24 stundir - 28.05.2008, Blaðsíða 6

31. maí - 1.
júní
HÁTÍÐ
HAFSINS
H
2
hönnun
6 MIÐVIKUDAGUR 28. MAÍ 2008 24stundir
Lögfræðingar ríkisstjórnarinnar
vinna enn að svari til mannrétt-
indanefndar Sameinuðu þjóðanna
um fiskveiðistjórnunarkerfið.
Nefndin telur kvótakerfið brjóta í
bága við mannréttindasáttmála.
Ellefta júní rennur út fresturinn
sem íslenska ríkið hefur til að gera
grein fyrir máli sínu eða kynna
breytta stefnu. Engar upplýsingar
fást úr sjávarútvegsráðuneytinu
um hvernig verkinu miðar, en sjáv-
arútvegsnefnd Samfylkingarinnar
hefur skorað á ráðherra að bregð-
ast við áliti nefndarinnar með áætl-
un um aðgerðir. Helgi Hjörvar sem
situr í sjávarútvegsnefnd Alþingis
segir að nefndin þurfi að fjalla um
svarið áður en það verður sent SÞ.
Ráðuneytið segir áfram stefnt að
kynningu á Alþingi. bee
Enn pælt í kvótakerfinu vegna álits SÞ
Stefnt að kynningu
á Alþingi – ef næst
samkvæmt lögunum. „Mér var sagt
að það væri tilgangslaust fyrir mig
að sækja um þessar greiðslur því að
strákurinn minn félli ekki undir
sjúkdómaflokkunina sem skil-
greind er í lögunum til að foreldrar
fái þessar greiðslur. Staðan er samt
sem áður þannig að ég hef ekki get-
að unnið vegna veikinda hans. Ég
skil ekki alveg til hvers þessi lög eru
sett en það virðist alla vega ekki
vera til þess að styrkja fólk sem þarf
að annast börnin sín.“
Vil bara sinna stráknum mínum
Þórunn Eva gagnrýnir hvernig
þjónustufulltrúar Tryggingastofn-
unar hafa komið fram við hana.
„Það er eins og ég sé að fara fram á
einhvern rosalegan greiða frá þeim.
Það eina sem ég vil er hins vegar að
„Mér fannst viðmótið sem ég
fékk hjá Tryggingastofnun vægast
sagt kuldalegt. Mér var bara sagt að
ég gæti gleymt því að ég fengi þessar
greiðslur,“ segir Þórunn Eva Guð-
bjargar Thapa. Þórunn er móðir
fjögurra ára drengs, Jóns Sverris
Árnasonar sem hefur verið greind-
ur með galla í ónæmiskerfinu.
Tilgangslaust að sækja um
Þórunn Eva hefur ekki getað
stundað vinnu frá fæðingu Jóns
Sverris vegna veikinda hans. Hún
segist hafa haft samband við Trygg-
ingastofnun oftar en einu sinni frá
áramótum eftir að lögum um
greiðslur til foreldra langveikra eða
alvarlega fatlaðra barna var breytt
til að kanna hvort að hún eigi
möguleika á því að fá greiðslur
geta sinnt stráknum mínum án þess
að þurfa að fá í magann um hver
mánaðamót þegar rukkanirnar
koma inn um lúguna.“
freyr@24stundir.is
Móðir veiks drengs gagnrýnir viðmót starfsfólks Tryggingastofnunar
Kuldaleg Tryggingastofnun
Eftir Hlyn Orra Stefánsson
hlynur@24stundir.is
„Fjárhagsleg staða flestra hafna
landsins er veik og fátt bendir til
að hún muni styrkjast á næstu
árum,“ segir í niðurstöðu skýrslu
sem Hagfræðistofnun Háskóla Ís-
lands vann fyrir Siglingastofnun
Íslands.
Í skýrslunni kemur fram að af
36 höfnum í Hafnasambandi Ís-
lands eru ekki nema 3 sem
líklegar eru til að geta fjár-
magnað nauðsynlegar
framkvæmdir og við-
hald og greitt af lán-
um sínum á næstu
árum. Í samband-
inu eru helstu
hafnir landsins.
Hafnirnar eru á
ábyrgð sveitarfé-
laga. „Það er ljóst
að rekstrarafkoma
hafnanna getur
orðið svo slæm að
sveitarfélögin þurfi
að taka á sig aukn-
ar byrðar vegna
rekstrar og skuld-
bindinga,“ segir Gísli
Gíslason, formaður
Hafnasambandsins.
Árið 2006 voru hafnir
landsins samtals reknar með 170
milljóna króna tapi að því er
fram kemur í skýrslunni. Afkom-
an hafði þá snúist mjög til hins
verra, en árið 1990 var 560 millj-
óna króna hagnaður af rekstri
þeirra. 10 hafnir skiluðu hagnaði
árið 2006, en 26 voru reknar með
tapi.
Mest tap Reykjaneshafna
Mest var tapið á rekstri Reykja-
neshafna, eða tæpar 290 millj-
ónir. Hafnarfjarðarhöfn var rekin
með 150 milljóna króna tapi og
höfnin í Vestmannaeyjum með
110 milljóna króna tapi. Faxa-
flóahafnir í Reykjavík voru hins
vegar reknar með 490 milljóna
króna hagnaði og hafnir Fjarða-
byggðar með 155 milljóna króna
hagnaði, en þessar tvær hafnir
voru reknar með mestum af-
gangi.
