Morgunblaðið - 11.02.2005, Blaðsíða 4

FÓLK

RÚNAR Sigtryggsson og læri-
sveinar hans hjá þýska handknatt-
leiksliðinu Eisenach unnu Friesen-
heim, 26:25, á útivelli í suður hluta 2.
deildar í fyrrakvöld. Þar með er
Eisenach komið upp í 5. sæti deild-
arinnar með 24 stig að loknum 20
leikjum. Friesenheim er í fjórða sæti
tveimur stigum á undan. Einar Logi
Friðjónsson lék ekki með Friesen-
heim í leiknum þar sem hann hefur
ekki jafnað sig eftir að hafa brotið
þumalfingur í síðasta mánuði.

EINAR Örn Jónsson skoraði ekki
fyrir Wallau Massenheim þegar liðið
vann Köndringen/Teningen, 45:23, í
16 liða úrslitum þýsku bikarkeppn-
innar í handknattleik í fyrrakvöld.

ÁSTRALÍUMAÐURINN Steven
Bowditch fékk alls tíu fugla á fyrsta
keppnisdegi á Holden-golfmótinu
sem fram fer á Harbour-vellinum í
Auckland á Nýja-Sjálandi en mótið
er hluti af Evrópumótaröðinni. Bow-
ditch er samtals á átta undir pari eftir
hringinn, þar sem hann notaði 64
högg, en hann fékk tvo skolla, og sex
pör á hringnum. En mótinu lýkur á
sunnudaginn.

BOWDITCH er aðeins 21 árs og var
einu höggi betri en sænska þríeykið
Niclas Fasth, Chris Hanell og Joakim
Häggman, Skotinn Alastair Forsyth
og Ástralinn Simon Nash.

ANTAWN Jamison skoraði 35 stig
og þar af 14 í síðasta leikhluta er
Washington sigraði San Antonio
Spurs í NBA-deildinni aðfaranótt
fimmtudags, 95:87. Gilbert Arenas
skoraði 24 stig fyrir Washington en
þeir félagar voru valdir í Stjörnulið
NBA-deildarinnar í fyrsta sinn í vik-
unni. Tim Duncan lék ekki með Spurs
en hann sneri sig á ökkla á æfingu á
mánudaginn en verður ekki lengi frá
en Spurs er með besta vinningshlut-
fallið í NBA-deildinni.

SÆNSKI landsliðsmaðurinn And-
ers Svensson hefur ákveðið að semja
við Elfsborg í heimalandi sínu á ný en
hinn 28 ára gamli miðjumaður er
samningsbundinn Southampton í
ensku úrvalsdeildinni fram á sumar.
Svensson hefur verið lykilmaður í
sænska landsliðinu undanfarin ár og
telur að framtíð hans sé betur borgið í
Elfsborg þar sem hann fái að njóta sín
sem framliggjandi miðjumaður.

FYRIRTÆKI og einstaklingar í
bænum Borås hafa gert samkomulag
við félagið að taka þátt í þeim kostn-
aði sem fylgir því að fá Svensson á
heimaslóðir á ný en mörg félög á meg-
inlandi Evrópu og í ensku úrvals-
deildinni höfðu sýnt áhuga á að semja
við Svensson.

SÆNSKI landsliðsframherjinn
Marcus Allbäck er ekki sáttur við
Patrick Vieira eftir vináttulandsleik
liðana á miðvikudaginn en Allbäck
segir að franski landsliðsmaðurinn og
leikmaður Arsenal hafi gefið sér vilj-
andi olnbogaskot í leiknum. Allbäck
var á dögunum úrskurðaður í fjög-
urra leikja bann í þýsku deildinni
vegna olnbogaskots. „Ef ég á skilið að
fá 4 leiki í bann fyrir það sem ég gerði
þá á Vieira að fá 10 leikja bann,“ sagði
Allbäck við Aftonbladet eftir leikinn í
París sem lauk með jafntefli 1:1.

EINN þekktasti körfuknattleiks-
maður sögunnar, Michael Jordan,
segir í viðtali við bandaríska dagblað-
ið USA Today að hann hafi áhuga á
því að eiga meirihluta í NBA-liði en
hann ætli sér að bíða eftir rétta tæki-
færinu. Jordan átti hlut í Washington
Wizards en seldi hlut sinn er hann hóf
að leika á ný með liðinu. Hann hefur
lítil afskipti af körfuknattleik þessa
dagana og nýtur lífsins með fjöl-
skyldu sinni auk þess sem hann leikur
golf eins oft og hann getur.

