Morgunblaðið - 01.12.2004, Blaðsíða 4

FÓLK

BJARNI Þór Viðarsson lék allan
leikinn með varaliði Everton sem
gerði 1:1 jafntefli við WBA í fyrra-
kvöld. WBA jafnaði metin á lokamín-
útunni með marki Ronnie Wollwork,
fyrrum leikmanns Manchester Unit-
ed, á lokamínútunni.

LUCAS Molina, einn efnilegasti
knattspyrnumarkvörður Argentínu,
lést úr hjartaáfalli á sunnudag, aðeins
tvítugur að aldri. Molina var vara-
markvörður Independiente, síðast í
deildaleik á föstudag, en unnusta
hans kom með hann á sjúkrahús á
sunnudag og þá var hann úrskurðað-
ur látinn. Molina hafði leikið með öll-
um yngri landsliðum Argentínu.

JESPER Grønkjær viðurkennir að
hafa ekki leikið eins og vel og hann
getur síðan hann gekk til liðs við
Birmingham frá Chelsea í sumar.
M.a. gagnrýndi Steve Bruce knatt-
spyrnustjóri framgöngu hans í viðtali
við Sky á dögunum. Grønkjær hefur
beðið stuðningsmenn Birmingham að
sýna sér þolinmæði á meðan hann
sækir í sig veðrið og kemur sér betur
inn í leikskipulag liðsins.

DANINN knái er í spænskum fjöl-
miðlum sterklega orðaður við Atlet-
ico Madrid og að hann gangi í raðir
liðsins þegar opnað verður fyrir fé-
lagaskipti í janúar.

KYLFINGURINN Greg Norman
frá Ástralíu, eða „hvíti hákarlinn“
eins og hann er kallaður, býst við því
að landi hans Adam Scott muni nái
hæstu hæðum í keppni þeirra bestu á
næsta tímabili. Norman er 49 ára og
var á árum áður í efsta sæti heimslist-
ans nokkur misseri í röð, en hann
mun taka þátt í ástralska PGA-meist-
aramótinu sem hefst á fimmtudag.

NORMAN segir að hinn 24 ára
Scott muni vinna 3–4PGA mót á
næsta tímabili. „Sjálfstraustið er mun
meira hjá honum þessa dagana, lík-
amlegi og andlegi þátturinn hafa ver-
ið að vaxa. Hann er einfaldlega mun
betri en hann var fyrir 2–3 árum.
Hann sýndi hvað í honum býr á meist-
aramóti atvinnukylfinga sem fram fór
í Flórída í mars á þessu ári,“ segir
Norman. En þar sló Scott í vatn við
18. flöt en náði að bjarga málunum og
vann sér inn rúmar 100 millj. kr.

SCOTT vann tvívegis á PGA-móta-
röðinni og var sjö sinnum í einu af 10
efstu sætunum, en hann lék aðeins í
17 mótum. Á árinu vann Scott sér inn
tæplega 250 millj. kr.
Norman sá til þess að Scott fengi far
með sér frá Bandaríkjunum til Ástr-
alíu en Norman ferðast um í einka-
þotu – samkvæmt venju.

VENIO Losert, markvörður heims-
og ólympíumeistara Króata í hand-
knattleik, hefur gengið til liðs við
spænska liðið Portland San Antonio.
Losert, sem hefur verið á lausum kili
síðan samningur hans við Granolles
rann út, er ætlað að fylla skarð Vlad-
imir Rivero sem lést í síðustu viku.

OLA By Rise fyrrverandiþjálfari
norska meistaraliðsins Rosenborg
hefur gefið norska knattspyrnusam-
bandinu afsvar hvað varðar þjálfun
kvennalandsliðs Noregs. By Rise var
sagt upp störfum áður en keppnis-
tímabilinu lauk í Noregi en engu að
síður fékk hann að klára tímabilið og
gerði Rosenborg að meisturum –13.
árið í röð.

