NT - 25.09.1985, Síða 13

7 Miðvikudagur 25. september 1985 13
ká k
8. einvígisskák Karpovs og Kasparovs fór í bið í gær í jafnteflislegri stöðu:
ASk Ifonnc
ilUgllHIQIV
■ Karpov hefur peði yfir í jafnteflis-
legu hróksendatafli í 8. einvígisskák-
inni sem fór í bið í gærkvöldi eftir 41
leik. Þrátt fyrir allmikla baráttu var
skákin ein sú litlausasta hingað til,
því byrjunarleikirnir voru langt fram
í miðtafl, nákvæmlega þeir sömu og í
fjórum skákum í fyrra einvígi þeirra.
Ollum þeim skákum lauk með jafn-
tefli og engin þeirra vakti hinn
minnsta snefil áhuga. Taflmennska
Karpovs í gær er fyrirboði þess sem
koma skal frá hans hendi í einvíginu:
hann vill nálgast sigurinn með jafn-
teflum og tekur því ekki minnstu
áhættu. Þegar þriðjungur einvígisins
er að baki er útlitið ekki sem bjartast
hjá Kasparov. Hann þarf að taka sig
verulega á til þess að ná sama krafti
og í fyrstu skák einvígisins. Eins og
staðan er nú hefur Karpov tekist að
þröngva skákstíl sínum upp á and-
stæðinginn og ræður því í raun lögum
og lofum í einvíginu.
í blaðinu í gær var getið orða sem
Karpov lét falla í viðtali við hollenskt
vikublað. Mikhael Botvinnik var þá
skotspónn heimsmeistarans. í þessu
viðtali sem tekið var um-svipað leyti
og OHRA-mótið í Amsterdam fór
fram en því lauk með sigri Karpovs,
var meginefnið auðvitað hin snubb-
óttu endalok einvígisins í vetur.
Karpov sem lítið hefur haft sig í
frammi harðneitaði þaröllum afskipt-
um af ákvörðun þeirri sem Campo-
manes tók; en kvaðst hinsvegar hafa
varpað fram þeirri hugmynd að ein-
víginu yrði frestað um nokkra mán-
uði. „Það var vitaskuld Kasparov sem
hagnaðist á endalokunum. Það er
augljóst ef litið er til þess að ég hafði
tveggja vinninga forskot þegar við
hættum,“ sagði hann. Og hann bætti
því við að þó Kasparov hafi opinber-
lega látið í veðri vaka að honum hafi
verið málalyktir mjög á móti skapi
tjáði hann lþróttaráði Sovétríkjanna
að úrskurður Campomanesar hafi
verið sér hagstæður. „Næsta einvígi
verður erfiðara,“ sagði Karpov og á
hann þá um slaginn sem nú stendur
yfir í Moskvu. „Þegar öllu er á
botninn hvolft þá fékk Kasparov 48
ókeypis kennslustundir."
8. einvígisskák:
Hvítt: Anatoly Karpov
Svart: Garrí Kasparov
Drottningarbragð
1. d4 d5
2. c4 e6
3. Rc3 Be7
4. Rf3 Rf6
5. Bg5 h6
6. Bh4 0-0
7. e3 b6
8. Be2 Bb7
9. B\f6 Bxf6
10. cxd5 exd5
11. b4 c5
12. bxc5 bxc5
13. Hbl Bc6
14. 0-0 Rd7
15. Bb5 Dc7
(Ég hef farið hratt yflr sögu enda vart
ástæða til annars. Glöggir skákáhuga-
menn taka vafalaust eftir því að hér
er tefld sama byrjun og í fjórum
skákum í fyrra einvíginu. Niðurstaða
hinnar fræðilegu baráttu varð ævin-
lega sú sama: þó svartur hafi örlítið
lakara tafl nær hann jafntefli. Næsti
leikur Karpov er „nýr" en breytir þó
í engu karakter stöðunnar.)
16. Dd3 Hfd8 20. dxc5 Bxc3
17. Hfdl Hab8 21. Dxc3 Dxc5
18. Bxc6 Dxc6 22. Dxc5 Rxc5
19. Hxb8 Hxb8 23. h3
(Karpov unir sér vel í svona stöðum,
þó megnan jafnteflisfnyk leggi frá
taflborðinu. Hann hefur akademískt
frumkvæði sem felst í stöku peði
svarts á d5. Og það er merkilegt hvað
honum tekst að kreista úr taflinu.)
23. .. Re4
(Að sjálfsögðu velur Kasparov virka
vörn. Hættulegt væri 23. - Hd8 24.
Rd4 og hvítur hefur bætt stöðu sína
verulega.)
24. Hxd5 Hblt
25. Kh2 Rxf2
26. Hd8t Kh7
27. Hd7a5
28. Hxf7 Hb2
29. a4 Rdl (?)
(Nákvæmara var 29. - Ha2.)
30. He7 Hb4
31. Rd4 Rxe3
32. Rc6!
erfiðleika sem Kasparov snýr sér þó
út úr.)
32. .. Hc4
33. Hxe3 Hxc6
34. He5 Hc3!
(Það væri stórhættulegt að leggjast í
óvirka vörn með 34. - Ha6. Hvíti
kóngurinn skundar á vettvang og
bætir vígstöðu sína verulega áður en
a5-peðið fellur sem er óhjákvæmi-
legt.)
35. Hxa5 Ha3
36. h4 Kg6
37. g4 Kf6
38. Hf5t Ke6
(Það virðist ekki breyta ntiklu þó
hvítur nái að valda a-peðið frá hlið
sem er heldur heppilegri staða en sú
sem fyrir var.)