LOGI Gunnarsson lék í tæpar 5
mínútur með Giessen 46’ers í þýsku
úrvalsdeildinni um sl. helgi er liðið
vann Trier 84:74. Logi skoraði ekki
stig á þeim tíma.
JÓNATAN Magnússon, fyrirliði
KA, skoðar á næstunni aðstæður
hjá þýska handknattleiksliðinu
TSG Ossweil með möguleika á
samningi á næsta vetri í huga.
„Ég reikna með að vera úti um
aðra helgi við æfingar,“ sagði Jón-
atan í samtali við Morgunblaðið í
gær. „Það hefur ekkert verið rætt
um samning ennþá, aðeins að ég
komi út til æfinga. Því er hins
vegar ekki að leyna að ég er
spenntur fyrir þessu og ég finn
einnig fyrir miklum áhuga hjá for-
ráðamönnum Ossweil. Síðan verð-
ur að koma í ljós til hvaða nið-
urstöðu þetta leiðir,“ sagði
Jónatan sem lék með KA gegn
Ossweil á æfingamóti í Þýskalandi
í fyrra sumar. Í þeim leik skoraði
Jónatan 14 mörk en hann segir
það ekki vera meginástæðu þess
að félagið hafi haft samband við
sig. „Fyrst og fremst er Ossweil
að leita að sterkum varnarmanni.“
Ossweil er með bækistöðvar í
Ludwigsburg sem er skammt frá
Stuttgart. Óskar Ármannsson,
fyrrverandi leikmaður Hauka og
núverandi þjálfari kvennaliðs Vík-
ings, lék með Ossweil fyrir nokkr-
um árum. Liðinu hefur ekki vegna
sem best í suðurhluta 2. deildar í
vetur og er nú í 15. sæti af 18 lið-
um. Mikið hefur verið um meiðsli í
herbúðum þess. Á síðustu leiktíð
mátti litlu muna að Ossweil tækist
að vinna sér sæti í efstu deild.
Jónatan æfir
með Ossweil
Fyrir leikinn voru Valsarar álitn-ir sigurstranglegri, því þeir
leiddu mótið fyrir umferðina og
höfðu sett stefnuna
á deildarmeistara-
titilinn. Heimamenn
þurftu hins vegar
að stokka sitt lið
töluvert upp vegna meiðsla og
munaði þar mest um Árna Þór Sig-
tryggsson, sem borið hefur sókn-
arleik liðsins uppi. Árni kom þó inn
á um stund í seinni hálfleik, með
veglega andlitsgrímu, og skoraði
tvö mikilvæg mörk á nokkrum
mínútum. Að öðru leyti var horna-
maðurinn Goran Gusic munstraður
í skyttuhlutverkið og skilaði því
með prýði. Stjarna leiksins var þó
leikstjórnandinn ungi, Sindri Har-
aldsson, sem fór hreinlega á kost-
um og gerði 10 mörk í öllum regn-
bogans litum. Valsarar voru ekki
sjálfum sér líkir í leiknum; þeir
voru ekki nógu aggressífir gegn
brothættum sóknarleik heima-
manna og sóknarleikurinn var
löngum stundum hörmulegur, sér-
staklega í seinni hálfleik. Sigurður
Eggertsson sýndi þó góða takta í
fyrri hálfleik og Heimir Örn Árna-
son var drjúgur, þótt lítið bæri á
honum lengst af.
Þórsarar byrjuðu betur og skor-
uðu þrjú fyrstu mörkin. Mareks
Skabeikis lokaði markinu í upphafi
en Valsmenn náðu síðan að saxa á
forskotið. Um fimmtán mínútna
skeið varði Mareks ekki skot og
seinni hluta hálfleiksins var Valur
með yfirhöndina. Meðal annars
varði Pálmar víti þegar Valur var
tveimur færri og þeir náðu síðan
að skora í kjölfarið. Munurinn varð
þó aldrei meiri en tvö mörk, Val í
vil, og Þórsarar náðu síðan að
jafna metin í 15:15, þremur sek-
úndum fyrir leikhlé, með tveimur
