Eintak - 02.08.1994, Blaðsíða 14

f
Hörður Sigurgestsson
FORSTJÓRI ElMSKIPS
var með eina milljón og 169 þúsund
krónur í mánaðartekjur 1993. Hann
bætti því við sig einum verkamanna-
launum frá 1992.
Geir Magnússon
FORSTJÓRI ESSO
var með 969 þúsund krónur í mánaðar-
tekjur 1993. Hann hækkaði um 139
þúsund krónur frá því árið áður.
Kristinn Björnsson
FORSTJÓRI SKELJUNGS
var með 926 þúsund krónur í mánaðar-
tekjur 1993.
SlNDRI SlNDRASON
FRAMKVÆMDASTJÓRI PHARMACO
var með 899 þúsund krónur í mánaðar-
tekjur 1993. Það ersvipað og árið áð-
ur.
SlGURÐUR HELGASON
FORSTJÓRl FLUGLEIÐA
var með 899 þúsund krónur í mánað-
artekjur 1993. Hann er á svipuðu reki
og í fyrra.
1 könnun eintaks á tekjum 47
stjórnenda íslenskra íyrirtækja 1993
kemur í ljós að tekjur þeirra
minnka að meðaltali um 1,3 pró-
sent á meðan tekjur launamanna á
hinum almenna vinnumarkaði
hækka um 2,5 prósent samkvæmt
tölum frá Kjararannsóknarnefnd
ríkisins. Forstjórar landsins virðast
því ætla að herða sultarólina líkt og
landslýður og jafnvel heldur meira.
Það er að vísu heldur hæpið að tala
um sultaról í þessu samhengi því
meðaltekjur þeirra 47 stjórnenda
fyrirtækja sem EINTAK kannaði
voru 789 þúsund sem jafngildir um
áttföldum launum verkamanns.
I könnun EINTAKS var stuðst við
sambærilega könnun Frjálsrar
verslunar á tekjum þeirra 1992. I
þann hóp voru valdir stjórnendur
helstu stórfyrirtækja landsins. Bæði
tölur Frjálsrar verslunar og EIN-
taks eru fengnar með því að
reikna tekjurnar út frá útsvari í
skattaskrám. Rétt er að geta þess að
þessar tölur eru aðeins vísbending
en enginn stóridómur um tekju-
þróun þessa hóps.
Það skal skýrt tekið fram að um
allar skattskyldar tekjur er að ræða í
þessum tölum. Þá eru meðtaldar
tekjur af nefndarstörfum, setu í
stjórnum, söluhagnaði eigna og
tekjur af eignum. Augljóslega er
þetta því ekki mat á hvort föst laun
manna í aðalstarfi sínu hafi hækkað
eða lækkað.
Hörður hæstur
Af þeim stjórnendum fýrirtækja
sem EINTAK kannaði var Hörður
Sigurgestsson forstjóri Eimskips
með hæstar tekjur, en hann er ein-
mitt maðurinn sem var talinn
áhrifamesti maður íslensks við-
skiptalífs í nýlegri könnun EIN-
TAKS. í all öruggri fjarlægð er
Geir Magnússon forstjóri ESSO
með 969 þúsund krónur. Hann
hefúr fetað sig hratt upp því hann
var í tólfta sæti á sambærilegum
lista í fyrra. Á hæla hans fyl^ir
Kristinn Björnsson forstjóri
Skeljungs með 936 þúsund krónur í
tekjur. Kristinn er á svipuðu reki og
í fýrra enda hafa mánaðarlaun hans
hlutfallslega lítið breyst eða „að-
eins“ lækkað um 41 þúsund. Þótt
venjulegum launamanni muni ef til
vill munað um að missa 41 þúsund
af mánaðartekjum sínum sér ekki
högg á vatni því mánaðartekjur
Kristins eru 936 þúsund krónur.
I fjórða og fimmta sæti sitja Sig-
urður Helgason forstjóri Flugleiða
og Sindri Sindrason fram-
kvæmdastjóri Pharmaco hnífjafnir.
Tekjur þeirra eru 899 þúusnd krón-
ur á mánuði.
Hörður bætir við sig
verkamannalaunum
Hörður Sigurgestsson var ekki
aðeins tekjuhæstur stjórnenda fyr-
irtækja heldur er hann líka einn
þeirra sem bætti hvað mest við sig
en mánaðartekjur hans hækkuðu
sem svarar um einum verkamanna-
launum eða rétt ríflega 78 þúsund
krónur. Höskuldur var þó á engu
flæðiskeri staddur fyrir þessa hækk-
un en hann hafði 1.091 þúsund
krónur í tekjur 1992. Eins og fram
kom hér að ofan voru tekjur hans
1993 1.169 þúsund krónur. Þetta
jafngildir 6,7 prósenta hækkun
milli ára.