Þá kemur fram að afkoman
hafi versnað mest á tímabilinu
hjá Reykjaneshöfnum, þar sem 11
milljóna króna hagnaður árið
1990 snerist í 290 milljóna króna
tap árið 2006. Í Hafnarfirði,
Norðurþingi og Vestmannaeyjum
hefur afkoman versnað um 100
milljónir króna eða meira og hjá
sjö höfnum þar að auki um
meira en 25 milljónir.
Tekjur af aflagjaldi ekki aukist
Á undanförnum árum hafa
rekstrargjöld allra hafna aukist og
eins rekstrartekjur aðrar en tekjur
af aflagjaldi. „Fyrir vikið hefur
kreppt verulega að þeim höfnum
sem eiga mikið undir aflagjaldi,
en í þeirra hópi eru bæði stórar
og smáar hafnir,“ segir í skýrsl-
unni.
Gísli fagnar jákvæðri afstöðu
Kristjáns Möllers samgönguráð-
herra til styrkja til að hvetja til
strandsiglinga. „Það er tvímæla-
laust til mikilla hagsbóta fyrir
hafnirnar, sem nutu á sínum tíma
tekna af strandsiglingum. Þá
þurfti að leggja út í kostnaðar-
sama aðstöðugerð vegna strand-
siglinganna, sem ekki fást inn
tekjur fyrir lengur.“
Árið 2000 hættu Samskip
strandsiglingum, en árið 2004
hætti Eimskip reglubundnum
strandsiglingum.
Harðnar í ári
hjá höfnum
 Aðeins 3 af 36 höfnum munu geta staðið undir kostnaði og af-
borgunum  Kreppt að þeim sem eiga mikið undir aflagjaldi
➤ Árið 1990 var 560 milljónakróna hagnaður af rekstri
hafna landsins.
➤ Árið 2006 var 170 milljónakróna tap af rekstrinum.
VIÐSNÚNINGUR
24stundir/Gunnlaugur Úr mínus í plús Stykkishólmshöfn er ein þeirra hafna þar sem viðsnúningur hefur orðið í rekstri.
Ríkisstjórnin hefur lagt
fyrir Alþingi tæplega 150
þingmál til að fylgja eftir
stefnuyfirlýsingu sinni.
Þetta kom fram hjá Geir
H. Haarde forsætisráð-
herra í eldhúsdags-
umræðum á Alþingi í gær.
Ráðherra segir að 80% af
þeim málefnum sem þar
eru tiltekin hafi þegar ver-
ið tekin fyrir og full-
afgreidd, eða komið í vinnslu. „Ég held því fram að á bekkjunum í
kvöld sitji ríkisstjórn brostinna vona sem ekki er starfi sínu vaxin,“
sagði Guðni Ágústsson, formaður Framsóknar. Fjármálakreppuna tel-
ur Guðni meðal annars stafa af því að ungir menn hafi óátalið slett úr
klaufum eins og feitir kálfar að vori og dreift ódýru silfri yfir þjóðina.
Formenn flokkanna voru meðal ræðumanna á eldhúsdegi, að frátöld-
um Ingibjörgu Sólrúnu Gísladóttur og Steingrími J. Sigfússyni.
Efndir eða brostnar vonir
Mál ríkissaksóknara gegn fjórum
mönnum sem kærðir eru fyrir
stórfellt fíkniefnasmygl
verður þingfest fyrir
Héraðsdómi Reykja-
víkur á morgun.
Brotið var framið
undir lok síðasta
árs og snerist um
tilraun til inn-
flutnings á
röskum 4,6
kílóum af am-
fetamíni og
nærri 600
grömmum af
kókaíni.
Fíkniefnin
fundust við leit
tollgæslu og lög-
reglu í bifreið
hraðsendingafyr-
irtækis á Keflavík-
urflugvelli, þar sem
einn hinna ákærðu starf-
aði. Hafði hann lagt á ráðin
með félögum sínum um hvernig
haga skyldi sendingu og móttöku
efnanna þannig að þau lentu ekki í klóm yf-
irvalda og gerði hann samverkamönnum sínum viðvart þegar hald var
lagt á sendinguna.
Mönnunum er öllum gefið að sök að hafa miðlað á milli sín upplýs-
ingum um hvernig hægt væri að koma í veg fyrir að sendingin yrði fyr-
ir afskiptum yfirvalda. Auk þess höfðu mennirnir samskipti við
óþekktan sendanda í Þýskalandi, sem fékk um 10.000 evrur og hálfa
milljón króna í reiðufé sem þóknun.
Kært fyrir stórfellt fíkniefnasmygl
Gömul skotfæri fundust nýverið
við göngustíg í Öskjuhlíð.
Sprengjusérfræðingar Landhelg-
isgæslunnar voru kallaðir til og
grófu þeir efnið upp og eyddu því.
Talið er að um sé að ræða stríðs-
minjar – talsvert magn riffil- og
skammbyssuskota auk fosfórblysa.
Landhelgisgæslan vill beina þeim
tilmælum til almennings að hreyfa
ekki við skotfærum eða sprengjum sem finnast, heldur hafa samband
við lögreglu eða stjórnstöð Landhelgisgæslunnar. Sama gildir ef fólk
hefur í fórum sínum gamlar sprengjur eða skotfæri, sem geta verið
mjög hættuleg. aij
Skotfæri finnast í Öskjuhlíð