Morgunblaðið - 19.11.2004, Blaðsíða 3

ÍÞRÓTTIR
MORGUNBLAÐIÐ FÖSTUDAGUR 19. NÓVEMBER 2004 B 3
ða að
. Ég
þó í
ð eru
n við
jum.
num
liðið
ðum
und-
rfum
gegn
gum
þurf-
yttur
n því
r svo
ymdi
vildi
na til
s og
liðið
strik
i
ENGLENDINGAR krefjast þess að gripið verði til rót-
tækra aðgerða gagnvart kynþáttahatri á knattspyrnu-
leikjum, í kjölfarið á skammarlegri framkomu
spænskra áhorfenda í garð enskra leikmanna í vikunni.
Þeldökkir leikmenn Englands urðu fyrir aðkasti í leik
21 árs landsliða þjóðanna á þriðjudag og aftur þegar A-
landsliðin mættust á miðvikudag.
Richard Caborn, íþróttamálaráðherra Bretlands,
skrifaði í gær Alþjóðaknattspyrnusambandinu, FIFA,
og krafðist aðgerða. Hann sagði við breska fjölmiðla í
gær að dómarar ættu að hafa vald til að flauta leiki af,
ef áhorfendur láta í ljós kynþáttafordóma. Dæmi er um
slíkt í Hollandi en þar hætti dómarinn Rene Timmink
leik á milli Den Haag og PSV Eindhoven fyrir skömmu.
Jermaine Jenas, leikmaður Englands, sagðist aldrei
hafa upplifað annað eins. „Ég hef orðið fyrir áreiti áð-
ur, í leikjum með Newcastle í Evrópukeppni, en það
var ekkert þessu líkt. Ashley Cole og Shaun Wright-
Phillips voru mjög slegnir yfir þessu, eins og í raun lið-
ið í heild. Þetta kom mér geysilega á óvart, ég áttaði
mig ekki á því að Spánverjar væru svona,“ sagði Jenas.
„Það er alveg ljóst að ef enskir áhorfendur hefðu
gert sig seka um hegðun á borð við þessa hefði okkur
verið refsað harkalega og verið vísað úr öllum mótum,“
sagði Gary Neville, enski landsliðsmaðurinn.
Spænskir fjölmiðlar taka misjafnlega á málinu og
flestir gera lítið úr því, kalla það storm í vatnsglasi eða
lélegar afsakanir Englendinga fyrir tapinu, 1:0. Í dag-
blaðinu El Pais kveður þó við annan tón. „Knattspyrn-
an hefur mikilvægu hlutverki að gegna í samspili
ólíkra kynþátta sem byggja England og þess vegna eru
Englendingar viðkvæmir fyrir svona framkomu. Luis
Aragones (landsliðsþjálfari Spánar) hratt þessu af stað
með ummælum sínum um Thierry Henry. Það var rétt
af enska knattspyrnusambandinu að kvarta til UEFA
og FIFA, en eins og vanalega eru viðbrögð spænska
knattspyrnusambandsins léleg. Það þarf einhver að
hafa hemil á Luis Aragones áður en verra hlýst af.
Þetta mál hefur skaðað ímynd spænskrar knatt-
spyrnu,“ skrifaði dálkahöfundur El Pais í gær.
Englendingar vilja að FIFA grípi
til aðgerða gagnvart Spánverjum
JALIESKY Garcia
lék ekki með íslenska
liðinu gegn Ungverj-
um í gær í Borlänge
og enn fremur hvíldu
Einar Örn Jónsson
og Birkir Ívar Guð-
mundsson í gær.
Garcia var undir
miklum þrýstingi frá
félagsliðinu sínu,
Göppingen, að koma
til baka til Þýska-
lands en hann átti við
smávægileg meiðsli að stríða í
hné. Vildu forsvarsmenn liðsins
ekki taka neina áhættu á að hann
myndi koma meiddur til baka frá
heimsbikarmótinu, World Cup.
Samkvæmt heimildum Morg-
unblaðsins er Garcia í loka-
viðræðum við félagið um þriggja
ára samning en hann lék með lið-
inu á síðustu leiktíð
eftir að hafa leikið
með HK úr Kópavogi
í nokkur ár. Hann
fékk íslenskt rík-
isfang fyrir Evr-
ópumeistaramótið í
Slóveníu fyrir rétt
rúmu ári síðan.
Garcia flaug frá Bor-
länge til Gautaborg-
ar í gærmorgun og
fór þaðan til Frank-
furt.
Það eru því 16 leikmenn í ís-
lenska landsliðshópnum þessa
stundina en Ingimundur Ingi-
mundarson var kallaður inn í
hópinn rétt áður en liðið hélt til
Svíþjóðar en hann hefur fengið
tækifæri í tveimur síðustu leikj-
um liðsins eftir að hafa hvílt í
fyrsta leiknum gegn Þjóðverjum.
Jaliesky Garcia í við-
ræðum við Göppingen
ÍR-ingurinn varði alls 18 skot í leikn-um og mörg hver úr dauðafærum.
Ísland mætir heimsmeistara- og Ól-
ympíumeistaraliði
Króatíu á morgun í
Gautaborg í keppni
um 5.–8. sætið. Það
lið sem vinnur þann
leik leikur úrslitaleik um 5. sætið á
sunnudag, einnig í Gautaborg.
