að
hafa meirapróf. Þar geta menn
bæði keppt sem einstaklingar og/
eða myndað keppnislið með
tveimur eða fleiri liðsmönnum og
verða bæði veitt einstaklings-
verðlaun og liðaverðlaun. Ekkert
keppnisgjald verður og mun
Hekla hf. leggja til flutningabíl í
keppnina.
Íslandsmótið
í ökuleikni
framundan
VIKU eftir bílasýninguna í Frankfurt,
þar sem Volkswagen var með
heimsfrumsýningu á nýjum Golf,
hefur VW nú komið fram á sjón-
arsviðið með nýja frumgerð af
sportbíl sem ber hönnunarnafnið
Frumgerð R. Hönnun bílsins er í
djarfara lagi og minnir á dýr sem
býr sig undir að stökkva. Í bílnum er
3,2 lítra V6 bensínvél, sem skilar
um 265 hestöflum og nær bíllinn
100 km hraða úr kyrrstöðu á 5,3
sekúndum. Hámarksharði er tak-
markaður við 250 km/klst en
óformlegur hámarkshraði er 270
km/klst. Bíllinn er afturdrifinn og
útbúinn hinum nýja 6 gíra DSG
(disk selection gearbox) gírkassa.
Framendi bílsins er nokkuð ný-
stárlegur og krómgrillið gefur bílnum
sérstætt yfirbragð. Framljósin eru
kringlótt að utanverðu en aðlagast
formi bílsins að innanverðu, en það
er hönnun sem sver sig í ætt við
hönnun á Phaeton, Touareg og Golf-
inum nýja. Afturendinn er straum-
línulagaður í stíl við framendann og
eru afturljósin einnig kringlótt að ut-
anverðu en straumlínulöguð að inn-
anverðu.
Frumgerð R, nýr sportbíll frá Volkswagen.
Nýr VW sportbíll –
Frumgerð R