39. Hf4 g5
40. hxg5 hxg5
41. Hb4
, Helgi
Ólafsson
stórmeistari
skrifar
um skák
- Hér fór skákin í bið. Þó hvítur
hafi peði yfir heldur svartur jafntefli
án teljandi erfiðleika. Staðan í einvíg-
inu:
Karpov 4(1)
Kasparov 3(1)
Biðskákina á að tefla áfram í dag
en 9. skákin verður svo tefld á
fimmtudaginn og hefur Kasparov
hvítt.
Hjartaskurðlækningar:
Hálf milljón á mann
og tilfellioffá
- segir í niðurstöðum mats á skýrslu
Alþjóðaheilbrigðisstofnunarinnar
■ Samkvæmt niðurstöðum skýrslu,
sem WHO, Alþjóðaheilbrigðismála-
stofnunin, hefur látið gera um langtíma-
áhrif hjartaskurðaðgerða, virðist ljóst,
að hjartáskurðstofa hér á landi stæðist
vart þær kröfur, sem WHO gerir, vegna
þess, hve tilfelli hér á landi eru fá. Þær
kröfur, sem stofnunin gerir taka mið af
fjölda uppskurða annars vegar og líkum
á því að sjúklingar lifi aðgerðina af hins
vegar. Fari fjöldi skurðaðgerða undir
ráðlögð mörk, samkvæmt skýrslu WHO,
eins og myndi vera hér á landi, aukast
dánarlíkur sjúklings meira en svo að
WHO treysti sér til þess að mæla með
því að hann gangist undir slíka aðgerð.
Samkvæmt skýrslu WHO, sem Fjár-
laga- og hagsýslustofnun hefur látið
kanna, er talið, að heppilegasta afkasta-
geta hjartaskurðlækningastofu miðist
við að þar fari fram tólf til fimmtán
uppskurðir á viku, eða fimm hundruð til
fimmhundruð og fimmtíu uppskurðir á
ári. Undir vissum kringumstæðum er
talið, að afköstin gætu verið minni. eða
á bilinu tvö hundruð og fimmtíu til fimm
hundruð uppskurðir á ári.
80 starfsmenn
„Hagkvæmasta" hjartaskurðstofa, að
mati WHO þarf eftirfarandi starfsfólk:
4 sérfræðinga
10 aðstoðarlækna
4 svæfingarlækna
I 3 aðstoðarlækna
l 7 tæknimenn
22 skurðstofuhjúkrunafræðinga
30 hjúkrunarfræðinga á legudeild
Alls: 80 starfsménn
Þessu til viðbótar kemur aukin þörf á
fólki á rannsóknarstofum og á skrifstofu
til að skrá aðgerðir og fylgjast með
hvernig sjúklingunum reiðir af eftir
aðgerð.
Þjálfun og kostnaður
Talið er, að hver læknir þurfi að
framkvæma u.þ.b. 50 uppskurði árlega
til þess að viðhalda fullri þjálfun og
færni.
Hvað varðar kostnað, hefur hann
reynst að meðaltali í Evrópu nema
10.000. dollurum á sjúkling, eða tæpri
hálfri milljón króna. Ef farið yrði að
ýtrustu ráðleggingum WHO varðandi
tækjabúnað og mannafla er kostnaður-
inn talinn vera nær 15 þús. dollurum á
sjúkling.
Þess má geta, að samkvæmt upplýsing-
um Tryggingarstofnunar ríkisins voru
meðferðaraðilum í Bretlandi greidd
u.þ.b. 3.950 sterlingspund fyrir aðgerð í
september 1982. Það svarar til tæplega
6.100 dollara.
Þörf á hjartaskurðlækningum
í athyglisverðum kafla um þörf á
hjartaskurðlækningum segir, að könnun
hafi verið gerð í Kaliforníu í Bandaríkj-
unum um afstöðu lækna þar til hjarta-
skurðlækninga.
Læknum varskipt í „íhaldsama", þ.e.
þá sem ekki ráðlögðu skurðaðgerð nema
sjúklingurinn sýndi enga svörun við
lyfjameðferð - og „ákafa“, en svo voru
þeir skilgreindir, sem ráðiögðu skurðað-
gerð ef verulegra afbrigða varð vart á
hjartalínuriti. 1 ljós kom, að væru allir
læknar „íhaldsamir", svaraði upp-
skurðafjöldi til 230 á hverja milljón
íbúa, en væru hins vegar allir „ákafir“
yrðu uppskurðir eitt þúsund á hverja
milljón íbúa.
nýjar leiðir
J J ÞRÓUNARFÉLAG ÍSLANDS HF.
Frestur til að skrifa sig
fyrir hlutafé rennur út
mánudaginn 30. sept-
ember næstkomandi.
Stofnskjal félagsins ligg-
ur frammi i öllum
bönkum og útibúum
þeirra, ásamt kynningar-
bæklingi um félagið, með
lista til þess að skrifa sig
fyrir hlutafé.
Póstleggja þarf áskriftar-
lista hlutafjár í siðasta
lagi 30. september og
skulu þeír stílaðir á Þró-
unarfélagið hf., pósthólf
5001,121 Reykjavik.
Til klukkan 17:00, mánu-
daginn 30. september
verður einnig tekið á
móti áskriftarlistum hjá
Baldri Guðlaugssyni,
hæstaréttarlögmanni,
lögmanns- og endur-
skoðunarskrifstofu,
Skólavörðustíg 12,
Reykjavík, og Helgu
Jónsdóttur, aðstoðar-
manni forsætisráðherra,
forsætfsráðuneytinu,
stjórnarráðshúsinu við
Lækjartorg, Reykjavík.
UNDIRBUNINGSNEFND AÐ STOFNUN ÞRÓUNARFÉLAGS ÍSLANDS HF.