Þótt Höskuldur bæti all nokkuð
við sig hefur hann þó síður en svo
vinninginn í þeim efnum. Það er
Sigurður Gísli Pálmasson stjórn-
arformaður Hagkaups sem bætir
mest við sig af þeim stjórnendum
fyrirtækja sem EINTAK kannaði.
Tekjur hans jukust um hvorki
meira né minna en 198 þúsund
krónur á mánuði milli áranna 1992
og 1993. Skýringin á því er þó að
nokkru leyti sú að hann var heldur
tekjulágur 1992 miðað við menn í
hans stöðu og virðist honum nú
takast að „rétta sinn hlut“ í þeim
efnum. Hann hafði 617 þúsund
krónur á mánuði í tekjur 1993 mið-
að við 419 þúsund 1992. Með þesssu
fetar Sigurður sig aðeins upp list-
ann en á þó langt í land í topp tíu
þrátt fyrir stærð fyrirtækis síns.
Það eru fleiri sem bæta hressilega
við sig og má til dæmis nefna þá
Geir Magnússon forstjóra ESSO
og Davíð Scheving fyrrverandi
framkvæmdarstjóra Sólar hf. sem
dæmi um það. Tekjur Geirs hækk-
uðu um 139 þúsund krónur á mán-
uði en Davíðs um 103 þúsund
krónur. Báðir feta þeir sig upp list-
ann, Geir alla leið upp í annað sæt-
ið en Davíð í það 13. Þeir höfðu ver-
ið ríflega tíu sætum neðar á sam-
bærilegum lista í fýrra.
Missir þrenn
verkamannaiaun
Þótt sumir hækki í mánaðartekj-
um eru þeir þó fleiri sem missa
miklar tekjur milli áranna 1992 og
1993. Sá sem þarf að sjá eftir mest-
um tekjum er Bogi Pálsson fram-
kvæmdastjóri P. Samúelssonar.
Tekjur hans á mánuði lækkuðu um
hvorki meira né minna en sem
svarar um þremur verkamanna-
launum eða 260 þúsund krónur.
Að sjálfsögðu hefur þetta þær af-
leiðingar að hann er mun neðar á
lista í ár en hann hefur áður verið. I
fyrra var hann meðal þeirra 10 efstu
en nú hafnar hann í 32. sæti.
Af öðrum sem misstu töluverðar
tekjur má nefna Jón Helga Guð-
mundsson forstjóra BYKO, en
tekjur hans lækkuðu um 144 þús-
und krónur á mánuði. Tekjur hans
hafa minnkað mikið ár frá ári en
hann var talinn annar tekjuhæsti
forstjórinn árið 1991, í 17. sæti 1992
en hafhar nú í 27 sæti.
Mánaðartekjur Jóns Sigurðs-
sonar forstjóra Járblendifélagsins
lækkuðu einnig töluvert eða um 134
þúsund krónur sem og tekjur Víg-
lundar Þorsteinssonar fram-
kvæmdastjóra BM-Vallá. Hans
tekjur lækkuðu um 117 þúsund
krónur.O
STÆRSTW STÖKKIN
MESTA HRAPIÐ
SlGURÐUR GíSLI PÁLMASON
STJÓRNARFORMAÐUR HAGKAUPS
Tekjur hans jukust um 198 þúsund
krónur milli áranna ‘92 og ‘93. Mánað-
artekjur hans 1993 voru 617 þúsund
en voru 419 þúsund 1992 sem var
heldurlítið í samanburði við stjórnend-
ur fyrirtækja af svipaðri stærðargráðu.
Davíð Scheving Thorsteinsson
FYRRVERANDI FRAMKVÆMDASTJÓRI
SÓLAR HF.
var með 818 þúsund í mánaðartekjur
1993. Það er 102 þúsund króna hærri
tekjur en árið áður, þá var hann með
716 þúsund krónur.
Bogi Pálsson framkvæmdastjóri
P. Samúelssonar
Tekjur hans lækkuðu um 260 þúsund
milli áranna ‘92 og ‘93. Nú hefur hann
592 þúsund krónur í mánaðartekjur en
hafði áður 852 þúsund.
Jón Helgi Guðmundsson
FORSTJÓRA BYKO
Tekjur hans lækkuðu um 144 þúsund
milli áranna ‘93 og ‘92. Hann var talinn
til annars tekjuhæsta stjórnanda fyrir-
tækis 1991 þannig að hann færist hratt
niðurá við. Mánaðartekjur hans 1993
voru 642 þúsund í samanburði við 786
þúsund 1992.
14
ÞRIÐJUDAGUR 2. ÁGÚST 1994
f