Varnarleikur og góð markvarsla er
lifibrauðið í alþjóðlegum handknatt-
leik og hið unga lið Íslands náði góð-
um skorpum á því sviði gegn Ung-
verjum. Vörnin var leikin framarlega,
3:3, og sóknarmönnum Ungverja
beint út í hornin þar sem þeir fengu
þá tækifæri til þess að spreyta sig
gegn Hreiðari markverði. Vörnin
krefst þess að leikmenn liðsins vinni
saman og í gær var samvinnan mun
betri en gegn Frökkum í Ludvika á
miðvikudaginn. Þar sem Frakkarnir
fengu að valsa í gegnum vörnina, einn
gegn einum. Þessi staða kom ekki upp
mörgum sinnum í gær, ávallt var
mættur annar varnamaður til þess að
hjálpa og var gaman að fylgjast með
ákefðinni í vörn liðsins. Ungverjar
áttu margoft í erfiðleikum að vinna
sig í gegnum vörn íslenska liðsins og
lentu í vandræðum með að ljúka sókn-
um sínum með góðum skotum.
Hreiðar varði 3 skot í upphafi leiks
og sýndi góð tilþrif það sem eftir lifði
leiksins. Hann varði vítakast og mörg
skot sem tekin voru af stuttu færi.
Góð innkoma hjá stráknum í þessu
móti og það verður gaman að sjá
hvort hann fái tækifæri í næstu leikj-
um. Hann á það skilið að mínu mati.
Í sókn bar mest á Róberti Gunn-
arssyni línumanni, sem skoraði alls 11
mörk og þar af 4 úr vítaköstum. Bar-
áttan og leikgleðin skín af Róberti og
hann hefur þann eiginleika að geta
staðsett sig á réttum stöðum er bolt-
inn hrekkur af markverði eða er í
einskismanns landi. „Ryksuga“
myndi einhver segja og Róbert hefur
komið allra mest á óvart í þeim þrem-
ur leikjum sem liðið hefur leikið til
þessa. Hraðaupphlaupin komu loks
fram á sjónarsviðið hjá íslenska lið-
inu. Guðjón Valur Sigurðsson kom
inn í liðið á ný eftir að hafa hvílt gegn
Frökkum. Guðjón Valur skoraði 4
mörk úr hraðaupphlaupum, Þórir
Ólafsson var einnig með 4 slík mörk.
Knötturinn var mun fyrr sendur á
rétta staði á vellinum og allt annað að
sjá til liðsins.
Fyrir vikið voru skyttur íslenska
liðsins ekki eins áberandi og í fyrstu
tveimur leikjunum þar sem fá mörk
voru skoruð úr hraðaupphlaupum.
Ingimundur Ingimundarson var ógn-
andi í stöðu hægri skyttu og er sér-
lega lunkinn í gegnumbrotunum.
Arnór Atlason fékk tækifæri fyrir ut-
an sem skytta og leikstjórnandi og er
gott til þess að vita að hann getur leik-
ið á miðjunni. Og verið ógnandi sem
skytta um leið. Einar Hólmgeirsson
nýtti færin sín ekki nógu vel, var
reyndar í stöðu hægri hornamanns
um tíma. Markús Máni Michaelsson
hóf leikinn en var ekki nógu skotviss
og brenndi af upplögðum færum og
fengu Ingimundur og Arnór því tæki-
færi að spreyta sig í þeirri stöðu.
Snorri Steinn Guðjónsson og Dagur
Sigurðsson léku sem leikstjórnendur
til skiptis og stjórnuðu leik liðsins af
röggsemi en þeir hafa ekki náð að láta
að sér kveða sem markaskorarar. Af
þessum leik má ráða að íslenska liðið
sé smátt og smátt að taka á sig nýja
mynd. Leikstíll liðsins er annar en áð-
ur, leikmenn liðsins eru aðrir en áður
og nýr þjálfari er með allt aðrar
áherslur.
Ljósmynd/Borlänge tidning
ngverjum í gær og skoraði 11 mörk. Hér er eitt þeirra í uppsiglingu.
Ungverjar reynd-
ust engin hindrun
ÍSLENSKA landsliðið vann fyrsta leik sinn undir stjórn Viggós Sig-
urðssonar í gær er liðið hafði tögl og hagldir gegn Ungverjum í síð-
asta leik riðlakeppninnar á heimsbikarmótinu í handknattleik,
World Cup, í Borlänge í Svíþjóð. Varnarleikur liðsins og markvarsla
Hreiðars Guðmundssonar lögðu grunninn að mörgum hraðaupp-
hlaupum og var allt annað að sjá til liðsins eftir 38:29 tapið gegn
Frökkum. Ísland skoraði 33 mörk gegn 29 mörkum Ungverja í gær,
þar bar mikið á línumanninum Róberti Gunnarssyni sem skoraði 11
mörk þar af 4 úr vítaköstum og Hreiðar Guðmundsson hélt upp-
teknum hætti frá því í síðari hálfleik gegn Frökkum.
Sigurður Elvar
Þórólfsson
skrifar frá
Svíþjóð
Fyrsti sigur landsliðsins í handknattleik undir stjórn Viggós Sigurðssonar

