Morgunblaðið - 19.10.2004, Síða 4

TVEIR keppendur sem tóku
þátt í maraþonhlaupi í Peking
í Kína létust í miðri keppni og
11 voru fluttir á sjúkrahús en
frá þessu er greint í Peoples
Daily.
Alls tóku 25.000 þátt í
hlaupinu og lést tvítugur há-
skólanemi eftir að hafa hlaup-
ið 17 km., og eldri maður sem
tók þátt í hlaupinu lést einnig.
Margir sem tóku þátt í
hlaupinu kvörtuðu yfir því að
ekki væru nógu margar
drykkjarstöðvar á hlaupaleið-
inni en vegalengdin er um 42
km.
Tveir hlaup-
arar létust
í Peking

SIGURÐUR Þorvaldsson, leik-
maður Snæfells og íslenska lands-
liðsins í körfuknattleik, gerði sér lítið
fyrir og hitti úr öllum 6 tilraunum
sínum fyrir utan 3-stiga línuna í við-
ureign liðsins gegn Íslands- og bik-
armeistaraliði Keflavíkur í fyrra-
kvöld. Sigurður skoraði 22 stig í
87:82 sigri liðsins.

AÐEINS fjórir leikmenn komust á
blað hjá tveimur úrvalsdeildarliðum
í körfuknattleik á sunnudaginn. Nik-
ola Cvjetkovic, Svavar Birgisson og
Bethuel Fletcher skiptu á milli sín
56 stigum fyrir Tindastól af alls 58
stigum liðsins gegn Haukum. Jovan
Zdravevski, Clifton Cook og Ragnar
Steinarsson skiptu á milli sín 70 stig-
um af alls 74 stigum Skallagríms
gegn KR.

HEIMIR Guðjónsson var útnefnd-
ur leikmaður ársins og Emil Hall-
freðsson sá efnilegasti á lokahófi Ís-
landsmeistara FH í knattspyrnu sem
haldið var um nýliðna helgi. Sama
niðurstaða og í kjöri leikmanna úr-
valsdeildar sem kynnt var á lokahófi
KSÍ fyrr í þessum mánuði.

STEFÁN Gíslason var kjörinn
besti leikmaður úrvalsdeildarliðs
Keflavíkur í knattspyrnu á lokahófi
félagsins um síðustu helgi. Ingvi
Rafn Guðmundsson var valinn efni-
legasti leikmaðurinn. Guðný P.
Þórðardóttir var valin besti leik-
maður kvennaliðs félagsins sem
sigraði í 1. deild í sumar, og Mist Elí-
asdóttir var valin sú efnilegasta.

GUNNAR Berg Viktorsson skor-
aði eitt mark og stóð sig einkar vel í
vörninni þegar Kronau/Östringen
vann HSG Gensungen/Felsberg,
32:25, í suðurhluta þýsku 2. deildar-
innar í handknattleik um liðna helgi.
Guðmundur Hrafnkelsson, lands-
liðsmarkvörður, fékk fá tækifæri í
leiknum þar sem Maros Kolpak að-
almarkvörður liðsins er mættur í
slaginn á ný eftir níu mánaða fjar-
veru vegna meiðsla. Kolpak lék að-
eins í síðari hálfleik og varði alls 16
skot. Það er því ljóst að Guðmundur
mun eiga við ramman reip að draga á
næstu mánuðum í samkeppni við
hinn sterka slóvakíska markvörð.

ALEXANDER Shamkuts, fyrr-
verandi línumaður Hauka, skoraði
eitt mark þegar Stralsunder vann
Bernburg, 26:19, í norðurhluta
þýsku 2. deildarinnar í handknatt-
leik. Stralsunder er í efsta sæti
deildarinnar með 12 stig að loknum
sjö leikjum.