ENSKA úrvalsdeildarliðið Charl-
ton hefur farið fram á byggingarleyfi
vegna stækkunar á áhorfendastúku á
The Valley, heimavelli félagsins. Eft-
ir stækkunina geta 30.900 áhorfendur
séð leiki liðsins. Að auki hefur félagið
sótt um leyfi til þess að endurbyggja
æfingasvæði félagsins. Í fyrstu verð-
ur austurhlið og suðaustur hornið á
The Valley stækkað en völlurinn tek-
ur 26.875 áhorfendur. Hins vegar eru
uppi áform um að stækka áhorfenda-
stúkur vallarins enn frekar og þegar
því verki verður lokið geta 40.600
áhorfendur séð leiki liðsins.
MARTIN Jol, knattspyrnustjóri
Tottenham, ræddi við framherjann
Jermain Defoe fyrir leik liðsins
gegn Middlesbrough á sunnudag og
bað hinn 22 ára gamla framherja að
halda aftur af sér ef svo færi að
hann myndi skora mark.
Jol átti þar við þann sið leik-
mannsins að fara úr keppnistreyj-
unni en samkvæmt reglum fær leik-
maður gult spjald fyrir slíkt.
Enski landsliðsmaðurinn var fyrir
leikinn búinn að fá 4 gul spjöld á
leiktíðinni og átti það á hættu að
vera úrskurðaður í leikbann fengi
hann eitt til viðbótar.
Á 48. mínútu skoraði Defoe og fór
að sjálfsögðu úr keppnistreyjunni í
fimmta sinn á keppnistímabilinu en
á nærbolinn hafði hann skrifað af-
mæliskveðju til unnustu sinnar.
„Þetta var auðvitað alveg magn-
að. Við töluðum við hann fyrir leik-
inn, minntum á það sem ekki mætti
gera en samt sem áður valdi hann
að fara úr treyjunni,“ sagði Jol við
enska fjölmiðla eftir leikinn sem
Tottenham vann 2:0.
Defoe hefur verið mikið í um-
ræðunni í London þar sem hann hef-
ur verið sagður efstur á inn-
kaupalista grannaliðsins Chelsea
frá London. En það eru aðeins 10
mánuðir frá því hann var keyptur
frá West Ham og við hann var gerð-
ur samningur til fimm ára. Leik-
maðurinn hefur hins vegar farið
fram á að launalið samningsins
verði
breytt og launin hækkuð. En for-
svarsmenn liðsins hafa ekki tekið
undir þær óskir leikmannsins.
Defoe verður í leikbanni 11. desem-
ber gegn Manchester City á útivelli.
Jermain Defoe hlustaði ekki á Jol
Að sögn Einars Þorvarðarsonar,framkvæmdastjóra HSÍ, voru
formönnum handknattleiksdeilda
kynntar þær hugmyndir sem upp
hafa komið og málin rædd, enda vilja
menn vanda til verka.
„Við ræddum þessi mál og kynnt-
um þau fyrir formönnum félaganna
þannig að þeir geti farið vel yfir mál-
in áður en lengra er haldið,“ sagði
Einar. Hann sagðist eiga von á að
málið yrði skoðað áfram, trúlega eitt-
hvað fram á næsta ár áður en til þess
kæmi að ræða það á opinberum vett-
vangi.
Svo virðist sem mörgum forráða-
mönnum félaganna finnist hugmynd-
irnar, sem nú er unnið út frá, mjög
frambærilegar og til bóta miðað við
það fyrirkomulag sem nú er á deild-
arkeppninni í handknattleik.
Jóhannes Bjarnason, þjálfari KA,
segir að sér líki stöðugt betur og bet-
ur við þessar hugmyndir, eftir því
sem hann skoði þær betur. „Það er
ekkert launungarmál að ég hef verið
á móti þessu fyrirkomulagi sem nú