 


  


  






  



!
" 


#
$ % &'
( 

)*)

+ 

  


RÓBERT Gunnarsson var útnefnd-
ur besti maður íslenska liðsins gegn
Ungverjum líkt og í fyrsta leiknum
gegn Þjóðverjum á þriðjudag. Róbert
hefur fengið „fullt hús“ á þessu sviði
því ekki var tilkynnt um val á manni
leiksins eftir viðureignina gegn
Frökkum í Ludvika á miðvikudaginn.
Skipuleggjendur leiksins gleymdu
hreinlega að taka slíkt með í reikning-
inn.

LÁZLÓ Skaliczky er afar virkur á
hliðarlínunni sem þjálfari Ungverja,
en hann hefur út á flest að setja sem
dómararnir hafa fram að færa. Skal-
iczky lét öllum illum látum í Ludvika
er Ungverjar voru teknir í kennslu-
stund af Þjóðverjum í fyrri hálfleik og
lamdi hann af og til af krafti í auglýs-
ingaskilti sem var fyrir aftan vara-
mannabekk liðsins. Hann vakti ekki
lukku hjá blaðamönnum sem þar sátu
enda voru fartölvur þeirra í hættu er
Skaliczky lét til skarar skríða.

ÞAÐ var ágætlega mætt á báða
leiki gærkvöldsins í Borlänge, og var
hópur þýskra stuðningsmanna áber-
andi. Þeir voru með fána, málaðir í
framan í fánalitunum og með „söng-
vatnið“ meðferðis.

STÆRSTI hluti áhorfenda í Bor-
länge eru ungir handknattleiksiðk-
endur sem eru duglegir við að safna
eiginhandaráritunum hjá leikmönn-
um. Eftir leikina eru leikmenn lengi
að komast af vellinum og í búnings-
herbergin þar sem unga kynslóðin
tefur för þeirra með óskum um eig-
inhandaráritun.

MILAN Baros, tékkneski sóknar-
maðurinn, leikur ekki með Liverpool
næstu þrjár til sex vikurnar og er því
jafnvel frá keppni til áramóta. Baros
reif vöðva í læri í leik Tékka gegn
Makedóníu í undankeppni HM í
knattspyrnu í fyrrakvöld. Þar með
eru Neil Mellor og Florent Sinama-
Pongolle einu sóknarmennirnir sem
eru til taks hjá Liverpool næstu vik-
urnar.

VÅLERENGA, lið Árna Gauts
Arasonar, vonast eftir því að fá Tore
Andre Flo, norska landsliðsmiðherj-
ann, í sínar raðir fyrir næsta tímabil.
Flo leikur með Siena á Ítalíu en hefur
lítið sem ekkert fengið að spila og hef-
ur gefið til kynna að hann gæti alveg
eins snúið heim til Noregs. Våler-
enga missti af norska meistaratitlin-
um á einu marki í haust og hyggst
styrkja hópinn og freista þess að ná
titlinum úr höndum Rosenborg.

LANDON Donovan, leikmaður San
Jose Earthquakes, var í gær valinn
knattspyrnumaður ársins í Banda-
ríkjunum, þriðja árið í röð. Donovan,
sem er aðeins 22 ára, skoraði 5 mörk
fyrir bandaríska landsliðið í ár og tók
við stöðu fyrirliða. DaMarcus Beasl-
ey, miðjumaður PSV Eindhoven,
varð annar og Carlos Bocanegra,
varnarmaður Fulham, varð þriðji.
FÓLK
rra
Jaliesky Garcia