Morgunblaðið - 19.11.2004, Blaðsíða 1

2004
FÖSTUDAGUR 19. NÓVEMBER BLAÐ B
B L A Ð A L L R A L A N D S M A N N A
KEFLAVÍK TAPAÐI FYRIR BAKKEN BEARS MEÐ EINU STIGI /B4
WAYNE Rooney, hinn ungi sóknarmaður enska
landsliðsins í knattspyrnu, bað Sven Göran Er-
iksson landsliðsþjálfara og Alan Smith, félaga
sinn hjá Manchester United, afsökunar á fram-
komu sinni í leik Englands og Spánar í fyrra-
kvöld. Rooney reiddist mjög þegar Eriksson
skipti honum af velli undir lok fyrri hálfleiks,
en með því forðaði sænski þjálfarinn honum
vafalítið frá því að fá rauða spjaldið. Hinn 19
ára gamli Rooney strunsaði af velli, tók ekki í
höndina á Alan Smith, sem kom inn á í hans
stað, og kórónaði framkomu sína með því að
rífa af sér sorgarbandið og grýta því í jörðina.
Leikmenn Englands báru sorgarbönd til að
minnast Emlyn Hughes, fyrrum fyrirliða enska
landsliðsins, sem lést á dögunum.
Eriksson staðfesti í gær að Rooney hefði beð-
ið sig og Smith afsökunar strax eftir leikinn.
Rooney baðst
afsökunar
Til stóð að landsliðið færi til Svissog léki þar æfingaleiki fyrir
mótið í Póllandi en hætt var við það.
„Það kom á daginn að stelpurnar
gátu illa verið svona lengi frá vinnu
og skóla og nokkrar gáfu ekki kost á
sér vegna þess,“ sagði Stefán í sam-
tali við Morgunblaðið í gær.
Hann valdi liðið í gær og í því eru
markverðirnir Helga Torfadóttir,
Haukum, og Sóley Halldórsdóttir frá
Gróttu/KR. Aðrir leikmenn eru:
Dagný Skúladóttir og Jóna M. Ragn-
arsdóttir frá Weibern, Hanna G.
Stefánsdóttir og Ragnhildur Guð-
mundsdóttir úr Haukum, Ásdís Sig-
urðardóttir og Kristín Guðmunds-
dóttir frá Stjörnunni eins og Kristín
Clausen. Hrafnhildur Skúladóttir,
Århus, Drífa Skúladóttir, Berlín,
Guðrún D. Hólmgeirsdóttir og
Gunnur Sveinsdóttir, FH, Ágústa
Björnsdóttir, Val, Anna Úrsúla Guð-
mundsdóttir, Gróttu/KR, og Eva
Hlöðversdóttir, ÍBV.
Fyrsti leikur liðsins verður við
Slóvakíu á þriðjudaginn, síðan mætir
það Litháen á miðvikudaginn, Make-
dóníu á fimmtudaginn, Tyrklandi á
föstudag og Pólverjum á sunnudag-
inn.
„Markmiði hjá okur er að við ætl-
um að reyna að spila eins vel og við
getum, en vitum að þetta verður
geysilega erfitt enda mjög sterkar
þjóðir þarna. Makedónía vann til
dæmis Þýskaland á dögunum í öðr-
um leiknum af tveimur, Litháen tap-
aði með einu marki fyrir Austurríki,
sem er gríðarlega sterk þjóð, Pól-
verjar töpuðu naumlega fyrir Spáni
og Slóvenar rétt töpuðu fyrir Serbíu.
Það er því alveg ljóst að þetta
verður gríðarlega erfitt en vonandi
lærdómsríkt fyrir okkur,“ sagði
Stefán.
HANDKNATTLEIKSMAÐURINN Patrekur Jó-
hannesson fór í aðgerð á hægra hné á sjúkrahúsi í
Brimum í Þýskalandi í fyrradag, en hann hefur ekki
getað leikið af fullum krafti með GWD Minden á leik-
tíðinni vegna brjóskeyðingar og skemmdar í liðþófa.