RAFAL Ulatowski, knattspyrnu-
þjálfari frá Póllandi, sem hefur verið
aðstoðarþjálfari Þróttar í Reykjavík
undanfarin ár, hefur tekið við starfi
aðstoðarþjálfara hjá pólska félaginu
Lech Poznan. Lið hans er í níunda
sæti í efstu deild í Póllandi.
FÓLK
FINNLAND gerði sér lítið fyrir og
sigraði Rússland nokkuð óvænt,
1:0, í fyrri úrslitaleik þjóðanna um
sæti í úrslitakeppni Evrópumóts
kvennalandsliða í knattspyrnu sem
fram fór í Jakobstad í Finnlandi á
laugardaginn. Laura Kalmari, leik-
maður Umeå í Svíþjóð, skoraði eina
mark leiksins. Liðin mætast aftur í
Moskvu á morgun. Rússar urðu fyr-
ir ofan Íslendinga í riðlakeppninni
sem lauk í haust.
Ísland mætir Noregi í sömu
keppni 10. og 13. nóvember og
Ítalía leikur við Tékkland. Sig-
urvegararnir þrír komast í úr-
slitakeppnina í Englandi ásamt
Frökkum, Svíum, Dönum, Þjóð-
verjum og Englendingum.
Þær finnsku
lögðu
Rússa SAM Allardyce, knattspyrnustjóri enska úrvalsdeildarliðs-ins Bolton, hefur framlengt samning sinn við félagið um
fimm ár en félagið er sem stendur í fjórða sæti deild-
arinnar. Phil Gartside, stjórnarformaður félagsins, til-
kynnti í gær að Allardyce hefði samið á ný við félagið en
hann hefur stjórnað liðinu undanfarin fimm ár og svo
skemmtilega vildi til að hann heldur upp á fimmtugs-
afmælið um þessar mundir.
„Við sögðum að það tæki félagið 10 ár að festa sig í sessi í
efri hluta deildarinnar. Og Allardyce sagði við mig fyrir 5
árum að hann vildi hætta með liðið þegar hann væri 55 ára
gamall. En ég er viss um að honum snýst hugur eftir fimm
ár til viðbótar og heldur áfram að vinna hjá félaginu,“
sagði Gartside.
Allardyce kom til liðsins frá Notts County árið 1999 og
félagið tryggði sér sæti í úrvalsdeild á næstu leiktíð með
því að vinna Preston í umspili í Cardiff.
Á síðustu leiktíð lék liðið til úrslita í deildabikarkeppn-
inni gegn Middlesbrough en á undanförnum misserum hef-
ur liðið náð góðum árangri í úrvalsdeildinni en Bolton telst
ekki vera stórt félag á enskum mælikvarða. Sam Allardyce
Allardyce samdi við
Bolton á ný
Grace Park frá S-Kóreu var meðþriggja högga forskot á Sör-
enstam fyrir síðasta hringinn en hin
34 ára gamla Sörenstam náði að
jafna við Park með því að vippa ofaní
á 15. holu þar sem hún fékk örn eða
tvo undir pari.
Þetta er fimmti sigur Sörenstam á
þessu keppnistímabili og alls hefur
hún landað 54 sigrum á ferli sínum til
þessa.
„Ég sagði við sjálfan mig að líklega
væri þetta erfiðara högg en ég hélt í
fyrstu,“ sagði Sörenstam er hún lýsti
vippinu sem sneri taflinu henni í vil á
lokadeginum. „Boltinn þurfti að rúlla
niður í móti og ég hafði ekki lesið
brotið í flötunum nógu vel fram að
þessu höggi. Ég var að hugsa um að
ná fugli þannig að niðurstaðan kom
mér skemmtilega á óvart.“ Sörens-
tam lék síðari 9 holur vallarins á 32
höggum og samtals á 5 undir pari eða
67 höggum sem var besta skor loka-
dagsins. „Það er alltaf sérstakt að
koma á óvart á lokadegi – og maður
verður að leika vel til þess að eiga
möguleika gegn 20 bestu kvenkylf-
ingum heimsins,“ sagði Sörenstam
en hún býr rétt við völlinn og þekkir
því aðstæður nokkuð vel.
Park hafði leikið gríðarlega vel
fyrstu þrjá dagana en hún lék á 62
höggum fyrsta keppnisdaginn en
hún hefur aðeins unnið eitt mót á
keppnistímabilinu. En átta sinnum
hefur hún endað í öðru eða þriðja
sæti. „Ég er gríðarlega ósátt við
hvernig ég lék á síðustu holunum. Ég
náði ekki að gera það sem gera þurfti
á meðan Sörenstam gerði engin mis-
tök,“ sagðin Park en hún lék á 73
höggum síðasta daginn og var þrjá
yfir pari á síðustu 6 holum keppn-
innar.
Annika Sörenstam
var með stáltaugar
SÆNSKI kylfingurinn Annika
Sörenstam náði að landa sigri á
óopinberu heimsmeistaramóti
atvinnukvenna í golfi, Samsung
World Championship, sem lauk
á sunnudaginn í Palm Desert í
Bandaríkjunum.
Reuters
Annika Sörenstam sýndi mikinn styrk á mótinu í Palm Desert í Bandaríkjunum.