mörkum á hálfri mínútu. Valsarar
tóku leikhlé og sýndu síðan fram á
það að þrjár sekúndur duga alveg
til að skora mark, þótt byrjað sé á
miðju.
Valur hóf seinni hálfleikinn af
krafti, einum færri, og náði þriggja
marka forskoti með tveimur fyrstu
mörkum hálfleiksins. Eftir sjö mín-
útna leik höfðu Valsarar tveggja
marka forskot, 19:17, og þá kom
kaflinn sem gerði útslagið í leikn-
um. Mareks skellti í lás í Þórs-
markinu og gestirnir skoruðu ekki
mark í ellefu mínútur. Sóknarleik-
ur Þórsara var löngum fálmkennd-
ur og töluvert um hnoð en afar
skynsamlega leikinn. Á þessum
kafla skoraði Þór sex mörk, þar af
Árni Þór sín tvö, og skyndilega
voru Þórsarar komnir með 23:19
forystu. Valsmenn tóku leikhlé og
tókst síðan að minnka muninn í
eitt mark. En Þórsarar voru klók-
ari á endasprettinum, gerðu fimm
mörk á síðustu fimm mínútunum
gegn tveimur Valsara, og unnu
öruggan sigur.
Óskar Bjarni Óskarsson, þjálfari
Vals, var skiljanlega ekki sáttur
við frammistöðu sinna manna eftir
leikinn. „Þetta datt ekki okkar
megin, við gerðum fullt af tækni-
feilum í sókninni og skoruðum ekki
nema 10 mörk í seinni hálfleik en
16 í fyrri. Þórsarar voru mjög
skynsamir, tóku eins langar sóknir
og dómararnir leyfðu og voru oft
heppnir með fráköst og annað. Við
settum stefnuna á deildarmeistara-
titilinn en það er alveg ljóst að við
verðum ekki meistarar svona. Við
eigum erfiðan leik gegn Haukum
næst og þá þýðir ekki að spila
svona,“ sagði Óskar Bjarni.
Axel Stefánsson, þjálfari Þórs,
var hins vegar fyllilega sáttur.
„Við þurftum að púsla saman lið-
inu, vegna meiðsla og veikinda,
vorum með tvo 3. flokks stráka og
einn úr 4. flokki. Þessir strákar, og
aðrir sem hafa spilað lítið í vetur,
öxluðu mikla ábyrgð og spiluðu
með Þórshjartanu. Mér fannst við
hafa meiri vilja í þessum leik en
þeir, vorum hungraðri og mikil
leikgleði í liðinu. En mér finnst
Valur hins vegar vera með eitt
besta liðið og þeir verða í toppbar-
áttunni. En við sýndum skynsemi
og strákarnir stóðu sig frábær-
lega,“ sagði Axel Stefánsson.
Þórsarar skelltu Val
BARÁTTAN í úrvalsdeild karla,
DHL-deildinni, í handknattleik
harðnaði enn þegar Þórsarar
unnu fremur óvæntan sigur á
Valsmönnum í síðasta leik
fyrstu umferðar á Akureyri í
gærkvöld, 30:26. Heimamenn
komust þar með upp að hlið
Eyjamanna í hinu mikilvæga
sjötta sæti en Valsmönnum mis-
tókst að endurheimta topp-
sætið sem þeir vermdu fyrir um-
ferðina. Leikur liðanna í
gærkvöld var jafn og spennandi
allan tímann og lengst af mun-
aði ekki nema 1–2 mörkum á lið-
unum. Þótt hvorugt liðið léki vel
voru Þórsarar skynsamari þeg-
ar mest á reið og unnu nokkuð
öruggan og sanngjarnan sigur.
Morgunblaðið/Kristján
Sindri Haraldsson lék vel með Þór gegn Val í gærkvöld og skor-
ar hér eitt af 10 mörkum sínum í leiknum. Á litlu myndinni er
Árni Sigtryggsson, skyttan öfluga úr Þór, sem lék með andlits-
grímu vegna nefbrots og spilaði aðeins í nokkrar mínútur.
Valur
Sæmundsson
skrifar