„Þetta var fyrst og fremst skoðun og hún gekk vel. Við
erum bjartsýn á að í framhaldinu geti Patrekur farið
að leika á fullri ferð,“ sagði Rakel Guðnadóttir, eig-
inkona Patreks, í samtali við Morgunblaðið í gær.
Að sögn Rakelar var liðþófinn í hægra hnénu verr
farinn en talið var en eigi að síður gefi aðgerðin von til
bjartsýni. „Í skoðuninni var reynt að laga liðþófann og
við vonum að það hafi tekist, að minnsta kosti er það
þess virði að reyna,“ sagði Rakel sem reiknar með að
Patrekur verði frá keppni í þrjár til sex vikur af þess-
um sökum.
Aðgerðin í fyrradag var gerð af dr. Pieper, lækni í
Brimum, en hjá honum var Patrekur í aðgerð 1998
þegar hann sleit krossband í þessu sama hné. Brjósk-
eyðingin sem Patrekur glímir við nú er rakin til kross-
bandaslitsins fyrir sex árum.
Patrekur hefur lítið sem ekkert getað æft síðustu
mánuði og hefur orðið, þótt sárkvalinn sé, að leika með
GWD Minden þar sem leikmannahópurinn er fámenn-
ur. Þegar upp komst um hversu alvarleg meiðsli Pat-
reks voru í haust var talið að hann yrði fljótlega að
leggja skóna á hilluna en Rakel segist vonast til að með
þessari aðgerð geti Patrekur leikið eitthvað lengur.
Patrekur
frá keppni
í þrjár til
sex vikur
„ÞETTA var gaman, fyrsti leik-
urinn í byrjunarliði landsliðsins og
þetta gekk betur en ég átti von á,“
sagði Hreiðar Guðmundsson, mark-
vörður, sem varði alls 18 skot á 50
mínútum gegn Ungverjum og mörg
þeirra af stuttu færi í sigurleiknum
á heimsbikarmótinu í gær, 33:29.
„Þetta er í raun það mesta sem
ég hef spilað frá því mars árið 2003
og ég er því mjög sáttur við þessa
útkomu. Það var að sjálfsögðu að-
alatriðið að vinna,“ sagði Hreiðar.
Skoðuðu myndband
af leikjum Ungverja
Hreiðar sagði að hann og Roland
Eradze hefðu skoðað myndband
frá leikjum með Ungverjum og
kortlagt skyttur liðsins. „Það gekk
í raun eftir en við sáum að þeir
skjóta oftast í fjærhornið. Ég tók
því áhættuna og var mættur í horn-
ið. Það gekk stundum upp og
stundum ekki. Eftir á að hyggja þá
var ég of fljótur á mér í nokkrum
skotum og hefði átt að verja fleiri
bolta frá þeim.“
Hreiðar mátti vart vera að því að
tala umkringdur stórum hópi
sænskra barna sem vildu að hann
krotaði nafnið sitt á blað fyrir þau.
„Við dvöldum ekki lengi yfir
Frakkaleiknum og það er í raun
ágætt að stutt er á milli leikja.
Maður hefur ekki tíma til þess að
velta sér upp úr því sem illa fer. Og
við erum búnir að brjóta ísinn –
fyrsti sigur okkar undir stjórn Vig-
gós.“
Ljósmynd/Borlänge tidning
Ásgeir Örn Hallgrímsson skýtur að marki Ungverja en Guyla Gál reynir að stöðva hann. Ísland vann mjög öruggan sig-
ur á Ungverjum, 33:29, og leikur gegn Króötum í keppninni um 5.–8. sæti heimsbikarmótsins á morgun.
Erum búnir að
brjóta ísinn
Einn nýliði valinn í
kvennalandsliðið
ÍSLENSKA kvennalandsliði í handknattleik heldur til Póllands á
sunnudaginn þar sem það tekur þátt í forkeppni að undankeppni
heimsmeistaramótsins. Einn nýliði er í landsliðshópi Stefáns Arnar-
sonar þjálfara, hornamaðurinn Kristín Clausen úr Stjörnunni. Leikið
verður við Litháen, Makedóníu, Pólland, Slóvakíu og Tyrkland. Tvær
efstu þjóðirnar komast í undankeppni sem fram fer í júní á næsta ári.