Morgunblaðið - 26.08.2005, Blaðsíða 11

MORGUNBLAÐIÐ FÖSTUDAGUR 26. ÁGÚST 2005 B 11
bílar
GAZELLE er nafn á atvinnubílum
frá Rússlandi sem bílasalan Hraun í
Hafnarfirði hefur fengið umboð fyrir.
Í Gazelle-línunni eru pallbílar með
einföldu eða tvöföldu húsi og með eða
án sturtu, sendibílar eða 7–14 manna
smárútur. Má segja að þeir séu dæmi-
gerðir verktakabílar.
Árið 1992 var stofnað í Rússlandi
einkafyrirtæki á grunni hinna gam-
algrónu verksmiðja sem framleiddu
GAZ 69 eða gömlu rússajeppana og
fleiri bíla og því stendur fyrirtækið á
gömlum merg og býr yfir talsvert
mikilli reynslu á sínu sviði. Gazelle er
þegar kominn á blað í nokkrum ná-
grannalöndum, m.a. Noregi, Finn-
landi og Þýskalandi, svo og Tékklandi
og Póllandi, svo dæmi séu tekin.
Langur undirbúningur
Rafn Guðjónsson, sem stýrir dag-
legum störfum á Hrauni, segir að
undirbúningur að innflutningi bílanna
hafi staðið yfir síðustu vikur og mán-
uði. Nú sé sala og kynning að hefjast.
Bílana fær hann frá aðalbirgðastöð
fyrirtækisins í Tékklandi en aðal-
stöðvar sölu í Evrópulöndum eru í
Þýskalandi.
Gazelle verða boðnir hérlendis sem
aldrifsbílar og er það sítengt. Þeir eru
með háu og lágu drifi og hægt er að
læsa millikassa. Vélin er frá Perkins,
svonefnd Andoria, og er 2,4 lítrar,
fjórir strokkar og 90 hestöfl. Síðar
verður fáanleg 2,2 lítra díselvél frá
Steyr og verður hún 110 hestöfl. Gír-
kassi er fimm gíra og handskiptur.
Eins og fyrr segir er Gazelle eink-
um hugsaður sem atvinnutæki og get-
ur Hraun boðið bílinn í allmörgum út-
færslum eftir því hvers konar
verkefni bílnum eru ætluð. Þannig
getur hann verið pallbíll með tveggja
eða þriggja manna einföldu húsi, með
tvöföldu húsi sem getur þá verið allt
að sjö manna, hefðbundinn sendibíll
eða smárúta þegar fram í sækir.
Burðargetan er tvö tonn. Þá verður
unnt að útbúa hann með krana sem
kæmi þá á hefðbundinn stað milli
húss og palls og þannig má hiklaust
telja bílinn fjölhæfan í hvers kyns
verktöku. Segir Rafn að bíll sem þessi
henti litlum verktökum og t.d. bæj-
arfélögum og hafa þegar tvö bæjar-
félög lýst áhuga á kaupum.
Sem atvinnutæki er bíllinn búinn
öllu því nauðsynlegasta en þægindum
er haldið í lágmarki. Þannig er hann
hvorki með samlæsingum né hliðar-
speglum sem stillanlegir eru inn-
anfrá. Bíllinn er búinn blaðfjöðrum
bæði að framan og aftan en segja má
að hann sé merkilega mjúkur þrátt
fyrir það. Þá er ástæða til að nefna að
útsýni er gott úr bílnum og finnst öku-
manni hann hafa sérlega góða yfirsýn
við aksturinn.
Í viðbragði er Gazelle sagður ná 60
km hraða á 14 sekúndum og er hann
því ekki beint snaggaralegur. Há-
markshraði er 115 km á klst. en það
sem helst verður tekið eftir við vélina
er að hún er nokkuð hávær. Hugs-
anlega má laga það nokkuð með meiri
klæðningu og einangrun.
Gott verð
Sem dæmi um verð má nefna að 7
manna sendibíllinn kostar 2.650.000
með virðisaukaskatti og pallbíll með
tvöföldu húsi kostar 2.450.000 með
vsk. Sé hann tekinn með sturtu og ál-
palli er verðið 2.790.000 kr.
Þetta er hikstalaust gott verð fyrir
vinnubíl með aldrifi og þokkalega
burðargetu í margs konar smáverk.
Verðið er síðan enn lægra án vsk. fyr-
ir verktaka og þá sem það á við. Verð-
ur hann áreiðanlega skæður keppi-
nautur vegna verðsins. Hins vegar er
hann ódýr meðal annars vegna þess
að ekki er verið að elta ólar við þæg-
indabúnað og því verður stundum að
hafa örlítið meira fyrir akstri og með-
höndlun bílsins. Það skilar sér í þessu
lægra verði og hlýtur að teljast mikill
kostur.
Hraun hefur samið við bifreiða-
verkstæðið Rótor í Hafnarfirði um að