er. Raunar er fyrirkomulagið í ár
skárra en í fyrra fyrir landsbyggð-
arfélögin, en ég hef alltaf sagt að fyr-
ir hinn almenna handknattleiks-
áhugamann þurfi fyrirkomulagið að
vera einfalt og auðskiljanlegt og það
virðist mér nýju hugmyndirnar
vera,“ sagði Jóhannes.
Tíu liða deild
Núverandi keppnisfyrirkomulag á
Íslandsmóti karla verður að öllum
líkindum lagt af frá með næsta
keppnistímabili – samkvæmt heim-
ildum Morgunblaðsins.
 Uppi eru hugmyndir um að 10 lið
skipi efstu deild karla þar sem leikin
verður tvöföld umferð og úrslita-
keppnin lögð af í þeirri mynd sem
hún er í dag.
 Einnig hefur verið nefnt að breyta
keppnisfyrirkomulagi bikarkeppn-
innar og að 8 liða úrslit bikarkeppn-
innar fari fram að loknu Íslands-
mótinu. Rætt er um að hafa
bikarkeppnina með þeim hætti að
leikið verði á heima- og útivelli en úr-
slitaleikurinn fari fram í Laugardals-
höll samkvæmt venju.
 Einnig stendur til að reyna að
koma upp allt að þremur deildum í
karlaflokki og yrðu b-lið þeirra fé-
laga sem nú taka þátt á Íslands-
mótinu með í b-liða keppni í 2. deild.
 Einnig er horft til þess að koma
upp svæðisbundinni deild sem væri
þá 3. deild, og tæki við því hlutverki
sem utandeildin hefur þessa stund-
ina.
Það er mat þeirra sem standa að
íslenskum handknattleiksliðum að
hinn almenni áhorfandi hafi ekki
áhuga á því keppnisfyrirkomulagi
sem tekið var upp fyrir ári.
Í dag er leikið í tveimur riðlum,
norður- og suðurriðli, og að þeirri
keppni lokinni er deildinni skipt upp í
tvær deildir, úrvalsdeild með átta lið-
um, og 1. deild, með sex liðum. Síðan
tekur við úrslitakeppni átta liða. Af-
leit aðsókn hefur verið á marga kapp-
leiki það sem af er vetri og er vilji til
þess að fara „þýsku leiðina“ en Þjóð-
verjar lögðu úrslitakeppnina af eftir
aðeins eitt keppnistímabil. Leika nú
tvöfalda umferð, heima og heiman,
erins og var hér á landi á árum áður –
áður en úrslitakeppnin var tekin upp.
Með þessu fyrirkomulagi skapast
heimavallastemmning hjá liðinum,
þar sem allir leikir telja í baráttunni
um Íslandsmeistaratitlinn.
Heimildarmaður Morgunblaðsins
segir að þeir aðilar sem hafi sam-
þykkt núverandi mótafyrirkomulag
á Íslandsmóti karla séu margir
hverjir farnir að gagnrýna hvernig
málunum sé háttað. Og því verði að
grípa í taumana nú þegar.
Handknattleiksmenn skoða mögulegar breytingar á Íslandsmóti
Tíu liða efsta deild og
úrslitakeppnin lögð af
Morgunblaðið/Golli
Bjarni Fritzson, fyrirliði ÍR, skorar í leik gegn Haukum í bikarleik á Ásvöllum, sem ÍR vann.
FORMENN handknattleiks-
deilda félaga víðs vegar af land-
inu hittust í Fagralundi í Kópa-
vogi um helgina og þar voru
ræddar hugmyndir um breyt-
ingar á fyrirkomulagi deilda-
keppninnar hér á landi. Talsverð
óánægja hefur verið með það
fyrirkomulag sem nú er notað
og því hafa menn velt fyrir sér
öðrum hugmyndum og munu
væntanlega leggja slíkar hug-
myndir fyrir ársþing Handknatt-
leikssambandsins í vor.