NT - 14.06.1985, Blaðsíða 5
Föstudagur 14. júní 1985 5
Meðmælaganga
- ekki mótmælaganga,
segir Þór Jakobsson
■ „Þetta á ekki að vera neitt
íþróttaafrek, allir eiga að geta
verið með í göngunni. Rútur
verða á leiðinni sem taka fólk
upp í og flytja það áleiðis, svo
það geti hvílst og gengið aftur
með hópnum. Þetta er í raun-
inni boðganga.“
Svo mælti Þór Jakobsson,
veðurfræðingur, sem á hug-
myndina að Sólstöðugöngunni,
sem hefst á Þingvöllum að
morgni 21. júní og lýkur í
Reykjavík um kvöldið. Þór
sagði að tilgangurinn með göng-
unni væri að sameina fólk eina
dagsstund og fá það til að hugsa
um hið jákvæða í tilverunni.
Þetta væri „meðmælaganga";
ekki væri verið að mótmæla
neinu. Hefur Þór áform um að
gera göngu þessa síðar meir að
alþjóðlegum viðburði. NT tók
Þór tali á skrifstofu hans á
Veðurstofunni og bað hann um
að segja frá göngunni.
„Lagt verður af stað kl. 7 frá
Þingvöllum. Þjóðgarðsvörður,
séra Heimir Steinsson, mun
halda stutt ávarp við brottförina
og síðan verður gengið rösklega
af stað. Fyrsti hópurinn getur
svo hoppað upp í rútu eftir
klukkutímagang og aðrir taka
við. Ekki er ætlast til að neinn
gangi alla leiðina, en einhverjir
göngugarpar á borð við Reyni
gætu náttúrulega viljað það.
Aðalatriðið er að gangan
■ Þór Jakobsson, sem átti
hugmyndina að Sólstöðugöng-
unni, sést hér vera að æfa sig
fyrir hana.
haldist óslitin. Á leiðinni verða
ýmsir áningastaðir þar sem boð-
ið verður upp á ýmislegt til
skemmtunar og fróðleiks.
Á Hádegisholti verður t.d.
stansað, snætt, og horft á torf-
hlöðumenn. Hlýtt verður svo á
söng Álafosskórsins í Álafoss-
verksmiðjunni.
Á sólstöðumínútunni, kl.
10:44 f.h., verður stoppað og
þess minnst að þá er jörðin á
ysta hluta sporbaugs síns um
jörðu. Stór áningastund verður
síðar hjá Árbæjarsafni og loks
haldið til Kjarvalsstaða, þar sem
ýmislegt verður á seyði.
Við ætlum að reyna að fá fólk
sem býr við gönguleiðina að
taka þátt í þessu líka. En aðal-
atriðið er að gangan haldist
óslitin og takist vel og verði
þannig vísir að enn stærri göngu
næsta sumar.“
- Hvenær fekkstu upphaflega
hugmynd að slíkri göngu?
„Ætli það hafi ekki verið
meðan ég var í Kanada, fyrir
svona sjö árum. Gangan hefði
alveg eins getað hafist þar, en
ekki er úr vegi að það verði á
íslandi, þar sem það er u.þ.b.
miðja vegu í Atlantshafi."
- Liggur mikil skipulagning
að baki þessu?
„Umræður um þetta stóðu í
allan vetur, milli mín og ýmissa
annarra. Eiginleg framkvæmd
hófst þó ekki fyrr en um vorið.
Margir aðilar, eins og Rauði
Krossinn, ÍSÍ og skátarnir,
höfðu áhuga á þessu. Þetta var
þó of seint til að þau gætu tekið
þetta inn í sín plön, en vonast
er eftir þátttöku þeirra í form-
legri skipulagningu næsta ár.
1 vor fengum við svo fram-
kvæmdastjóra til starfa, Hrólf
Ölvisson. Skrifstofa okkar er í
Templarahöllinni og síminn er
21618, og þiggjum við ráð og
hugmyndir frá öllum sem hafa
áhuga á göngunni.
Við höfum fengið stuðning, í
formi auglýsinga, frá ýmsum
fyrirtækjum, en höfum engan
aðalstyðjanda. Næsta árstendur
til að þetta verði sjálfstætt fyrir-
tæki.“
- Hvenær hyggist þið gera
þetta að alþjóðlegum viðburði?
„í tímaritinu Jörð, sem við
gefum út og fjallar um þessa
göngu, stendur að heimsgangan
hefjist 1989. Sú tala er þó bara
byggð á ágiskunum, formlegur
undirbúningur hefur ekki hafist
erlendis.
Ég hef þó rætt um þetta við
fólk, þegar ég hef verið á ferð
erlendis og alltaf fengið jákvæð
viðbrögð.
Stefnan er að næsta ár verði
svipuð ganga haldin einhvers-
staðar erlendis, t.d. í Kanada
eða á Norðurlöndum. Ég hef
einkum Norður-Ameríku í
huga, fólk þar er mjög meðtæki-
legt fyrir svona löguðu. Best
væri að geta virkjað stórarhreyf-
ingar, sbr. Rauða Krossinn og
íþróttahreyfingar, því þær eru
vanar mikilli skipulagsvinnu.
Hins vegar búumst við ekki
við að allir gleypi við þessu á
stundinni og mörgum gæti fund-
ist þetta alveg út í bláinn. En við
höfum í huga að þessi táknræna
athöfn gæti stuðlað að nánari
samstarfi milli þjóða, því áhersl-
an í þeim verður á hinu jákvæða
í eðli mannsins.
Við erum handviss um að
heimsganga sé vel fram-
kvæmanleg."
Hallgrímur Helgason
sýnir í Listmunahúsinu
■ „Ég reyni að festast ekki í ákveðn-
um ismum og mála þess vegna á
breiðum grundvelli. Ef maður er
sannur þá hljóta að myndast ákveðin
einkenni sem myndirnar eiga sameigin-
leg . Þessi einkenni vil ég nefna
neon-klassík,“sagði Hallgrímur
Helgason í stuttu spjalli við NT í gær,
en Hallgrímur opnar sýningu á 30
olíumálverkum og fjölda teikninga í
Listmunahúsinu þann 15. júní kl.
14.00.
„Þessi salur er svolítið erfiður en ég
hef tekið mið af lögun hans og allt
hefur gengið vel. Myndirnar þurfa
engrar sérstakrar lýsingar við því það
stafar afþeim ákveðinni birtu, jafnvel
í skammdeginu, enda allar málaðar í
vetur,“ sagði Hallgrímur.
Hallgrímur Helgason er fæddur
árið 1959. Hann stundaði nám við
Myndlista- og handíðaskóla íslands í
einn vetur og einn vetur var hann við
Akademíuna í Munchen. Hann hefur
áður haldið sex einkasýningar.
Sýningin, sem er sölusýning, er
opin virka daga frá kl. 10.00-18.00,
laugardaga og sunnudaga kl. 14.00-
18.00. A 17. júní er opið frá kl.
14.00-20.00. Lokað þriðjudaginn 18.
júní og á mánudögum.
Sýningin stendur til 30. júní.