annast þjónustu við Gazelle en Hraun
verður með varahlutasölu.
Hraun flytur
inn Gazelle frá
Rússlandi
Morgunblaðið/Halldór Kolbeins
Bílasalan Hraun í Hafnarfirði býður Gazelle vinnubíla í nokkrum gerðum.
Aðstaða ökumanns er ágæt en ekki er verið að elta ólar við óþarfa pjátur.
Í tvöfalda húsinu smeygja menn sér aftur í með því að renna framsætinu til í
átt að ökumannsstólnum og virðist það ágætlega hentugt fyrirkomulag.
joto@mbl.is
KIA hyggst auka verulega við sölunet
sitt í Evrópu til að mæta mjög aukinni
sölu í álfunni. Hefur þegar verið bætt
við um 160 sölustöðum það sem af er
árinu og eru þeir þá alls orðnir tæp-
lega tvö þúsund.
Talsmenn Kia segja marga hafa
áhuga á að selja bíla frá fyrirtækinu
og því hafi ekki verið vandamál að fá
fleiri söluaðila til þessa og fleiri séu í
sigtinu fyrir næstu misseri. Kia hefur
aukið söluna nánast hvar sem er í
Evrópu en á fyrri helmingi ársins var
söluaukningin um 41%.
Fyrirtækið áætlar að selja í ár 336
þúsund bíla í álfunni að sögn Kyung-
Soo Lee, forstjóra Kia í Evrópu og lét
hann þau orð falla þegar Kia Rio var
kynntur blaðamönnum í Frakklandi á
dögunum. Hann sagði einnig að til að
fylgja eftir góðri stöðu í Evrópu hefði
verið ákveðið í samvinnu við Hyundai
að styðja heimsmeistarakeppnina í
knattspyrnu í sjö ár frá og með árinu
2007. Hann sagði að frá því Kia hóf
að flytja út bíla árið 1990 hefði Evr-
ópu verið gefinn sérstakur gaumur og
svo yrði enn. Ekki síst væri hinum
nýja Kia Rio ætlað að koma til móts
við óskir og þarfir Evrópubúa.
Færa út kví-
arnar í Evrópu
CITROËN kynnir á bílasýningunni í
Frankfurt í næsta mánuði hug-
myndabílinn CSport Lounge. Er það
sérlega straumlínulagaður bíll, hann-
aður fyrir hraðakstur og er innrétt-
ingin líkari flugstjórnarklefa en bíl.
Samkvæmt upplýsingum framleið-
andans er þessum bíl ætlað að geta
sýnt af sér sérlega góða aksturseig-
inleika, þægindi og gæði út í gegn.
Bíllinn er breiðleitur og mikill enda
sporvíddin mikil og hann á að geta
rúmað fjóra með góðu móti. Auk þess
að gera bílinn sérlega straumlínulag-
aðan og ávalan á alla lund er það ætl-
un framleiðanda að ökumaður og far-
þegar fái það á tilfinninguna að allt
innanstokks sé líkara umhverfi flug-
vélar en bíls. Er það líklega til að und-
irstrika hraðbrautarnotkun sportbíls
sem þessa.
Nýr hugmynda-
bíll Citroën
VW GOLF ÁRG. '95
Ek. 160 þús. km. Golf, ekinn 160 þús.,
skoðaður '06. Verð 210 þús. Upplýsingar
í síma 864 4410.
TOYOTA COROLLA H/B 1600
Ekinn 60.000 km. Reyklaus. Vindskeið,
aurhlífar, skottmotta. Ásett verð 650.000.
Uppl. í símum 860 4452 og 564 4452.
TOYOTA COROLLA
árg. '98, toppbíll Rauð Toyota Corolla S/D
1600,5 dyra, nýskr. 11/1998, ek. 111 þ. km.
sjálfsk. ný heilsársdekk, nýtt púst, reyk-
laus, 2 eig. Verð 550 þús. S. 867 0647 og
552 2003.
Jeppar
RANGE ROVER 4.6, ÁRGERÐ 2000
Ekinn 140 þús. km. Dökkblár. Gullfallegur
með öllu. Verð 450 þús. út og yfirtaka á
bílaláni. Til sölu og sýnis hjá Bílasölu
Reykjavíkur. Uppl. í síma 867 4418.
FORD ESCAPE 03/05
Skrd. 17.03.05. V6, 3000CC, ek. 9 þús. km,
leðursæti og topplúga, 6xCD, dökkar
rúður, ssk. o.m.fl. Óaðfinnanlegt eintak.
Ath. verð aðeins 2.790 þús. stgr.
Sími 821 2066.
Bílar óskast
SUZUKI VITARA 1996
Ek. 105 þ. km. Hvítur, 5 dyra, 5 gíra. Upph.
31" dekk. Verð 550-600 þ. Sími 691 0825.
Fornbílar
1974 FORD CAPRI GT
Nýuppgerður og gullfallegur, eini sinnar
tegundar á landinu. 2.8 V6 vél, ekin 118
þús. Vel sprækur. Uppl. í síma 693 4684
eða www.74capri.tk. Ásett verð 700 þús.
Skoða öll tilboð, engin skipti. Maggi.
Vörubílar
Vagnasmiðjan ehf. auglýsir:
Verktakar, vagna- og vörubílaeigendur!

