NT - 20.12.1985, Blaðsíða 4

Föstudagur 20. desember 1985 4
Norðurland vestra:
Bændur vilja raunhæft
svæðabúmark nú þegar
Frá Frni Þórarinssyni, Skagafírdi:
■ í kjölfar kynningarfunda sem
landbúnaðarráðherra hélt með
bændum úr Skagafjarðar- og
Húnavatnssýslum fyrir stuttu
komu saman stjórnir búnaðar-
sambanda, stéttarsambandsfulltrú-
ar, búnaðarþingsfulltrúar og ráðu-
nautar Skagafjarðar og Húna-
vatnssýslna á fund á Blönduósi.
Miklar umræður urðu um
svæðabúmark og þá miklu óvissu
sem búvöruframleiðendur búa nú
við hvað varðar framleiðslu ís-
lenskra bænda og svæða á landinu á
yfirstandandi verðlagsári.
f fundarlok voru samþykktar
eftirfarandi tillögur:
Sameiginlegur fundur búnaðar-
sambanda, stéttarsambandsfull-
trúa, búnaðarþingsfulltrúa og
ráðunauta í Skagafjarðar- og
Húnavatnssýslum haldinn að
Blönduósi 9. desember lýsir fullum
stuðningi við tillögur svæðabú-
marksnefndar um skiptingu bú-
marks milli einstakra svæða á land-
inu bæði fyrir mjólk og kindakjöt.
Fundurinn leggur þunga áherslu
á að Framleiðsluráð landbúnaðar-
ins og stjórn Stéttarsambands
bænda hviki í engu frá þessum til-
lögum heldur leggi þær þegar fy rir
landbúnaðarráðherra.
Jafnframt mótmælir fundurinn
öllum hugmyndum um að taka
frekara mið af framleiðslu síðustu
ára við ákvörðun svæðabúmarks.
Verði ekki fallist á þessar tillög-
ur og raunhæfu svæðabúmarki
komið á, kveðji stjórn Stéttar-
sambandsins fulltrúa saman á
aukafund hið fyrsta.
Ennfremur samþykkti fundur-
inn að skora á landbúnaðarráð-
herra að samþykkja nú þegar til-
lögur svæðabúmarksnefndar sem
samþykktar voru á fundi Fram-
leiðsluráðs þann 30. október sl. um
skiptingu búmarks milli einstakra
svæða á landinu.
Með því verður aflýst þeirri
óvissu meðal bænda sem nú ríkir í
framleiðslumálum.
Flugbjörgunarsveitirnar:
Efna til landshapp-
drættis í fyrsta sinn
■ Landsamband flugbjörgunar-
sveita efnir til landshappdrættis um
þessar mundir til styrktar starfsemi
flugbjörgunarsveitanna víðs vegar
um landið.
Stærsta verkefnið sem safnað er til
er bygging nýs húss undir starfsemi
Flugbjörgunarsveitarinnar í
Reykjavík en hún hefur búið við ó-
fullnægjandi húsakost um langt ára-
bil.
í landshappdrætti flugbjörgunar-
sveitanna eru alls 194 vinningar að
verðmæti um sjö milljónir króna.
Þar af eru þrjár bifreiðar af gerðinni
Toyota Corolla DeLuxe og þrír
Yamaha vélsleðar af gerðinni XLV
sem eru tveggja manna vélsleði.
Auk þessara stóru vinninga eru
tölvur, myndbandsupptökuvélar,
myndbandstæki, ferðahljómtæki,
utanlandsferðir og soda-stream tæki
meðal vinninga.
Sá háttur verður hafður á þessu
happdrætti að fyrst verða dregnir út
fimm aukavinningar þann 23. des-
ember en aðrir vinningar verða
dregnir út 17. febrúar n.k.
Þannig geta fallið tveir vinningar á
sama miðann því vinningsnúmerin í
aukadrættinum 23. desember verða
aftur með í aðaldrættinum 17. febrú-
Vinningarnir sem dregnir verða út
þann 23. desember eru tvö mynd-
bandstæki, tvær myndbandsupp-
tökuvélar og ein heimilistölva.
„CABINA“ rúmsamstæðurnar
eftirsóttu fást nú aftur
Dýnustærð: Teak 90x200 cm. Beyki 92x191 cm.
Verð með dýnu kr. 19.500.-
HUSGÖGN OG *
INMRÉTTINGAR co cq
SUÐURL ANDSBR AUT 18 OO Oí/

■ Meðfylgjandi mynd er tekin við Grjótá í Hrófbergshreppi í skoðunar-
ferð hreppsnefndarmanna og Húnboga Þorsteinssonar um fyrirhugað veg-
arstæði. A myndinni eru: Húnbogi Þorsteinsson, skrifst.stj., Brynjólfur
Sæmundsson, oddviti Hólmavíkurhrepps, Kjartan Jónsson, hreppsn.m.
Hólmavík, Halldór Halldórsson oddv. Hrófbergi, Magnús Steingrímsson,
hreppsn.m. Stað, Hrófb.hr.
