NT - 02.03.1985, Blaðsíða 5

HRÍSALUNDUR
MIÐSTÖÐ
HAGSTÆÐRA
VIÐSKIPTA
■ Við borð þetta getur fólk notið
drykkjarins mitt í litlu landslagi.
Borðplatan er nefnilega þykk gler-
plata sem gerir það að verkum að
hægt er að sjá fallega steina og
kaktusa, eða aðrar valdar plöntur, í
gengum hana. Sérstaklega getur verið
ánægjulegt í svörtu skammdegi, að
líta blómaskrúð, sem minnir á
sumartíð. _
Veljið góðan við
Plönturnar sem settar eru á botn
borðsins verða að vera lágvaxnar, svo
þær vaxi ekki upp í glerið. Helst ættu
það að vera kaktusar eða aðrar jurtir
sem ekki þarf að vökva mjög oft.
Borðið sjálft er gert úr hefluðum
furuborðum eða annarri fallegri
viðartegund. Reynt skal að velja vel
þurr og vönduð viðarborð og geyma
þau í um það bil tvær vikur í því hita-
og rakastigi sem borðið á að standa í.
Þetta er mjög mikilvægt og gert til
þess að fætur borðsins vindi sig ekki
né hreyfi á nokkurn hátt.
Sérhver borðfótur er samansettur
úr tveimur lögum af borðum, innra
borðið er styttra, þannig að það
myndast lítið fals, sem lausa glerplat-
an liggur á. Þess vegna er nauðsynlegt
að viðurinn í borðfótunum hreyfi sig
ekki, því þá gæti borðplatan dottið úr
falsinu einhvern daginn.
Af sömu ástæðu á ekki að kaupa
glerplötuna fyrr en smíði borðsins er
lokið - þannig fær maður nákvæmt
mál á hana.
Smíði borðsins
Allir hlutar borðsins eru gerðir úr
fjórum viðarborðum sem eru 21 mm
á þykkt, 145 mm á breidd og 240 cm
á lengd. Þau eru söguð vinkilrétt
niður í réttar lengdir. Innri borðin í
borðfótunum og helming þeirra ytri
þarf að mjókka, það er, saga á
langveginn. Við það má nota ristisög,
en best væri að gera það í hjólsög.
Þegar sagað hefur verið niður er
réttast að pússa alla hlutana strax -
það verður erfiðara eftir að búið er að
setja borðið saman eins og sýnt er á
teikningunum.
Að lokum er borðið lakkað með
tveim umferðum af völdu lakki og
pússað yfir með fínum sandpappír á
milli umferðanna.
4. tbl. mars 1985 5 ~ Blðð II
Innanhú!
Sófaborð með innbyggðu
I || ■
ABOT
Borðplatan
Glerið skal vera 8 mm þýkkt. Það
er hægt að kaupa tilskorið og með
slípuðum köntum fyrir um 1500 krón-
ur hjá glersölum.
Samsetning borðsins
Á teikningunum sést samsetning
eins borðfótarins innanfrá. Athugið
að borðin mætast eins á öllum fótun-
um, kanturinn á vinstra borðinu kem-
ur á innri hliðina á hægra borðinu.
Eins og áður er sagt eiga viðarborðin
sem notuð eru að vera hefluð og
þykkt þeirra 21 mm og breidd 145
mm. Þau eru söguð í eftirfarandi
stærðir: Fjögur stykki 14,5x43 cm (A)
- fjögur stykki 12,4x43 cm (B) -
fjögur stykki 14,5x82,9 cm (C) -
fjögur stykki 12,9x26,5 cm (D) og
fjögur stykki 10,8x26,5 cm (E).
Þar fyrir utan er notað: Átta stykki
8 mm trétappar (dílar), 6 cm langir -
4,0x40 mm undirsinkaðar skrúfur -
21x34 mm heflaðir listar, samtals 4,50
metrar á lengd - botn úr 16 mm
vatnsheldum krossvið, 80x80 - lakk -
8 mm glerplata, 85x85 cm - sterkur
plastdúkur, 100x100 cm - sandur.
■ Byrjið á að setja saman ytri
hlutana A og B á öllum borðfótunum.
Borað er fyrir trétöppunum, þannig
að aöeins er boraö inn í hálfa þykkt
A (til þess að tapparnir sjáist ekki að
utan), límborið og sett vinkilrétt sam-
an (þvingað). Því næst eru fæturnir
tengdir saman með borðunum C, sem
eru skrúfuð föst þannig að neðri
kantur þeirra verði einn cm frá gólfi.
■ Borðin C mætast á sama hátt í
öllum hornum þannig að borðið verð-
ur réttur ferningur. Einnig eru hlut-
arnir D og E allir settir á eins hátt í
öll horn, þeir límdir við A og B og
notaðar þvingur við líminguna. Efsta
brún D og E á að verá 10 mm fyrir
neðan efstu brún A og B, þannig að
fals myndast fyrir glerplötuna.
■ Innan á borðin C eru listarnir E
skrúfaðir þannig að neðri kantar
beggja liggi samsíða. Listarnir eiga að
bera botnplötuna G. Á botninn og
upp á hliðarborðin er plastdúkurinn
lagður. Svoiítið lag af sandi er sett á
botninn og steinum og blómum raðað
á hann. Að lokum er svo glerplatan H
lögð varlega á sinn stað.