Vagnasmiðjan býður til afgreiðslu nú þegar, eða með skömmum
fyrirvara, U-laga eða kantaðar malarskúffur úr Hardox 450 stáli
(sjá mynd). Einnig U-laga skúffur á 4ra öxla bíla.

Passa á flesta eldri vagna, m.a. frá Vélsm. Sigurðar, Sindra,
Langendorf og fleirum.

Eigum á lager nýjan Íslands-malarvagn, árgerð 2005,
(sjá mynd).

Smíðum palla á alla vörubíla.

Setjum á krana.

Skiptum um skúffur og palla.

Gerum við malarskúffur og palla.

Nánari upplýsingar veitir:
Vagnasmiðjan ehf., Eldshöfða 21, Rvík, s. 587 2200 og 894 6000.Ýmislegt
SAFNARABÍLAR Í MIKLU ÚRVALI
Vorum að fá nýja sendingu.
Stærðir: 1/18-1/43.
Safnarinn við Ráðhúsið,
Tjarnargötu 10, 101 Reykjavík,
sími 561 4460.
Bílasmáauglýsingar 569 1100
GULLMOLI Landcruiser 7/9 2001, bensín
VX, leður og rafm. í öllu, ek. 74 þús., af-
mælistýpan, vetrardekk á felgum, þjón-
ustubók, einn eigandi. Bíll nánast eins
og nýr. Verð 2,890 þús. Sími 862 8128.
Bílasmáauglýsingar
með mynd
995 kr.bílar