Sameining Hólmavíkur- og Hrófbergshreppa:
Vegamál í brennidepli
■ Síðastliðinn fimmtudag var
haldinn fundur á Hólmavík um
fyrirhugaða sameiningu Hólma-
víkur- og Hrófbergshreppa. Á
fundinn mætti auk heimamanna,
Húnbogi Þorsteinsson, skrifstofu-
stjóri í Félagsmálaráðuneytinu.
Slæmt vegasamband innan hins
nýja sveitarfélags er helsti þrösk-
uldurinn í sameiningu hreppanna,
en á vetrum er oft ófært úr Hróf-
bergshreppi til Hólmavíkur. Vega-
gerð ríkisins hefur mælt fyrir nýj-
um vegi á þessari leið, og er þá
áætlað að fara yfir svonefnd Fella-
bök þar sem veður eru hörð og snjó-
þyngsli mikil. Þessi nýi vegur verð-
ur einnig tenging Strandavegar við
Steingrímsfjarðarheiði.
Á fundinum á Hólmavík lögðu
heimamenn áherslu á að nýjum
vegi yrði valinn staður meðfram
sjó. Að öðrum kosti væri hætt við
að ekki yrði unnt að halda uppi
daglegum skólaakstri innan nýja
sveitarfélagsins nema með miklum
og kostnaðarsömum snjómokstri.
Börn í Hrófbergshreppi sækja nú
skóla að Klúku í Bjarnarfiðri og
eru þar í heimavist. Eftir samein-
inguna mun Hólmavíkurskóli taka
við þessum börnum og verður dag-
legur akstur þá nauðsynlegur, enda
stutt að fara.
Fyrirhugað er að gefa Hólmvík-
ingum kost á að tjá sig um samein-
ingu hreppanna í almennri at-
kvæðagreiðslu, sem verður í fyrsta
lagi um miðjan febrúar 1986. Stefnt
er að því að kjósa sameiginlega
hreppsnefnd fyrir báða hreppana í
sveitarstjórnarkosningunum í vor.
íbúar í Hólmavíkurhreppi voru
417 1. des. 1984, en 28 í Hrófbergs-
hreppi.
Stefán Gíslason, Hólmavík.
Ljóðasnælda 15skálda
- og Ijóðaf lutningur á vetrarsólstöðum kl. 17
■ Út er komin splunkuný kassetta
sem geymir ljóð fimmtán ljóðskálda
og í tilefni þessara merku tímamóta í
sögu íslenskrar ljóðlistar hefur verið
ákveðið að efna til ljóðaflutnings á
Lækjartorgi á vetrarsólstöðum,
laugardaginn 21. desember kl. 17.
Nokkur þeirra skálda sem eiga
efni á ljóðasnældunni, sem Gramm-
ið gefur út, munu flytja Ijóð sín í
gegnum kraftmikla hátalara yfir jól-
agjafakaupendum. Og það eru þau
Sigfús Bjartmarsson, Jóhamar,
Dagur, Þór, Þorri, Sjón, Einar
Melax, Einar Már og Björk.
En Gyrðir Elíasson, Bragi Olafs-
son, Anton Helgi Jónsson, Steinþór
Linda Vilhjálmsdóttir og Geirlaugui
Magnússon flytja einnig Ijóð á
snældunni en verða flest fjarverandi
á laugardag.
Allir ljóðaunnendur eru hvattir til
að mæta á Lækjartorg og hlýða á
skáldin. Einnig verður hægt að taka
raddir þeirra með sér heim því
snældan verður seld á staðnum
ásamt bæklingi. Ekki er vitað til þess
að svo formlegur Ijóðaflutningur
hafi áður farið fram á Lækjartorgi.
Og þá er bara að biðja um gott
veður...
Þjóðólfur:
Nýr ritstjóri
■ Inga Lára Baldvinsdóttir hef-
ur verið ráðin ristjóri Þjóðólfs á
Selfossi og tekur hún við af Gísla
Sigurðssyni sem ritstýrt hefur
blaðinu í 20 ár.
Inga Lára er cand.mag. í sagn-
fræði og fornleifafræði og hefur
unnið við Þjóðminjasafn Islands.
Hún er jafnframt ritstjori Árbók-
ar Hins íslenska fornleifafélags.
Jólablað Þjóðólfs er komið út
og þar skrifar Gísli Sigurðsson
m.a. kveðjugrein.
Heilsugæslustöðin í Fossvogi fær gjöf
■ Heilsugæslustöðinni í Fossvogi
hefur borist góð gjöf frá Kvennadeild
Reykjavíkurdeildar Rauða kross
íslands. Er hér um að ræða eyrna-
þrýstingsmæli (tympanometer). Slíkt
tæki er ómetanlegt til þess að fylgja
eftir börnum sem fengið hafa eyrna-
bólgu með tilliti til vökva í miðeyra en
slíkt getur valdið heyrnartapi. Einnig
getur tækið hjálpað til að greina dulda
heyrnargalla hjá börnum og fullorðn-
um.
Sjúkraliðar
Sjúkraliða vantar að dvalar- og sjúkradeild Hornbrekku
Ólafsfirði. Umsóknarfrestur til 5. jan. ’86. Upplýsingar
gefur forstöðumaður í síma 96-62480.