Morgunblaðið - 12.11.2003, Blaðsíða 4

4 B MIÐVIKUDAGUR 12. NÓVEMBER 2003 MORGUNBLAÐIÐ
TOUAREG, fyrsti jeppi Volkswagen,
er nú kominn á markað með fjórum
gerðum véla. Fyrstur kom bíllinn með
V6-bensínvélinni og nú hafa bæst við í
flóruna V8-bensínvél og tveir olíu-
brennarar, fimm strokka og tíu
strokka pumpudísilvélar. Touareg var
prófaður á dögunum með báðum dísil-
vélunum.
Touareg er nokkuð stór bíll, 4,75 m
á lengd, en þó er hann eingöngu fáan-
legur fimm manna. Hann er ekki með
jafnáberandi jeppalag og margir
keppinautarnir því þakhæð er tals-
vert minni og útlitið sportlegra fyrir
vikið. Bíllinn er með sambyggða yf-
irbyggingu og burðargrind, og við
framleiðslu hans er lögð rík áhersla á
góða eiginleika til aksturs í borginni,
þar sem bílar af þessu tagi eru mest í
notkun, en auk þess gefur nýstárlegt
drif- og fjöðrunarkerfi bílsins honum
góða eiginleika utan vegar.
Flaggskipið
Flaggskipið í línunni er tíu strokka
dísilvélin. Vélin er með forþjöppu og
innsprautunartæknin er svokölluð
pumpuinnsprautun, sem er svar VW
við samrásarinnsprautun (common-
rail). Þetta er gríðarlega aflmikil og
óvenjuleg vél og ein sú togmesta í
flokki jeppa, 750 Nm strax við 2.000
snúninga á mínútu. Hestaflafjöldin er
313. Bíllinn þeytist áfram við inngjöf
og þeir sem ekki hafa ekið dísilbílum
lengi eiga erfitt með að trúa upplif-
uninni. Togaflið ætti að henta þeim
sem þurfa að draga þungar kerrur á
eftir sér; hestakerrur upp Kambana,
báta eða hvað sem er.
Aksturseiginleikarnir innan borgar
eru eins og í fólksbíl. V10-bíllinn er
með sex þrepa sjálfskiptingu með
handskiptivali (tiptronic) og hann er á
loftpúðafjöðrun, sem er hæðarstillan-
leg.
Þegar svo þarf að fara yfir karga-
þýfi eða snjóskafla og skorninga er
gott að vita af drifkerfinu í bílnum,
sem er eitt hið háþróaðasta á mark-
aðnum. Í venjulegum akstri er öllu
aflinu dreift jafnt milli öxla. Í Touareg
er ný kynslóð fjórhjóladrifskerfis sem
er rafeindastýrt. Í miðri drifrásinni er
mismunadrifslæsing sem flytur dri-
fafl sjálfvirkt til öxlanna eftir þörfum
og læsir þeim einnig eftir þörfum
hverju sinni, alveg frá engri læsingu
upp í 100% læsingu. Við vissar að-
stæður, svo sem ef framhjól spólar,
flytur kerfið allt að 100% af drifaflinu
til afturhjólanna, þar sem gripið er
meira. Að auki er hægt að læsa aft-
urdrifinu 100% handvirkt. Drifkerfið
kallar VW sítengt 4XMotion og þetta
er kerfi sem snarvirkar.
Kostir loftpúðafjöðrunarinnar eru
líka ótvíræðir, en loftpúðafjöðrunin er
staðalbúnaður í V10-bílnum en auka-
búnaður í 2,5 lítra bílnum. Með snún-
ingsrofa við hlið ökumanns er hægt að
stilla veghæðina frá því að vera 16 cm
þegar verið er að hlaða bílinn, upp í 30
cm sem er kjörið við erfiðustu aðstæð-
ur utanvega. Við venjulegan akstur er
veghæðin hins vegar 21,5 cm en lækk-
ar sig sjálfvirkt niður í 19 cm við 125
km hraða og 18 cm við 180 km hraða á
hraðbrautum í Evrópu. Þetta er líka
sannkallaður hraðbrautarvagn en að
auki duglegur í torfærum.
Verðhækkun á Touareg
2,5 lítra dísilvélin, R5, (línulaga
fimm strokka), er kannski kostur sem
hentar fleiri bílkaupendum, þó ekki sé
nema vegna verðsins. Vélin skilar 174
hestöflum og togið er 400 Nm við
2.000 snúninga á mínútu. Hið feikn-
armikla afl V10 bílsins er að sjálf-
sögðu ekki til staðar en engu að síður
er hröðunin og vinnslan alveg viðun-
andi í þessum bíl.
Þegar þetta er skrifað standa yfir
verðbreytingar á Touareg. V10 bíllinn
kostaði 7.980.000 kr. en hækkar í
8.390.000 kr., sem er 410.000 kr.
hækkun, og verðið á R5 bílnum verð-
ur 5.550.000 kr. sjálfskiptur. Þess ber
að geta hér að bílarnir eru mjög vel
búnir, sérstaklega þó V10 bíllinn (sjá
staðalbúnað hér til hliðar). V10 bíllinn
á sér engan augljósan keppinaut en
við R5 bílinn keppir m.a. Toyota Land
Cruiser 90 VX, sem með sjálfskipt-
ingu kostar 5.290.000 kr.
Touareg með tíu
strokka dísilvél
REYNSLUAKSTUR
Volkswagen Touareg
Guðjón Guðmundsson
V10-dísilbíllinn og V8-bensínbíllinn eru auðþekkjanlegir á krómlistum.
Morgunblaðið/Guðjón Guðmundsson
Hægt er að stilla veghæðina eftir þörfum með loftpúðafjöðruninni. Snúningsrofar fyrir fjöðrun og
drifrásarkerfið.
gugu@mbl.is
Volvo S80 2.0T
F. skrd. 06.07. 2000,
ek. 48 þús. km,
sjálfskiptur, 4 dyra, 16“
álfelgur, innbyggður gsm,
4 diska spilari, dynamic
soft leðurinnrétting o.fl.
Verð 2.680.000
Alternatorar – Startarar
í allflesta fólksbíla, vörubíla, vinnuvélar,
bátavélar á lager og hraðpantanir.
Trumatic gasmiðstöðvar
í bíla, báta o.fl.
Bílaraf Auðbrekku 20, s. 564 0400, f. 564 0404, n.bilaraf@isl.is
umboðið umboðið
bílar
Sítengt fjórhjóladrif,
17" álfelgur, sex þrepa sjálf-
skipting, ESP-stöðugleika-
stýring, ASR-spólvörn, ABS-
hemlakerfi, EBD-hemlajöfn-
unarkerfi, 6 loftpúðar,
viðgerðarkerfi fyrir hjól-
barða, hraðastillir, loftfrísk-
unarbúnaður, regnskynjari,
þokuljós, opnanleg rúða á
afturhlera, upphituð fram-
sæti, rafdrifnar rúðuvindur,
fjöldiska geislaspilari.
Aukalega í V10
18" álfelgur, leðuráklæði,
rafstýrð leðursæti, lykillaust
aðgengi, loftpúðafjöðrun,
fjölrofa stýrishjól, viðarinn-
legg í mælaborð, krómpakki.
Staðal-
búnaður
Touareg
FRÉTTIR
mbl.is